寧舍為食的個人專頁

自幾年前一嘗Pink Rose Cake後，對Tony Wong的甜品總抱著一種迷思。他的甜品美得就像藝術品。今年家人預備了另一款生日蛋糕，Mango Napoleon (Flower)，十分驚喜 芒果砌成的三朵小花在花海中綻放，blueberries 及 raspberries在一片金黃色寧舍突出，加上金箔，更顯貴氣。生日牌亦寫得十分工整漂亮味道方面卻相比遜色，puff pastry 略嫌不夠鬆脆及牛油香... 看見custard cream中加了香草籽, 所以挺香濃，但custard cream的比例若能少一些，食落就會無咁溜~整體評分: 8.5 (Presentation:10 Taste: 7) …查看更多

星期日三點三，用左3分鐘排隊購票。將手寫票遞上，手起刀落，一瞬間烤好的麵包已被切開，兩邊麵包皆塗上了淡奶白色的沙律醬，再夾上充滿油光的腸仔，入袋。整個製作過程不需10秒，熱騰騰的熱狗已在我手中！自中學畢業後好久沒吃了，感覺有點雀躍。比起記憶中的熱狗，手中的實物好像瘦削了不少。但作為下午茶的份量剛好~新鮮熱食當然最好吃，急不及待的我不顧儀態，站在馬路一旁直接啃掉了整個熱狗。中途看到沙律醬多到咇左出黎，當然忍不著替它拍個靚照。又熱又鬆軟的熱狗，又甜又獨特的沙律醬，加上中學美好快樂的回憶，相信沒有其他麵包店能取代您在我心中的位置。…查看更多

之前食過蛋包飯唔錯，一心想去encore。但兩個唔理性兼肚餓的女人就決定咁樣解決尼條生活數學題～唔知你又會點計尼條數呢？兩個人坐底見一個飯單點$99，如果叫set(加湯同飲品)就另加$28，加埋一，差唔多承惠$140。 想一想，倒不如叫個鱈場蟹二人套餐，加埋一除返開每人$180。加多$40，望落好似豐盛好多，一於咁話 前提係兩個人個胃要有返咁上下, 先可以KO咁多野 lol鱈場蟹2人套餐 $328 （加埋一：$361）餐湯： 羅宋湯＋蒜蓉包一片 (評分:3.5/5)蒜蓉包應該唔係好新鮮，焗完又焗，硬身而非脆口。小食拼盤 ：雞翼，八爪魚串燒，炸餃子，薯角 (評分:4/5)賣相及味道不錯。雞翼及八爪魚燒得剛好。主菜四選一： Choice A 雞肉菠菜汁意粉 (評分:4/5)驚--->喜!第一眼我真係嚇親，成碟青BB, 第一眼望落仲綠過avengers既hulk。但食落又幾好香，意粉夾集著香菇跟原條菠菜，增添了口感。菠菜汁份量岩岩好，唔會太多，食到好肥膩，又唔會太少，食到個嘴乾憎憎。鱈場蟹米比薩 (評分: 2/5)望落幾正呀，不過食落就好失望!其他配角都比尼個主角好味。蟹柳同蟹鉗啖啖肉係正，但奈何個pizza底真係接受唔到。口感唔脆，咬落好似隔夜飯，而且一夾就散，我懷疑自己叫左個蟹肉飯而非米比薩  而且無乜醬汁，樂觀的睇，都可以話係食返佢本身既蟹肉味既...飲品 / 冰管待應話冰管係果汁soda。通常我試新野都會中伏，保守派既我都係叫返杯凍檸茶算數 xD甜品：甘味盛合 （3款mini dessert）1. 焦糖燉蛋 (評分:3/5) 2. 士多啤梨雪糕+沙刨冰 (評分:2/5) 3. 朱古力慕思 (評分:3.5 /5)焦糖燉蛋屬正常。我一向唔鍾意人工造既士多啤梨醬，純屬個人喜好問題。我認為朱古力慕思係三樣之中最好味的，有濃濃的朱古力味道。附送禮品：457ml Häagen-Dazs 雪糕二人套餐送雪糕。又食又拎，原本米比薩帶來的失望感好似又無咁嚴重，心理好似平衡返啲~ 結語： 味道真係中規中矩，尼個價錢可以做得更好。環境不錯。待應不時自動為我們添水，而且會就著我們進食的速度上菜，十分體貼。…查看更多

做完運動特別肚餓，不願再移動的我跟男友隨意於荃灣西約體育館附近找了間茶餐廳進食。愛辣的我點了個豬扒豆腐喇沙湯米線。於港式茶餐廳點喇沙當然不及星馬菜館的正宗。但$37這個價錢能有此質素我已經十分滿足。最重要的是豬扒大大塊，而且軟冧冧。 最怕就係遇上咬唔斷又乾憎憎既豬扒 xd 圖中可見豬扒仲係剪埋一條條，方便客人食用，岩哂我尼啲懶人。男朋友點的豬扒腸仔飯中規中矩。岩哂以食肉獸冠名既佢 xD服務方面，始終係茶餐廳，顧客多，樓面忙到無停手，要俾多啲包容。Hong Kong style 既速食文化，你懂的 :)…查看更多

作為抺茶迷，必定時刻留意著抺茶風的新動向。今次來到御前上茶:)可能是新店開張，服務員只見兩名，反而食客頗多，我們8:30pm入座還未需等候，但很快便客滿。雖然有點應接不暇，但服務員態度良好，很有耐性地向客人解釋meun上某些食品及飲料還未能正式供應。 建議未有的食品可於meun貼上標簽，方便客人點菜時，亦可減輕員工工作量。談氣氛，本人挺喜歡其裝潢風格及食品的presentation。以木碟奉上食品確能給予客人一種休閒、平靜的感覺。談味道，本人認為抺茶雪糕比較甜，茶味較淡，奶味亦未算特出。至於waffle，份量十足，但較為硬身，亦未能食出濃郁的蛋味。  可能我對這個招牌甜品期望太大，有點失望。相反，焙茶聖代給我意想不到的驚喜! 每一層的食材都是高質的，最佳食法當然是貪心地將每一層的食材都滿滿的放進口內，成為充滿層次感的一大口。焙茶雪糕輕微的苦澀茶味被甜甜的紅豆中和。同時能享受玄米脆脆增添的口感，滑滑的布甸，還有爽涼的抺茶蒟蒻。 好味道~從這次經驗，我得出了一條公式: 焙茶雪糕 > 抺茶雪糕 &  聖代 > waffle…查看更多

跟好友share一個set lunch的好處就是樣樣皆能一試，又不怕份量過多。就好似食出奇蛋一樣，一次過滿足哂我三個願望：今次就係食盡韓冰的鹹點、甜點及飲料。 約十二時便到達，小貓三四隻，心感奇怪，還準備了要排隊。原來店員話部製冰機未準備好，著我們先到處逛逛。友人見我們不只吃雪花冰，便主動詢問能否先上其他食品。店員感覺上不太好客，但總算願意為我們安排。 :S最先登場的是柚子沙冰，夏天總愛喝點酸酸的飲料，比較解渴。 再來的便是炸餃子及芝士炒年糕。最吸睛的當然是鋪在年糕上面的那一大片半溶芝士，而炸紫菜卷則有襯托的作用。攪拌一番後便尋獲年糕、魚糕及麵。年糕比其他地方例如school food的較易咬斷。喜歡煙韌年糕的友人則嫌它不夠有咬口。而炸餃子和紫菜卷的主要材料是粉絲；本人覺得以上炸物的粉比較厚及乾。 期待已久的雪花冰終於出場！小心翼翼的取下一小匙豆粉及雪花冰。這一口冰已俘虜了我的甜品胃 。幼細的雪花冰遠比中學時期與起的綿花冰好食。溶化於舌頭上的雪花冰是重重的牛奶味及黃豆香而絕非淡淡的糖水。 而且雪花冰十分足料，不用怕吃了外層的黃豆粉，就只淨下單調的雪花冰。因為小冰丘內裡還有不少黃豆粉及almond。若雪花冰能配以多些糯米糍的話，我肯定忍不住要一個人吃下一整碗～…查看更多

以前放學後總慣跟好友流連於學校操場，嘻嘻哈哈又過一天。畢業後間中能與中同相聚，吃頓飯已是十分幸福之事。一班姊妹淘難得一聚，當然要盡興，相約到心燒食堂。 早一天已預先訂枱。四人入座時被安排到餐廳的一隅，遠離其他客人，更能暢所欲言。女孩子點菜總是心大心細，樣樣皆希望品嘗，最後點了好多。其中印象較深的包括： 海膽胡麻豆腐沙律 － 清新的沙律不但開胃，還能減去瘋狂吃串燒的罪疚感。瞬間消除油膩和熱氣的感覺，這樣可以令大家的戰鬥力進一步提昇，多吃幾串荔枝mocktail － 店員一聽到我們要點此mocktail，立刻說是good choice，或許是他的認同令我覺得這杯飲料特別fresh 姊妹點的其他mocktail及smoothie都十分精緻及吸引。牛脷芯 － 厚厚的牛脷慢慢溶化，口腔濔漫著濃濃的牛味，一流！切忌遺忘碟邊的青檸，有畫龍點精的效果。 燒菠蘿 － 輕燒過後，令菠蘿的糖份更濃縮。令本身不太愛酸甜的我亦忍不住誘惑。不妨一試～ 總的來說，食物、服務及環境都不錯。是個適合與朋友相聚的好地方。…查看更多