Hedyee的個人專頁

前幾日同同事傾開計，佢大推譚仔母親節特別menu蟲草花雞湯米線，咁我地就決定happy friday要一齊食譚仔做午餐！雖然限聚令放寬左，但係仲有好多人都傾向買外賣多過堂食，所以我地12:25左右到左譚仔，都唔洗點等位，量左體溫就入鋪頭坐低點餐了。我地12:31分點餐，一行四人都好棒場咁叫蟲草花雞湯米線，但係等左20分鐘都只係上左4杯野飲，咁我地就不斷嘗試呼喚職員幫忙追單啦，但係佢地好似睇唔到我地果枱咁，我地又舉手又開口叫先得到一個職員既關注，先追到第一次單。等多左5分鐘，見到一車又一車既蟲草花米線係我地面前來又去，就係冇一車係我地既，仲要遲過我地入座既人都已經大大啖食緊碗麵，話唔嬲你都唔信啦。我地又再同譚仔姐姐追單，終於係入座後30分鐘迎來僅僅兩碗麵，另外兩個人就只可以望梅止渴。好彩係我地想反枱離場既電光火石間，另外兩碗麵都終於上場。我地躁躁地咁呷一啖湯底，係比想像中既鹹左D，但係都好好味，有種好似醉雞既味道由湯底滲出黎。我地又咬啖雞卷，口感唔差，都幾入味。其他配料好似蟲草花、雲耳、等等都幾爽口，雞蛋仲要係我最愛既溏心蛋，我同事仲有蛋殼加料添。😃我地仲要幫一個同事外賣一碗番去，但係職員通知我地要等30分鐘先拎得。觀乎我地堂食同外賣同一碗面既經驗，如果要係繁忙時間點呢碗蟲草花雞湯米線，應該至少要等20-30分鐘。老實講，呢碗蟲草花雞湯米線真心好食，值得推介，如果佢變左恆常menu，我真係會成日食，但係打工仔既午膳時間咁寶貴，出餐出快少少會更好，或者你至少都同食客講聲要等一等，等大家有個預算，唔洗狼吞虎嚥，再跑番Office丫。唔係搞到食客一邊躁底一邊食呢碗野，都有違你呢碗麵sell果個健康養生既概念啦！…查看更多

當初我決定在這裡訂位的原因很簡單。一、我約的朋友住在大圍二、我最近囊中羞澀，希望能以相宜的價錢吃到西餐三、透過openeice在這間cafe訂位能賺取25分asia miles四、這是最重要的一點：我是白羊座老實說，雖然在openrice看到這間cafe的好評多於差評，但是我對這裡的期望並不高。畢竟這裡的餐點價錢不算高，又是小店，食物能制作出比茶餐廳好一點的質素，我就能接受。然而，這裡的出品讓我喜出望外。朋友點了一客日式鰻魚飯配黑松露滑蛋和熱狗配薯條，我淺嚐了一口黑松露滑蛋及一條薯條：滑蛋細而滑，蛋香與黑松露香和諧共處，縈繞在口腔之間；薯條炸成金黃色，咬一口，炸物的香味四溢，非常美味。我點了一客茄汁焗豬扒意粉，雖然職員弄錯了，上菜時意粉變成了飯底，但是我也沒有刻意要求重新上菜，因為一上菜，茄汁濃郁且誘人的香氣就即時勾起我的肌餓感，讓我急不及待的開動了。😂絕對是大圍裡「平、靚、正」Cafe之選！白羊座會再回白羊·座開餐的！…查看更多

　　我跟朋友每次經過brick lane，都說一定要一嚐這間餐廳的Egg Benedict跟意粉。今日一行四人，終於能「完夢」了。　　我是第一個到達餐廳的人，所以先取票靜候，店員還貼心的提醒我過半數人才能入席，服務態度良好，值得讚賞。　　當另一個朋友到場後，我們逼不及待入席，打開餐牌，準備點菜。這間餐廳的主題很特別，每一台客人會獲配一張車票，客人要携同此票，到收銀處下單。不得不說，主題不俗。　　然而，一間餐廳最重要的還是食物質素。Brick lane的菜色賣相精美，環境舒適，實為聊天休息的好地方，可惜我跟朋友嚐了一口菜，就馬上失望了。這裡的玫瑰拿鐵味道縱然甜了點，不過還算不過不失。但是那份一碟兩件的Egg Benedict，一件的蛋是溏心蛋，另一件是全熟蛋，完全沒有Egg Benedict應有的流心蛋的蛋香和質感，整碟菜完全不及格。我的黑松露忌廉天使面不只沒有忌廉味，天使面更是過熟，軟得沒有應有的口感。唯一可取之處是黑松露味濃，但是我相信只要有一罐優質的黑松露醬，人人都可以煮出如此風味，甚至能青出於藍。　　朋友還點了一碟薯條，盤中竟然出然未炸熟的薯條，而且還不只一條。雖然我們一致覺得McDonald的薯條更加好吃，不過brick lane的薯條也是有其優勝之處，因為這裡會提供McDonald沒有的普通沙律醬。　第三個朋友到場後嚐遍三道菜，都覺得味道平平無奇，質素與價錢不成正比，所以也不想再另點新菜。最後，我們決定趁最後一個朋友未到場時立即離場，另覓餐廳。　　因為食物質素只能用以果腹之用，完全難以慰籍本人的五臟廟，所以brick lane已列入本人的「不可一不可再」名單之中。　　今日過後，我們也夢醒了。…查看更多

今日同朋友行觀塘海濱長廊，順便試下朋友一直話想試既cafe。我地到左之後，特意挑選了戶外既位置，想一邊感受涼風，一邊品嚐美食，順便打下卡，扮下有quality of life。我地叫左兩個set一個side dish：1. 芝士蛋糕 + americano2. Opera cake + cappuccino 3. 炒菠菜本身佢個menu話有藍莓芝士蛋糕，但係職員話依家轉左，得淨芝士蛋糕，我朋友即刻話轉食窩夫餐，佢又話今日冇，唯有叫番個淨芝士蛋糕。上菜了，我地都仲覺得賣相不俗，結果食第一啖就覺得伏左。第一，cappuccino 味唔夠濃，不過泡算打得濃密。第二，opera cake雖然睇落層次豐富，但係其實主要得兩種味，就係朱古力同拖肥味，個蛋糕面同底仲要係硬既朱古力，完全冇蛋糕既質感，落叉既時候冇左一叉到底既快感，入口又冇果種creamy既口感。朱古力味都夠既，但係都覺得超失望。第三，芝士蛋糕唔似用芝士做，似用乳酪整，仲要同佢個肉桂味餅底互相搶味。我地食第一啖果時唔知自己食緊咩，每個部分分開食先食到係咩味，估唔到咁簡單既芝士蛋糕可以做到咁。我地得出一個結論：唯一好食既係炒菠菜。然後我地懷疑朋友帶錯路，去錯鋪頭，佢一check地圖，發現我們真相了。…查看更多