hunger_JW的個人專頁

銅鑼灣希慎廣場11樓 **Home Pasta** **$62「香煎豬扒飯」連飲品，在銅鑼灣算好抵食。 煎豬扒有兩大塊，豬扒煎出金黃脆邊，焦香撲鼻。外層酥脆帶微焦糖感，內裡軟嫩多汁，絕不乾柴！ 刁草忌廉汁：淋上豬扒意外地夾，又不會蓋過肉香。飲品送既，我要左凍既柑桔青檸，味道正正常常不過呢邊係food court，搵位比較麻煩啲。若想在銅鑼灣搵平價兼好食既午餐，這份 $62有交易的豬扒飯，真心唔錯，餐廳重有意粉同扒餐，下次可以試試。…查看更多

今日又係荃灣搵午餐食，黎左荃灣廣場旁邊既金象泰小廚，其實以前都有食過，最中意食佢海南雞飯。睇番佢個招牌，估唔到已經開左5年，時間過得真係快呀。今次叫左一份海南雞飯和香葉肉碎煎蛋拌飯，兩份都係五十幾蚊。海南雞飯雞肉嫩滑，份量亦都唔少，又好食又食得飽。海南雞加埋汁，味道更好，非常開胃。香葉肉碎煎蛋拌飯，隻蛋幾好食，仲有流心添，肉碎炒得好香口惹味。加埋一齊食當唔錯。跟餐餐茶嗌咗一杯熱奶茶同一杯凍奶茶，凍奶茶叫咗小甜都幾甜下，味道幾好。整體嚟講正唔正宗我就唔知，不過味道都唔錯，值得一試。…查看更多

早兩日去咗旺角全日雞實驗所食溫泉雞。都排咗差唔多半個鐘先有得食。今次叫咗一個溫泉雞上庄餐同下庄兩個餐，另外加左錢轉左蔥油干撈麵，同埋加左一塊桑拿瑤柱肉餅。下庄雞肉嫩滑好多，而且生熟到啱啱好，而上庄係雞胸雞翼，肉質相對冇咁嫩滑，但係味道都唔錯。跟餐嘅三色醬，三隻都好好食，我最鍾意係黑醬油。另外餐湯，應該係椰子雞湯，味道好清甜，雖然睇落去淡茂茂，但係真係好正一碗真係唔夠飲。至於加錢換咗嘅撈麵，非常惹味好食，好值得加錢去換一份試下，我認為比佢嘅油飯要做得出色。最後我仲加咗一份肉餅，肉餅我就覺得一般般，食落比較實淨，都係雞好食啲。…查看更多

經過開銅鑼灣HashtagB，買左一個拿破崙焦糖千層撻，千層撻個撻皮好鬆化，口感好好，下面有好多焦糖，食落會有少少苦，但係整體感覺好好食。買嚟做飯後甜品一流，而且價錢唔貴，經過可以買一個試下。…查看更多

今日喺尖沙咀食咗個焗咖哩牛腩飯，焗飯有炒飯底，咖哩都算幾香，份量亦都非常大份，醫下肚都ok嘅。店內嘅裝修比較懷舊，係好舊式嘅港式快餐店。價錢喺尖沙咀呢邊算唔錯。…查看更多

今次麥當勞推出左一隻新既滑啫啫奶昔，我本來就好中意士多啤梨味，所以即刻黎試試。味道上黎講都係士多啤梨味好好多，我應該唔會再買呢隻啦。不過間唔中有新嘢試下都ok既。…查看更多

喺荃豐地下嘅一間餃子餐廳，可能食慣附近另一間另一間賣餃子嘅餐廳，覺得佢嘅餃子比較細，不過味道都ok嘅。而且價錢都好抵食，一個湯麵，五隻煎餃，包埋少少涼菜同埋一杯豆漿都只係60蚊。餃子都唔錯，今次嗌咗芝士味，餃子皮幾薄，餃子嘅餡調味都唔錯，就只係細隻咗少少上海麵就相對比較一般，湯底也沒有什麼特別，比較淡啲，涼菜就正正常常啦，本來都唔係特別鍾意食。杯豆漿都係正常水平啦，冇咩特別。餐廳位置都算大，坐得都幾舒服，環境亦都算乾乾淨淨。…查看更多

今日喺荃灣路德圍贊和豆腐花，叫咗兩碗豆腐花，價錢超抵，七蚊一碗。雖然係閒日三四點，但係依然有人喺度排隊，生意相當唔錯。今次叫咗一個凍薏仁白果豆腐花同凍黑芝麻豆腐花，我幾鍾意啲薏仁白果，但係黑芝麻就一般般啦比較水D，豆腐花好滑，但係冇乜豆味。好似比以前退步咗，記得以前黑芝麻糊會濃鬱啲。呢度仲可以自己加唔同嘅配料，呢個價錢算係幾抵食，不過味道就一般般啦。桂花冰糖味道唔錯，另外見到佢有花奶味，下次可能會試下。…查看更多

今日下晝終於黎到泰興買呢個包，比我想像中好食，之前食另一間覺得太甜，但今次就啱啱好，而且個熱香餅都比較厚同鬆軟。不過現場已經冇之前咁多人排隊啦，所以我果個都唔係即叫即整，已經凍左少少啦。熱辣辣應該會再好食啲。咁樣15蚊我覺得ok值得推薦。…查看更多

今日黎試下個午餐，價錢正常，叫左一個薄切鹽燒牛舌飯，有跟一鑵鑵裝飲品，我要左菊花茶。個牛舌飯既牛舌量都還ok既，不過有啲韌無咩調咁，算正正常常啦。飯既量都幾多，都食得飽既。…查看更多

今日試了一下這間台灣過江龍胖老爹美式炸雞，點了一份無骨雞腿排。雞腿排肉質不錯好有肉汁，不是番炸的，但是炸粉同調味都一般。辣椒粉是獨立包裝的，呢點我覺得幾好。價錢唔算貴，雞排都好厚。…查看更多

今日呢間泰國菜令我感到好失望。環境係ok既，內面坐位同裝修都唔錯，但係食物就唔係咁啱我啦。今日叫左一個午餐泰式蝦炒金邊粉，同一杯奶茶。金邊粉好油，食左幾啖就已經好膩，雖然有加青檸同埋個金邊粉本身都係偏甜，但係真係好膩。奶茶都唔好飲，上面重有黑色一點點（睇相），應該係啲碎茶葉？ …查看更多

約左女朋友黎試下旺角東既殿大喜屋，價錢比平時食開個間放題要貴啲，但係環境同質素都要好唔少。環境好舒服今次好好彩兩個人都有卡位坐。而且侍應都好值得一讚，因為佢哋收碟收得好頻密，唔會搞到我成枱都係吉碟冇位擺嘢食。其實今次主要吸引到我地係魚子醬同埋海膽，不過發現其實兩款我地都冇特別鐘意食，魚子醬冇特別，叫左一次就冇叫，海膽都一樣，普普通通。但係有幾樣嘢食有驚喜，首先喺刺身方面，蟹腳同埋金槍魚腩都好好食，叫咗好多次。其他刺身都唔錯既，正常。鵝肝就真係大大件，好少見有放題係鵝肝大過塊多士，不過咁大舊真係有啲油膩。呢個海手捲，入面加咗鱈魚乾同拖羅蓉，食落口感好好，好食。呢個牛油果蟹肉最中餅，味道好奇怪，我同女朋友都唔鐘意食。我好鍾意食三文魚子，估唔到呢度可以任攞唔洗跟舊飯，超正。我差唔多食左成碗。另外佢仲有啲鮑魚花膠呢啲中式嘢可以食，不過我唔係特別有興趣，味道係正正常常既。最後食埋杯häagen-dazs彩芋味雪糕，隻蕃薯味幾出，估唔到幾好食。…查看更多

下午茶時間黎左阿荔車仔麵試左佢既招牌特濃沙嗲沾麵，見佢招牌有寫豬手，所以另外叫咗份豬手試下。店內環境衛生不錯，可能因為你係下午茶時段所以客人唔係好多。沾麵的沙嗲湯底還算濃郁，有好多花生碎，溏心蛋就好食既，其他配菜就一般般，麵方面佢地有公仔麵同拉麵揀，我要左拉麵，都係一般般。:)另外加左一份豬手，都煮得幾淋，不過味道一般冇咩特別。食物方面普普通通，都算ok既，不過冇想像中咁好食。如果經過可能會再試下佢既普通車仔麵。…查看更多

又係中環做嘢，今次食呢間中環沾仔記，見佢成牆都係米芝蓮牌，門口又黐咗好多報紙，所以就入去試試啦。雖然佢有咁多牌，但係價錢都唔算貴，真係幾抵食。今次叫左個三寶撈麵，雲吞大大粒兼彈牙，真係可以叫皮薄餡靚。鯪魚都係大大粒。牛肉冇特別，正正常常。麵就超級彈牙爽口，簡單加左啲蠔油都幾好食。如果可以食得辣既一定要加埋佢既辣椒油，真係又香又惹味。另外佢有跟半碗湯，湯底偏甜口，但係味道唔錯，同個麵同埋雲吞都好夾。…查看更多