m.leungpy的個人專頁

今日同男朋友收工嚟到位於尖沙咀嘅韓國街，見到門口好多人排隊就想試吓！等咗大約15分鐘終於可以入到舖頭，我哋分別點左以下嘅嘢食：牛油蜂蜜炸雞（4/5🌟)炸得外脆內多汁，咬落去充滿蜂蜜嘅味道！令人食慾大增。炸雞外層仲鋪滿左杏仁碎，增添口感芝士火山熔岩泡菜火腿雜錦飯（5/5🌟)店員會為你用火槍燒溶全部芝士，配上泡菜火腿炒飯，鍾意食芝士嘅你絕對不能錯過！辣到適中，配料極之豐富芝士燒五花腩（4.5/5🌟)作為一個芝士愛好者，又點可以唔食買韓國最出名嘅五花腩。一層脂肪一層肉十分之有口感！配上芝士味道更加濃郁總括而言下次會再嚟！…查看更多

放假同朋友嚟到位於北角新商場嘅牛牛放題打邊爐，店內環境裝修時尚，座位位置10分有空間感。需要於接待處先選擇套餐，以及湯底，店員很快就將湯底送到。分別點了日式麻辣味，昆布湯底。牛肉方面我們選擇了$28x那一個套餐，當中包括左澳洲牛、日本A4和牛、豚肉、羊肉。質素十分之高！放題材料區，種類10分多，蔬菜區/丸區/飲品區，種類包羅萬有。令我最有驚喜嘅一定係墨汁墨魚丸、檸檬柑橘特飲！最意想不到嘅係冇諗過調味料區，竟然唔會有青檸柚子醬汁。可以中和左肉類嘅肥膩，令到食慾大增。…查看更多

去食師傅發板，通常都係重要日子先去，但有時唔洗下下都咁隆重，偶爾嚟個小獎勵俾自己同身邊重要嘅人都唔錯。所以就係咁嘅原因，我同朋友就去即興book個Omakase玩玩。就我朋友中環放工，揀咗嘅就係離中環只係步行距的星街，呢條街可算係金鐘灣仔中環，大殺三區。旺中帶靜，無論拍拖同朋友聚餐，都可以用個段唔多唔少嘅步行距離去傾下計，相當唔錯。今次被安排座位亦係Bar枱，可以望住佢點整先爽架嘛。餐廳俾我哋揀好咗餐之後，就一一送上美食啦！柚子皮真鯛醋魚作開胃菜一流，仲有柚子入饌，清香醒神。冰菜配三文魚子、海膽豆腐個頭食完酸味，呢度已經俾緊第二重感受你，三文魚子咬口配冰菜爽度，海膽濃鮮再配軟滑豆腐，好似試緊你條脷咁。北海道厚岸蠔唔止個岸夠厚，隻蠔都一流厚大，又新鮮又肥，入口個下想一嘢流落去胃。粒貝岩鹽配牛扒就多，配新鮮刺身都少見，仲有即磨芥末，「哦E斯」！激發哂貝產的鮮味。吞拿魚赤身赤身本身我唔多鍾意，皆因出面食都乾身。但新鮮的確係唔同，令我另眼相看，下次去第度都會試多次，睇下有無相同咁好體驗。金時鯛壽司鯛魚有另類油脂香，再配乾白梅，魚味濃，入口香，再加壽司飯，難得白魚咁配白飯。浜鯛壽司胡椒配上鯛魚竟然出奇地夾，食埋呢隻鯛可以總結到鯛魚新鮮嘅話，多數都有實肉口感，但又唔會好難咬，只係比一般魚肉實淨，但魚味好足。愛女壽司鹽漬海藻又嚟引發鮮味，加上灸燒香口，好唔夠喉。赤蝦、海膽、海葡萄其中一個重頭戲嚟啦！赤蝦鮮甜大隻，加上海膽，紅紅黃黃嘅賣相已夠吸引，仲有水中至寶之一海葡萄伴住。鮮味赤蝦、濃味海膽、和味葡萄，無得輸！大拖羅壽司高處未算高，近魚鮫頸嘅黃金部位，肉嫩甘香，有大拖質素又別有一番風味，推推推！燒太刀魚完哂刺身壽司，嚟啲熱食，凸顯呢間餐廳多元化，無想過可以食到居酒屋料理。肉味出，燒魚香，又食住魚味個勢，唔會太突兀。免治雞肉棒雞肉棒，足料同埋魚同雞以香肉作轉配都唔錯，呢個時候就係差杯清酒，可惜朋友同我今晚無打算飲。天婦羅雜錦又蝦又蕃薯又秋葵，非常豐富。冷麵食完熱嘢少少油，又送返個冷麵俾你過下冷河，爽皮。日本嘢香港好搶手，靜靜哋嘅和味，好難搵。我會同朋友珍惜呢片樂土。…查看更多

同朋友嚟到銅鑼灣嘅火鍋打邊爐，呢間餐廳嘅主題特色係「去滾」以青樓霓虹燈為主嘅火鍋店。餐牌上嘅食物名十分之有噱頭，已舊式報紙作招徠。湯底分別係鴛鴦，一邊麻辣一邊清湯。嫲嫲今日又唔會太過適合我同朋友唔係幾食得辣嘅人！黃金魚皮，真係幾有特色。冇諗過可以要來作為打邊爐嘅配料。香脆而又淡淡鹹蛋黃嘅香味。鬼馬油炸鬼，係近年打邊爐必備嘅食物。用墨魚滑壤入油炸鬼之中。再配上打邊爐嘅醬汁，實在10分美味安格斯牛肉同埋牛脷都係打邊爐必點食物！十分之有肉味，而且10分新鮮雲吞皮薄喊靚，對於餃子愛好者絕對係不能錯過！重頭戲絕對係飛羊腩煲莫屬！從來都冇諗過打邊爐同羊腩煲係可以相提並論！原來都幾有風味！同朋友一定會再嚟聚會…查看更多

同屋企人一直都想試好食嘅台灣菜，今日就嚟到元朗試吓呢間餐廳。滷肉飯肉質豐富，蛋味香濃，配上鮮味嘅肉汁，口感豐富，值得一讚。肉匙，濃郁嘅先湯底，絕對係食到台灣的味道！冬瓜茶甜而不肥膩，中和一下味蕾。一口鹽酥雞，香脆可口，食過返尋味。絕對係台灣夜市嘅感覺！炸蝦卷，裏面養咗青豆，一粒粒蝦，口感豐富！脆卜卜，彈牙。點笑得最出名嘅紫薯肉鬆包，咬落煙煙銀銀，肉鬆香濃。配上烘左的麵包，絕對令人一試難忘！最後最重要嘅係炸花枝丸，爽口彈牙，花枝味的香氣喺口裏面徘徊。重點係性價比極高！同屋企人會再返嚟食！…查看更多

同成班姐妹去咗觀塘食日式鐵板燒，知道九龍區有一間性價比好高嘅日式鐵板燒，咁岩同好姊妹經過就帶佢嚟試一試！板神觀塘駿業街地舖，門面相當有派頭，店舖裏面空間感十足，私穩度高。室內面積唔算好大但係舒適，共有3間可以安置20年的鐵板燒房。一邊睇住師傅整野食，一邊同朋友傾計。同成班好姐妹分別每人叫咗鐵板燒套餐$880/位（一人前），性價比極高！分別有：⭐️前菜沙律⭐️龍蝦⭐️銀雪魚⭐️A5和牛（薄切）⭐️炒菜⭐️和牛炒飯⭐️湯⭐️甜品沙律十分清新，十分開胃。龍蝦鐵板燒都十分之新鮮，配上龍蝦膏濃郁之餘，口感豐富。另外，最令我回味的是煎銀雪魚，大廚悉心為我地切開每一舊肉，方便食，更細心地煎香魚皮，食落脆卜卜，肉質嫩滑。重頭戲係絕對和牛薄切，煎到3-5成熟，入口即溶，絕對令人印象難忘！麵豉龍蝦湯，可以中和一下味蕾。另外，和牛炒飯亦都極之有蛋香！而甜品就係綠茶雪糕！整體來講我同好姐妹都好滿意今次嘅飯局！板神絕對係喺九龍區來講係性價比最高嘅鐵板燒餐廳！…查看更多

我男朋友今日去到中環嘅IFC食晚餐，餐廳望住維港夜景十分之有氣氛。店員會馬上送上熱辣辣嘅麵包，麵包款式亦都有好多款俾我哋選擇！我哋叫咗pizza，有芝士辣肉腸蘑菇蛋材料作為餡料。薄餅底香脆，火候絕對啱啱好！之後我哋就叫咗肉眼扒五成熟，將十分之令我哋有驚喜嘅係肉味十分之濃郁！而且仲用上Jaspe炭燒烤爐佢烤製牛扒！絕對令整體感覺有所提升carbonara雲吞，平時食開嘅意粉係有個蛋黃係上面，而家似你嘅呢個雲吞係將蛋黃融入於雲吞內，再打上平時我哋食開嘅汁，十分之有創意最後就係甜品時間，同男朋友都好鍾意食心太軟，但可惜嘅係菜單上面冇我哋想食的。所以我哋就膽粗粗問咗店員可唔可以有呢個甜品，冇諗過嘅事原來竟然可以叫到心太軟去食！絕對為我地今晚的晚餐點綴不小！…查看更多

今日同朋友嚟到灣仔嘅劉一手，請問呢度嘅麻辣火鍋係好好食！我哋叫咗小辣，麻辣嘅香味十足，食落有震震嘅餘溫。熱豬骨湯底亦都好清甜！返嚟叫咗朱紅牛丸芝士魚腐午餐肉同埋雲吞，我欣賞佢哋會將食物分類放埋一碟。唔會令到枱面過多不同嘅碗碟！食物質素方面亦都十分之好，絕對新鮮同埋高質！我哋選擇咗美國雪花肥牛，脂肪分布平均。亦都十分之有肉味選擇得麻辣火鍋又點可以少咗主角響鈴！吸晒麻辣嘅湯底配上香脆可口嘅響鈴絕對係麻辣火鍋嘅靈魂最欣賞就係會將蔬菜分類放好，令客人們食得更加安心放心。整體來講劉一手係我食過最好食嘅麻辣火鍋，同好友都食得10分滿足…查看更多

同男朋友今日嚟到西環嘅西班牙餐廳晚餐，一間餐廳十分之有西班牙特色嘅裝修，位置寬躺舒適。頭盤先係西班牙最出名嘅沙甸魚配上風乾左嘅麵包，食粒特別開胃！而且配上甜甜的番茄汁令人食指大動！再來一個頭盤就係類似煎餃子裏面係芝士嘅西班牙特色食物！對於芝士愛好者一定不能錯過！他他醬帶子沙律，最鍾意嘅就係新鮮帶子配上開胃嘅沙律唔會太酸又唔會太甜味道剛剛好分別帶咗兩杯無酒精飲品，西瓜汁同埋芒果熱情果汁。十分之有西班牙特色，而且甜到剛剛好適合我呢啲又鍾意飲甜嘅但係唔鍾意甘甜嘅人西班牙特色腸，肉味豐富，十分之有咬口。配上麵包食，別有一番風味西班牙炒麵真係第一次食，估唔到原來可以咁好食，將不同嘅海鮮配上西班牙特色醬。令人流哂口水總括來說呢間餐廳係性價比極高！…查看更多

同朋友收工諗左好耐到底想去邊度飲嘢，我想順便食個飯傾吓計。就諗住來吳彥祖嘅餐廳朝下聖！打開電梯門就見到一大個櫃係放着各式各樣嘅酒，一來可以打卡二來可以比客人睇到唔同款式嘅收藏品。鹹蛋黃炸雞皮係我最鍾意，龍龍嘅鹹蛋黃味配上一啲都唔平㗎平食落去特別香脆！我同朋友分別帶咗覺一杯嘅酒，經營左最新係我哋去解釋每一款酒精係有啲咩特別之處。我同出邊其他餐廳唔同嘅事呢度嘅日本酒勁多變化，飲落更具層次感鵝肝，新鮮可口10分肥美剪得啱啱好！整體來講漢堡包都係屬於高水準之作！唔單止大嘅肉汁豐富而且份量十足！同朋友下次一定會再嚟呢間餐廳食飯局…查看更多

性價比高的台灣火鍋放題今日同朋友去旺角食飯經過瓊華樓下見到一間新開嘅火鍋店而見天氣亦開始冇咁熱就入去試下。入到去見到裝修環境唔錯,地方大同埋清潔,同一般嘅火鍋放題店好唔同。 店員安排咗我哋兩個人坐卡位非常闊落。坐低之後叫咗一個佢哋推介嘅牛大人 紅燒牛骨鍋同埋牛大人秘方麻辣鍋，跟住選擇咗特級安格斯套餐，已經包餐單上多款食物好似有安格斯牛肉，西班牙豬梅肉片，台灣鱸魚片，各款魚滑同多款海鮮等等。呢度幾特別同新穎之處係佢哋用QR code嚟落單，scan咗QRcode之後 有有好多唔同嘅選擇畀你揀。另外仲可以自己出去選擇其他嘅配料，當中亦都有好多台灣直送嘅美食好似大黑輪，鯛魚片，竹輪海鮮丸，乳酪蛋等等。仲有滷肉飯揀添。飲品方面，除咗普通嘅汽水之外亦都有好多台灣嘅飲品例如柑桔椰果，冬瓜茶同埋 自家製嘅冷泡茶好似菊花普洱 同洛神花茶。 如果like佢哋facebook page或者ig 仲會送一杯黑糖珍珠奶茶。到埋單嘅時候每人會送一杯movenpick嘅雪糕。最後埋單都係每人228加一 性價比超高。 環境亦坐得非常舒服值得一試。…查看更多

一直都知道圓方嘅頂層有好多好食嘅餐廳，今晚就約咗朋友去試其中一間啦。雖然係平日，但室外嘅位都差唔多坐滿哂，雖然坐室外有情調啲，但我地怕凍怕大風，所以都係坐返裡面。首先我地叫咗個龍蝦青豆湯。味道好香龍蝦味，都好足料，有好多龍蝦肉。主菜方面，我地叫咗一個海鮮盤。海鮮種類都幾多，係用烤既方式，有蝦，魷魚，帶子同蟹腳，都好新鮮。另一個主菜就叫左火腿磨茹捲豬柳。第一次食咁既配搭既菜，亦十分之夾。而上面既醬汁係芝士醬，好好味👍🏻最後一個主菜就係羊架，呢個菜煮得好出色，唔會好蘇，啲肉都好嫩，十分推介👍🏻呢間餐廳環境好，價錢又唔算太貴， 下次再去圓方的時候應該會再食👍🏻…查看更多

今日陪父母喺銅鑼灣SOGO買嘢，咁岩見到呢間餐廳喺SOGO嘅11樓。原來sogo club唔一定係會員先可以去到，由地下搭升降機就可以直接到達。晚餐方面我揀咗煎澳洲安格斯牛肉眼扒配燒汁喎我西班牙式燒乳豬。乳豬燒得好脆好香口，安格斯牛眼扒肉汁多，煎得好好軟嫩適中。主菜加錢就配有餐包同埋洋蔥餐湯，湯味濃郁好適合配牛油餐包一齊食。凍錫蘭紅茶亦都不錯來作為一個晚餐完結。La Serene Caffe 食物性價比高，服務員服務態度好好，美味精緻嘅日式西餐令我回味無窮，值得推介👍🏼…查看更多

同好姊妹今日去咗觀塘食鐵板燒，一直都知道九龍區有一間性價比好高嘅日式鐵板燒。適逢係好姊妹生日再帶佢嚟試一試！位於觀塘駿業街地舖，門面已經好有日式嘅感覺，店舖裏面空間感十足。我哋分別每人帶咗一個鐵板燒套餐$880/位。沙律味道十分之清新，另外龍蝦都十分之新鮮，配上龍蝦膏濃郁之餘而且口感豐富。不得不提嘅仲有煎魚，大前日都悉心為我每一舊肉，細心地煎香魚皮。肉質嫩滑。重頭戲係和牛薄切，煎到5成熟，入口即溶，絕對令人印象難忘！另外麵豉龍蝦湯，可以清一清味蕾。和牛炒飯亦都同樣出色！整體來講我同好姐妹都好滿意今次嘅飯局！更加覺得呢間餐廳係喺九龍區來講係性價比最高嘅鐵板燒餐廳！…查看更多

係the wave經過一直想試呢間登堂，今日同好姊妹慶祝生日就食餐好啲。呢到環境唔錯，比較暗，有氣氛。坐底叫左個前菜田螺，食落有香草味，旁邊有薯蓉，好開胃。再叫左兩杯招牌飲品，伯爵茶+ederflower 奶蓋。隻味好特別，甜甜地又好match。另一杯牛油果奶蓋+綠茶，開頭望落以為會怪怪地，但原來都幾好飲，咸咸地好正。而主菜叫左個海鮮白汁意粉，d尤魚都好新鮮。最後食埋個海蝦磨菇pizza，d海蝦加埋個番茄汁都好鮮味，大大塊好滋味。…查看更多