jkfoodee的個人專頁

天氣又凍番，最岩打邊爐。係何文田同旺角東火車站附近搵到間幾新既火鍋店，火鳳凰火鍋料理。上到去環境好大，而且座位好闊落同舒適，卡位2-4個人坐都好夠。六點打後見到愈來愈多人，大家都好識搵野食🤪火鍋最重要個湯底，唔想食辣，就食左個藥膳醉雞鍋，叫左一隻雞既份量，藥膳湯底黎浸雞好有養生既感覺，雞都係大隻既，夠4個人食。想叫個魚類，見到白鱔片就叫了，好小機會食鱔片，而且都有10幾塊，切得好薄好爽口，又唔需要烚好耐。再叫多個韭菜餃，手工餃都係有水準，皮薄得黎唔會一夾就穿，餡料既比例都好夾，食得到韭菜又食到豬肉，呢個真係值得一試。想同朋友打邊爐傾下計緊係要搵個坐得舒服啲既地方，餐廳位置都算方便，係唔錯既選擇。…查看更多

天氣涼番啲至岩打邊爐雞煲烤魚，雞煲黎講18樓雞煲都幾出名，叫左個基本套餐A，黎到荃灣大鴻輝店一於食番夠本。環境好闊落，自助區都好多選擇，甜品區有乳酪雪糕，仲有得自己加topping ，忍唔住食左幾杯。另外菜類又多，一兜兜裝好夠方便。仲有得叫熟食，叫左蝦片，鴨血，忌廉芝士煙肉薯波同埋台灣腸。重點係要食佢個雞煲，揀左唔辣，雞既份量多，味道都好夠，唔太咸，食到咁上下就加上湯打邊爐。海鮮方面有海蝦、短蟶子、蜆同鯇魚片，海蝦叫幾多黎幾多，短蟶子都幾好食，唔係成日有，蜆算大隻，魚都好新鮮爽口。肉類主要食牛，牛唔會好大舊肥膏，另外仲叫左新鮮牛肉同豬潤，唔怕唔夠食。最平民版既套餐A都夠多野食，咩都試哂都要黎多次先得。…查看更多

今晚黎到青衣長發廣場入面既泰然，泰國菜一年四季都想食，睇到個餐牌都覺得幾抵食。餐廳既環境都幾闊落乾淨，坐得都舒服，員工既服務態度親切。二人餐$268一行兩人黎到，睇下有咩套餐，於是就叫左個二人餐。有泰式明盧花甲煱，凍凍地食呢啲熱野幾正，花甲幾多同大粒，湯底酸酸甜甜，係泰國既味道。套裝另外仲叫左招牌咖喱焗麵包軟殼蟹，份量勁大，咖哩配麵包係絕配，軟殼蟹都有好多舊，仲要麵包底，唔想食飯食麵既可以選擇呢個。套餐揀多個豬頸肉啫啫芥蘭煲，叫番個菜，豬頸肉同芥蘭都正正常常。泰式乾炒牛河＄68最後驚唔夠食但又唔想食飯，就叫多左個泰式乾炒牛河，乾炒牛河份量多，夠乾身同夠鑊氣，色香味俱全。🍽泰然 (青衣)📍青衣担杆山路6號長發廣場地下114B號舖…查看更多

係葵興工業區既Little Mario’s Pizzeria係好方便，一出地鐵站行5分鐘就到。係附近收工過黎食個晚餐，環境又舒適，係同朋友聚一聚既好地方。Menu都幾多野揀，有勁多款式嘅pizza，小食有蒜蓉包、咖喱角、芝士條同埋肉丸等等，煮食主要有意大利粉、闊條麵、芝士通粉等等。仲有印度傳統美食，好似烤餅、芝士咖喱、牛油雞。最黎仲有沙律菜同埋甜品，其實都好多嘢食。牛油烤餅$28新鮮焗起熱辣辣，就咁食都香牛油味，同埋唔會話好乾身，主要係配埋個牛油雞嚟食。辣牛油雞$158雖然係落牛油雞，但係都唔係好難，起晒啲雞肉出嚟都幾方便，配埋牛油烤餅好好食。夏威夷薄餅$98 + Parma Ham($20)9‘’既pizza兩個人食都啱啱好，有火腿、菠蘿、蒜蓉同埋莫扎里拉芝士，仲加配左巴馬火腿。🌈: Little Mario's Pizzeria (活@KCC ) (葵涌)📍:葵涌葵昌路72-76號活@KCC地下G02號舖…查看更多

放假約朋友食個慢活午餐提議食放題 12-3點 咩都有得食 比晚餐便宜 自取區都已經有好多野飲 野食熟食區 有湯 糖水 炒四季豆 豬手炸餃子 小丸子 誠意十足 冷盤區 有凍蝦 蜆 日式前菜 泡菜 水果 飲品區 熱飲 凍飲 清酒 汽水 啤酒甜品區 雪糕 雪條 自家制甜品 其他野就可以電話下單刺身 壽司 手卷 炸物 天婦羅 串燒 燒物 料理 煮物 逐樣叫 刺身 壽司都係水準之上 油甘魚 脂肪分布平均 赤蝦原隻上大大隻 帶子鮮甜 雖然係放題 但壽司都整得好有誠意 串燒 即叫即燒 黎到仲熱辣辣 羊肉燒完仲好juicy 煮物方面 估吾到放題都有麻辣牛摩王叫 仲整得幾好味 推薦 夠辣 有牛肉 牛丸 蘿蔔 芽菜 粉絲 未試晒所有都飽晒了所以耐唔耐都要黎覆桌一下…查看更多

同朋友行過通菜街見到呢間韓燒 咁岩好耐冇食就去試下呢到$88 就有放題食 牛肉一枱一份其他有豬 、雞、小食 、前菜都係任食 所以諗都吾諗就去試下一黎就店員就俾幾碟前菜 仲有生菜同大醬用黎包肉食豬有豬扒、豬梅肉、豬腩肉、豬腸同豬皮 豬扒薄切 咁樣可以煎得快熟d 豬梅肉片有醃過 偏甜 豬腸就只係少少胡椒醃 煎出黎好香豬腩肉最推薦 肥瘦適中 雞有雞髀肉 同雞翼 雞脾肉都有醃過 味道偏濃 配埋生菜 、韓國小菜包住食幾好 雞翼單骨上 煎快d 幾貼心 仲有一份牛肉 份量都幾多都係有醃過 食落唔鞋口 仲有其他少少蔬菜可以揀 但食肉獸食完都飽了食完滿足同會encore的除左下午放題 晚上都有放題同單點食韓燒通常會諗起漢x 而家係旺角又多個選擇了…查看更多

觀塘日升中心開左好多餐廳想食好耐既友利冰室 x 勿當奴都開左黎呢到當然唔可以錯過 秘製冬陰功海鮮炒意粉 黎到個樣好似冇咩特別咁 但我睇錯佢 首先食落都算辣 怕辣既朋友要注意 ⚠️之後會有冬陰功既酸味 因為佢落左好多香料 所以好多層次用闊既意粉炒 食落俾d 汁包住晒 海鮮 有青口、蜆、蝦、八爪魚 爽口彈牙 +8 配左伯爵檸檬茶 自家製 朋友話幾好飲 叉燒炒蛋飯 炒蛋係蔥花底 但食落唔止咁簡單 佢似加埋薑蓉咁 撈埋蛋勁好送飯 叉燒都俾左好多舊 啖啖肉肉質偏瘦 本新都有小小咸怕咸既朋友可以走鼓油 +8 配左樽仔咖啡 咖啡有甜 不過不失 $8 都幾抵既…查看更多

同朋友唔知食咩好 打邊爐放題 想食邊樣就邊樣 就咁決定呢到既放題分三個級別 美國精選牛 、SRF 美國等級肩胛肉眼肉 、特上牛小排 揀左SRF 美國等級肩胛肉眼肉另外仲有其他火鍋配料、海鮮、台式餃子、甜品 都夠食首先最重要當然係試牛美國精選牛 同 SRF 美國特級肩胛肉眼肉都有叫做比較美國精選牛 都幾多雪花 不過牛味冇咁濃 美國特級肩胛肉眼肉 雪花冇咁多 牛味比較濃海鮮都值得試 沙白甜 蝦爽口 其實自助bar 仲有好多野揀 蔬菜 、丸、冷盤 不過食肉獸當然食牛肉為主講真食幾碟美國特級肩胛肉眼肉都回本了雖然食麵晒quota 但都要有d澱粉質落肚 台灣 王子麵 夠幼身 吸晒椰子雞湯底 yummy 甜品有好多選擇 試左抹茶軟雪糕 茶味濃 同埋我至愛既榴連雪條 食到捧住個肚走呀…查看更多

星期日既下午 想食春卷米線既時候 去到先知俾姐姐攻佔唯有搵其他野食 落到樓下見到有間新開既粉麵 主打雞湯麵 / 車仔麵 就入去試下 朋友有留意芫荽關注組成員話呢到芫荽雞湯麵夠多茜 佢諗到無諗就點呢個 要米線 我呢 見到有喇沙雞湯麵又係唔洗諗叫左米粉 等左一陣就黎啦黎到都幾大碗 雞有6-7 舊都算合理 我個喇沙湯都幾濃味 有少少辣 配米粉好岩 雞食落估唔到幾滑 啖啖肉好正呀 朋友個芫荽雞湯麵真係幾多茜😂舖滿左個碗 相對之下個湯係清甜 雞都一樣咁滑 見個個都叫醉雞 下次會想再黎試下醉雞湯麵 不過見個個叫醉雞湯都要等得比較耐 要預番時間先得…查看更多

以前番工成日都會黎食 因為佢大件夾抵食 好耐冇黎 今日假期特盈登過黎試下 南乳雞球 米線 呢個係必點咁濟 眼見枱枱都會點 雞球同米線分開上 米線會有少少雪菜跟 雞球好多件 一個人一定夠食 味道方面 炸到熱辣辣 可以點埋佢個南乳醬 會多d 咸香 但我就咁食都覺得夠味了椒鹽肉排撈粗 想試好耐 但又放棄吾到雞球 😅今日朋友同我share 就可以叫埋 肉排都係即叫即炸 熱辣辣 外面連椒鹽上 所以會咸少少 但幾惹味 肉都幾厚 唔係薄個隻 所以炸完出黎都仲juicy 撈粗會跟少少鼓油 同埋個湯 覺得咸飲兩啖清下味蕾岩晒 食完又好滿足了 以價錢同味道黎講 特登黎食都值得嫁…查看更多

朋友介紹呢間龍城茶餐廳係旺角中心樓下早餐去到12 點已經非常加分 因為常餐同早餐差唔多 但價錢差$1x 入到去都幾多位 但12點前都可以坐滿晒 應該都唔差又係朋友介紹點左辣魷魚公仔麵早餐 仲有炒滑蛋 同腸仔 再跟 芝士火腿牛角酥 餐飲 奶茶 先$39 係旺角黎講真係冇得輸了 辣魷魚同食車仔麵點既差唔多 辣辣地幾惹味 炒滑蛋 同腸仔 就正常啦 不過芝士火腿牛角酥好有誠意 真係有焗過 黎到芝士係融融地既 奶茶都正常 另外 朋友話呢到菠蘿油都好好味 叫左個黎share 眼見都幾多人叫 黎都都幾大個 試左 菠蘿皮幾脆 牛油軟滑 係唔錯既 旺角茶餐廳又一好選擇…查看更多

當以前譚x仲未出名既時候長沙灣有好多好味既米線 裕一品就係其中之一 就算而家 耐唔耐都會特登番黎食下 今日食左個大窩過橋米線 麻辣 小辣 套餐有好多配料 同譚x 差不多 味道方面 呢到既麻辣算幾辣 小辣其實都好勁 但辣得黎湯頭有d甜味 黎到大大碗 加埋 d 送兩個人食岩岩好 加左個小食 紅油木耳 佢切到幼身一條條 撈左d 酸醋 一黎幾開胃 二黎可以解辣香草大雞翼 Request 烤得乾身d 因為乾身d個邊就會脆d 而入面d 肉 仲係滑既果然係原祖米線 每隔一排就會想黎食下…查看更多

觀塘市中心愈黎愈多野想少人d 今日行左上康寧道試下呢間餛飩/ 餃子店 佢呢到有分小餛飩 、 大餃子 （煎/ 湯） 小朋友先做選擇 兩個人當然要試晒兩款 小餛飩 有分鮮肉 、香菇鮮肉、韮菜鮮肉 、玉米鮮肉 、薺菜鮮肉 同全家福 吾洗諗 叫左20 粒全家福 佢鮮肉個底都幾濃味 比較特別既既係薺菜 薺菜味會出好多 大餃子方面 同小餛飩既餡都差吾多但多左雲耳白菜鮮肉 所以10只全家福煎餃 即叫即整 脆卜卜 我都係鐘意薺菜同韮菜 食落味道層次多d 炸醬麵 幼麵條 炸醬係肉碎佢底下都有少少湯 食落唔會咁乾 味道都可以…查看更多

尖沙咀天文台道附近有間幾高質既小店，主打外賣吐司同咖啡，睇得出係好用心經營既小店。吐司主打有三款，分別係ham+cheese，avocado +ham，同埋avocado，本身都中意食cheese 所以揀左ham+cheese同埋avocado+ham。先講佢個吐司，由於外賣左一段時間先食，但因為有烘過，唔會濕哂變左個包好林，塊Cheese 有料到，同塊ham好夾，但食哂又唔會好”漏”，睇佢普通食材，但味道好好，而且格耐左先食都keep到，真心正。另外，牛油果加火腿又係勁夾，牛油果加左d調味易入口左，如果平時唔係食開牛油果呢個都可以接受，因為牛油果調左味同埋塊ham都夾到，成件事又係勁健康。飲品叫左chocolate cream同埋coconut brew，chocolate cream 好smooth，好有朱古力味但唔係話太甜配埋個包幾refreshing，另一杯椰子水咖啡，估唔到個味係咁清新，夏天熱辣辣飲杯一定透心涼，味道幾特別但又接受到，唔錯既組合。最後，雖然店仔細細但絕對高質，見佢好小吐司既選擇但一食落去就知唔係hea你，無論包，火腿，牛油果都唔係就咁夾埋就攪掂，背後可以要調下味，搵下邊種芝士先夾到，火腿又要有小小味道。再加上飲品，所有飲品係用靚料，見到佢沖咖啡既奶，椰子水既牌子，咖啡豆等等都係用番一流既用料，所以先沖調到一流既飲品。仲想讚多點，因為主打外賣，外賣既餐盒，飲品杯，包裝等等都係有心思，成件事你係睇得出每個步驟都有用心去諗過，可能睇落唔太起眼，但試過一次你就會係多方面都滿意。…查看更多

有得晚巿收左工黎食個雞煲放鬆一下，大鴻輝咁多野食，真係黎到先諗都仲得。雞煲同打邊爐晚巿食好feel d，所以今日揀左18樓雞煲火鍋專門店。入到去環境好闊落，食落都舒服。雞煲當然要食雞，雞既份量都多我估二人有半隻到，辣味都夠，雞都入味。食完雞煲就加湯打邊爐，叫下火鍋食物，又有邊爐醬料一個字，加勁多蒜蓉，一個字正！之後叫左邊爐食物有蝦，都好新鮮，黎既份量都足，冇取巧。不想食牛肉所以叫左羊肉，切得都薄，有羊味，都ok。墨魚滑有驚喜幾正，幾爽口，可以一戰。最後食多個公仔麵埋尾，都幾滿足。總括而言，點左個套餐A，算係最平嗰個套餐，但都算係夠食，食物都幾多選擇，仲有啲餃子啊牛柏葉啊等等，所以都不失為一個好選擇。…查看更多