Kasi的個人專頁

行過見到新開張，又有蠔仔粥，我最愛，所以就入去試吓。一坐低，立即order碗蠔仔粥，個阿姐唔知做乜黑晒面，一句「一早無得賣啦！」跟住調頭走！我即刻心情一沉，你門口碌咁大個牌寫住蠔仔粥，無得賣你唔收返個牌？就算賣晒，講多句解釋下使死？仲要黑面+走開？一啲基本禮貌都無！算！肚餓，叫第樣，牛腩麵，有喇掛，有，寫完張單又係黑口黑面行過嚟大大力「pat」低！咩事？更年期？牛腩........頂！係「油」腩麵至真！肥膏多到幾乎唔見有瘦肉？好彩啲麵仲叫食得，肚餓，無計，頂硬上見到啲油腩唔開胃，見粉麵加6蚊有油菜，咁就叫個芥蘭，唸住叫另一個阿姐落單，點知個阿姐講國語，唔識落單，要等嗰個黑面神，我都已經O晒嘴！但真心肚餓無法子，唯有再叫黑面阿姐，落完單，睇睇，點解加左13蚊既？問佢，佢立刻粗聲粗氣話，你叫加菜丫嘛，加菜咪13蚊！我話你menu寫加菜加6蚊喎，佢話麵加菜加6蚊，你而家加菜就係13蚊！落左單，無得改喇！我幾乎想一碗面車埋佢度！阿姐你知唔知自己講緊咩？我而家唔係麵加菜係咩？你唔識改咪出聲囉！豪無禮貌，知錯唔改，仲要聲大夾惡兼無準！出街食嘢咁耐，第一次食到成肚氣！以後，絕對唔會再去幫襯！…查看更多

路經譚仔，好耐無食，懷念之極，立馬坐低，睇睇menu。其實自己唔食得辣，好衰唔衰，口心不一，係要叫碗麻辣，唔敢叫勁，只敢10小，肚絲豬腸，兩款小食，又係麻辣。好彩譚仔麻辣頗大眾化，10小唔勁，頂住有餘，小食香麻，辣味恰到好處，肚絲煙靱入味，豬腸皮脆軟潤。狼吞虎嚥，好鬼好味，米線雖無咩特色，但都算中規中舉，最緊要係，10小OK喎！小小辣提升整碗美味，但又唔會KO你既味蕾，令你除左辣味就唔知食緊乜。唔食得辣之人就明我講乜非常滿足，埋單81是次肚餓指數為7/10，參考參考…查看更多

一早起來，沒吃早餐，到中午越發肚餓，在街上四盪八逛，走到喜韻下面，給這間Itamomo吸引進去．．．我不會認我餓腳軟了⋯⋯😌環境不錯，可能新開張，裝修簡潔順眼，空間感很好，在附近琳琅狹小食肆來說，感覺很relax。午餐點了個法式紅酒香茅燴牛肋肉配珍珠飯．．．啊咧，全menu上最長的名字，應該可靠吧？🤔🤔上菜了，哇靠！飯和配菜感覺不錯，但．．那個牛肋是A5和牛煮的嗎？怎麼一層厚厚的油蓋在上面，那麼肥，怎麼吃？一下子肚也不餓了。懷著中槍的心情，勉強把第一口「油肋」吃下去⋯⋯嗯？怎麼口感一點不油！還充滿紅酒和牛肉香味！再吃一口試試，才發現，那油份並不全是油，是紅蘿蔔和香茅再加上紅酒的水份煮出來的一層紅色清露，加上牛肋的油份，形成非常配合的口感和香味，讃👍🏻立馬狂風掃落口，填充飢火！配菜也不錯，燒過的茄子片很香，和飯很配，炒耶菜也能帶出甜味。飲品的熱咖啡就普普，缺乏意式咖啡獨有的濃香，感覺是為了配合港人口味，有點失望，不過一個午餐也不能要求太嚴格了。總括來說，性價比不錯，坐得舒服，是附近午餐中上之選。…查看更多