Alexthefoodie的個人專頁

生日飯食咩好算唔算其中一個𢱑爆頭嘅難題🤔？但對於我嚟講，一諗唔到食咩，就泰菜啦😏！香港真係有好多間大大小小嘅泰菜，食極都仲有！所以冒險家精神爆棚嘅我決定是旦喺OPEN RICE搵咗間位於奧海城、環境幾骨緻嘅Sawadee Café🤗。記得我之前講過，通常唔做Research就亂咁去嘅餐廳十居其九係伏，唔知試完Sawadee Chef會唔會打倒昨日嘅我呢😀？泰式生蝦 $168 🌟🌟生蝦刺身🦐絕對係大家口癢想食生冷嘢嘅首選之一！呢份泰式生蝦食落Q彈，鮮味十足。鍾意佢嗰泰式海鮮青醬，酸酸辣辣、非常刺激味蕾😋！但Sawadee Café嘅生蝦刺身相對其他餐廳顯得非常簡單🤔，無任何香料或配料，所以食落層次比較單一，食完唔會有太多記憶點😅。🍴西瓜木瓜碌柚蝦沙律 $188 🌟🌟🌟個汁絕對係成道菜嘅精髓😍！佢個甜酸醬汁撈埋各種水果同蝦肉，非常開胃，食落非常多層次（味道方面以及食材口感），可惜嘅係小編嫌佢啲蝦唔夠新鮮肉質有啲嚡🥹。同埋個價錢相對地貴，而且份量唔係相當多。🍴蜂巢蠔餅 $168 🌟🌟🌟🌟酥炸十足嘅蠔餅，非常新鮮熱辣。蠔仔食落鮮甜😋，麵粉比例均勻食落唔會一嚿嚿。蠔餅最棹忌蠔同餅嘅比例不均！但呢個問題無喺Sawadee Chef蠔餅發生，蘸上蠔餅嘅最佳搭檔–魚露，確實好味至極🫶🏻。小編鍾意拎蠔餅啲炸碎撈飯食，非常惹味哦！🍴芭堤雅椰香胡麻子燒雞 $198 （半隻）🌟🌟🌟🌟好吃！真係有陣陣椰香呢！燒雞🐔上碟時仲熱辣辣，燒雞脆皮上覆蓋濃郁嘅胡麻子，食落香氣十足🤤。胡麻特有嘅香味同混有淡淡椰香嘅嫩滑雞肉完美融合，齋食又得配飯食都得🫣！🍴虎蝦炒金邊粉 $198 🌟真的，我唔太推薦Sawadee Chef呢道金邊粉🤢…… 首先，小編唔理解點解個金邊粉會甜得咁緊要🤮。明白，有啲顧客鍾意食偏甜嘅金邊粉，但太甜真係搞唔掂😵！另外，個虎蝦數量未免少得可憐吧……因為真係甜得有啲奇怪，小編食咗兩啖就停咗🥴！🍴豬肉鬆菠蘿雞粒炒飯 $138 🌟🌟普普通通🥴，又一道食完無咩記憶點嘅菜。呢個炒飯其實只係菠蘿炒飯嘅變異版-少咗啲腰果，海鮮轉咗雞肉（當然，有啲泰菜會選擇用雞肉而唔係海鮮），味道中規中矩，唔太力推😶。其實之後小編同友人有嘗試叫佢哋甜品嚟食，但想試嘅甜品唔係呢樣無就個樣無，最後都有啲意興闌珊😑。真的，真的，真的奉勸大家，搵餐廳食泰菜前，真係要花功夫做Research😤, 唔好貪間餐廳裝修靚就唔理3721狗衝去食，到最後真係賠了夫人又折兵啊😭！最後，提提大家呢間泰菜定位小貴🫡🍻 大角咀海庭道18號奧海城2期地下G21-G23, G25-G27號舖🕐12:00 - 22:00食物味道：🌟🌟餐廳環境：🌟🌟🌟🌟🌟店舖衞生：🌟🌟🌟🌟🌟抵食程度：🌟🌟人均： HKD300以上小編回頭：不會，CP值不太高…查看更多

話說，我有個在港嘅泰國朋友經常同老公到離島拍拖。某日，我決定做咗佢哋嘅電燈膽，同佢哋一齊造訪好幾年無嚟嘅梅窩！一落船，我哋二話不說就去咗呢間藍色泰菜館 - เสน่ห์ SA NE 醫肚。出發前，泰國朋友不斷同我講呢間餐廳有幾好食同有幾抵，搞到我未出發先興奮。畢竟我從未喺離島食過泰國菜，所以滿懷希望，希望餐廳嘅菜色會驚艷到我啦！🍴辣木瓜沙律（鹹蟹）$88  🌟🌟🌟天啊，呢個開胃菜未免太辣啦呱，勁惹味！鍾意食辣嘅你哋唔好錯過，可以叫餐廳幫你哋加辣啊！食泰式木瓜沙律，辣是真的必須！SA NE呢個木瓜沙律辣度過關，但本身已經好鹹嘅鹹蟹再加埋魚露就令到成件事更鹹。所以呢個鹹蟹木瓜沙律，都真係幾鹹...... 如果唔好太鹹嘅你哋記得同侍應講魚露唔好落咁重手啦!🍴冬蔭功 $148 🌟🌟🌟冬蔭功真的好難唔合格！作為泰菜老饕嘅我真係好鍾意飲冬蔭功湯，特別係呢輪香港咁凍嘅天氣，飲返碗暖笠笠嘅冬蔭功真係成身暖晒！SA NE嘅冬蔭功不過不失，海蝦同秀珍菇數目足夠我哋3個人分享，而且辣度妥當，唔係個種好難入口嘅辣度！但有啲美中不足嘅係唔知係咪冬蔭醬落得唔夠，硬係覺得陣冬蔭功味唔夠濃。🍴油炸蝦餅 $88🌟🌟🌟🌟鍾意食酥脆食物嘅你哋，想必每次食泰菜都會嗌炸蝦餅🍤 即叫即炸嘅手打蝦餅食落熱辣辣，非常香口😋小編好驚食到裡面唔夠熱同麵粉比例過多嘅蝦餅😐，但SA NE嘅蝦餅就無呢個問題！熱力十足且蝦肉麵粉比例均勻嘅蝦餅，食落唔會一嚿一嚿，配搭埋酸梅醬真係無得頂🫶🏻🍴泰式鹽烤烏頭 $148🌟🌟🌟🌟泰式烏頭魚🐟通常有兩種常見做法 - 明爐成條燒（配上惹味濃湯）同香料鹽燒。SA NE嘅鹽燒烏頭有驚喜😚！粗鹽、香茅、檸檬葉、南薑份量充足，嫩滑魚身索晒香料啲精華入味非常😋。魚肉同兩種特製醬汁 - 自家辣汁同泰式青檸酸辣汁，異常配合，正啊🫶🏻！(我另有叫店家比啲米線我撈埋一齊食）好滿足！飽到上心口，根本無機會試到佢哋嘅甜品！只好下次再嚟梅窩郊遊時再食啦！其實藍色嘅SA NE店內真係幾多打卡嘅位，睇得出老闆喺裝修上花咗唔少心思！大家有機會到梅窩玩，可以去試下！…查看更多

前排因為成日唔係香港而小咗好多機會四出嚐泰🥹，琴晚終於又再次出動，約埋班舊同事拾回久違嘅家鄉味道😘。一行6人去咗食嗰間屹立九龍城多年嘅黃珍珍泰國菜館。有時行街偷聽到人哋介紹九龍城有咩泰國菜時，「黃珍珍」呢三個字不時都會聽到。呢間嘢算係香港耳熟能詳同比較出名號泰菜館之一。由於對上食呢間嘢已經係好多年前，所以今次我懷住初心嘗試呢間「泰」出名號嘅泰菜館😜。🍴冬蔭功湯 🌟🌟🌟多人一齊去食泰菜，最棹忌就係分贓唔勻😩！但，黃珍珍呢個冬蔭功湯份量足，夠我哋6個分勻有凸，每個人可以分到一隻海蝦，嘻嘻嘻😬。首先，呢個湯落咗好多紅辣椒碎，所以飲落都幾辣（唔太建議唔食得辣嘅你去嗌，又或者叫佢小辣），夠過癮！；另外，個湯南薑味唔算好濃，感覺廚師側重辣椒嘅味道而加少咗南薑落去；最後，講返隻蝦，蝦的確每人有一隻，但只係個種細細隻海蝦，而且唔太新鮮😞…… 🍴泰式燒豬頸肉 🌟🌟唔合格😞！肉質太老嚡，乾噌噌，完全唔係個種醃到好霖又嫩口嘅泰式豬頸肉……我自己有個對燒豬頸肉嘅評分準則—肉汁鎖唔鎖得實。然而，黃珍珍呢味燒豬頸肉太令我失望，咬落無咩肉汁，火燒太大燒到個肉身好乾，即使蘸咗佢個羅望子醬汁（偏甜），都唔覺有令佢起死回生🥹！🍴什錦串燒（豬牛雞各2）🌟🌟⭐️不過不失嘅串燒，唔算太有特色🙂。佢個沙嗲醬比較稀，唔係個種黏黏稠稠；然後，三款串燒缺少炭火烤味，反而有種甜甜嘅味道（可能同醃料有關？），而肉質尚算嫩滑，所有嘢都中規中矩。🍴小食拼盤（香葉包雞、炸蝦餅、泰式春卷，香辣炸魚餅）🌟🌟⭐️不過不失的小食拼盤，勉強合格🙂。每道泰式小食唔會好食到驚艷到你，過下口癮送下啤酒完全無問題🍻。香葉包雞，雞肉有層淡淡斑蘭香葉味，唔多只係剛好有，唔算好食，但叫擺得落口；炸蝦餅🍤，平平無奇，似現成做好拎去解凍然後油炸嘅食品；泰式春卷，尚算香脆但偏油；香辣魚餅，感覺都係現成貨……整體味道一般，但呢個小食拼盤上得好慢，我哋食到主菜咁上下先上😵‍💫。🍴泰式辣豬肉碎生菜包🌟🌟🌟🌟上菜時，個泰式豬肉碎望落乾噌噌，心入面即刻大大對佢打咗個折扣🤨。但一食落，就被佢個味道狠狠打咗我一巴😳。肉碎成功鎖住泰式醬汁，配搭上自帶肉汁嘅光環，就算唔包生菜就咁放入口都超正啊！佢個種曖昧辣味（算係辣？定唔算辣？），配上各種香料嘅加乘，令到我一啖接一啖咁食唔停！真係菜不可以貌相啊，抵讚🤭！🍴酸辣脫骨鳳爪 🌟🌟🌟我記得食呢道菜之前，我同其中一位朋友講：其實呢啲無骨鳳爪，係由廚房啲姐姐用口親自吮出嚟😂。當然呢個關於無骨鳳爪嘅都市傳說係假㗎啦！講翻正經嘢先，呢道酸辣鳳爪咬落Q軟唔算太硬，配上佢哋嘅秘製涼伴辣汁食落相當惹味😗。🍴黃咖喱軟殼蟹 🌟🌟🌟泰式蟹料理🦀，如咖喱炒蟹、炸軟殼蟹，蟹肉奄列，淨係聽到個蟹字都會流晒口水🤤！由於食咖喱炒蟹又要剝殼然後整到隻手好污糟（我心思思好想試），一行人決定改試軟殼蟹！個黃咖喱偏水，味道唔算濃，一啲都唔辣（可能同我可以食得好辣有關？），軟殼蟹蘸咗呢個咖喱都唔會得得特別好食😅；即使被厚粉包裹嘅軟殼蟹食落仍不失其鮮味，蟹肉厚實，絕對對得起呢個價錢！唔似我之喺某啲餐廳食個種7:3 粉蟹比例嘅炸軟殼蟹。如果個咖喱做得出色啲，相信可以為呢道加分。建議單點佢嗰個炸軟殼蟹就可以了。🍴泰式炒粉 🌟🌟🌟千祈唔好比佢個名呃咗！其實呢個就係PAD THAI！黃珍珍嘅PAD THAI相當好味，麵身介乎濕同乾之間，口感煙韌，而且充滿鑊氣，好食！蛋花、芽菜，蔥花比例恰到好處，最緊要係啲蝦仁相當彈牙，索晒醬料嘅蝦仁食落真係無得輸！不過有啲美中不足係，啲蝦乾仔小得可憐，如果比多啲嘅話，炒落一定更香😗！重新出發，繼續嚐泰😎。食完呢間位於九龍城嘅多年老店，心情有啲複雜😖，可能期望過高吧？驚艷程度感覺沒有如坊間所形容的。由於性價比不大，除非係某朋友指定要食呢間，否則我短期內應該唔會再光顧🙂…查看更多

好耐無同班舊同事一齊去泰菜，今次就去佐敦搵食😃！是咁的，今次我哋再次毫無準備下是旦搵咗間泰菜，10次亂搵11次都係伏…… 呢個故事教訓我哋，食泰菜前真係要上網睇吓其他人嘅食評，當然啦，你哋今後都要緊貼我哋啲泰菜食評！咁樣就可以避免中伏😋🫶🏻。🍴THAI-IN 火焰雞 $228 🌟🌟店家會事前打嚟問要唔要hold起隻火焰雞🫣！呢隻雞非常instagrammable, 打卡一流啊📸！但味道上就唔太驚喜，甚至有啲失望。淋上酒燒過嘅火焰雞肉質確實嫩滑，而味道卻似曾相識– 燒味店出售嘅蜜汁燒雞😅，所以我完全唔知個泰式味道係邊。朋友話👧🏼：其實講真，係咪所以菜加上嗰個泰式甜辣雞醬就係泰菜🙃。老實講，我駁唔到佢嘅論點，畢竟呢個醬真心有少少比餐廳濫用咗…… 大佬啊，唔係道道菜加上呢個無敵雞醬就係泰國菜啊…… 真心想講粗口🙃🍴泰式鮮蝦金柚沙律 $98 🌟🌟合格，呢味酸酸甜甜嘅鮮蝦柚子沙律非常開胃😋。蝦量充足，能夠分到四個人有突，蝦身唔算太嚡但又未至於爽口。相比之下，柚子比較出色😗，搭配店家特調酸辣汁，食落酸酸微微。雖然落咗唔少辣椒，但又未至於好辣，所以好適合唔食得辣嘅人😎。由於小我哋食過更驚艷嘅柚子沙律，所以覺得泰瀛嘅柚子沙律高不成低不就，就比個中位數佢啦😊🍴泰式炒通菜 $78 N/A對唔住，真係未食過咁難食嘅泰式炒通菜☹️。一行人都覺得難食……首先，通菜菜身非常老嚡難咬，而且調味偏淡😵，秉承「唔可以浪費食物」嘅精神，大家只好硬住頭皮繼續食。然後，我哋決定叫佢換咗碟菜比我哋，因為我同其中二位朋友食到有渠臭味🤢，估計啲菜洗得唔乾淨。就算換咗碟新比我哋，嗰菜都係偏淡又唔辣，有少少比錢買難受嘅感覺😵‍💫。泰北冬蔭公湯 $128 🌟🌟呢個價錢嚟講可以接受！只要冬蔭公落咗好多草菇一律比佢過關，草菇世一啊🤭！個湯夠我哋5個人分到兩碗，所以湯量足，讚哦🫶🏻！但啦，我哋厭佢陣南薑味唔算好出，可能椰奶落得太多？另外，呢個冬蔭公湯個辣味唔算濃烈，可能辣醬落得少咗🧐？🍴麵包咖喱軟殼蟹$198 🌟🌟哈哈，唔知呢味菜係咪參考英國名物「仰望星空派」去設計呢😂？外觀真係幾似。泰式咖喱一直都係我最鍾愛同偏心嘅食物之一，只要個咖喱濃稠味濃，就可以靠個汁嚟撈幾碗白飯嚟食😋。農夫包雖然好味，但黃咖喱都係配蒜蓉包更搭。農夫包唔會好似蒜蓉包咁裡外都咁香脆，一旦軟腍就會相對地難食😵‍💫…… 所以食泰式咖喱都係搭蒜蓉包好，哈哈！另外，呢道菜有個好大嘅扣分— 軟殼蟹外層的炸粉相當硬☹️，呢種外硬內軟嘅矛盾口感，我表示先不要！🍴炭燒豬頸肉$108 🌟🌟🌟算係成晚最好食嘅菜式🥹。燒至微燶嘅肉邊相當吸引，醃製過嘅豬頸肉咬落相當軟腍，濃郁嘅滋味頓時喺嘴內擴開，正正的😋。再配上，嗰嗰熟悉且無敵嘅泰北辣汁，好味程度立刻倍增🤌🏻！🍴大大小食拼盤208 🌟🌟同串燒一樣，泰式小食拼盤喺味道上係好難有差池😃。泰瀛佢嘅小食拼盤當然都唔另外，由蝦餅到生菜包，味道都係大家熟悉而且安全嘅泰式味道😊。蝦餅、雞翼，同春卷喺油炸方面控制得唔錯，食落唔會太油膩膩。所有嘢都恰到好處，過關😃！一行人飲飽食醉，我話要唔要再嗌個芒果糯米飯比多次機會佢，然後，一行人話真的先不要🙂！雖然泰瀛嘅嘢未至於完部都放唔入口，但亦未算出色同有驚喜。所以一行人只好走去附近糖水舖繼續餵飽第二個胃🫃🏼🤰🏻。…查看更多

有日LUNCH TIME咁啱經過海港城，決定約埋個朋友去食嗰間都頗出名嘅泰菜Nara Thai Cuisine😏。老實講，我有小小期待，因為好多朋友同我反映呢間新派泰菜喺泰國好出名又好食，更被當地飲食雜誌選為其中一間最佳泰菜食府🤩！我哋兩個人嗌咗兩個LUNCH SET ： set1 係店家特別Highlight嘅泰式海南雞飯🐔同埋另1 set 泰式豬肉炒金邊粉🐷，每個set 都會配餐湯、前菜沙律，同一杯飲品（特飲需補回差價）。🍴Set 1 泰式海南雞飯🐔🍚（限量供應）$148 🌟唉，我真係唔知係我嘴刁定點😑......我從未試過食海南雞飯淨係食兩啖就停口.😑.....首先，嗰個雞湯飯太乾噌噌同埋唔夠熱，食落淡茂茂，扒咗兩啖我直接放棄☹️，只好轉移目標 –海南雞！我本住唔好浪費嘅美德，點都要食晒啲雞佢......唉，海南雞肉質老嚡😑，唔夠嫩滑，而且雞肉同雞皮中間啲脂肪有點厚（減緊肥/修緊身嘅你唔好掂！）。個雞唔太入味，只能依靠泰式海南雞醬掩蓋呢道平平無奇嘅Highlight 海南雞飯😩。🍴Set 2 泰式豬肉炒金邊粉 $158 🌟老死同我一樣對泰菜略有要求🫢，但佢仲誇張啲豬肉同金邊粉食剩勁多🫤......我試咗少少發覺呢嗰金邊粉麵身無太大問題，問題出係嗰味道上。上菜時，金邊粉非常足料👍🏻，呢Set嘢好精緻；然而，金邊粉味道偏甜，就算撈埋啲辣椒粉去食，都覺得好甜😑，感覺番茄醬落得太多。如果大家唔太鍾意食烚炒豬肉，就唔建議試呢道菜😑。朋友以為嗰泰式豬肉會係燶燶地，有少少炭燒邊邊個種。豬肉本身係嫩滑嘅，但因為個加落去炒嗰個番茄醬太甜，啲味道完全得返甜同甜🤫......🥣講返餐湯：南瓜忌廉湯同冬蔭功湯南瓜忌廉湯🎃：呢個係朋友嗌，我試咗一啖，覺得中規中矩，唔太驚艷，湯身偏稠，唔太吸引到我 🌟🌟 ；冬蔭功湯🥘：好彩NARA嘅冬蔭功湯叫做正常啲，南薑味足，有足料草菇同辣椒，飲落非常暖胃。🌟🌟🌟伴菜沙律🥗：菠蘿番茄仔泰式沙律普通到唔普通嘅沙律，我就唔多講。🧋飲品：泰式奶茶（另加$18）同玫瑰泰式奶茶（另加$28）泰式奶茶🧋：唔夠甜...... 泰奶就係要甜到爛牙😖，但NARA嗰泰奶唔似正宗嘅泰奶，反而似調較咗甜度去遷就唔飲得甜嘢嘅人所調配嘅味道，算係港式泰奶？🤔 🌟🌟；玫瑰泰式奶茶🌹：第一次飲，有啲驚喜，呢個玫瑰泰奶竟然比另一杯泰奶更似泰奶🤩。嗰玫瑰香味好出，同泰奶入面啲花奶好match, 唔怪得朋友要不斷飲我個杯...... 有驚喜！ 🌟🌟🌟🌟其實係我嘴刁定點🫤？定係午市無晚市好食🤔？我真係唔知，但如果有朋友邀請我去食佢哋晚市，我應該會同佢講：「先不要！」🙅🏻‍♂️...... 唔想食餐飯食到又黑面(因為食到唔好食嘅泰菜)又壓力山大！當然啦，有可能係我過份挑剔啦🙋🏼‍♂️…查看更多

蒲開中上環嘅我，每次經過荷李活道都會見到間綠油油嘅泰菜😎。每次做嘢或者飲完酒經過，都會有種衝動想入去試吓呢間嘢究竟係咩料。終於，我排除萬難約到兩位前同事一齊窺探呢間泰國ISAN（東北伊善地區）口味嘅泰菜🥹🥹。🍴炭燒豬頸肉 168 🌟 🌟🌟🌟🌟兩個字可以概括呢道菜 – 好正😃！炭火味濃，豬頸肉邊邊烤至脆香，肉質嫩滑，一口咬落已經感受到豬頸肉個種甘腴豐溢🤤。唔需要蘸佢嗰個秘製辣汁，齋食佢個肉都已經非常好味。但當然，佢個秘製辣汁係出色嘅😬，酸酸甜甜唔係太辣，羅望子味道非常突出，係香港人熟悉嘅泰國味道！🍴泰北風味冬蔭功雞湯 148 🌟🌟🌟🌟係我媽媽煮嘅味道啊！🥹泰北嘅冬蔭功湯有別於香港人對冬蔭功既有嘅紅紅黃黃形象🥘；相反，泰北嘅冬蔭功湯湯底較清，主要係佢無落到椰奶同辣椒膏🌶️。雖然色水唔似一般嘅冬蔭功湯，但味道絕對相同。呢個清冬蔭功雞湯，我勁鍾意佢落好多草菇同金不換，味道濃郁惹味😝，酸酸辣辣，辣味絕對唔兒戲，係會令人食上癮嘅酸辣味 ，正啊！👍🏻扣分位：我都係鍾意傳統紅紅黃黃，放大頭蝦個種口味濃厚複雜嘅冬蔭功湯多啲🫣🍴蒜香辣椒炒軟殼蟹148 🌟🌟🌟🌟🥵辣，真係好辣。我自問都食得下辣，但呢味辣椒炒軟殼蟹真係辣到要不斷灌凍水🥶。上碟時已經比佢嚇親，啲炸蒜勁多但蟹量相對較少……確實有點美足不中。蟹肉紮實鮮甜🦀，炸蒜炒辣椒營造出類近「避風塘」味道，十分惹味。我鍾意拎佢啲炸蒜嚟撈PAD THAI食，因為啲炸蒜蒜香味強勁，非常適合用嚟撈麵或撈飯。如果唔食得太辣嘅你哋，記得佢哋講小辣啊🤣！！！🍴泰式大頭蝦豆腐炒金邊粉 148 🌟🌟🌟🌟係濕底PAD THAI啊🤤！無錯，我最愛濕底PAD THAI，覺得濕濕地嘅PAD THAI係世一啊！鑊氣十足嘅PAD THAI，一上菜啲鑊氣湧晒上嚟！我食PAD THAI好怕啲豆腐乾硬弸弸😕，但呢個PADTHAI入面嘅豆腐乾出奇軟腍仲索晒啲羅望子醬嘅酸甜同埋大頭蝦嘅鮮味，正啊！講返大頭蝦🦐，蝦身索晒醬料味道非常入味，肉身彈牙爽口，唔會榎歰歰。呢碟用料同誠意十足嘅PAD THAI唯一美中不足就係份量小😖, 我哋三個每人只係分到好小嘅份量...... 真係唔夠我呢啲泰菜老饕食啊！🍴泰式珍珠奶茶刨冰 $88 🌟🌟🌟🌟啊，哈哈哈😝！！！呢個刨冰真係好好食，本身係泰奶粉絲嘅我根本無藉口抗拒呢道甜品：）個刨冰🍧一上枱就要即刻食，唔係佢就好快融成水，影響成道甜點嘅整體味覺。刨冰一放入口就立刻喺口內融化，泰式奶茶獨有味覺𣊬間喺冰片上轉移到舌尖上，令人熟識嘅泰奶味道一湧而上😳。呢個泰奶刨冰唔算太甜，煉奶味道恰到好處，珍珠煙煙韌韌🧋，撈埋啲刨冰一齊食真一絕啊！！！可惜，啲冰真係融得好快，融咗嘅冰會令到其餘嘅奶冰變淡，再食就會淡茂茂😢。食後有感：天啊，成日試埋試埋咁多伏嘢😑，終於有間係由頭到尾都係美食！我家鄉位於泰國ISAN地區，能夠喺香港尋覓到家鄉味道確實幸福同感恩🥺。如果大家有咩好食或好伏嘅泰菜，都可以DM我，我會繼續本住探險家嘅精神食勻全港泰菜😤！！！…查看更多

雖然同心望落懷舊味十足，更稱不上打卡餐廳，但係佢嘅正宗泰味令我食足20年❤️🍴豬頸肉炒捲心粉$78 🌟🌟🌟捲心粉呢個菜式我都係第一次聽，望落仲以為係切開一半嘅蛋炒腸粉！實際口感煙韌，更近似彈牙版嘅河粉。鑊氣重，配料香，可惜偏油膩，亦冇芽菜或者青檸等清爽配料，越食越濟。🍴鴨肉湯河粉$58 🌟🌟🌟🌟泰式鴨肉河粉係香港比較少見，好食嘅更少之又少。不過同心嘅鴨肉河粉可以話數一數二！淨係食個河粉就食到濃濃鴨肉味，河粉質地偏厚身偏韌，即使浸咗一陣都唔會發漲。湯頭清潤香甜，鴨肉濃郁鬆軟，稱唔上嫩滑，但老肉有老肉嘅濃香。**河粉轉金邊粉會更好食啊啊啊啊 ! ** 🍴酸辣椰奶雞湯$78 🌟🌟🌟椰奶十分香厚濃郁，十分適合我呢種奶製品喜好者！但係酸辣二字，佢只佔酸，幾乎一啲辣味都冇。即使雞湯開胃又醒神，香茅味十足，但係湯名同實際不符都要扣佢分啊！NOT SPICY！…查看更多

有間泰菜令我念念不忘，印象中真係好好食！但係今次再去，好似同記憶中嘅味道有出入，但都好食嘅，只係「泰菜不似預期」🍴香燒豬頸肉 $78 🌟🌟🌟🌟唔知大家有冇喺泰國食過豬頸肉？小編就覺得好乾好柴啦，而穌棧嘅豬頸肉更迎合香港人口味，肉質彈牙綿密，鎖汁度頗高。豬頸肉醃得入味，香料隨豬肉帶入齒頰，算係是日最佳。🍴泰式香葉肉碎煎蛋炒飯 $82🌟🌟🌟🌟呢個肉碎蛋飯味道濃重！好辣好過癮！當然係針對啲食得辣嘅朋友，佢嘅辣度並唔係咁老少咸宜。小編認為味道過重，但係隻辣又不失開胃，好容易一啖又一啖不知不覺間食曬。🍴咖哩炒軟殼蟹 $178 🌟🌟🌟呢個恕小編俾唔到公平嘅評價，因為一直對咖喱軟殼蟹麻麻地，所以食落去覺得味道平平。叫咗唔會後悔，但係下次唔會再叫。值得稱讚係軟殼蟹份量十足，有兩隻巴掌大嘅軟殼蟹！🍴芒果糯米飯-細 $58 🌟🌟正常芒果糯米飯唔會出差錯，但係偏偏糯米飯煮得唔夠熟，有啲夾生，有啲失望呢！…查看更多

呼 🚬 有個朋友話：「喂！我屋企附近有間好正嘅泰菜！啲嘢好好食，啲串燒比你之前介紹個間仲好食！😆」咁啦我就本住探險家精神決定窺探呢間泰菜嘅廬山真面目🦭！🍴泰式雜菜煲 $78 🌟普通到唔再普通嘅雜菜粉絲煲......食得出廚師盡咗力放好多心機落去，但呢個心機真係太普通同太鹹呢🤧🍴泰式春卷湯金邊粉 $58 🌟🌟我真係好鍾意食金邊粉🤤呢個金邊粉麵身正正係我最愛嘅腍身😆清湯底唔太鹹唔太淡，又唔太特出。但份春卷非常一般，只係普通嘅蔬菜夾雜些小肉絲，食落唔太油膩同酥脆。再加上廚師將泰式雞汁同春卷放埋一齊，搞到個春卷皮腍晒，扣分！**可能有人怕清湯太寡，唔緊要！記得善用泰菜館啲醬料吧，加入泰式魚露、辣椒粉，同砂糖令成個湯底昇華到可辣可唔辣嘅層次！🍴招牌串燒（雞/豬）$88 🌟🌟🌟我個朋友極力推薦嘅招牌串燒，唔難食但唔算太特別......雞肉串燒食落嫩滑鮮甜，搭上綿質惹味沙嗲醬 ，絕對適合用嚟送啤酒或白飯/湯河；豬肉串燒肉質鮮嫩，咬落有陣濃濃香甜豬肉味，肉汁同脂肪喺口內爆開，齒頰留香🤤 由於串燒真係好難整到難食，除非佢成串燒燶咗，否則難食極都有個譜...... 呼 🚬 食完成餐，我決定嚟緊一個月都唔想同呢位朋友見面😃 街坊們要過吓口癮食泰國菜，近近地落樓下附近食完全無問題；但好似我呢種泰菜老饕，真的先！不！要！…查看更多

位於中環蘇豪區附近嘅bar & restaurant，本身都冇乜期望㗎，諗住隨便食個泰lunch🇹🇭，不過竟然比想像中好👍🏻✨套餐：$128燒豬頸肉 🌟🌟🌟🌟炒金邊粉 🌟🌟豬頸肉表面燒得焦脆，係個種咬落去有層油脂包裹嘅豬頸肉！本人非常喜愛呢種肥美口感！不過香料味略嫌重咗少少，但個Phad Thai可以用一句去概括：味道平平✨套餐：$98冬陰功湯 🌟🌟🌟蔬菜黃咖哩 🌟🌟🌟冬蔭功湯味道偏酸，奶味偏淡，夏日炎炎都幾開胃嘅，但係奶品喜好者嘅小編就唔係好滿足啦🥺泰式咖喱係小編嘅all time favorite，質感較稀，入面嘅蔬菜煮得非常入味，食肉獸都唔會覺得太寡淡～🥳🥳整體黎講，呢間隨機嘗試嘅泰菜算唔錯啦！大家睇返我哋之前嘅post就知我哋試過幾多伏嘢🙂🙂而且份量算係頗划算💰身為前菜嘅豬頸肉同冬陰功同出面散嗌一份嘅份量相若！如果大家行過可以去試下，不過就不必特登去食啦😋😋…查看更多