or#Tm65885020的個人專頁

唔小心就order哂生冷野，無試佢哋d熟食🥹壽司價錢味道都正常，比大型連鎖店平少少咁丼飯好抵食，大大碗👍🏻👍🏻👍🏻👍🏻一個人黎食都唔怕😂會再黎幫襯…查看更多

一星期內試晒午市晚市茶介$17/位餐前小菜 $16 4個人食未叫野食都唔見$100先點心比較推介有：脆蝦腸粉👍🏻👍🏻👍🏻👍🏻👍🏻雪糕楊枝甘露👍🏻👍🏻👍🏻👍🏻👍🏻晚市則比較少人叫咗孖寶set $288 有南非鮑魚+ 鮮蝦👍🏻👍🏻👍🏻👍🏻其他價錢都比出門酒樓貴…查看更多

銅鑼灣呢間新開暫時冇咩人知就黎試吓🫣 平日lunch time 唔使等位，店內客人唔算多。叫左綿花雞$98，以及特飲雪梨黑豆茶$22，綿花雞湯底好正，成碗飲哂。唯一是價錢略貴，同仲有加一，其實食個麵都係幾個字內ga事😅如果可取消加一會更好。…查看更多

Lunch set 可以係是日幾款餸中簡一款，包強調冇落味精ga湯，任裝白飯同是日糖水。$55 冇加一黎講幾抵食，但只可以選一樣餸，如果可以雙併會更好😜 湯飲完冇口渴，個人覺得糖水比飲出色，場內姐姐服務態度都好好，會回頭😆 …查看更多

上一年黎過食all day breakfast，心心念念想再食多次，終於抽倒時間去😳 假日下午去唔洗等位，即刻叫返個all day （$108）嘆下，但好可惜質素明顯差左，炒滑蛋係好滑，但唔知係唔係冇落鹽，味道非常淡🧐 牛肉腸得一條，似乎overcook左🫠 最大分別係焦糖香蕉🫣 上一次食係脆皮，今次再食係就咁焦糖煮，已經唔脆🥶 另外叫左帶子青醬意粉（$89好似），反而意粉唔差🤪 建議店家可以送埋餐湯麵包會更好😃…查看更多

可能佢入嚟想食吐司，但太晚去賣哂 轉食星洲喇沙加$18有一件班蘭蛋糕。喇沙$68 ，包熱飲，凍飲加$6。呢個價錢不過不失。重點蛋糕竟然幾好食😋 非常鬆軟，亦有斑斕味，但味道唔太重…查看更多

小籠包皮薄好juicy，出菜出得好快，一叫完幾分鐘就上小籠包係熱辣辣上菜。前菜叫左脆鱔，呢道我覺得唔夠趣，同埋食落有少少魚腥味。另外叫左醉雞，就不失不過。主菜有黃金蝦球同埋花膠翡翠苗，蝦球份量都幾多，2個人食略嫌有啲＂流＂😅 都係人多叫會好啲！翡翠苗都好大盤，最後都係要打包走富貴炒飯又係大大盤，3個人食都夠食😂😂 湯品味道濃郁，入邊有兩舊豬肉，百頁以及筍。最後甜品係高力豆沙，佢地係客人叫到即刻整，所以要預10分鐘…查看更多

D set真係好抵食，$88蚊有湯有肉有菜有嘢飲叫左海鮮set 貴少少$168咁上下，海鮮份量比較少，有兩隻蝦兩隻細扇貝兩塊魚柳,魚柳味道有d咸，另外仲有魷魚，唔同其他海鮮，魷魚係一大盤總括可以再黎食…查看更多

又係OpenRice見好多好多好評就試吓！環境幾舒服，座位較少，好彩下午茶等一張就有枱！食左炸雞，炸菇，意大利粉同韓國壽司卷。個人覺得芝士味炸雞幾好食，一共有6件，$108都算價錢合理。至於其他野食就正常，未去到好好食😅 不過價錢都正常唔算貴飲品方面，由於個香蕉latte圖片好吸引，忍唔住叫咗😂 有少少失望，以為係會好香ga香蕉味？結果只係加咗幾塊香蕉係面就係香蕉latte😂 (其實都符合商品說明條例ga)…查看更多

食之前睇過下食評，個個負皮都基本上講個女經理服務勁差😂 今日終於見到真身。女經理帶位，已經西口西面（但我哋剛剛黎，淨係講咗兩位唔該）🥹，我哋坐緊出入口，聽到個女經理同員工講上一台客壞話，話個女人痴x線😂😂 我心諗就算講都唔好咁大聲喺其他客人面前講😂 可能佢係老闆唔止在掛？但我哋應該唔會再嚟食😅😅😅真心怕左d服務態度hesheeat 由黑布街要排隊開始食起，到而家開始冇咩人食，食物質素價錢都唔錯，無咩生意應該係服務累事食物方面 雞翼幾好味，pancake正常…查看更多

由拎飛到入座等左1個半鐘，好彩佢有app可以睇叫到幾號，唔使係門口呆等，但個app唔係幾user friendly，就算walk-in 拎票,都一定要係app註冊登記做會員先至可以睇到輪到幾多號🫣入座起計可以食60分鐘，食物嚟得超級快，基本上一點完幾分鐘一定有得食😂 炸物熱辣辣脆卜卜，感覺係即炸！點解即炸都可以咁快？🤔壽司尚算新鮮，重點價錢抵食，2個人食到飽到嘔都係200幾🥹 唯實在排太長時間，都食多幾次都好難。…查看更多

經過見咁多好評又唔洗等位就去試吓餐廳要上行樓梯一層樓，自肋搵位去到見喇沙要$98就叫個最平魚蛋河 （$58）試吓，味道唔差，但同屋企附近食魚蛋河差唔多😅 $58黎講唔係好抵食。Lunch +20蚊叫咗斑斕奶茶，外表三隻色幾靚，唯一係要少冰都係半杯冰。最後叫左咖椰多士 $38，如果係熱上會推介，可惜係唔熱，但又未去到凍😅 個人覺得未必係即刻整🤔 但都脆扑扑ga最後舖頭由搵位，點餐，取餐同還盤都係自己負責，所以無加一服務費。…查看更多

呢間舖見OpenRice 成日都彈出嚟就去試吓位置有啲啲偏僻，都喺條巷搵左幾分鐘先搵到裝修的確同日本居酒屋相似，但價錢相比之下就貴好多叫左龍蝦2食，分別係龍蝦刺身同龍蝦頭麵豉湯，龍蝦刺身好好食，肉質彈牙鮮甜。推介～～～另外叫咗拖羅，港紙成$100 一塊，一啲都唔平，可惜同日本都差太遠😝 燒海鮮係職員喺你個枱用爐端燒係你面前燒熟，反而燒海鮮格價較相宜，都幾新鮮，可惜我哋唔係幾食海鮮，比較鍾意食刺身，所以只係試咗一樣最後食咗牛肉火鍋，好似$100頭咁上下，比起其他要飽肚嚟講都幾抵食假日Lunch人均都食左$600，一分錢一分貨整體都唔錯…查看更多

經常黎呢間餐廳食lunch，lunch set $60幾蚊包凍飲仲有唔洗加錢泰式凍奶茶飲！野食熱辣辣味道都好食，仲唔洗加一服務費，真係$68蚊一個set買單走人。可能冇收服務費關係，只好期望有咩服務有朋友凍檸茶差唔多食完都未黎到，叫左2個泰國姐姐哥哥跟都唔so我哋😂 叫第三次先有個姐姐即刻幫手跟。…查看更多

晚餐算抵食，set dinner 係OpenRice book有8折，折完意粉set 100蚊都唔使，有湯有野飲另外仲叫咗個waffle做甜品，味道普通啦😛 同冇折。不過dinner set 真係好抵。…查看更多