*witch的個人專頁

因為之前睇咗港版<大叔的愛>,所以我知道呢間酒吧係阿田和阿牧初相識的地方,於是我地就黎朝聖一下,順便食個午餐  好彩週末下午的客人不算太多,所以我地一入到去都有位坐,仲可以揀位坐服務員的態度也很不錯、很友善,我地鍾意食牛扒,於是她推介我地食3百多元的'Surf & Turf', 即係牛扒及龍蝦, 個牛扒都有10oz, 但以medium well黎講有d 過熟,下次唯有叫medium吧~ 龍蝦的肉也很爽, 食物份量都相當大,兩個人share黎食都差不多,幾抵食  我地仲叫咗個Garlic rice and pork belly (豬腩肉蒜蓉飯),個蒜蓉飯好香好入味,一試難忘,而豬腩肉就皮脆、肉都好香口,仲好食過中式燒肉 最後我地食唔哂D豬腩肉,於是打包走 下次黎我地一定會試下佢既燒乳豬 侍應會主動幫我地換碟,service真係好好…查看更多

我早幾日行過,有少少肚餓,於是光顧呢間食店,我點了一杯熱豆漿和一碟煎豆腐,豆漿味道正常,煎豆腐都算熱。但d圓櫈有d污糟,少少痴笠笠...在結帳時,我發現收銀員大叔(亦即照片中的廚師)竟然沒有戴上口罩,並不停找現金給食客,店內只收現金,令本人感覺很不衞生,並擔心本人喝過的豆漿和吃過的豆腐會不會有肺炎病菌。由於近期武漢肺炎肆虐,巿民聞之色變,絕大部份巿民都會紛紛戴上口罩,避免飛沫傳播病菌。本人曾多番勸喻該名收銀員佩戴口罩,以防止飛沬傳播給食客,但他卻裝作聽不見,於是本人再次勸喻:「你係做飲食業架喎! 宜家有武漢肺炎,你係咪應該要戴上口罩,保障返自己同埋食客的安全呀?」 他反駁:「食緊野都戴唔到口罩架啦!」 本人說:「但你宜家唔係食緊野喎!」 但他依然不予理會。一小時後,本人再次經過該食店,驚見該名收銀員大叔竟然變成廚師(請參考照片),正對著廚窗煎豆腐,並沒有戴上口罩! 本人十分擔心他的飛沫或手上的細菌會沾上豆腐、沾上其他食物,甚至沾上食店內的環境,增加食客染上武漢肺炎的機會,有見及此,本人曾通知食環署職員能夠採取行動,並勸喻該名店主應提高衞生意識,例如要戴上口罩、勤力用漂白水清潔食店,以確保食物及食店環境的衞生,保障食客的安全,防止武漢肺炎傳播。雖然食環署都有打電話去勸喻該名店主佩戴口罩,但店主卻「意見接受,態度照舊」,我今日再次經過呢間食店,發現該名店主依然沒有戴口罩,係到煎豆腐。冇辦法啦,宜家香港法例都沒有硬性規定巿民戴口罩啦! 可能so far香港因武漢肺炎而傷亡的數字唔夠多啦,所以先唔會立法監管啦....…查看更多

近排我心情唔好、壓力好大,透過一位朋友的介紹,我第一次親臨呢間餐廳,同黃太傾心事。黃太帶我入VIP房,耐心聆聽我的煩惱,並加以幫我分析問題,令我從多角度思考問題,她亦安慰我、開解我成個過程佢唔會批評我,令我覺得佢好善解人意,同佢傾完計後,我心情頓時好返好多傾咗一個鐘頭後,我就出房食下午茶,個黑松露海鮮炒飯好正,除咗有蜆肉同埋蝦仁外,仲有好多黑松露係上面甜品仲有藍梅芝士蛋糕和tiramisu呀! 雖然食物係免費,但製作非常用心,一d都唔求其,抵讚! 黃太同埋其他員工份人都好nice,食物同service都好好,所以我臨走時都主動把錢放在錢箱裡,以行動表示支持佢地!黃太,多謝你呀! 下次有機會我會再來的…查看更多

本人第一次同幾個朋友黎呢到打邊爐,限時兩個鐘,食物選擇少,質素不過不失,D食物大部份都要自己出去拎、出去夾,我同我個朋友兩個出去夾野時,有個紮馬尾的中年阿姐(全身穿著黑色制服)推著手推車,撞到我同我朋友,佢第一次撞到我隻腳,一句Sorry都冇,ok,我算,當佢唔小心或者唔知;但冇幾耐,佢架手推車又再撞埋黎,今次係撞到我個屁股! 又係一句sorry都冇我於是走去提佢,話佢撞到我,佢唔單止唔道歉,仲要理直氣壯咁同我講:"鬼叫你地係到傾計咩?! 夾野食就夾野啦,傾咩計呀?!"哇!  乜原來客人夾野食係唔傾得計架?!  之後我就同個樓面既職員講(佢應該係比較高級的),個職員好聲好氣地叫個手推車阿姐同我道歉,但佢竟然講大話話自己冇撞過我仲要話返我轉頭,而且係大大聲咁鬧我:「你自己企係果到夾野就夾野啦!唔好一邊夾一邊傾計! 你傾計既話咪撞到我架手推車囉!」然後佢繼續不停鬧我,哇! 佢講到好似係「我鞋面整污糟佢鞋底」咁!仲要惡死能登呀! 我俾佢架車撞咗兩次,我講野都冇佢咁大聲,我同佢講:「如果你撞到我受咗傷,咁你有冇諗過個後果?」佢竟然大聲咁反問我:「咁你宜家有冇受傷先?!!!!!」佢仲要係咁鬧我,大聲到附近D食客都望住佢!真係失禮! 最後個高級職員叫手推車阿姐快D同我道歉,而且仲勸佢講野細聲D、唔好咁大聲,於是個手推車阿姐最終就好不滿咁大大聲同我講:「唔好意思!!」後來個高級職員免費送咗支sparkling water俾我地一枱人飲,當係幫個手推車阿姐補鑊。個高級職員私底下話我知,原來個手推車阿姐已經唔係初犯,以前都試過有其他食客投訴過佢! …查看更多

早兩年黎過一次,當時係閒日的夜晚,我叫咗個all day breakfast,但由於當年個Menu的選擇好少,而食物又唔算突出,所以我已經有兩年冇黎...兩年後的今天,我決定再俾多一次機會佢,睇下佢有冇進步到,點知個menu都依然好少選擇,main course只有4個意粉揀,連兩年前的all day breakfast都冇咗當我問個侍應點解冇all day breakfast既,佢答只有假日先有,因為假日的餐牌同閒日的餐牌係唔同的我話兩年前的閒日都仲有all day breakfast喎,而且本身個menu的選擇已經好少,宜家仲連all day breakfast都冇埋; 佢竟然辯駁:「個menu已經多咗選擇架啦! 我地兩個月前轉咗menu,已經多咗選擇架啦!」佢係咁強調多咗選擇,其實根本都冇多到! 係懶就懶啦,仲咁多藉口我地叫咗兩個意粉,一個係黑松露意粉,另一個係龍蝦汁青口意粉,上菜時間勁慢,而且份量極少,個份量同食下午茶差不多,但我地明明係晚飯時間食緊晚飯,但點解個份量同下午茶的份量一樣的? 價錢又唔係便宜,service又唔係好,味道方面雖然唔係難食,但又唔稱得上叫好食,個黑松露意粉沒有黑松露的香味呢d食物水準係其他西餐廳都大把,而且人地食物的份量都多過佢多多聲! 飲品方面,雖然味道都ok,但又係份量細,飲幾啖就冇,我開始懷疑呢間野其實係咪「袖珍餐廳」,佢地係咪應該改名叫「袖珍餐廳」會更貼切呢? 一個字,唔抵! 食完之後,我地個肚都仲未飽然後我地決定去附近的茶餐廳再繼續食呢間餐廳的唯一優點是,環境舒服寧靜,適合吹水傾計...唉,冇黎兩年,間餐廳都冇進步過,所以我地下次一定唔會再黎…查看更多

其實呢間餐廳我去過好多次,我由2016年開始已經幫襯。我鍾意呢到的環境,因為夠靜,而且坐得舒服,適合傾計由於餐廳不是位於鬧市,所以環境清靜,座位數目雖然不多,但我每次去都唔駛等位食物方面,睇得出佢地真係好用心製作每次我都會點她們的水餃蝦子麵,因為夠清淡健康,你就算飲咗D麵既湯底,都唔會覺得口渴,證明佢地唔會放好多味精而且麵裡面放咗唔少菜心,營養均衡宜家出面D餐廳好少會係麵裡面放菜的,所以我話呢間餐廳的店主真係諗得周到我最愛吃這店子的家鄉煎薄撐,煎得又熱又香又脆,仲好食過出面酒樓果D煎薄撐,真係有驚喜!正! 但煎薄撐要盡早叫,因為夜晚7點後就唔會再整架啦!我本身不好甜食,但上次同男友一齊黎試下佢地既棗泥餅,真係好有驚喜口感似雞屎藤餅,但仲好食過雞屎藤!不太硬也不太軟,正呀!服務方面,簡直係5星級! 個女店主好開朗、熱情好客、健談又風趣,仲服侍周到而且她對食物的營養好有研究,佢會同食客講食咩會下火、飲咩茶會涼D等等, 令到食客有種賓至如歸的感覺…查看更多

之前有朋友介紹我嚟食,自從我食過一次之後,我就覺得!因為呢到d海鮮又好食又抵食,係香港真係好難得以後大家唔駛再去西頁、屯門三聖村呢d地方食海鮮了,費事俾人劏! 呢到的油鹽水浸蜆唔錯,仲有炸菜,個湯底夠入味但有少少過鹹; 而豉汁炒蟶子好,入味之餘,個口感好好 我同男友今次約咗兩個朋友食晚飯,但因為兩個朋友遲到,所以我的豬男友就叫定一碟炸豬大腸打定底先,但可惜,豬大腸沒有我地想像中好食,雖則個皮都脆脆地...雖然如此,但我的豬男友因為太飢餓,於是他就像埃塞俄比亞的飢民一樣,吃得狼吞虎噬,幾乎把整碟大腸也吃光了XDDDDD 然後我地再叫咗碟椒鹽九肚魚,這是豬男友的最愛,幸好這兒的九肚魚沒有令我們失望,夠熱又夠味!口感又好呀!這是我暫時食過最好食的椒鹽九肚魚 雖然我地今次沒有叫扇貝,但我之前食過,唔錯唔錯!下次一定要再食過我地還叫了一碟菜,但男友說這兒的菜一般,並不特別; 餐後還送了糖水給我們,每人一碗綠豆沙,但豬男友覺得呢到的綠豆沙唔好食....總括而言,呢間酒樓的海鮮不錯,但非海鮮類的小菜就一般,所以,識揀的話就應該只揀海鮮!…查看更多

我初初見呢間餐廳食物的價錢平,所以就想試下。我叫了一碗豬大腸+肉碎+蛋米線,份量都算大,味道都OK,但沒有太大的驚喜;我仲叫了一碟蒜香炸豬手,但豬手唔掂話明係炸豬手,但一D都唔似有炸過,因為D皮軟淋淋,唔香唔脆好後悔叫了這碟豬手 服務態度方面,更加完全唔掂!有個高大肥肥地單眼皮的男侍應平時邊做野邊發夢都算(有客人叫咗佢幾次,佢都可以聽唔到冇反應),坐我隔離有兩位打扮時髦+化哂妝的女士,當她們食哂D野叫埋單時,個男侍應就行過去佢地個位到俾張單佢地,佢地就係個位到埋單;但當我食完野之後叫埋單時,個男侍應就即刻叫我自己行出去埋單,於是我同佢講:「但係頭先隔離位果兩個人係係個位到埋單架喎」 個侍應答:「你出去埋啦,我地間店的規則係要出去埋單的」 呢個時候我真係著 我問:「規則?咁點解呢個規則唔apply落頭先果兩位客人到?大細超?」佢答:「我宜家比較忙,你出去埋單會快d」他繼續堅持要我出去埋,我話佢咁樣既態度,點解連一句道歉都冇,於是佢就敷衍我say sorry,但仲要繼續反駁! 離哂大譜!就算幾抵食都好,但如果一間餐廳的服務質素差劣,顧客以後都唔會再幫襯的 …查看更多

之前有朋友介紹我去呢間餐廳,因為佢食過話好好食,於是我就同男友一齊去試。間餐廳環境唔錯,仲有卡位坐,幾舒服我地一坐埋位就開始睇餐牌,有個戴眼鏡著西裝背心的男侍應幫我地set返好張枱,我順便問佢有d咩招牌菜可以介紹,佢竟然答:「Openrice有寫架,你睇openrice啦!」我果下真係呆咗真不敢相信這番話是出自中檔餐廳的侍應之口佢到底係咪唔想撈呢?我地叫咗蒸水蛋、炒銀針粉和蝦醬炸雞中翼 。佢地話蒸水蛋要等25分鐘,可能因為蒸得耐咗,d蛋有少少硬,唔夠滑; 炒銀針粉唔錯,夠入味跟住就係我最愛的炸雞中翼啦! 雖則金魚佬男友話d雞中翼好似冇乜蝦醬味,但我地都覺得好好味 係香港好難得有d咁好食既炸雞翼呢! 雞中翼大大隻,個皮好香脆,而且入味,雖然我地叫的份量係「小」,不是「中」和「大」,但份量已經算多,唔記得係6隻還是8隻雞中翼。原本我想俾「正評」,因為呢到的食物質素不錯,但奈何這兒的服務態度欠佳…查看更多

之前有個朋友介紹我去呢間餐廳,自從我第一次吃過後,感覺很不錯,所以我之後都食過幾次今次我帶男友去呢間餐廳吃我最愛的德國咸豬手 豬手的皮又香又脆,口感好正D肉又夠味又唔會太硬到目前為止,這是我一生人之中吃過最好吃的德國咸豬手,所以我每次嚟呢間餐廳,都必定會點這兒的咸豬手 而且份量都唔少,又有side dish,side dish係炸薯條,雖然我本身唔太好薯條,但這裡的炸薯條真的很香很好吃 看見豬頭男友吃豬手的樣子(同類吃同類),就知道這兒的豬手好仲正過男友的咸豬手 除咗德國豬手外,這兒的湯都幾好飲這間西餐廳的環境不錯,唔會太嘈,而且乾淨,價錢都合理,我以後仲會繼續幫襯呢間餐廳…查看更多

呢間餐廳我食過好多次,因為佢地的午餐好抵,又好食又唔駛加一我食過幾間日本餐廳的蒸蛋,但(到目前為止)我最鍾意食佢地的蒸蛋,熱辣辣,又入味逢星期六日的中午,佢地都會有午市套餐,menu同平時一樣,只係比平日貴咗$10,但都抵:)我試過好多唔同的套餐,我最喜愛這裡的燒牛扒定食和三文魚親子飯定食D三文魚都幾新鮮其他定食也不錯,但這兒的面噌湯好鹹,而且,燒魚定食的份量比較細,因為d燒魚非常細條,幾啖就食哂,絕對食唔飽雖則味道不錯......... 但其他定食就ok 我帶過我的傻仔男友(係佢自己suggest呢個名的,唔關我事)嚟呢到食,佢都話好食,尤其是個蒸蛋…查看更多

呢間餐廳我嚟過好多次,每次都唔駛等位我試過呢到的好多款食物,我最愛這兒的蒜香牛柳粒、三文魚生飯和稻庭湯烏冬。稻庭烏冬的湯底夠入味 牛柳粒味道唔錯,夠香,d汁好用嚟撈飯食真係一流但牛柳粒如果可以切得再細粒d會更好;燒魷魚賣相不錯,但味道一般。今次我介紹我的餓鬼男友嚟呢間,我地叫咗個牛肉火鍋、刺身、蒜香牛柳粒、燒雞翼和豬軟骨飯,刺身幾新鮮,但豬軟骨飯就一般,因為d豬軟骨似豬肉多過似豬軟骨,而燒雞翼和牛肉火鍋也不錯,雖則牛肉火鍋的湯底有點油膩...整體來說都幾滿意,物超所值 男友仲話呢間野可以收得再貴少少…查看更多

呢間野我食過兩次,兩次的感覺也不錯我最愛這裡的馬拉盞炒椰菜苗,爽口又入味我平時不太愛吃蔬菜,但每次吃泰國菜,我都必定會叫椰菜苗,連男友也說這裡的椰菜苗很有驚喜呢除了椰菜苗外,炸蝦餅也有驚喜,熱辣辣的至於這裡的串燒,其實烹調技巧很不錯,口感很好,但味道是甜的,好像加了蜜糖,奈何我和男友不嗜甜,如果串燒是鹹的會更好之前係呢到都食過香芧雞翼,熱辣辣、皮又香又脆,唔錯唔錯價錢方面,唔算太平,因為我之前試過lunch同7個人食,每人都要$105,但如果係晚餐的話,呢個價錢就係抵!P.S. 多謝大食男友在這間餐廳俾咗個驚喜我 - 手繩一條! 真是物輕情意重…查看更多

自從兩年前我去澳門第一次試咗小飛象後,我一直都對它的葡式燒乳豬念念不忘所以今次我同男友去澳門,都一定要再去多次小飛象 佢地要到晚上6點先有燒乳豬提供,我提早個幾星期係電話到訂枱和訂咗一份乳豬,所以當我地一坐低,就即刻上乳豬我覺得隻燒乳豬都唔錯,d皮幾脆,而且香但上面一半有少少淡,個底就入味....男友覺得乳豬超水準,他狼吞虎噬地吃,成隻肥豬咁由於我地都好大食(好似豬咁),所以仲嗌咗好多野,有馬介休炒西蘭花、燒乳鴿、燒風鱔和葡式雜菜湯,我地覺得乳鴿就一般,因為皮唔夠脆,但d肉都算嫩滑;而雜菜湯就還可以,沒有驚喜,只是普通雜菜湯咁;我地覺得馬介休炒西蘭花唔錯,夠入味 而燒風鱔可說是最最最未食過d咁好食的風鱔,又熱又香又入味,口感又好,好有驚喜!埋單時兩個人包埋service charge都要$677,都幾貴,但好食…查看更多

本人很喜歡吃韭菜餃,所以今次特地來這間餃子店叫了一碟韭菜餃,等咗好耐,終於上菜了!當我見到d餃子大大隻時,我滿心歡喜原本以為應該幾好食,但唔知係咪因為我的期望比較高,當我一咬落去時,發覺餃子的味道有點兒淡,而且d肉比較碎和散,肉質也不夠嫩滑,口感確實係爭dd,但又未至於係難食....不過,見佢價錢都算便宜,座位又舒服,都算啦~ 雖然我未食過呢間餐廳的其他食物,但我覺得呢到的韭菜餃不過不失,我去過其他餃子店,吃過更好吃的韭菜餃…查看更多