hcp999的個人專頁

今日打算外賣app 叫外賣，屋企人唔洗煮啦，點知食到一肚氣1. 龍眼特飲 35$外賣app平台顯示張圖係凍飲，黎到變左熱飲？ 2. 豬頸肉湯粉 54$豬頸肉得4片？ 薄到好似d 牛肉片咁，好心你網上d 圖就唔好show 到好似好多咁啦。呢間野永不錄用…查看更多

自問對食要求都唔係特別高 無去到吹毛求疵既水準首先有樣野要講既 1. 雞翼正常，有肉汁 ok2. 牛肉炒通菜，牛肉都算多 ok之後就要講下 呢片黑暗大陸 既三大災害1. 檸檬茶正常你去間茶廳叫檸檬茶，點都有兩塊檸檬俾你拮下，杯野一上到黎，我篤兩下，乜都無既？ ???起初以為有冰頂住左d 檸檬，再仔細d 睇，唔肯定係咪用濃縮檸檬汁+茶沖出黎既 "檸檬茶" 你又點會諗到，一間泰國餐廳 連檸檬茶都要沖出黎，唔係用新鮮檸檬呢。2. 石頭大碗白飯我9:52落單，等左廿幾分鐘左右個飯黎到，我心諗"嘩 我個飯點解堆到好似座山咁高，都幾有良心wor 間野"一食落去，我默默地將d 湯倒落個飯，希望可以整軟d 個飯，同行飯腳仲同我講，早知叫一碗share, 我就唔知平時都咁大碗定係就快收工先咁大碗，總之個飯 "好鬼硬".3. 頂級災難級爆腥鱸魚小弟都算食過好多間鱸魚，呢間鐵定係"最腥最難食"前面有打手話肉質肥美鮮甜，千祈唔好信！條魚一黎到 , 職員點火煮滾個湯，賣相都正常，咁我就淋d 湯上去，希望條魚再快d 煮熱。個湯滾左煮左一陣之後，我就試一啖。。。 不幸就此開端，條魚既腥味從味蕾開始走到我全身既經脈，我立即發動念能力"堅" 提升自身防禦 同時搵檸檬茶"浪口".不知天高地厚既我，低估左條魚既實力，以為可能條魚浸唔夠多湯，我將佢d 魚肉起曬出黎，浸耐d 湯再食， 一樣腥爆。我只好"天上天下唯我獨尊" , 唔再去掂條肉，真係搞唔掂，個種腥真係出街食飯第一次，食到咁腥，各位唔信既再去叫多次，睇下係咪我係個別例子。後記食到中段，我已經停曬手，不過條魚既腥味仲係不停滲入我個鼻， 呢間野真係可一不可再，8點52落單，9點20先上條魚，但9:45分關門，各位自己衡量要唔要去挑戰一下。…查看更多