HeimanWong8761的個人專頁

每一樣野都係mini size, 唔係唔好食，亦未係好好食，正常發揮，但呢個價錢，錢洗左有8成係環境度，但環境亦未到好好好坐，呢個價錢呢個份量，CP值極低，7折完都係貴，大胃嘅朋友好出考慮下。總結，冇下次。:(…查看更多

極度失望非常差非常之差，我平時都有係外賣平台買呢間外賣，幾個月前都係正常份量正常味道，今晚呢餐真係大開眼界，收到個餐真係呆左，個份量係比之前少左一半有多!!!!!!!嬲到噴火，立即打電話去間餐廳度問，接電話嘅人已經轉左係幾個南亞人士聽，佢地竟然話繁忙時間有時會咁，超級離譜!!!!!! 再食埋藥所謂嘅五花肉，比香口膠仲要硬，超級乾，嘩份量又少味道又差，我發誓以後唔會再幫襯，出個post唔好再有人受害!!!!…查看更多

上個星期日係屋企附近搵嘢食行過見到呢間日本野，有放題有Set lunch，餐牌唔貴裝修有幾企理，諗住攞個入去試吓新野，點知話冇晒位唯有book下個星期試佢個放題啦準時十二點入到去已經有唔少人入咗座午市放題268加一，望落價錢唔係特別平點知一上枱就見真章刺身多款又新鮮，件件厚切不馬虎有時仲嫌厚得滯熟食極多選擇，清酒啤酒芝士奶蓋仲任飲呢個價真心抵哂，仲可以坐足三個中可以慢慢食慢慢嘆上菜一開始算快手間唔中有一兩個miss左叫已經就立即補返食完仲立即book下星期帶屋企人再黎絕對抵食過大部份酒店自助餐或連鎖日式放題…查看更多

非常方便快捷，可用Alipay 或其他信用卡俾錢，預早落單唔洗排隊唔洗等，但雖然經OpenRice 外賣有八折，但份量比堂食少好多，抵唔抵就見仁見智啦，只可能講係慳左時間。…查看更多