kinhan的個人專頁

一路以為係黑糖珍珠鮮奶出色，但自己好怕甜，所以好耐冇幫襯過李圓圓了🙈近年發現分店好似越黎越少，難得見到就試下。原來宜家出左焙茶同抹茶系列🤩🤩叫左 黑糖珍珠焙茶奶昔 出色！！ 唔想分店再少，忍唔住打返個食評😂焙茶鮮奶係沙冰，係有茶味嫁！！同啲奶味啱啱好比例！！明明係沙冰，但啲黑糖珍珠上手係熱嫁！驚喜！！店員提醒搞勻先飲，啲沙冰又唔會溶得好勁。 比例真係啱啱好🥹 怕甜嘅人都覺得好味！！有晒茶味、奶味、黑糖珍珠味。推！！…查看更多

公道啲講返，我係二月中去食嘅，當日真係不宜光顧，宜家有冇變化就唔知啦。不過到宜家見返啲相都忍唔住想打返個食評咁。之前睇電視見過有喺哩度拍綜藝，印象中唔錯，所以路過入黎試下，點知就中左伏。一入黎見到兩個呆滯有口音嘅啊姐就心知不妙，同電視嗰時啲員工完全唔同，落個單都問左幾次，仲要廚房啊叔出黎自己入單。嗌左個一百蚊左右雜扒鐵板餐，出！晒！事！！鐵板就真係比塊板你，凍嘅。說好的薯條呢？十條都冇！ 連鎖店兒童餐都多過佢。啲肉又有陣噏味。牛扒定肥牛？豬扒嘅刀工好到媲美支叉隻牙，一樣咁薄🙂好後悔冇去隔離街大__活，員工、食物、價錢都好過佢幾條街！朋友叫嗰個咩黃袍飯啲蛋都燶埋🥱🥱 完全唔係OpenRice 其他人post 嗰碟黎！見到其他食客呆左嘅樣都有趣🙃 大！ 癲！ 🚁🚁🚁🚁🚁🚁🚁🚁🚁🚁…查看更多

喺附近返工，每個星期都會起碼過黎一次，但可惜老闆話捱唔住了，淨係做到月尾😢 有啲後悔咁遲先打食評😢😢首先熟食中心入面黎講，佢真係好食同抵食！！啱啱今年先加價到$46一個午餐，有湯同嘢飲，仲要冷熱同價。有啲餐仲跟埋個菜添，覺得抵食過連鎖米線鋪兩餸，哩度仲要有餐飲。平時唔係間間餐廳都會飲湯，因為有啲係食得出味精湯，真係送都唔要。但哩間我感覺唔到有，所以有湯飲😀（利申：非專業食家）然後叫少飯係真係有少到嫁，少完份量啱啱好😆主菜方面，每日有大約8個(？)唔同午餐可以揀，唔啱都仲有其他食物揀。同事都話哩度炒粉麵飯好得👍🏼👍🏼 本身對重澱粉食物冇咩興趣，但鍾意食佢地嘅炒麵，炸得好夠脆，火喉啱啱好，麵餅又唔會痴埋一大舊炸唔透，睇返相先知原來有時會細心剪細左❤️ 同埋對我黎講都係勁飽🙈🙈 不過可能食慣清淡，有時個汁會濃味左少少，自己溝少啲落麵度😂嘢飲方面每次都叫熱奶茶❤️ 好濃茶味同奶味，真心推，感受下港式奶茶！！ 天氣熱會飲凍檸茶走甜，檸檬好足料，茶味又夠濃，真係唔係間間茶記啲檸茶咁有味，解渴又唔似可樂咁甜膩❤️ 仲要凍飲唔洗加錢，良心店，明明買冰都要成本嫁🥺仲想推介埋下午茶個炸脾，有時公司開茶會食，不過真係揾唔返相啦。想講啲皮都係脆嫁！！🥹 平時食白切鷄都會去皮，但哩個真係忍唔到口會食埋🙈🐷 重點係係外賣送到黎公司都仲係脆🤤炒麵，奶茶，凍檸茶走甜，炸脾，都係食開同真心推❤️❤️👍🏼👍🏼覺得佢地啲食物真係好足料，同好味，用心去做食物👍🏼👍🏼多謝周太太一路嘅用心經營，會掛住你地嘅嘢食嫁❤️❤️（諗起上星期沙田食左間all day breakfast，每樣嘢都係伏🫠🫠 ）…查看更多

朋友話想揾貓貓玩，就suggest 左哩間之前為拎應援黎過一次嘅貓cafe😂因為感覺上哩度啲貓貓係精神健康啲，佢地有活動足夠空間，或者主動揾你討摸，店主s(?) 都好留意貓貓嘅情況。 好似有隻貓媽媽孕肚，兩位店主都即刻過去關心佢。食物方面，我地叫左套餐有兩款小食，轉埋旋渦蛋飯。餐湯可以揀南瓜或者西蘭花湯，另外揀左mocha 做餐飲。師傅好有心機咁畫左貓貓喺湯面。 南瓜湯飲落有好多南瓜蓉同好似有啲肉碎咩，滿意☺️ mocha 就唔係好似出面咁有拉花嗰類咁濃嘅，都唔會話太淡，店主都盡咗力整左隻貓貓喺面😆然後我地個餐是咁的：叫左三文魚，煎到表面有啲脆，有肉汁。小食係芝士玉子卷，我好似太遲食拉唔到絲😂 但見啲芝士係融左嘅樣嘅。小丸子都係食到中間先開始食，仲暖，唔會話太粉定點嗰啲。仲有個滑蛋真係滑嫁，啱啱好。食物整體都滿意☺️☺️去到貓貓方面，有兩隻好主動黎招呼客人，有啲就掛住訓。見到佢地反晒肚咁訓得好安心，證明店主真係好錫佢地，同啲客嘅相處都好平衡🥰啲貓貓動作真係想幫佢地整sticker😂跟餐係有甜品嘅，我地揀左泡芙，有唔同味最後我地坐左好耐，玩左好耐🙈 多謝店主s 咁照顧啲貓貓，加油！！❤️❤️後記，朋友已經介紹左佢朋友去，好快手🤣…查看更多

平時食開第二間就腳啲ge 冰室，機緣巧合下黎左哩間食早餐。好普通ge 一個茶記早餐，但感覺上有用心煮。太陽蛋煎好靚仔，我食ge 炒都唔似平時快餐店咁扁平一pat，而係好立體仲有蛋香同滑🤤 鷄扒都好有蜜糖味，唔係好hea 咁掃少少比你就算。重點係連埋廚房，所有員工都好有禮貌。Good morning 係由一個開心ge 早餐開始 會再黎幫襯！！…查看更多

好似成日都聽到哩間鋪頭個名，難得要去附近做嘢就試下，大滿足😋難得屋邨會有西餐，仲要設計得幾靚，環境舒服☺️十二半去到，開始有食客，一入就有位。叫左個經典牛堡午餐配檸檬伯爵冰茶都等左一陣先有嘢食，原來啲薯條啱啱炸出黎，熱辣辣，外脆內軟，仲勁大兜🤤 真係多到食唔晒🙈個burger 都好靚仔，係我衰影到好細隻咁😂麵包睇得出應該唔係嘉X 嗰啲包。肉又唔會乾身，好足料。好味又大件夾抵食😋待應妹妹勁有禮貌、環境靚、食物高質，估唔到屋邨會有哩類餐廳。食完出黎，原來門口排緊隊了，好彩早啲黎😊揾返先知原來食過港島嗰間，唔怪之得覺得個名好熟。都係食burger ，一樣好好食，好juicy🤤 不過嗰邊環境簡陋好多，似行快餐風格🙈 兩間都推介🤤🤤👍🏼👍🏼…查看更多

好少去深水埗，難得順路，又好多人介紹哩間中式餅店，就過黎買左近期大愛嘅光酥餅😍 順手買左紅豆糕同馬蹄糕，仲有媽媽最愛嘅芝麻花生糖☺️可能人大左鍾意懷舊，近期好鍾意買光酥餅食。係細個嗰時嘅最愛❤️ 食左幾粒先影相，因為本身冇諗過打食評，但真係太驚喜！！😍間中都去下旺角，所以之前買開花園餅嗰間，味道唔錯。不過生隆相對花園餅嗰間再鬆軟啲，咬落好有驚喜😍 個味道都有啲似細個嘅味道，唔知係咪啲粉嘅味，唔識形容😜 同埋之前又買過新寶戲院嗰邊嗰間，偏實乾，重點係咸嘅😣唔係我認識嘅味道🙁 屋企人買過士多可以放好耐嗰啲仲恐怖，可以乾到可以變碎，味道都係怪嘅😬簡單黎講，哩間係近期試過最滿足嘅光酥餅🤤本身仲食左紅豆糕，因為冇諗過打食評冇影相就消滅左😂好多豆😍 重點係唔會好甜！！滿意🤤 宜家嘢飲都習慣微甜或者走甜，好似唔會搶左其他味咁🙈👵🏼馬蹄糕教敬左父親，芝麻花生糖孝敬左母親，唔知咩味😜為左光酥餅，有啲羡慕住深水埗嘅朋友添😂…查看更多

之前仲未有六點後肺炎特別毒嘅日子，黎左黃大仙哩頭食飯😬本身想食第二間，點知冇開，就黎左附近哩間食。.七點幾，但都唔係好多人。老細好nice ，見我地選擇困難，揀左好耐都未揀到食咩就過黎介紹：有二人餐，又有是日晚餐😂最後求其叫左兩個是日晚餐算，平過平時夜晚出街食小菜好多，仲有湯同嘢飲🤤但嗌完再睇佢牆度，有鷄煲、烤魚，又後悔了😢But it’s too late😬.講返，好似每張枱面都有搓手液，細心👍🏼 搞到咁無聊嘅相都影左張😂啲嘢食黎得好快，其實一坐低佢就比左湯黎😂然後行完山肚餓，好快飲左，冇影相😂老火湯👍🏼 飲落應該冇味精掛，唔係好重手嘅我都分唔到🙈嘢飲都好快黎埋凍檸茶走甜，完全撫慰左行山流嘅汗水☺️.茄蛋牛好快黎左😀 估唔到咁大碟，仲以為哩個價錢係碟頭飯黎😂啲牛唔老唔un👍🏼 仲要冇耐之前食過間茶記茄蛋牛碟頭飯，un到放棄左😬 同埋估唔到咁多蕃茄，熟得黎又唔太林😍 要有菜有肉咁先飲食均衡😂 然後有趣嘅事又發生啦😂我地想等埋第二碟出黎兩碟影張合照先食，老細見我地仲唔開動就走左過黎話：「唔洗等嫁，起筷啦😂 蒸嘢耐啲啊」好搞笑😂 佢講完冇耐，第二碟都黎了😆同事話嘅，啊伯先食嘅—梅菜蒸鯇魚😂好滑無泥味，仲有好多配菜，啱我🤤 個汁都啱啱好，勁好送飯🤤最後我地都食唔晒😂已經特登食少啲飯，但都淨返幾舊牛食唔落🙊唔記得叫少飯😢🤦🏻‍♀️等黃大仙區冇咁危險🙊 再黎食過😊…查看更多

啱啱睇完中醫，醫師叫要食清淡啲😬 好啦，食素啦😂之前係個食素嘅朋友帶過我黎食，覺得唔錯，但太少蒲荃灣，終於又可以返黎試啦😀不過要食清啲連食開嘅喇沙車仔麵都放棄左😢個湯好好味嫁，薯片都好正😫為左聽醫師話，食三餸飯啦😢碗湯好清甜，冇肉嘅好優點出曬黎🤤 蘿蔔蜜棗嗰類嘅湯揀左要薑飯🤤 好似話胃寒，食多啲薑飯有益☺️媽咪間中都有炒薑飯我食，但哩度真係食到薑味😜好煩咁要食素，但又唔想係咁食一條條嘅菜😂 好滿意揀左係菇扮肉嘅餸🍄 左上好似係牛蒡餅，彈牙😁 右上炒XO醬，爽口😁 整體味道適中，唔會太咸或者淡，都唔會同一樣味。滿意☺️今次黎見佢窗度貼左啲善長捐錢派飯積德嘅紅紙，可能唔係信佛教，印象中冇見過哩類型嘢，幾特別。不過無論有咩信仰，有善心點都係好事😊…查看更多

本身好想食burger, 但唔肚餓又唔想食太飽，最後試左哩間嘅tea.蟹肉意大利包：麵包係常温嘅，本身有少少失望，但咬落去啲皮都係脆嘅😍 可能要配合返啲凍嘅蟹肉，所以包唔可以太熱掛，滿意😊沙律菜跟醋醬：正常，唔係我好驚嘅沙律醬，千島醬嗰啲😀大啡菇：熱嫁😍 juicy🐷 填補左我想食大啡菇牛肉漢堡嘅渴望😂洋甘菊茶🌼最後擺盤幾靚😂 …查看更多

間中都有黎哩間食晏，雖然有啲遠，但真係平靚正。午餐$48 已經唔係好多地方食到，佢仲可以揀飲品或者燉花膠湯🤤 每次都係揀湯，因為真係好足料，每次食都有花膠、菇嗰啲湯料比你食到，同埋真係冇味精。不過今日見隔離枱杯蝶豆花百香果又好想試，藍到黃嘅漸變色勁靚，同埋好似唔係成日有蝶豆花嘢飲咁...餐牌張相啲鯖魚得一舊，但實物其實有三塊，賺左😂 上面塊橙切得好靚。魚下面會墊左三片京蔥（我估係掛 唔識🙈）晾起左啲魚，令佢地掂唔到碟保持乾身，細心！食落正正常常，唔會腥或者點👍🏼不過今日啲飯好似多左少少水，不過都過得去。個人鍾意偏硬嘅飯🙈好鍾意食咖哩吉列豬扒餐嘅配飯，櫻花蝦炒飯🤤 雖然吉列豬好好味，又大塊又脆，撈埋咖喱好正，但太熱氣，要戒口🙁 佢個前菜成日轉嘅，今日個前菜略嫌有啲dry，但中間有啲蟹柳粒又有啲驚喜，佢唔係散到一條條絲嗰種蟹柳。食到一半有人買外賣，加左$10 要埋糖水，搞到我都心郁郁想試下。事關每次食完都太飽，今日都唔例外，所以外賣返去食😂放左一個鐘仲有微温，雖然仲係好飽但都唔想叮熱，所以趕住食埋佢🙈是日糖水係 熱桃膠腰果露。濃稠度啱啱好，有果仁嘅香味。如果本身冇桃膠，可能會傑同滯左啲，加左桃膠啱啱好，都唔會太甜👍🏼 可能哩排食少左嘢，最後飽到上喉嚨🤪之前自己煮過一次桃膠執走啲雜質真心覺辛苦🙊啊 我今日食落完單嗰時，侍應姐姐突然遞盒紙巾比我。我呆左一秒，之後佢話比我包住口罩😂 好細心💛環境方面，真係小店黎嘅。鋪面面積好細，同埋係open kitchen 黎嘅，不過衛生企理。 支持良心小店👍🏼 唔係的話以後餐廳嘅選擇只會愈黎愈少....…查看更多

搬左寫字樓之後都冇黎過，難得經過要再食返🤤帶埋朋友一齊黎食，佢嘅comment 係家嘅味道😂唔錯啊，冇味精。水餃味道啱啱好，不過啲餡料好似冇印象中咁多，但都啱啱好。佢啲餐嘅小食其實可以轉嘅，但如果係個伯伯落單（我估係老闆），佢可能唔記得你話要轉咩，或者講多幾次先明。但老闆娘（我估係啦，姐係煮嘢食嗰個）就好醒嘅，一講就明，收錢仲可以心算（我加減數都會計錯😂），老闆就要㩒計數機。今晚都闆唔喺度，老闆娘落單再煮埋，我鷄翼轉左鷄蛋☺️鍾意食佢啲水餃，跟餐嘅水餃其實都可以揀白菜定其他。之前食水餃餐真係太飽，所以都係叫擔擔麵，好似少啲餸應該冇咁飽。但有少少辣咁好開胃，飽左都忍唔住食晒🙈 個手拍青瓜係蒜同醋，唔辣嫁。薯仔絲印象中都好味，鷄翼係炸嘅，所以冇咩興趣🙈咁樣一個麵有埋小食$36，仲要午餐晚餐一樣價，抵！仲要冇味精，家的味道🤤 唔係以前同事介紹都唔會入去食，因為門面唔太吸引，真係好簡陋😂 戴返頭盔先，食極都係食水餃面同擔擔麵，好滿意，冇試過其他🙈…查看更多

試過新校嘅hell can 同 aab can 之後，唔敢喺BU 食嘢，直到哩間開左。之前有食過東廣場veggle cafe 覺得唔錯，老細又過左黎哩邊整素食，就想試下。上次食啱啱開左冇耐，食唔到burger，今日終於都食到。雖然唔係最想食嘅米漢堡，但哩個素魚牛油果漢堡都唔錯。佢個漢堡係上下分開擺，有趣地，素魚牛油果醬嗰邊係鹹同少少辣，另一邊係甜，一次過滿足兩個願望。另外可以揀配一款沙律或者炸蕃薯條。我揀左羽衣甘藍配紅菜頭，因為聽講好有營養😂另外買左鮮奶抹茶，我見個牌應該可以配合素食者轉做燕麥奶，但我只係見澳洲山火，想食下素，唔係真素食者，所以由佢😜 抹茶鮮奶一路飲都feel 到好幼嘅抹茶粉，唔識品評，但我鍾意，同埋冇加糖，唔會甜👍🏼對上一次試左招牌炸雞同焙茶。炸鷄外脆內嫩有肉汁，又唔會厚粉，正👍🏼 焙茶係凍飲，一大舊完整嘅冰所以食完嘢先飲都唔會融好快溝淡晒。同埋每一啖都有茶香喺口🤤 下次想試埋五大素球🤤…查看更多

哩排食滯左，食晏唔想食太飽就試下哩間。不過晏晝黎講，選擇較少，印象中得三個飯。$44一個套餐其實都值回票價，份量啱啱好。擂茶套餐有小食揀，我揀左蒸粟米香菇鮮肉餃。唔係皮多過肉，而且有肉汁，可以回頭嘅水餃🤤擂茶飯，偷聽到姨姨同隔離枱介紹話係客家嘢食，佢地再加啲芝麻定咩再改良下，絕無味精，得少少鹽調味。一開頭食有少少唔慣，唔知點形容，可能思想上覺得茶正常唔係咸味😂。會有埋蘿蔔乾、魚乾仔，但食落都ok ，食晒😊跟餐有紅茶，好似可以加錢轉其他嘢飲。有粟米汁、豆漿同其他茶。見到人地叫左冷泡茶，透明水樽入面望到個茶包，幾靚仔😍…查看更多

雖然隔幾個鋪位都有三文治賣，但個人鍾意十二穀包多啲，有口感😂習慣叫煙肉蛋，好似一塊塊嘅肉健康過面目全非嘅肉少少😂 老闆通常煎全熟蛋，我習慣叫唔好咁熟，口感好啲（事關之前習慣食隔離間三文治都係滑蛋。最近食開哩間係因為除左十二穀、成塊肉同埋連麫包都烘熱過，仲用紙包住三文治，環保過膠少少🤤）鋪頭有埋熱啡賣，唔係淨係得門口嘅罐裝咖啡。見到佢有部好似係蒸餾咖啡嘅機又咁啱唔夠訓，所以試下。佢地用子母牌鮮奶，同埋咖啡好濃☺️之前都試過蝦米腸，都夠捱到午餐唔餓🐷老闆兩公婆（我估）都好好禮貌👍🏼重點係可以睇住viuTV 等拎嘢食👍🏼👍🏼…查看更多