eatwithtsuitsui的個人專頁

今日黎到一間居酒屋🏮食物新鮮環境都好舒服，本身想叫肉厚活3年帆立貝，店員解釋帆立貝嘅質素最近一般，都見到佢哋會確保食材係新鮮嘅💜明太子煎蛋卷蛋卷做得嫩滑，一切開明太子見到好流心，鹹香中帶點微辣，味道啱啱好，送酒一流呀刺身拼盤7點盛魚生全部都好新鮮，赤身軟淋帶甜，赤貝爽脆，真鯛同深海池魚食到魚本身嘅清甜。呢啲魚亦都係平時少見嘅魚，食落亦都係鮮甜海膽汁燒蠔蠔身脹卜卜，燒完仍然保持到肉汁。海膽汁味道濃郁得嚟幾滑，同蠔嘅鮮味幾夾雞湯卡邦尼拌烏冬雞湯做底感覺輕身啲，無咁膩。烏冬掛汁力強，食落 creamy，加上煙肉同大量芝士碎，好滋味炭火燒拼盤6串拼盤有自家製免治雞肉串、燒雞心、雞腎、雞頸肉、青椒同雞翼。火候控制得幾好，燒出微微炭香。雞頸肉爽口，雞心同雞腎彈牙，簡單調味已經足夠雞肝醬多士雞肝醬面層有層薄薄焦糖，醬身幼滑，多士烘得香脆，夾住醬食好香口，係唔錯嘅開胃小食自家製雞蛋布甸布甸口感細滑，蛋味濃郁，甜度適中，作為飯後甜品令人滿足柚子雪葩食完濃味食物，呢個雪葩非常清爽。柚子味自然清新，加入柚子皮增添口感，酸甜平衡，解膩一流📍 Akoya (銅鑼灣)銅鑼灣軒尼詩道525號澳門逸園中心8樓…查看更多

之前去咗鰂魚涌一間cafe食野，環境就係文青feel，坐得舒服。呢間餐廳主打西日食料理，同埋甜品都係自家製。入到Cafe都見到有一啲烘焙豆，分別黎自本地同埋唔同產地嘅。香煎海蝦龍蝦汁卷卷意粉海蝦煎得幾香口，肉質爽彈。龍蝦汁味道濃郁，能夠掛滿每一條意粉，每一啖都有龍蝦汁。鹽燒安格斯封門柳定食 配漬物封門柳燒得火候不錯，內裡肉質粉嫩，配埋秋葵粒，係一個幾滿足嘅配搭。日式焦糖布甸布甸口感幼滑，蛋味香濃，甜度適中，作為飯後甜品幾舒服。香蒜炸雞軟骨雞軟骨炸得香脆，帶有蒜香，脆卜卜咁，幾惹味的小食。脆炸海苔魷魚魷魚炸漿夠薄脆，加入海苔增添左一份香氣。魷魚爽得黎有少少煙韌。維也納咖啡面層嘅cream同底下嘅咖啡形成對比，飲落口感幾特別。將cream同埋咖啡搞埋，味道提升咗，幾順口。蝶豆花梳打顏色幾靚，味道清新，有淡淡的蝶豆花香氣。加入梳打後帶點微酸，幾清爽解渴。今日我哋係下午茶時間嚟，但係見到Menu都有晚市套餐，有餐湯，熱洋甘菊茶，加甜品或者小食都有優惠嘅📍 不苦 (鰂魚涌)鰂魚涌海光街7-9號龍景大廈地下6號舖鄰近鰂魚涌地鐵站B出口，行過去都幾方便…查看更多

今次去左一間成日食嘅串燒店，食物種類多，又好有氣氛🙆🏻‍♀️今次叫左好多串串燒：鹽燒鮮三黃雞肉呢個雞肉真係無得頂！燒到外皮微微焦香，咬落去仲好嫩！燒雞皮雞皮燒到脆卜卜，好似食緊薯片咁過癮！完全唔膩，好想食多幾塊，送酒一流啊！牛小排燒到外焦內軟，入口即化！牛味濃到湧出嚟，仲帶少少鹽燒嘅鹹香牛舌拖羅牛舌厚切夠晒口感，燒得恰到好處，彈牙又唔韌！雞皮墨魚滑呢個配搭好有驚喜！雞皮脆口包住彈牙墨魚滑，雙重口感！焦糖青蘋果鵝肝多士鵝肝厚身香濃，多士脆身，焦糖青蘋果清新解膩，好有層次！和牛棒（配松露一口飯）和牛棒肉味好濃，芝士松露飯好香，一口size啱啱好，食完超滿足！汁燒三黃雞氣管第一次食雞氣管脆脆地，汁燒味道甜甜地，咬落「索索」聲，口感似脆骨鹽燒馬友呢個真係不得了，超級推薦！外皮燒到金黃脆口，內裏魚肉嫩滑到不得了，亦都保留到馬友嘅鮮味！九肚魚烙九肚魚烙外脆內軟，魚肉滑溜，煎得香口又唔油膩鹽燒雞軟骨雞軟骨燒到乾身香脆，每啖都「咔咔」聲，鹽燒簡單但夠晒惹味！一路吹水一路食，不知唔覺清咗一碟！總結餐廳環境舒服，亦都會有個爐㷫住啲串燒，選擇多，好適合同朋友一路吹水一路食嘢…查看更多

今次叫咗燒芝士腸、午餐肉、芝士煙肉番茄、牛油粟米、雞翼尖、雞軟骨同雞肉串等等，款款都抵食夾大件！✨其他必點串燒： ▪️芝士流心蛋大啡菇：芝士味超濃郁，蛋漿同芝士洋蔥粒勁夾，真心推介！ ▪️燒白鱔：上枱嗰陣仲見到啲魚油滋滋聲🔥 皮脆肉嫩超好食！ ▪️櫻花蝦燒飯團：成個飯團舖滿櫻花蝦，外面燒到脆卜卜，記得趁熱食！ ▪️焦糖菠蘿：必點！外面層糖皮脆脆的，菠蘿熱辣辣又清甜，解膩一流～🍟炸物都好好味： ▪️啤酒薯條：份量超大，炸得超脆身，點明太子沙律醬簡直係絕配！🎂總結： 呢間餐廳唔收加一，仲可以自帶1磅以下生日蛋糕（免切餅費）！絕對係同朋友食宵夜同慶祝生日嘅好地方～今次太飽試唔到$258燒肉套餐（包前菜、主食同飲品），下次一定要試下！✨推薦重點： ✅ 免加一服務費 ✅ 可自帶1磅以下生日蛋糕（免切餅費） ✅ 交通方便，門口可泊車，附近有停車場…查看更多

今次就叫咗個$498 二人set二人set 包左*沙律 餐湯 餐包 Main Pasta Dessert Drinks*我哋額外叫咗Cold Mussels 同埋黑松露薯條凱撒沙律⭐️⭐️⭐️⭐️⭐️凱撒沙律嘅菜好新鮮爽脆，加上有香脆嘅麵包粒，煙肉粒芝士碎同埋凱撒沙律醬，一啲都唔單調，口感好豐富Cold Mussels +$9⭐️⭐️⭐️⭐️青口係酸酸哋嘅，作為前菜都好開胃，而且青口份量都唔少黑松露薯條+ $ 68⭐️⭐️⭐️⭐️⭐️呢個都係好驚喜！每一條薯條都包住黑松露粉，仲有得點蕃茄汁或者黑松露醬，可以double 黑松露嘅快樂椰菜花忌廉湯⭐️⭐️⭐️⭐️⭐️椰菜花忌廉湯好creamy, 又勁香濃嘅奶味餐包⭐️⭐️⭐️⭐️⭐️餐包好有特色！本身個包好鬆軟，包入面亦都有唔少香草粒同埋煙肉粒，就咁食已經好好食，再配埋黑松露忌廉牛油，真係perfect match，加上我本身好鍾意食包，覺得好有驚喜！炭燒豬鞍扒⭐️⭐️⭐️⭐️豬鞍扒份量巨大！亦都見到好靚嘅網紋，食落口又淡淡嘅炭燒香味，而肉質亦都好軟熟，而扒本身都有醃過，食到有啲酒味同埋好獨特嘅調味黑松露忌廉意大利雲吞⭐️⭐️⭐️⭐️⭐️黑松露忌廉醬又係勁Creamy!一上枱已經好香嘅黑松露味，意大利雲吞份量又多，食食埋埋應該都有10幾粒，粒粒入面都有一啲忌廉芝士餡，每一粒又有黑松露忌廉醬包圍着！鍾意食黑松露嘅一定唔可以錯過！Tiramisu ⭐️⭐️⭐️⭐️⭐️Tiramisu個奶香、咖啡香同埋酒香配搭得好好，而且個甜度適中，本身個質地好濕潤，但係又不失綿滑雪糕泡芙⭐️⭐️⭐️⭐️雪糕泡芙外面係牛奶雪糕嚟，切開佢入面泡芙包住朱古力雪糕，好有層次總結無論係擺盤，食物嘅質素，都見到餐廳係落足心機！環境都好舒服，因為餐廳好大，每個座位其實都有隔開一段距離，好適合朋友一齊上嚟，慢慢食嘢慢慢傾偈💜📍 NON KITCHEN (觀塘)觀塘鴻圖道12精棉工業大廈1樓…查看更多

超人氣甜品舖📍甜悅蝶豆花富士山奶凍⭐️⭐️⭐️⭐️⭐️個樣勁打卡able, 真係好似一個富士山咁！食落去個奶凍勁滑，奶味超濃,上面類似煉奶嘅醬勁好食呀！糖不甩⭐️⭐️⭐️⭐️入口軟糯，配埋花生碎同埋椰子碎口感層次豐富香蕉雪糕窩夫（配開心果雪糕）⭐️⭐️⭐️⭐️⭐️呢個係即叫即做嘅，又係個樣勁打卡able! 窩夫好香脆，裏面又好軟熟，個窩夫仲要鋪滿咗朱古力醬同埋粟米片，個味道同埋口感都好豐富！香蕉嘅焦糖突出咗成個甜味！加埋個開心果雪糕真係超正呀！！荔枝龍眼冰山⭐️⭐️⭐️⭐️每粒荔枝都係勁大粒圓轆轆🥰食落係好清甜嘅荔枝味，配埋啲龍眼冰沙，真係好夾呀！！總結呢間餐廳真係超人氣，勁多人食啊！種類又係超級多，你諗到嘅，應該都可以食到🤣仲要每樣甜品都係唔甜！調味做得非常好，每個甜品都有佢獨特嘅味道💜…查看更多

之前係度翻工，好中意過黎食lunch。平時食開常餐，今次就試下呢個川椒牛肉煎蛋飯。川椒牛肉好入味呀，唔會好辣，牛肉好嫩滑，伴碟仲有d 雜菜，煎蛋又係流心蛋😆送飯一流呀！…查看更多

呢間火鍋店真係好適合胃口大嘅人嚟呢度可以任食好多煲！你想像到嘅煲呢度都會有！好似雞煲都有分幾種，又有豬手煲、牛雜煲，酸菜魚、牛雜煲同埋牛尾煲。我哋就食咗辣酒東風螺雞煲，啲雞除咗本身雞煲醬嘅味，亦都有好香嘅辣酒螺味！不過我哋食完呢個煲之後，都已經飽飽地，好想打邊爐，所以就冇食到其他煲，不過眼見其眼見其他食客都有叫兩至三個煲。超級鼓勵多啲人一齊食，可以食多幾個煲！至於火鍋料，其實同其他火鍋店冇乜大嘅分別，但係用料都新鮮嘅…查看更多

今次嚟到八時神仙草食吓甜品，知道呢度仙草係勁出名嘅，所以今次我哋都叫咗兩款仙草。芋圓鮮嫩仙草 $45呢度嘅仙草真係好嫩滑，唔會太甜，亦都食到好新鮮嘅仙草味，芋圓有芋頭同埋番薯味，都食到有啲芋頭同埋番薯粒粒，亦都好煙靭。抹茶嫩仙草盛盤 $56至於呢個仙草盛盤亦都好抵食，佢除咗仙草芋圓之外亦都會有紅豆、珍珠同紫米。如果想咩都試晒，叫呢一個就啱啦。…查看更多

今次經過老虎堂，叫咗個熱門嘅item: 波霸厚鮮奶，等待嘅過程都好快，兩三分鐘就已經可以拎到。波霸厚鮮奶嘅奶味超重，珍珠好煙靭，不過味道相對較甜，下次可能會睇吓有冇得少甜，都幾好飲。…查看更多

食完飯之後，想同朋友傾多陣偈，就嚟咗呢一間甜品店，見到佢哋做緊呢個芋圓桂花糕涼粉$45，我哋就叫咗黎試吓。第一次食芋圓同桂花糕嘅組合，幾新鮮，桂花糕好清新，一陣甜味同埋淡淡嘅桂花香味，面頭仲有啲花奶咁，提升咗成個甜品嘅味道，芋圓亦都夠煙靭，涼粉甜甜地同埋食到後段都feel到回甘。…查看更多

最近減肥，所以好少食飯。見到呢度半隻無骨海南雞$75 ，見到份量都好大，好有肉地，有雞胸嘅部份，亦都有雞髀嘅部份，女仔食嘅話可能半隻都食唔晒。另外，個紫菜湯相對上比較淡啲，但係幾清甜嘅。…查看更多

呢間係我想食到大嘅粉麵舖，佢嘅豬扒米線係好出名嘅。今次就叫咗個酸辣豬扒拼蠔仔米線，豬扒都係一如既往咁好食，好鬆軟，調味做得好好，蠔仔份量都好多，粒粒都好飽滿。呢度嘅酸辣米線主要係靠個醬同埋啲酸菜去調味，唔會太濃。…查看更多

鮮爽爆蔥章魚燒$32/6粒章魚燒係即叫即做，等咗大概10分鐘左右。拎上手見到成份章魚燒免頭都鋪滿蔥，掀開見到好多木魚燒，章魚燒好大粒，有啲沙律醬，每粒章魚燒入面都有完整嘅章魚。整體嚟講，覺得性價比都幾高，味道好好。…查看更多

今次叫咗個阿華田雞蛋仔$29，因為今日星期六，都好多人等，我哋大概等咗10分鐘就有得拎啦。拎上手嘅時候，雞蛋仔偏腍，但係咬落去嘅時候其實外皮都脆嘅，亦都有好強嘅阿華田味，不過偏淋身，亦都有少少似蛋糕嘅質感，食完其實都好飽，整體味道唔錯，如果可以外皮脆啲就好啦。…查看更多