sammiwulokyee's Profile

星期六去左工廈shopping, 順便去左入面嘅餐廳。餐廳主打西式食物。餐牌選擇都幾多。二人行，叫左午餐-香煎盲鰽魚柳伴意大利茄醬燴菜及薯仔沙律（$98）午餐加$30可加配豪華定食（餐湯/兩款小食/甜品）。同埋Chill I all day breakfast（$98）。價錢定價好okay。 估唔到食物嘅presentation都非常之靚，仲好好味添。❤️香煎盲鰽魚柳伴意大利茄醬燴菜及薯仔沙律首先要講嘅係擺碟非常之靚，食物嘅配搭都好colorful。 味道方面，魚柳好厚身，冇雪味，調味剛好。配菜蕃茄好新鮮。薯仔沙律好好味，好快就食曬🤣❤️小食蟹柳沙律＋炸豆腐小食嘅食材簡單，但食落好高質。蟹柳整到好似蟹肉甘，炸豆腐表面炸得酥脆惹味！❤️甜品有cheese cake。cheesecake唔會整得太漏。入囗香滑，面頭仲有啲士多啤梨醬，令到味道更加豐富❤️Chill I all day breakfast $98好抵食，有超多食物，包括： 煙三文魚他他/ 焗澳洲番茄/ 大啡菇/香辣腸/煙肉/薯餅/多士/沙律菜/風乾火腿/煎蛋。每樣食物都好高質好食。例如多士烘到脆口，面頭有少少橄欖油，好好食！加埋creamy嘅滑蛋/新鮮嘅沙律菜/煎至香脆嘅煙肉，真係好正！大蕃茄切片，食落好juicy。唔鐘意食香腸嘅我覺得呢隻香腸都幾好食。…Read More

一間性價比好高嘅火鍋店。佢有定量午餐，亦有任食套餐。一場嚟到，緊係食任食套餐，試多啲野啦。我哋2人行，叫左美國特級肉眼餐。168一位湯底嚟講，佢有多款足料湯底。我地叫左清甜椰子雞煲＋ 禦寒胡椒豬肚鍋（＋48蚊）湯底好足料，一鍋可以睇到有晒椰子/雞/紅棗；豬肚/惹味胡椒。雞湯清甜滋潤，係女士恩物；胡椒豬肚非常惹味，辣辣地，非常暖身。上菜速度快，冇漏單。食肉獸一定要試下個美國特級肩甲肉眼。我覺得肉味同油脂味都剛好，肉質嫩滑。每樣食物都有幾種選擇，最驚喜係連麵都有幾種，伊麵菠菜麵，仲有出前一丁（超加分）！😂😂我仲鐘意佢環境寛敞，周圍感覺上都keep得好乾淨整齊，唔會話周圍地下痴lublub。醬油區都好乾淨，好多選擇。整體嚟講，舖頭食物質素選擇同一啲細節位都幾好，可以encore…Read More

溫泉蛋野菜牛肉蕃茄湯烏冬 $58份量好多，烏冬係彈牙嘅日本稻庭烏冬，蕃茄湯惹味。原來另上嘅野菜牛肉更加惹味， 以燒汁 打芡嘅野菜牛肉 好惹味。 整體嚟講，性價比超高。韓風石板炒野菜$78鐵板上，超有鑊氣，好大碟菜，有椰菜，翠玉瓜，小玉米，蘿蔔絲，菇，等等。全部切片切絲。加左燒汁煎香。 顛覆咗我對韓國野嘅印象，唔係只得泡菜食。幾好食。菜控必點。芝士海鮮菜餅$88一個用蛋漿煎嘅薄餅。面頭加上海鮮同芝士。最後舖上菜絲。海鮮都算彈牙唔霉。拉絲芝士係成個薄餅嘅靈魂。呢個係飽肚之選小食有驚喜，每樣小食平平地，細細碟，但質素唔差。忌廉蟹肉餅 ＋$16外脆內creamy脆香牛油雞翼 ＋$15有2隻，似係氣炸鍋嘅出品，唔油，面頭脆loklok, 但肉質juicy卡邦尼小杯年糕＋$10…Read More

一間裝修同廚師都好潮嘅舖頭賣懷舊中式食物，例如瀨粉/粽/蘿蔔糕/銷魂飯等等。就嚟到新年，為左搜羅下邊度有好食嘅蘿蔔糕送禮，我嚟左呢度試。揀佢嘅原因係因為比佢嘅包裝吸引左。包裝衛生，有一個保冷袋袋住真空包裝左嘅蘿蔔糕同冰塊。 餐廳非常揼本，仲用一個好靚嘅陶瓷碗裝住啲蘿蔔糕。用嚟送禮非常得體。 自己食完嘅話都可以留返隻碗，擺喺焗爐焗下野！講返主角先，蘿蔔糕好大份，絕對夠四個人食，切開到20條。蘿蔔糕咸咸香香，有少少蝦米同煙肉碎（好似係）吊味。 好似平時喺茶樓食到嘅蘿蔔糕甘。我覺得餐廳嘅其他食物都好正，好適合唔想煮飯嘅時候外賣返屋企食。尤其係個2人餐，90蚊有瀨粉 或者豬油撈飯2碗＋老祖美食2款＋ 紅豆沙or綠豆沙＋ 2杯飲品, 非常抵食! …Read More

餐廳有多款丼飯選擇，預設組合同自選組合都有。當日我叫左一個預設組合嘅同埋一個自選組合嘅。再叫多左個春卷。自選組合主菜有三文魚/八爪魚/吞拿魚/雜菌香菇。飯呢就有壽司飯/珍珠糙飯/沙律菜。12種toppings, 6種top up, 5種dressing比你揀。我揀左三文魚＋壽司飯＋ 紫洋蔥＋麻醬豆腐＋ 溫室青瓜＋鮮蟹肉＋蜜糖芥末醬。食材全部切到正正方方， 分量好多，質素幾高。三文魚大粒新鮮肥美。加十五蚊嘅蟹肉幾出色，鮮甜有蟹肉味，性價比高。豆腐滑， 加埋麻醬一齊食好惹味。 溫室青瓜都好爽脆新鮮。Soyu Ahi （呢個係預設組合）有吞拿魚/壽司飯/芝麻海帶/和式青葱/紫洋蔥/鯉魚醬汁/芝麻木魚絲。壽司飯軟熟，吞拿魚大粒份量多。和式青葱＋芝麻海帶＋紫洋蔥＝好清新嘅組合。變左唔會啖啖都係肉。…Read More

今日同阿媽去尖沙咀, 諗住睇燈飾, 順路去呢頭食嘢, 商場好多嘢行, 附近的燈飾都好靚見到去呢間餐廳咁多人，就決定入去食啦😆😆見到佢又有pizza又有丼飯， 仲有扒餐🍗🥩🍖咁我今日呢就叫咗個：日本a4 和牛匝岩手和牛扒丼 配埋溫泉玉子，佢仲有啲火箭菜同埋有啲蒜片喺面，個溫泉蛋嘅熟度啱啱好，上到碟畀我哋介開一刻，當啲蛋汁留咗出嚟，再撈落啲珍珠飯度，直頭有啲似台式燉飯嘅感覺，但係佢仲冇咁膩，同埋鮮味啲佢嘅和牛片亦都比我想像中多， 食得出佢有啲炭燒味，同埋佢唔會太熟， 一食落去就感到啲油脂，充滿住成個口，跟住個牛嘅咬感都好鬼正！！我再加多咗杯熱朱古力配泡沫鮮奶， 上碟嘅時候佢仲會擺得明治朱古力喺側邊😍😍邪惡嘅我，就將成粒朱古力放咗入個朱古力入面嚟飲😜😜😍 佢唔算好濃我鍾意，同埋好重鮮奶味，我相信係明治全脂鮮奶，所以好滑好好味😆😆呢間鋪頭嘅裝修同埋食物都好適合打卡，下次人多啲我諗住試埋佢個pizza都好似幾好食！！…Read More

星期六返完工去咗鰂魚涌食下午茶。揀咗呢間座位寬敞，裝修得好雅緻嘅台灣餐廳。 餐廳側邊有一排座位向住路邊坐，有半室外嘅感覺。餐廳用心地將呢啲座位對住嘅位置裝飾到好綠化嘅感覺。 喺度食嘢感覺都幾chill。食物表現幾出色，有驚喜😎😎鹽酥雞滷肉飯58蚊（包咖啡）鹽酥雞炸得香脆，非常惹味。滷肉位置靚，每嚿都係一齊肥膏隔住一層肉，豉油味非常之惹味。下午茶分量一啲都唔細，加加埋埋好多嚿肉。飯底好食，唔會太乾。👍生煎包及滷肉米粉 （＋$15 凍嘅蘋果蘆薈蜜）性價比好高，一次過可以滿足到你又想食生煎包又想食米粉嘅願望。米粉曲新嘅，掛湯力強。質地幾好唔會太林亦都唔會太硬。💞生煎包包皮有咬口，同平時食開嘅有啲唔同。…Read More

同幾位朋友見天氣凍, BBQ 癮起, 咁啱就搵到呢間新開喺鬧市中嘅BBQ 場. 地點都算方便又易搵, 喺旺角百老匯斜對面嘅大廈頂樓, 上層天台燒嘢食, 感覺幾chill; 下層有擲飛鏢同唱K, 似party room 嘅格局, 包場玩應該會幾開心多得老闆掌握好時間, 我地一嚟到老闆啱啱透好爐, 仲講佢地用靚貨備長炭 (對炭冇研究唔識分), 之後老闆介紹佢地有咩肉類同蔬菜提供, 仲話有咩鐘意食嘅都可以叫老闆再整，真係好鬼nice。🥦蔬菜即刻包嘅蒜蓉牛油金菇脆肉瓜包有老闆幫手燒嘅茄子🥩肉類雞扒，豬頸肉，廚師腸，魷魚亦，豬扒等等🍢各種丸類唔知燒燒吓老闆係咪睇穿我地幾位都係廢青唔識燒, 仲好細心教我地要點燒 ”雞扒燒咗雞皮先, 燒到咁上下先反” “豬頸肉俾佢燒多陣先好剪開, 咁就鎖得住D肉汁” “一陣教下你地點樣燒矮瓜啦” 全程好似去咗party room 包埋人serve 你咁, 幾新鮮嘅體驗😂…Read More

朋友介紹話呢間餐廳好抵食，所以上星期嚟左呢度食晚餐。 餐廳裝修好日本風，食物選擇好多好抵。🦀松葉蟹雙重丼 128蚊比較驚喜足料嘅丼飯，蟹肉蟹膏份量非常多，蟹肉嘅咸香鮮甜味，配上惹味嘅蟹膏，幾飽都忍唔住食晒碗飯。🍢🍡串燒系列🍡🍢🐮鹽燒牛舌$28牛舌厚身，燒完之後厚身咸香嘅牛脷外面爽脆，入面依然keep住juicy。🐷煙肉車厘茄串$18煙肉嘅咸香同車厘茄嘅清新juicy好夾，係一個好好嘅小食🐔芝麻雞翼$28 2隻皮脆肉嫩，好好味🦐燒原隻大虎蝦$38新鮮大隻彈牙🔥火炙壽司系列🔥（見openrice其他人都話要少汁，所以我都要求左少汁😂）🐠三文魚腩壽司$20 2件🐟火炙左口魚邊壽司$12 1件火炙後嘅三文魚腩同埋左口魚邊油香味更加突出。 油香溶化喺飯度，壽司喺一口size，一口食晒佢非常滿足。…Read More

上星期去屯門浩和街打卡，問左屯門友後，佢推介我去食盤子工房。我見兩個地方都好近，搭一程十幾分鐘嘅巴士就到，所以就決定嚟試下。一去到，已覺得朋友冇介紹錯，第一感覺唔錯，大量打卡位，裝修得幾靚❤️📍📍Nachos ＋toppings ($48) 墨西哥片嘅topping有4種選擇：黑松露醬/ 芝士肉醬/ 芒果醬/ 莎莎醬。我揀左芝士肉醬。 焗熱咗嘅芝士肉醬同墨西哥片好夾。呢個組合非常之惹味。如果你想試多一種醬，加多10蚊就可以了。📍📍蟹子蟹肉明太子意粉 $89好足料嘅意粉，意粉好大碟，面頭有海量嘅蟹子，用明太子醬煮嘅意粉加埋炒香左嘅洋蔥好惹味。📍📍蝶豆花蜜糖梳打 $40加左蝶豆花嘅飲品好靚，上面紫色，下面喺透明嘅梳打。加左蜜糖嘅梳打味道都好好味。…Read More

餐廳做緊好多優惠秋季海鮮祭大減價 （11月1號去到11月5號 鹽燒青魚由68蚊減到28蚊。）之前夢之丼仲減到199蚊（不過我去嗰日已經冇左🤣🤣）。 當日我閒日去，叫晚市丼飯套餐可以有85折。夢之丼 (折後253.3蚊)一個好豐富嘅丼飯，丼飯舖左三文魚蓉，三文魚子，帆立貝，牡丹蝦，海膽，松葉蟹，右口魚邊。 每樣食材都好夾同埋好新鮮。海膽同牡丹蝦都creamy鮮甜，帆立貝好大粒好新鮮。丼飯飯底好好味，好軟熟。花錦魚生丼（折後159.8蚊）丼飯面頭舖左三文魚，白身魚， 赤蝦，右口魚邊，金蟹子，三文魚子， 櫻花蝦，蟹膏豆腐，青瓜，甜蛋，玉子漬，松葉蟹，蜆肉。如果話夢之丼著重呈現食材嘅鮮味， 呢一個丼著重將唔同食材擺埋一齊呈現豐富嘅口感。爽脆嘅青瓜，林林地甜甜哋嘅玉子，咸咸地嘅流心玉子漬，不能盡錄。整體嚟講，佢嘅丼飯非常之高質，推介大家去要試下☺️…Read More

今晚同另一半食晚餐，去左cafe天堂-長沙灣。不過就冇去到好hit嘅cafe, 揀左間新開嘅cafe。雖然係閒日，但舖頭都算多人。叫左封門柳同蟹肉意粉燒美國封門柳 198蚊本身餐廳嘅主食係燒美國極佳級牛肩胛肉眼。當日menu已轉，賣緊封門柳。餐廳表示封門柳嘅肉味會更加濃郁。的而確係！牛肉味好濃， 好juicy， 同好林❤️❤️❤️ 薯條相伴, 佢啲薯條用粗嘅，超脆好有薯仔味, 初頭仲以為係新鮮薯仔整嘅😂😂碟上總共有兩大塊肉，非常之厚， 目測有平均3cm高。我哋叫咗七成熟, 牛排的確做到要求熟度。香蒜蟹肉扁意粉 88蚊上碟熱辣辣, 擺盤都好靚❤️, 面頭有朵花 🌼意粉嘅質地烚得啱啱好👍🏻, 撈埋蟹肉🦀同埋佢啲配料好正, 重點係佢啲🦀肉一啲都唔少…Read More

搵日本嘢食搵到去大埔廣福道77號。餐廳幾多客人，燈光足夠，播住音樂，氣氛幾好。餐廳有幾個師傅，人手足夠，上菜速度快，啲食物熱辣辣。整體體驗唔錯。餐廳選擇都幾多。有丼飯，刺身，壽司，串燒等等。 同行友人唔食生嘢，所以我地都叫咗幾樣串燒。 餐廳嘅串燒幾特別！白鱔同埋雞頸肉都好少喺出面見到有得叫！我哋叫左3串串燒：牛舌， 鹿兒島雞頸肉，白鱔。 牛舌嘅位靚，冇根， 燒得剛剛好，一啲都唔老。調味適中，非常惹味。白鱔都出色，師傅將白鱔嘅皮燒到香脆，加上適量鹽同埋黑椒，惹味香口。白鱔冇鰻魚咁油膩。魚肉厚身冇骨，啖啖肉，係幾正。鹿兒島雞頸肉比較大串，唔會燒到太老太乾，保持到外脆內juicy。 食到少少軟骨，有少少似雞軟骨，幾香口。唔錯。…Read More

鍾意粉紅色（成幅牆都係粉紅色同心心） 鍾意error(講笑) 鍾意食西餐，鍾意打卡。呢間cafe好適合大家去。餐廳有set lunch, set dinner, 亦都有好多種甜品選擇。set lunch由68蚊至138蚊，set dinner由98蚊至218蚊，包沙律，湯，蒜蓉牛油多士，都幾抵食。蟹肉露荀意大利飯 118蚊呢個意大利飯令我超驚喜，估唔到呢個價位可以食到蟹肉味超濃郁/超多蟹肉嘅意大利飯。調味適中，加埋切碎左嘅蘆筍，呢個飯1啲都唔漏。前菜整體幾高質，特別係個湯，滿滿切碎左嘅蘑菇加落忌廉湯度。1上枱，碗湯熱辣辣，飲完好滿足❤️ 襯埋個意大利飯，係一個圓滿高質嘅西餐晚餐。 一路食飯，仲會一路播住啲mirror error嘅歌，真係好鬼正😂😂…Read More

工廠大廈入面真係有好多特式食物，我上星期去左食一間提供各式健康食物嘅小店。食物組合好健康，有齊碳水化合物/蛋白質/ 纖維。食物包裝可供外帶同堂食，非常方便😁🍱韓式飯團 - 爆芝蛋慢煮雞胸飯糰 $68聽個名已經覺得好健康，成品幾正，所有食材好夾，融融哋嘅芝士令個飯團冇甘dry，蕃茄生菜中和咗芝士嘅肥膩感。🥐美式all day breakfast $96好豐富嘅all day breakfast(車厘茄/藍莓/大啡菇/黑松露炒蛋/煙肉腸/自製薯角/沙律菜/牛油果/車打芝士/牛角包/煙三文魚) 黑松露炒蛋好滑，煙肉腸幾好食。最驚喜係牛角包，熱辣辣，好多層酥皮。🧋比利時雙重朱古力 跟餐＋$18好重牛奶味，但都唔會搶左朱古力嘅香味。飲品唔會太甜，有少少朱古力碎，係唔錯嘅飲品。…Read More