沙律菜的個人專頁

早前見到社交平台 某專頁介紹慕名前來的一餐，間舖有地面同隔離地庫，我哋一行4人被安排坐喺隔離地庫那邊，一入到店感覺都唔錯而且地方都乾淨。首先係上左個雞煲，有幾種辣度俾你選擇，我哋就選擇左BB辣，平心而論個雞煲係幾好味，雞煲係可以無限添食的。如果你覺得已經食夠雞煲可以叫店員上蒸海鮮拼盤，海鮮拼盤有聖子 鮑魚 蝦 勝瓜 帶子同烏冬。食完海鮮可以通知店子上邊爐。今晚我哋係「蟲草花烏雞湯」可以飲左湯之後用嚟打邊爐。一開始店員會上左2碟牛肉先，點知一開始打邊爐打算出去拎配料。一打開雪櫃發現絕對絕對唔係專面介紹有30種配料，我見得一、兩款菜、有菇、鵝腸、出前一丁、韓國即食麵、墨魚膠、響鈴，已經見唔到其他配料，而且墨魚膠同鵝腸新鮮程度好一般，最後我哋嘅只係食左牛肉就叫店員上甜品。值得一提係….因為我哋被安排坐喺地庫，我見長期得一名店員顧店面，所以每次你需要叫店員幫忙的時候，你都需要等一段時間或者叫好多好多次才會來幫忙…. 所以絕對係冇服務可言。其實我都明白店員但難處，但當你每次要添食雞煲、上海鮮拼盤、轉打邊爐、添食牛肉，你都叫很多很多次才會有店員來幫忙，最後係已經冇心機再食。總括：唔會再有下一次🙅🏻‍♀️🙅🏻‍♀️🙅🏻‍♀️🙅🏻‍♀️🙅🏻‍♀️…查看更多

尖沙咀K-11早排開左間Rudy Tuesday 見佢地點幾方便就去試試，首先佢個位置都幾易搵，正正lift隔離而且又喺洗手間旁邊，所以舖嘅位置真係幾方便。我哋一入餐廳首先職員要幫你探體溫同用搓手液，而且店面積同座位好闊落，一班友傾計食飯就最適合不過。煙肉芝士薯條基本上呢個每次都必叫，每次都係熱辣辣，芝士適中 夠香口 👍🏻👍🏻滋味炸蝦呢個好味呀，個汁加左千島醬再加左少少辣，個味好夾。😋😋香草芝士墨西哥烤薄餅其實呢個菜唔差嘅，夠足而且個味道係幾好，不過食到最尾係有少少油膩嘅感覺。呢個菜比較愛食芝士嘅一族…查看更多

呢間公司d鋪頭全部都開喺港鐵沿線，總有一間喺附近。永遠放工如果見口痕都一定會去幫襯一下，可能因為佢個舖位係我返屋企必經，所以我好多時都會去食。今日食嘅係魚肉碗仔翅同燒賣加辣油。佢個魚肉燒賣係我食街邊檔暫時最好食嘅一間，不過一定要襯熱食。因為凍先食你就會食到一陣麵粉味，但好奇怪如果你熱辣辣果時食就完全冇呢個問題，而且佢個辣油都幾辣。另外個魚肉碗仔翅d料都幾足，有瘦肉絲、冬菇絲同木耳絲，而且魚肉都幾好，味道都唔錯。…查看更多

因為疫程嘅關係，今日係麥當勞停堂食嘅第一晩，一入到麥記，你會發現只開放一少部分，另外所有櫈仔都已經收好，等外賣嘅人數赤唔太多。今晚叫左將軍玉子漢寶餐同埋麥脆雞。將軍玉子漢寶基本上每次一出都會唔只食一次，因為佢個甜甜地嘅燒汁再佩埋個沙律好夾，個沙律汁同個菜好match。所以逢出我一定唔只食一次。另外要講講個麥脆雞，其實都已經出左一段時間，而且都巳經唔只食過一次，每次食都係熱辣辣而且唔會炸得太乾 😋😋唯一要彈下個薯條，永遠都係凍同淋，一d都唔好食。…查看更多

之前已經見到Lady M推出左呢個「士多啤梨棋盤蛋糕」其實佢之前已經推出過其他口味嘅棋盤蛋糕，但每一次我都忘記左去試，今日經過見無咩人就立即買個外賣拎返公司當飯後甜品。一貫Lady M 口味冇令我失望，首先佢個棋盤d格仔圖案好分明，外型其實已經拎哂分，食落唔甜，啱咁我呢d鍾意食甜品而唔愛太甜嘅人，而且蛋糕面層有濃濃嘅士多啤梨味，已經個蛋糕係足料。因為之前食過有d蛋糕個質感似食風一樣。後記，我好鐘意佢附送果隻膠支，因為佢個膠支嘅顏色係銀色仿真度好高。😂😂…查看更多

開張嘅時候已經想試，不過次次經過都咁多人，所以都打消左念頭。今日經過見人唔多就去試試啦。入座嘅時候俾我感覺d服務幾好，侍應快手快腳幫你落單，可能因為中環lunch hour始終都比較多人，唔快手都會俾客人嫌棄。温泉蛋鹽燒牛脷丼－一上枱都有少少失望，因為d牛脷又細塊而且量少。食落味道不過不失，好彩有隻溫泉蛋可撈飯，如果唔係我都未必可以食哂碗飯。值得一提係佢送果個椰子湯，飲落味精味唔太重而且都飲到椰子味。喺中環食一過lunch$66(未加一).....算啦，都唔可以要求d咩。…查看更多

等左咁多年寶琳終於終於都有一間粥店，舖頭距離地鐵站唔遠，位置方便。今晚都係買外賣返屋企，喺呢個疫情都係買外賣返屋企穩陣啲。雖然多左人叫做外賣，但等候時間唔長。及第粥－佢個粥d料好多，有一次d料多到食唔哂，抵讚。粉腸粥－呢個同樣地d料足以同埋個粉腸一d都唔苦，因為有時d粉腸洗得唔乾淨會好苦。👍🏻👍🏻炒麵－炒麵根本上每次都必食，因為炒得乾身，味道又好。😋😋油炸鬼－呢個就一般，因為已經食過兩次都係炸得太乾，油炸鬼中段嘅位置因為炸得太乾所以太硬身。👎🏻👎🏻👎🏻…查看更多

早幾晚入左大埔約左朋友食，大家食完飯意猶未盡，所以決定搵間糖水舖繼續談天說地。首先我哋俾佢個舖頭名吸引左入去。大家分別去點左甜品決定share食。自家製士多啤梨醬窩夫配雪糕－首先個窩夫食到係即製的，因為送到上枱嘅時間依然feel到有一陣既暖意，而且個士多啤梨醬又唔似係現成果款，都ok的。糖老鴨繽紛樂園- 呢個睇餐牌果時貪佢大堆頭所以試試，呢個分二part 一個係焗綿花糖，另一個係雪糕+生果+窩夫。係有我個人比較偏句鍾意焗綿花糖，因為個面焗到有d焦左feel內面又溶溶地。幾好😬…查看更多

呢間食肆喺未食之前已經聽過個名好多次，一聽個名已經聯想到「排隊」同埋「多人」。今晚朋友提意食呢間都答應啦，因為諗住都開左一段時間同埋疫程底下點都少d人掛。點知去到都已經有人等緊位，不過可以我同朋友得二位，所以即時安排入座。首先帶位姐姐已經著名用餐時間兩小時同埋安排探熱，同埋見到所有員工都有佩戴口罩，喺呢個情況做多d食客都安心d。我哋二個人點左一個沙律一份小食同一碟意粉，最終個意粉我哋一人食左一啖之後要打包，因為呢度每碟嘅分量都好大份。Luau夏威夷盛宴沙律－呢個菜係我朋友指明要食亦係佢大愛。首次佢個沙律汁好好味同埋係有好多層，每一層用一塊薄脆分開，個沙律汁同個薄脆又好夾，整體來說呢個沙律好好味推介👍🏻👍🏻👍🏻芝士漢堡春卷 - 呢個一上枱熱辣辣，春卷裏面啲餡料好好味，推介一定要試。卡邦尼意大利幼麵－首先佢好奇怪我第一次見到卡邦尼上面有青豆，食完一啖之後只係feel到一口都係油，食唔其他味，只係食到成口油。🤢🤢🤢…查看更多

有晩行街經過見到新開，而且裏面坐滿左客人，當時已經決定下次一定要試試佢。今晚決定＂的＂起心肝去試佢一餐。其實從佢個鋪頭名已經知道佢食咩-鰻魚。照燒雞鰻魚丼－首先要講講呢度係可以免費加飯的而且送埋味噌湯。個飯送到上枱唔係特別大碗好似平時丼果d size 但已經要求左要加飯，雞同鰻魚沒有特別大驚喜，談不上好味但又談不上差。鰻魚天婦羅烏冬－勝在個天婦羅係熱辣辣，而且個烏冬夠彈牙，但係個烏冬湯係極普通嘅醬油湯。又係一個冇深度、不過不失之作。總括－冇咩特別，試過就算，未必會返轉頭再食。…查看更多

今日lunch周圍行都唔知食咩好，最終都係去左譚仔買個外賣返公司食，係疫程嘅影響下，多左人叫外賣，所以都等咗一陣仔，不過都可以接受。酸菜豬潤麻辣米線－一打開個外賣碗放埋d米線落湯，機乎搵唔到d豬潤嘅蹤影，d豬潤切到又細、分量又少。即刻心諗就算豬貴都唔會俾咁少，再講一碗米線宜家一d都唔平。頓時扣哂分👎🏻👎🏻巴蜀爽脆生腸－呢味餸之前停左一段時間，所以今次見到都即叫。再之前水準一樣，個汁幾好味夠辣，而且個生腸唔會有一陣梳打粉味。幾好，可以一試…查看更多

今晚自己一個食，所以求其喺屋企附近買個外賣返屋企食算，見好似好耐冇食譚哥就今晚去食啦。豆卜腩肉清湯米線－呢個基本上我每次去食絕大機會叫佢，腩肉今次比較肥，肥瘦唔平均。不過我至鐘意食佢個豆卜，因為佢個豆卜裏係係有料，而唔係空空的得個豆卜皮果d。另外再叫左個細嘅土匪雞翼，得三隻但個價錢一d都唔平，不過無辨法因為自己又整唔到佢個味。不過今晚個雞翼唔夠熱同好似細隻左。總括譚哥越食越貴，耐不耐總會食一餐。無咩特別。…查看更多

今日又去咗荔枝角見個客，見完客又周圍行搵下嘢食，因為記得上次經過見到好多新開舖頭。今次食呢間喺商場內面，位置唔難搵。鋪面唔係特別大，不過坐得幾舒服，服務又好。不過呢個食店有別於其他鋪，因為佢係先付款後送餐過嚟。青咖喱牛腩配香酥餅 - 一見呢個配搭已經估到一定唔會太差，一上枱已經聞到香濃的咖喱味，牛腩唔會太淋，而且唔會走哂d牛味，再配上熱辣辣酥餅，酥餅好酥同牛油味濃。好味 👍🏻👍🏻泰式肉碎煎蛋飯－呢個餸係我去泰國菜館必食嘅一個菜式，佢個煎蛋係燶邊蛋，個蛋王依然有蛋汁，淨食隻蛋已經可以食一碗飯再配喺肉碎，撈飯一絕，絕對絕對絕對無得輸(重要事情要講三次)。而且個肉碎又辣辣地，送飯一流好開胃 😋😋單骨香茅雞翼- 好香口又熱辣辣，好醒胃。而且雞翼個size又大大隻，單骨好方便食，好適合我呢d懶人。…查看更多

同朋友喺茘枝角行完街，同佢周圍行去搵食，因為都聽過茘枝角果頭新開左好多餐廳。行行下無意發現左呢間鋪，靜中帶旺又唔係特別難搵，三個人就膽粗粗地入去試試。點左個羅宋湯，個湯係足料嘅，湯有香濃嘅蕃茄味同附上脆餐飽一個，本身都冇期望過個餐飽有咩驚起，點知又出符意料之外，有焗返熱個飽同外層係脆脆的。蒜蓉包－熱辣辣上枱 蒜味濃 讚👍🏻日式鰻魚牛油果千島汁pizza -呢個有齊我喜歡的牛油果同鰻魚，呢個分量足無論係配料定牛油果或者鰻魚，而且又估唔到牛油果配鰻魚再配埋個千島汁係可以咁夾，而且唔會好滯，可以一試。牛油焗龍蝦伴芝士忌廉汁扁麵 - 半隻龍蝦，個龍蝦肉質唔係「鞋」囗果d都幾好。反而要讚下個意粉同個忌廉汁，意粉軟硬適中一定唔係淋，而且個汁啱啱好可以掛汁係意粉度。其實食度呢度已經好飽，但點都要試埋個甜品。😬😬心太軟 - 果然又係冇令我失望，個心太軟焗得剛剛好，雪糕配上咖啡粒，成個配搭剛剛好。總括呢間餐廳一個會再幫襯 …查看更多

又到左每晩最傷腦筋嘅時候，收工同老公又喺屋企附近商場搵嘢食，之前join左個會員又見將軍澳開左分店，所以去試試。再一次証明冇失水準。座位寬敞坐得舒服又唔會好逼，服務都好好。點完菜送上一條熱辣辣嘅黑糖飽，仲可以無限添食，不過忘記左影相！再嚟點左個肉眼扒配薯條同甜薯，首先講講塊扒先，真係做到五成熟，濃濃牛味同有肉汁 👍🏻👍🏻因為之前試過去其他食店，煎得太熟同好硬。個甜薯係十個讚，好甜超讚。薯條又熱辣辣。另外一道菜係芝士白汁燒蝦寛麵，呢個又係每次去必點，個白汁好cream 又辣辣地，白汁配辣原來可以咁夾，個寬麵又軟硬適中，呢個寬麵冇得輸。再配埋杯stella 簡直一絕 😋😋…查看更多