sylsyl0005的個人專頁

呢幾日天氣凍，食返個雞煲打返個邊爐就最適合啦！店舖位於元朗昌盛徑18號，都好近巴士站，交通方便！餐廳裝潢係走懷舊香江格調。平日夜晚七點入座都唔洗等好耐。二百零蚊價錢雞煲任食牛都係任食，元朗區夜晚嚟講都算抵！先講吓個雞煲，辣到可以自己揀，有辣有唔辣。件件大大嚿，即叫即炒，好欣賞個雞汁好惹味，另外啲雞好入味！配埋啤酒就真係prefect 😊我哋兩個人食咗一隻雞其實都已經好飽。牛係安格斯牛頸脊，牛味好香濃。雖然好飽，但係都叫咗五至六碟牛，真係食夠本！除咗牛同埋雞煲，其他火鍋配料都有好多選擇，大家可以掃枱上嘅QR code落單，職員就會好快送到！…查看更多

平日放工時間同屋企人去咗氣噗噗台式火鍋店打邊爐，見價錢合理同埋牛肉都好新鮮，於是就入去試吓啦！火鍋配料任食，超過50款，蔬菜好新鮮同埋乾淨！另外小食種類同埋質素都好高，有炸洋蔥圈、炸雞粒、炸蠔、紫薯波波，台式香腸,滷水蛋、豬腸呢啲台灣地道小食都應有盡有！我哋試咗唔同嘅牛，包括有保樂肩牛，特選牛板鍵肉質鮮嫩同埋好有牛味！另外雞件,羊肉大家都唔好錯過！ 餐廳設有即叫即整嘅手搖飲品，每人送一杯！荔枝蘆薈紅茶大大杯，可以選擇少甜少冰！店內不同時段有不同優惠，大家唔好錯過呀！講到個湯底，必食推介係：麻辣鴨血….非常香同埋惹味！鴨血好滑，同埋份量好足夠👍如果唔夠飽仲有香蔥拌麵，同埋米飯！真係二百零蚊食到飽！👍👍…查看更多

放工好想食泰菜，一唸就唸到位於馬鞍山廣場2樓嘅新泰疫情前食過，估唔到幾年後味道都係咁好味，keep 到水盡。服務態度友善，待應大部分係泰國人。今日晚餐兩個人食，都叫左四個菜！食到勁飽1. 泰式蝦炒金邊粉數過都有4-5隻大蝦🍤，成個上菜賣相都好吸引！炒得夠乾身，我鐘意！面頭佈左一層煎蛋網令到成碟炒粉好有藝術感2. 沙嗲串燒串燒份量好足，啖啖肉！分別有牛、雞、豬….. 沙嗲汁好野味即叫即燒！個人最鐘意心雞！3. 鹹魚炒芥蘭依個菜炒得好有鑊氣，鹹魚爆炒帶出魚嘅咸香同鮮味但唔會好喊！好開胃！有驚喜！大家可以order!4. 泰式鳳爪沙律份量適中，唔會太辣，可以做開胃菜！環境同食物質素都有水準，唔怪得平日晚飯都有八成入座率！…查看更多

泰嘟嘟位於大角咀，是我最近發現的一家正宗泰國餐廳。這裡的裝潢簡潔舒適，讓人感到放鬆。這次來到泰嘟嘟，我點了泰式生蝦12隻、馬拉盞炒椰菜苗和泰式酸辣鳳爪沙律，還有椰青和泰式手打檸檬菜作為飲品。首先說說泰式生蝦，這道菜的生蝦新鮮，質感滑嫩，搭配了香辣的魚醬，吃上一口即刻感受到海鮮的鮮甜與調味的層次感，簡直是味蕾的享受。馬拉盞炒椰菜苗也不容錯過，菜苗的脆甜搭配馬拉盞醬的濃郁風味，讓我一口接一口。再來是泰式酸辣鳳爪沙律，這道沙律酸辣可口，鳳爪的口感彈牙，與香料的搭配十分和諧，讓人欲罷不能。最後，椰青和泰式手打檸檬菜均是消暑的好選擇，椰青清甜爽口，泰式檸檬菜則充滿酸香，為整頓餐加添了清新的感覺。總結來說，泰嘟嘟的每一道菜都讓人驚喜，無論是口味、食材的新鮮度還是擺盤的精緻程度，均值得一試。下次有機會，我定會再來探險更多泰國美味！…查看更多

最近我去左河內越式料理，真係好正嘅用餐體驗！真正體驗到價廉物美！我點咗香茅豬扒撈檬，依道菜讓我一試成主顧。豬扒的香味真係好濃厚，配上清爽的米粉，簡直是絕配。香茅的味道很吸引，配有青瓜、生菜同埋蘿卜𢇁令整個菜充滿層次感，食落去特別過癮！除了主菜，我仲點了小食拼盒，裡面有雞翼、春卷、扎肉和蝦餅鮮蝦米春卷。每一啖都係驚喜！雞翼的鹹香剛好，春卷又酥又脆，扎肉軟熟，蝦餅鮮味令人回味無窮，真係多元化小食拼盤。凡顧惠粉麵或主食可以加$10叫特飲，我點了鮮芒果西米露和凍鹹檸七喜。鮮芒果西米露嘅芒果果味十足，清新唔太甜。而凍鹹檸七喜則很特別，鹹檸的風味配上汽水，喝上一口瞬間消暑又提神。總之，這次的用餐經驗實在太讚了！價錢也很實惠，推薦給喜歡越南料理的朋友們，一定要試試！…查看更多

馬鞍山茶舍的環境非常舒適，適合朋友聚餐或家庭聚會。昨晚我點了蒲燒鰻魚滑蛋包飯和香濃茄汁鮮蝦蜆扁意粉，兩道菜的表現都讓我感到驚喜。首先，蒲燒鰻魚滑蛋包飯的鰻魚烤得恰到好處，表面微焦，味道香濃，搭配滑嫩的雞蛋，醬汁滲透到米飯裡，讓每一口都充滿了鮮美的滋味。米飯的粒粒分明，口感也很棒，讓人不禁想再多吃幾口。至於香濃茄汁鮮蝦蜆扁意粉，則是一碗充滿海鮮氣息的美味。茄汁濃郁，與意粉的結合相當完美，蠔油的香氣也讓整道菜更添層次感。裡面的蝦和蜆都非常新鮮，口感滑嫩，讓這道菜非常可口。意粉的煮法剛好，不過軟不過爛，吸附了醬汁的味道，吃上一口令人陶醉。總的來說，馬鞍山茶舍的這兩道菜無論是顏色還是味道都十分誘人，讓人感受到餐廳對食材的新鮮把控和對味道的用心。特別推薦這裡的茶飲，搭配美食更顯格調，值得再次造訪！…查看更多

Statehouse Dining ExperienceYesterday, I had the pleasure of dining at the Statehouse, where I explored two of their main dishes: the Rib Eye and the Fillet. ### Rib EyeThe Rib Eye was a standout. Cooked to a perfect medium-rare, the steak was tender and juicy, with a rich marbling that added depth to every bite. The presentation was also impressive, with the vibrant colors of seasonings adding a nice touch to the plate.### FilletNext up was the Fillet, which was equally delightful. This cut was incredibly tender, with a buttery texture that melted in my mouth. Served with a side of cut fries. The dish felt both elegant and satisfying.### ConclusionOverall, my experience at the Statehouse was exceptional. Both the Rib Eye and Fillet showcased the culinary expertise of the kitchen, making it a memorable dining experience. I would highly recommend these dishes to anyone looking for a hearty and delicious meal! …查看更多

本身經過幾次依間餐廳都無特別留意，尋日放工俾餐廳門口塊 「油治及輕」忌廉三文治poster 吸引。於是就決定試下！去到門口大約7:30，已經有人開始等位，我等左15分鐘就入得。餐廳主打日式定食，有熱菜和冷菜選擇，分別有兩歀價錢.....$99和$89 ，價錢貴D選擇會多D。我叫左兩個$99set ，另外，個別菜式需要額外加錢。第一個set 我叫左秘製Masala 雞、安格斯牛櫛瓜卷、清酒味淋煮蠔同埋南瓜沙律配堅果Masala 雞同埋安格斯牛櫛瓜卷果然係大熱菜式，Masala 雞個汁好野味但唔會好辣，啱晒怕辣嘅我。安格斯牛卷用上有質素嘅靚牛肉，唔係又鞋又靭個啲牛肉，好好食！唔怪之得個個都叫依個菜，加$20都係值！第二個set 我叫左安格斯牛櫛瓜卷、大板燒豆腐餅、鹿兒島吉列黑豚肉餅同埋秋葵伴柚子醋櫻花蝦鹿兒島吉列黑豚肉餅真真真真真係無得頂！新鮮即炸，熱辣辣好香口，而且黑豚肉份量好足料！秋葵伴柚子醋櫻花蝦酸酸甜甜，好開胃！最後我仲叫左個超級邪惡但一試難忘嘅「油治及輕忌廉伴芭菲及雪糕套餐」。我揀左藍莓味加麻糬三文治，一口咬落去係停唔到口，外脆內軟配埋香滑厚厚嘅cream ，真係好好好好食！雪糕方面我揀左豆腐味，豆味好濃口感滑溜！真心推介各位，即使食到幾飽都要嗌依個三文治雪糕套餐。食物質素好好，價錢合理，小店唔收加一店員以禮貎同微笑招乎每位客人，喺香港地係好難得所以好值得大家支持！…查看更多

依家夜晚食餐飯人均消費都要$150-$200 ，好難得俾我搵到大埔一間星馬菜小店，食物有水準之餘仲要唔貴，好值得推薦俾大家！首先我哋兩個人食，忍唔住叫到成枱都係😂😂有無骨走地海南雞飯，依個主力推介俾大家，六七十蚊一個餐，有雞湯、雞配埋香茅飯，物超所值！用料絕對唔馬夫，用上走地雞，皮脆肉嫩特別有雞味同埋啲雞係周圍跑來跑去，所以脂肪含量相對較低！出面好多地方都係用雪藏雞，食落係雪味……海鮮喇沙摻摻都係店舖主打，湯底香濃正宗！有蝦、魚旦、豆卜、蜆…非常豐富😊麵底加入米粉，食落好有口感另外仲有串燒拼盤（雞、牛、豬頸肉）即叫即燒，熱辣辣又香口再配埋杯檸檬薏米水消滯解渴！整體上…食物質素高、價錢合理親民！…查看更多

搵到個好地方泊車喺係新圍仔公共停車場，行過去八妹雞煲只需要9分鐘都幾方便，起碼唔洗泊商場咁貴。八妹雞煲依個名聽就聽左好耐，今日終於有機會試，平日晚試唔洗點等位，入面裝橫係老香港、懷舊風、幾得意。我哋揀左卡位坐，食物方面，叫左半隻秘製八妹鷄煲（小辣）個雞汁好野味！個煲愈滾愈野味，因為D辣椒、洋蔥🧅、莞莤有足夠時間出味，所以建議唔好一上枱就即刻食，最好等多5-8分鐘先食更食完雞點少得打邊爐，配料方面叫左鮮蝦雲吞、雞子、A5 肥牛（大）、墨魚丸同埋蘿卜，食材生鮮每張枱旁邊都會放定一支雞湯，隨時等大家食完雞就可以打邊爐🍲！正！…查看更多

今日要推介一下位處於荃灣享和街5-7號香城大廈地下嘅灜燒居酒屋，係我食過幾次！今次返黎再encore!佢哋都收得夜、放工之後同同事/朋友食住串燒飲返幾杯chill 下都真係一個唔錯選擇。舖頭有兩層、地下個層主要for 人少少三五知已、上一層有大枱、佈置充滿日本居酒屋feel ! 今次叫左辛味噌牛筋肉鍋，啱曬秋冬凍凍哋嘅天氣，牛肉好入味，有唔少配菜：冬菇、九菜、娃娃菜、粗粉絲海膽甲羅燒，滿滿嘅蟹糕、海膽、入口即溶！新鮮好味😋仲要係唔洗自己燒，幫你燒埋拎上台！居酒屋點少得串串…. 我哋叫左白板魚蛋、芝士竹輪同埋三文親子串！配埋長野巨峰SAWA ，真係好chilllll !😇最後以燒伊佐魚作結，原條即叫即燒！新鮮好味😋…查看更多

馬鞍山經常被叫作美食沙漠，冇咩選擇，大部分餐廳都係連鎖式經營。依幾年，真係唔同左，位於鞍祿街18號嘅茶舍，接近7:00pm 已經开始坐滿人同埋要排隊……入到去服務員有禮貌、招呼周到！我哋－行二人叫左兩個主菜、－個沙律都唔過二百蚊！真心不錯！講下環境先…. 舖面都好大，入面仲有－張圓枱可以for 多人聚會🎈我哋今日就坐左張四人卡台，夠曬大！入到去客人可以掃QR code 點餐，menu 上圖文並茂方便使用！食物質素方面：1. 炸軟殼蟹吐司用料上乘！件軟殼蟹接近大半隻手掌咁大，－咬落去D蟹汁流曬出黎非常正！建議大家必食！個飽配有大量沙律菜所以食落好balance ! 唔會滯….. 另外可以揀配菜，薯條或者日式沙律。我揀左日式沙律，沙律汁用左意大利黑醋、橄欖油，健康清新！2. 南瓜雞肉意大利飯份量好大南瓜味濃配埋芝士雞肉🍗正！好好味下次去開馬鞍山又多一個聚腳點喇…查看更多

今日去左大丸和風食堂食晚飯，地理位置方便，由旺角站行過去只需要幾分鐘入到去…環境都好寬敞，唔係平時食放題個D細枱。服務員都有禮貌，笑面迎人！我哋－行二人點咗1. 蒲燒鰻魚飯上到枱熱辣辣，鰻魚好厚份量好足夠！忍唔住相機食先…哈哈哈2. 天婦羅配手打烏冬成個賣相出黎唔錯，烏冬汁唔會好咸…烏冬彈牙！天婦羅有六件，包括：蝦、蕃薯、南瓜、茄子🍆小食方面我哋仲叫左鹽燒厚切牛舌，－份有2串…. 正！推介大家可以encore! 牛舌燒完唔會乾爭爭，juicy 同埋滑口！仲有鹽燒雞軟骨都好好味！脆卜卜…好野味！送酒一流整體而言，以平民價錢可以食到依個食物質素都真係好唔錯👍…查看更多

話說喺沙田食嘢已經食到厭，於是揸車去荃灣大壩街，原來發現真係有好多嘢食。路經有川菜、茶餐廳、泰菜、同埋日本拉麵，最後我揀咗番茄18因為經過門口睇咗一陣Menu已經揀到自己心水….本身好鍾意蕃茄湯配米線，除咗蕃茄湯底另外仲有兩款口味就係麻辣蕃茄同埋豬骨湯佢嘅蕃茄麻辣真係做得好出色必食！一碗入面有唔少新鮮蕃茄，清新蕃茄酸再配上易入口又開胃嘅麻辣，令到我飲咗半碗湯先至再食米線！發覺真係好飽，最後係食唔晒啲米線….另外我揀咗鮮牛肉配炒滑蛋，牛肉新鮮唔會食到梳打粉味。。另外個炒滑蛋份量都好多朋友叫咗個蕃茄18焗豬扒飯，焗飯嘅豬扒厚切同埋Juice嘅唔係乾爭爭嗰啲。。。最抵讚就係焗飯多汁真係好開胃見到佢嘅招牌菜係瑞士汁雞翼，於是我哋再嗌多三隻雞翼，果然係真店之寶必食名物！雞翼入晒味！好香濃，同埋係比雞全翼！今餐真係好豐富又飯又米線又雞翼又菜又野飲，埋單只係$211性價比超高！…查看更多

一入到去，服務員態度好有禮貌笑容滿面，坐低幫我哋斟水，問我哋食乜嘢。仲推介左兩款煮食俾我哋，第一款係挪威三文魚卡邦尼全蛋闊條麵，呢一款真係冇介紹錯！個汁好香濃creamy，配埋芝士真係一絕! 我鍾意食闊條麵，其中一個原因就係因為夠闊身可以掛好多汁上去！另外一款推介主食就係燒春雞松子仁白松露意大利飯，第一次食白松露意大利飯，識落唔係好膩，味道好balance！春雞有半隻，醃得好入味烤得好香脆！佢哋嘅食物係即叫即整，所以一上枱係熱辣辣出晒煙。正！餐湯麵包，都唔錯！蒜蓉法包熱辣辣好香脆！今日個餐湯係蕃茄濃湯，my favourite! 今日係平日，唔使點等位。我哋食飯期間已經有兩台客人去慶祝生日。餐廳服務周到，如果有客人生日仲會幫手播生日歌，都幾有氣氛。…查看更多