raymondtse555的個人專頁

經OpenRice買外賣自取，以往都十分好，但今次就外賣包裝得十分差，點三份早餐，外賣阿姐一袋過，但袋偏歪，阿姐不情願才分兩袋。返到家，杯熱咖啡倒瀉，杯是軟淋的。（如圖）…查看更多

見屯門良景村開左金水, 裝修好似幾好, 咁又見無乜人唔使等所以揀左閒日去食飯, 一開始就揀左兩個餐, 一個係牛肉烏冬, 又有好多配菜, 好似好抵食..........另一個就係豚肉飯咁見佢又前菜又壽司又手卷又湯又野飲........成餐飯跟女友都好滿意......諗住有下次之時, 點知.當埋單就發生左件奇遇.........話說, 到埋單, 張單寫HKD180, 我都唔為意, 仲諗住幾抵下, 咁多野食, 但係明明個烏冬餐HKD68, 加特飲就8蚊, 我個豚肉飯HKD78, 點加一都加唔到HKD180丫嘛.......跟手同個待應講話要CHECK返之前張單, 當佢地左搵右搵之時, 搵到, 原來佢地打大左我張單, 加特飲變HKD18(下圖示), 我諗要退返, 點知佢地一個推一個仲要對唔住都無句, 只話打錯左, 退返HKD11蚊俾我,........嘩.....講到我發現佢有錯好似我有錯咁..........頂.........…查看更多

星期四晚上放工去太和游水, 之前總會買個包醫肚, 一入去諗住買佢地個魚柳包, 點知阿姐話有新鮮麵包特色腸包~~我心諗七點半打後都仲有包出~~一睇之下居然係一個熱到有倒汗既包呢~~當然第一時間買依個特色腸包, 而再買多個魚柳包呢~~好耐未諗過係晚上七點半既時間食到一個新鮮出爐既麵包~~~真係抵食~~~…查看更多