minimamasoso的个人专页

旺角去到邊都真係好多人，周圍食飯都要排隊，咁啱行過呢一間燒烤店，見到無乜嘢人排隊去就同朋友試吓啦。🥴佢裏便都幾乾淨，話晒都新開。地方都闊落，坐落都好舒服。👍🏻上面掛住一包包嘅係佢哋店舖嘅紙巾。我自己就覺得幾特別，同埋幾方便。🦋佢哋都係用QR code落單，所以其實都唔使點Serve我哋。👵🏻我哋一坐低佢就喺隻碟上面放咗少少孜然粉同辣椒粉。😋佢哋嘅嘢食方面，我只會答啱啱好。😐我就叫咗全部都係小辣。食咗佢哋個羊肉串同牛肉串，都係燒得啱啱好，唔會好乾，又保持到佢哋嘅肉汁，其實幾好食。😃燒生蠔都唔錯，好多調味料，個蠔都係燒得岩岩，都仲係好多汁咁啦。😌叫咗佢哋個錫紙娃娃菜，份量都幾少，有粉絲做底，自己就覺得如果多啲菜就好。😕我哋飲左枝哈爾濱啤酒，味道都淡淡地，食串燒就覺得幾唔錯。🙂…查看更多

你到深水埗梗係要食合益泰啦！佢有好多年歷史，屹立不倒超過40年以上，經歷咗香港好多嘅時代，陪住好多人成長。🥰🥰裏面工作嘅姐姐，年紀都有返咁上下㗎啦，但係手腳依然係好靈活，上菜好快，中氣亦都十足👍🏻佢哋都係呢一間店代表性嘅人物，亦係呢一間舖嘅特色。講一講返佢嘅腸粉先，雖然比起以前細個食，真係冇咁好食, 但係比起其他腸粉店相比，依然係好滑。腸粉梗係要加麻醬，甜醬，辣醬同芝麻！呢個配搭真係一絕。👍🏻👍🏻👍🏻另外叫咗佢嘅燒賣同埋粉果，燒賣就普普通通啦，粉果都好足料，不過不失。🥴雖然大不如前，但我都會繼續支持合益泰👍🏻…查看更多

今次同屋企人嚟到觀塘，特登就係食呢間好多人都會講起嘅隱世餐廳，Non Kitchen👍🏻喺餐廳樓下先至發現原來係冇lift答上去㗎，好彩都係一樓，如果唔係我一定放棄行上去。雖然要行嘅樓梯唔多，但上到去都真係好攰吓㗎。好彩佢嘅食物真係好高質，搭救返冇<lift>搭嘅壞處。今次我叫咗一個香煎帶子雜菌意式燴飯，帶子真係好大嚿，外脆內軟，真係煎得啱啱好。雜菌意大利式燴飯，用白汁做底，雜菌香味好重，加埋白汁，真係食到舔舔脷。講一講個主角，就係佢嘅沙律吧，蔬菜好新鮮，而且有好多唔同種類嘅蔬菜俾你揀。沙律吧仲有好多唔同款嘅麵包俾你任食。我最開心嘅係，佢嘅餐湯都係任飲，今次仲要有南瓜湯飲，真係令我開心到上天堂啊。一定會再返嚟食👍🏻…查看更多

今次我同囡囡去咗大角咀嘅麥金麥金馬來西亞特色。完全冇諗過原來咁好食呀🥳🥳🥳佢價錢合理，食材豐富，真係大件夾抵食。以呢個價錢性價比真係好高👍🏻今次我嗌咗嘅小菜包括有三層肉肉骨茶，怡保芽菜雞。另外我仲叫咗佢哋嘅特色飲品，包括有椰汁斑蘭冰同埋恐龍美祿。講一講個三層肉肉骨茶先，豬腩肉肥瘦分明，裏邊又有豆卜，又有藥材，個肉完全吸收晒湯嘅精華，每一啖都食到肉骨茶嘅藥材味，配埋個飯，真係一絕。怡保芽菜雞，雞肉都算係鮮嫩嘅，雖然佢嘅雞肉都係多汁，但係我都係鍾意有汁點下。椰汁斑蘭冰，好重椰汁味，但亦都唔會蓋過班蘭嘅香味，值得推薦。恐龍美綠就比較上普通咗啲，但係小朋友就食得好開心。…查看更多

一直都對日式咖喱冇乜特別興趣，不過因為做嘢嘅關係，見佢冇乜人阻住我做嘢，就諗住入去試吓，冇諗過意外地覺得都好唔錯。我入到去環境都唔係話好嘈，可能真係咁岩冇乜人，職員路即刻行過嚟幫我做安心出行。服務都好親切，服務員都即刻俾杯水我，見我拎部電腦出嚟，都冇話趕住要我落單。我最後叫咗一份吉列豬扒芝士咖喱飯同一杯凍檸茶。吉列豬扒芝士咖喱飯，充滿着懷舊日本咖喱飯嘅味道。佢嘅吉列豬扒炸到好脆皮，豬扒唔會話好乾，都幾多汁飛出嚟。個芝士可以拉絲，成個感覺好唔錯。咖喱唔會太辣，咖喱味都幾重，甜甜哋，撈埋飯食唔會太膩。整體嚟講都唔錯，以我唔太鍾意食咖喱嚟講，我都讚佢。…查看更多

李錦基真係賣好多廣告，一開個電視就見到佢。住咗附近咁多年，梗係點都試吓啦。佢喺窩打老道渣打銀行隔離，真係好易搵，地點都好方便。入到去就覺得係普普通通嘅茶餐廳，完全覺得冇咩特別，諗住試完個小食就走。我自己一個就叫咗個炸蒜蓉牛油雞翼同埋叫咗個蝦仁豬肉卷。蝦仁豬肉卷味道都好唔錯，隻蝦都仲係好彈牙，豬肉味唔係好重，佢裏面有啲青瓜紅蘿蔔絲，咬起上嚟好多餡喺個口度，口感好豐富。炸蒜蓉牛油雞翼就等得比較耐啦，佢有4隻，估唔到咁大份。每一隻都好大隻而且好脆口，咬落去啲雞又喺個口腔到爆曬出嚟，即刻要搵張紙巾墊住個下巴。唔係誇張，真係好多油飛出嚟，原來都真係幾好食。不過一個人食，食唔到好多，有機會再向大家推介。…查看更多