連續幾日都落雨，已經困左係公司連續食左幾日外賣，今日終於有少少太陽一於出去食。心諗今日出太陽出面食晏一定會比平日更加多人，咁岩醒起之前黎過royal feast食晚飯，覺得service好好，離我office又唔算遠，就打去訂左1位12點30。由landmark行過去royal feast大約8分鐘左右，路程都唔算太遠，入口係北京同仁堂側面。呢到既晏就個feel同夜晚好唔同，夜晚就燈光暗暗感覺比較浪漫，晏就相對地就比較光猛，有點似係屋企食lunch，自然光射入黎感覺舒服，室內兩部新冷氣其實有點凍，個靚仔廚師見到我披件披肩會主動較高d溫度，真係細心。出發之前會收到whatsapp同要你預先choose main course，所以黎到基本上坐低等食就可以。餐湯同上次飲既一樣係松露野菌湯，味道keep到！主菜就order紅粉海虎蝦，好大隻蝦落左紅粉好惹味，煮得恰到好處肉質好爽，配菜方面調味得宜會令你好想一路食落去，份risotto is super yummy，第一次食有腐乳味既risotto，好好食。甜品係朱古力雪糕，就咁食應該係用movenpick，食過應該食得出個分別。最後order左杯black coffee，杯就靚但coffee水準可以再高d就非常完美。特意開account寫食評以支持咁有heart既後生仔，加油! 
…查看更多
…查看更多
