Dekalog的個人專頁

2022 年踏入新一年，第一頓晚餐當然要同好友一齊分享，我哋揀咗食pizza ，係澳南海岸嘅 The Pizza Pig。第一次嚟，當然要食呢度嘅 signature dish, Piggie Pizza,另外揀咗個我哋未食過嘅 pasta: Pork Orecchiette。首先上枱嘅係貓耳朵粉，配上辣肉醬。呢度嘅貓耳朵，應該係機器生產而唔係手打的，質地比較順滑，唔係幾掛到醬汁，冇乜勁爵感，肉醬也比較咸。食食吓見到隔離枱有侍應攞咗兩個大茄汁罐擺係檯上面，初初摸不著頭腦，後尾見到原來係用嚟承起一個超長，應該有成30吋嘅 pizza,我同好友都睇到好 surprise 😳😳。隔咗一陣，我哋叫嗰個Piggy Pizza 都上枱喇，當然冇隔離嗰個咁長，但應該都有15吋。 食落我同好友都唔係太鍾意呢個pizza 底，唔夠薄皮唔夠香脆。另外手撕豬手肉亦都過咸，蕃茄醬可以多些。飲品分別叫咗pink piggy 同 tropical punch, 我同好友都覺得前者好飲好多🤣🤣。今次叫嗰二個dish 都比較咸,下次都係叫番啲味道簡單例如margherita😅😅。…查看更多

好耐冇黎蘇豪區食嘢，今日特登同好友過嚟睇吓有咩好食😋。好友喺OpenRice上面搵到呢間pizza店，就嚟試一試。嚟到嘅時候，餐廳開門冇耐，所以我哋喺餐廳嘅第一枱客。室內燈光偏向昏暗，最搶眼係右邊一列紅色硬皮沙發。呢度嘅Pizza以uncle乜乜， uncle物物為名，幾過癮：我哋叫咗個8吋嘅Uncle Wyman, cajun chicken幾嫩滑，唔鞋口。第一次係Pizza上邊食eggplant,所以口感有少少怪.但烤得幾香,而最特別係加咗anchovies 令個pizza加咗少許鹹香味。我同好友都覺得個Pizza個餅底比較遜色，唔薄唔厚，可能我哋都鍾情拿玻里式嘅薄餅底🤣🤣。反而個 linguine with clam 更加令我哋滿意，無論係個意粉定係個蜆肉，煮得剛剛好， 意粉夠爽口al dente,蜆肉夠鮮👍👍。…查看更多

喺中環做完嘢，同好友決定去西營盤覓食，搭叮叮坐幾個站就到，但就要行上高街，好友行到有少少喘氣，兼出晒汗😅😅。咖啡店原來位於西邊街，就喺教堂對面。店舖面積不大，座位大概有10嗰度啦，counter 前面亦都有張長凳可以坐，舖頭外牆，大門同埋counter都係綠色，頗統一。幾鍾意個Menu，細細張，以卡套形式示人，很精緻。呢度有gelato食，我哋揀咗：GuavaPistachio Salted CaramelCookie Hazelnut Guava 只有輕微、淡淡嘅番石榴味，Pistachio 比起之前去中環嗰間澳洲專門店唔夠棉密濃郁，Cookie Hazelnut只食到碎 cookie, salted caramel 係四隻味之中味道最突出，因為夠鹹 🤣🤣。除咗 gelato 都叫咗 Original Burnt Cheesecake 同埋Salami Porchetta Pesto Panini。 Cheesecake 口感柔軟但密度唔夠高，蛋味過多，芝士味唔夠濃。 Panini 烤得外脆內軟，但由於我哋掛住食 gelato, 個 Panini 上枱擺咗一陣先至食，以至入面嘅芝士已經開始變硬返，，所以要趁熱食😭😭。呢度係寵物友善食店，所以食到中途，有其他食客帶咗2隻狗狗嚟，其中嗰隻細狗喺個場周圍走周圍聞，令到其他食客都很興奮🤗🤗。…查看更多

路過中環石板街，見到一條長長嘅人龍係間舖頭出面，好友一個箭步已經走咗去龍尾排隊 🤣🤣，我走去睇睇，原來係一間賣雪糕嘅舖頭，先至醒起之前睇過報道有間澳洲賣Galeto係香港開舖,原來選置係呢度。排咗20分鐘終於入到去買雪糕，見到牆上面個Menu有成40款口味，真係眼花撩亂，有選擇困難症🤣。請後好友揀咗：Pistachio Salted Caramel 我就揀咗：Vanilla Panna Cotta with Fig Jam & AmarettiMacadamia Crunch五款口味中，好友同我都最鍾意係 Pistachio，味道最濃郁，質地綿密，每一啖都馥郁美味。至於嗰意大利奶凍味，質感幼滑，奶味濃郁，好友就覺得好有藥水味🤣🤣。一邊同好友食住雪糕，一邊聽住店內播放嘅金曲，我同好友都不經意跟住歌曲一齊搖擺🤣🤣，享受著我們倆嘅快樂時光🤗🤗。唔知呢款 Pistachio Paste有冇得買返屋企嘅呢？🧐🧐😅😅🤣🤣。…查看更多

自疫情後己冇去過金西南食米線，今日去開銅鑼灣，決定再訪。食番之前好友推介：牛肝菌，黑木耳，松茸，竹笙，腩肉小窩米線，小辣。食物味道冇變，要配飲品，因會好口渴😏。環境感覺就變了。下晝3點先嚟，坐位已全部坐滿了😳🧐，等咗一陣有人走先有位。因疫情枱面加了紙圍板，高度不足，我碗米線同前面紙板距離不足0.01公分（好有重慶森林 feel 🤣🤣)，感覺跼促，食緊米缐不時有烏蠅飛過，感到很煩擾🤣😡🤬。疫情就算過去，應該都有一段頗長時間先會再訪🤪。…查看更多

食過好多次好友買嘅春水堂外賣，今日終於同佢一齊嚟到堂食😊😊。平時喺外面等外賣，只係見到鋪頭嘅出面，就以為間餐廳比較細。今日入去堂食，就發現原來間舖頭係好大，好深嘅😅😅。半筋半肉番茄牛肉麵以為加咗蕃茄會影響到個湯底，但冇，牛味仍然濃郁，筋同肉均炆到好淋。麵條用咗關廟刀削麵，有咬口。手工麻香麵線呢個麵一上枱，好友同我都覺得「伏」咗😳😳。除咗份量好少，底下嘅麻油水汪汪，一點麻香味都沒有，唔會有下次㗎啦。黃金香酥雞呢個雖然賣相普通，但食落非常好味，外皮雖然炸得香脆，但內裏雞肉仍然保持得非常嫩滑👍。慢煮豬手外賣雖然成日叫，但依然冇食到厭，堂食仍然要encore🤣，好食在於佢個醬汁非常濃郁，啲肉汁滲透哂係豬手入面，惹味非常！好友叫咗熱珍珠鐵觀音奶茶，荼味唔係好突出，但啲小珍珠就好煙韌好有咬口。而我個杯朱古力珍珠奶茶，面頭鋪咗啲美祿粉同 pretzel，朱古力味若然唔夠濃郁。…查看更多

成日都同好友講要食正宗嘅拿玻里薄餅，今日終於付諸實行，去咗灣仔近銅鑼灣嘅一間意式餐廳食午餐。餐廳格局屬於酒吧+餐廳，分上下兩層，樓上今日有人包咗場，所以職員帶我哋入去樓下張高枱坐。地方唔算好大、昏黃嘅燈光，深啡色嘅實木枱，加幾個用霓虹光管做嘅圖案及字體，很有氛圍。食物方面，先來 Starters:Scallop Bacon Wrap 煙肉帶子串一口咬落去，首先嚐到芒果 topping 嘅甜，繼而係帶子嘅嫩滑質感，最後係煙肉嘅咸味。個人覚得個 topping比較甜，蓋過其他食物嘅味道。Antipasti Platter意式開胃併盤同好友各自將個pita pocket 切開，然後釀入半份煙三文魚、巴馬火腿、莎樂美腸、feta cheese，醃黃瓜，半個車厘茄，自己落手落腳好似製成另一個小食，食落特別好味 😋😅🤣。Margherita Pizza食拿玻里薄餅，首選梗係只用羅勒+水牛芝士+番茄醬製成嘅瑪嘉麗特。呢度有石磚焗爐，即叫即焗，餅底煙煙韌韌，餅邊香脆，好友覺得好食就得夠喇！飲品只係叫咗普通嘅凍檸茶同果汁，值得一提嘅係呢度嘅果汁原本只可以選一種味道，但個外籍侍應好好人，比我好友揀多一隻味道，變成橙汁波蘿特飲🤣，值得一讚 👍。…查看更多

壽司郎喺香港開咗咁耐都未去過，實在有點那個😂😂。坑口店剛新開張，趁機會去嘗一嘗。分店開10:30am，10點到達已見有20多人在排隊了。到開舖時，人龍已排到商場後樓梯下面個層了。同好友被安排坐到去迴轉位，由於中午要去另一個地方，所以食個快嘅，只點了4款食物😅😅。壽司郎嘅食物價錢頗吸引嘅，同一碟蟹柳沙律醬，呢度賣$12碟，元X就要$17。咁當然價錢平但都要食物要啱自己口味，就好似呢度嘅炸章魚塊，粉比較厚，就覺得麻麻啦。由於新開張關係，店舖職員係運作未完全上手，就好似收銀嗰位，仍末識點樣撳機收錢，要搵上司請教，阻慢咗收銀時間。今日由於趕時間，只係食咗呢到好少嘅食物，評論未必夠全面，留待下次再嚟幫襯。…查看更多

同好友係地鐵站內search緊有乜新食肆，偶然滑到去晴舍，相片見環境唔錯，決定一試。間中都會行過德成街（去食腸粉😁😁），原來晴舍係位於一個新樓盤嘅一樓，唔怪得喺地鐵站同埋樓下會見到好多樓盤經紀。由於我哋下晝三點幾先至嚟到，所以過咗午餐時間，只好點甜品及飲品。原味窩夫呢度嘅窩夫質地偏向結實，似係響超市買嘅急凍窩夫一樣，味道偏甜，但個雪糕個味道卻又偏淡，同好友研究咗好耐，啡色嗰個係唔係咖啡雪糕嚟🤣🤣😅😅。抹茶芝士蛋糕呢個芝士蛋糕唔算好creamy，抹茶味唔夠濃，有進步嘅空間。飲品方面分別叫咗 O.M.G. Juice 同埋Vargin Mojito。好友話個杯OMG 幾好飲，orange溝mango溝grapefruit，味道濃郁。另外個杯 , mint 加 lime 加 soda water 味道尚可。呢度空間感好闊落，樓底頗高，枱同枱之間又有一段距離，如果好似我哋咁坐喺窗邊，望住出面棵大樹，真係好舒服好寫意🤗🤗。…查看更多

中環中心旁嘅機利文新街以往都係一啲平民食肆茶餐廳，最近開咗間新嘅小店，專賣 scones 鬆餅。店舖走木系嘅風格，配上好多乾花裝飾、給人清新嘅感覺。Osmanthus Oolong Cake桂花烏龍蛋糕，喺三個蛋糕之中呢個蛋糕比較失色，茶味唔夠濃。Lemon Mini Bundt Cheesecake呢個蛋糕相對其他cheesecake外層比較厚實，內裏唔算好鬆散，芝士味唔濃，外層的糖霜與內裏嘅檸檬果泥，甜酸度適中。Raspberry & Sansho Cake其實好友原本只係買咗頭兩個蛋糕，後尾再俾錢買埋呢個，而呢個反而係三個蛋糕之中最好食嘅一個😋😋，外層鋪佈Raspberry 糖漿，再加上入面嘅 puree，味道極之突出。Matcha Latte & Coffee with Oat Milk今日4點幾先至嚟到，食唔到鬆餅，鋪頭雖然話5點閂門，但係店主同我哋講可以坐到5:30，服務態度非常之好下次會再嚟幫襯。…查看更多

週末下晝嚟到觀塘覓食，目標都係樓上嘅食肆。本來諗住去世貿大樓嗰間人氣咖啡店，但果然人氣店係要排隊嘅，而且排隊嘅地方比較狹窄。我同好友立即轉場，途經巧明街被依間鋪頭嘅相吸引咗上嚟🤩🤩。蒲燒潮鯛魚腩定食定食包麵豉湯，漬物，及餐飲。鯛魚份量不少，魚肉算嫩，醬汁頗甜所以唔覺有腥味，但沙律菜偏苦，食咗一啖已經放棄咗。另外嗰碗飯既唔係用珍珠米，賣相亦十分之差，連普通酒樓嘅靚仔都裝靚過佢🤣🤣。好友揀咗宮崎唐揚南蠻雞，炸雞上枱時仍然熱辣辣，雞肉尚算嫩滑，配埋個醬汁都唔錯，但個沙律菜朋友都覺得係苦嘅，可以話係整個定食嘅一個敗筆👎👎。餐飲方面分別叫咗熱烏龍茶同凍蘋果烏龍茶。餐廳方面雖然佈置得富有日本色彩，但係食物上枱擺位方面卻沒有日本應有嘅細緻精確度，有待改善。…查看更多

本來同好友想去食意大利嘢嘅，去到竟然冇開門（明明OpenRice寫住開架嘛😤😤），因為天氣實在太熱，唔想係條街度再逛，逐去隔兩條街嘅Oslo試吓。蒜香欖油雞肉炒意粉好友話呢個意粉一般啦，茶記風味，雞肉唔算鞋口，但意粉唔夠彈牙。夏威夷丹麥酥pizza個名話就話係Pizza，其實係由兩塊丹麥多士拼埋而成，上面鋪咗少許煙肉同菠蘿。塊多士焗得幾脆口嘅，其他配料都係茶餐廳嘅格局，不外如是。炸洋蔥圈呢個洋蔥圈炸得唔夠酥脆，比較淋身，再脆口啲會好一點。曲奇奶昔呢杯曲奇奶昔，雖然面頭舖咗唔少曲奇碎同埋少許可可脆波，但杯奶昔其實好稀，打得唔夠厚，唔夠香濃。而好友叫嘅飲品青蘋果梳打，真係唔好飲，所以相都冇影🤣🤣。總括嚟講呢間Cafe雖然外貌同裝飾頗有歐陸風格，但食物質素同一般茶記無異。…查看更多

澳南海岸可以話係近年將軍澳覓食新地標，食肆林立，還陸續有新店加入，所以連OpenRice都將佢獨立成區。同好友最近先至嚟呢區食飯，可謂姍姍來遲😅，係眾多食肆中揀咗依間 La Rosabelle Bar & Grill來食晚飯。由於和好友行了一段頗長嘅路而來，加上是夜天氣悶熱，故選擇了於店內冷氣地方進食，甫入內先發現原來室內裝飾得極像一間歐洲古堡建築。晚餐只叫了：凱撒沙律加烤雞肉羅馬生菜新鮮爽脆，雞肉嫩滑，加了胡椒粒，微辣惹味。脆炸魚漢堡配炸薯條炸魚漢堡非常香脆可口，夾層嘅炸魚炸得卜卜趣，沒有雪蔵味，加埋蕃茄紫洋蔥生菜，再加上炸薯條，每一啖都非常脆口。黑松露帶子意大利飯整晚最失色嘅可以算係呢個意大利飯，一上枱已覺得顏色有點怪，係加咗太多黑松露醬所以顏色偏向深灰色？帶子煎得唔夠香脆金黃，食落好濕好淋，應該冇待帶子夠乾身才去煎。個人鍾意比較硬身嘅意大利飯，這個加咗份量比較多嘅高湯，飯粒偏向較軟身。由於時間比較緊，整頓飯沒有叫任何飲料已叫埋單走人了🤣🤣。溫馨提示：選擇座位時最好唔好揀上面係冷氣出風口位，我們這頓飯已經發生過兩次有水滴從上方掉下來，好彩冇落到去食物上😰😰…查看更多

同好友去食過尖沙咀嘅六兩三，今日同佢喺觀塘覓食，行過巧明街一個商廈地下突然間俾好友見到六兩三個招牌，先至發現呢度原來有間分店。呢間分店比起尖沙咀嗰間寬敞好多，座位亦較多，既有吧枱位，又有少量嘅梳化位。呢度係用QR code嚟落單嘅，我哋分別叫咗：三寶牛肉麵三寶係牛腱牛肋條同埋牛筋，牛腱入口柔軟，牛筋則彈牙好滑溜，牛肋條連著少許筋膜，有咬口，但湯底好似偏鹹咗少少。麵條粗身，如烏冬咁粗，偏軟唔夠彈牙。滷肉飯+酥炸排骨滷肉肥瘦均勻，略嫌滷汁唔夠多，細細碗賣$28性價比極高。酥炸排骨，件數比較少得幾件，肉質唔嚡口，炸得還好。飲品淨係叫咗凍芭樂檸檬綠茶，味道清新。…查看更多

觀塘海旁新落成咗好多商廈，亦都開咗好多唔同嘅食肆，趁假期相約好友去試新嘢。海濱匯入面都有幾間新嘅食肆，但假期好多都冇開，故揀咗地方唔算好大兼唔多人，佈置又有少許田園氣息嘅 break 。兩人揀咗個全日供應嘅 all day brunch，分別係玉子燒吉列豬扒三文治同埋是日定食:三文治塊豬扒雖然好厚，差唔多成寸厚，但肉質比較乾，唔夠淋同juicy，有點失望。麵包烘得都算脆，玉子尚算有蛋味，但都嚟補唔到塊豬扒嘅失色😔😔。是日定食係豚肉生薑燒丼，飯面鋪滿芽菜，洋蔥絲仲有數量唔少嘅豚肉片，蔥花及薑蓉。由於好友係唔食芽菜嘅，所以全部俾哂我食 🤣🤣。輕食方面叫咗一口炸池魚同埋芝麻雞翼。池魚肥美，炸得香脆酥口，一啲都唔油膩同腥，令人停唔到一口接一口 😅😅，但芝麻雞雖然雞肉尚算嫩滑，但味度偏鹹得滯，不是味兒。飲品方面叫咗水蜜桃冰搖茶同伯爵茶。整體來講食物方面有待改善，才可再吸引我哋再嚟光顧。…查看更多