sugarwong的個人專頁

因為朋友唔舒服,唔可以食熱氣野,所以我地再次選擇嚼江南~~之前已經食過幾次,覺得無咩問題....但今次就出事la~o係等位期間我地已經決定好食咩,所以一入去就落單~紙火鍋小籠包 , 菜肉雲吞 , 排骨拉麵~~首先到o既係菜肉雲吞,同往常一樣味道~~good~~跟住係紙火鍋小籠包~~里個係我地每次都叫o既~~~very good~~但食食下佢突然又上多籠小籠包,我同佢地講話我無叫過,幫我地落單個阿姐就話:咁你地d野齊未呀?我話:仲欠排骨拉麵~阿姐話:,咁可能係落錯單~幫我地跟番~轉個頭有個經理放左張單o係我地檯面,我朋友發現張單無打到排骨拉麵,叫我再問問~我再問經理,正當經理想走去查單o既時候,頭先落單個阿姐又走埋黎話:補番俾佢la~再過左10分鐘.......有一個男侍應突然拎張單埋黎:多謝$102.3我同朋友都 O 左咀.....我話:我未埋單架喎!個侍應走去問經理,經理話:係呀~~講錯左no.tim......我同朋友繼續呆等個排骨拉麵.....我個fd突然諗起頭先個侍應話:多謝$102.3.......計一計數後發現張單根本無計到排骨拉麵~里個時候我朋友已經嬲到爆,但礙於佢唔舒服失左聲,所以唔可以同佢地嘈~~我地決定唔食,埋單~可能因為我地個樣已經好不滿......經理同頭先落單個阿姐都望左我地好幾次~之後阿姐同經理講:佢地個菜肉雲吞好耐架la 喎~~幫佢地追下la!!!!我同朋友都勁想大嗌: 係排骨拉麵呀!!!!!阿姐!!!!唔係菜肉雲吞呀!!!!!!!!!!!!!!!!!!!!!!跟住經理行過黎:我頭先明明見到你地檯面有菜肉雲吞架!我話:係排骨拉麵未黎呀!!!佢話~咁我幫你跟跟.........我話:但係我已經埋左單la~~~~但經理已經走左.........聽唔到~里個時候頭先o個個侍應又黎到:多謝你$102.3我fd好氣憤咁簽單~~然後拎袋走~~o個個落單阿姐又走埋黎:點呀?d野齊la?我忍唔住講左句:你都無落單,點會黎呀!!到最後一句唔好意思我都聽唔到........阿姐竟然當無件事咁行左去~~雖然佢d野幾好味......但經過今次唔知仲有無機會再黎........…查看更多

尋晚幫朋友仔慶祝生日~原本諗住食King Ludwig Beerhall,但係book唔到位~咁o岩見到里間食評幾好,咁就試下la^^2個路癡...搵左好耐~8點...一入到去...差唔多全部爆晒呀!!好彩仲有一張...等佢執好就入得^^我地叫左牛油雞翼、咖哩豬扒、蝦餅、蒜蓉包、2杯話梅梳打~可能因為太多人o既關係,所以等左十五分鐘至有食物送到仲要係蒜包tim,雖然係好肚餓,但點都要等埋個咖哩至可以食架嘛~平時咁o既情形,我地多數都會催佢,不過見老闆娘咁nice又咁好禮貌,我地就即管再等下la~所以話o係一間食肆入面做野o既人禮貌係幾咁重要呢~食物方面~~蒜蓉包....唔會整到乾爭爭,脆卜卜幾好味~蝦餅....同我想像中有d出入,d肉唔夠彈牙,個面煎得唔夠脆~牛油雞翼.....我同朋友都覺得里個好普通,無咩特別~~咖喱豬扒......最驚喜係里個~初初以為只係得面o個幾舊豬扒,原來入面仲有好多架~我同朋友食極都仲有.....味道都幾好呀~唔算太辣,朋友都食到~最後就係野飲la~我地都覺得個話梅梳打幾好,食d咁濃味o既野,係要有杯酸酸甜甜o既野飲解渴架嘛~^^good雖然唔係全部都好好味,但係都算ok la~應該會再幫襯o既~但係有一樣野唔好o既就係...d位太窄la~…查看更多

去到旺角唔知食咩好,見到里間入面好多人咁,所以就入去試下la~睇左餐牌,決定好食咩後就落單~朋友A要清湯腩河朋友B要蕃茄牛肉粉絲我要牛筋河小食要咖哩腰薯當我地叫到一半o既時候,落單o個瘦瘦地短頭髮o既阿姐竟然好大聲咁話:你講完一樣至一樣la!講得咁快點寫呀!我地全部都O晒咀law~講得太快???去里d地方食野從來只會俾人催我地講快d、食快d架o者~~況且我地唔係講得快,係佢好似唔識寫字咁~我望住佢拎住枝筆o係度諗個字點寫law!!!最激氣仲要係我地個小食,講左幾次要咖哩腰薯,直情拎住個餐牌指俾佢睇!!佢仲係咁問我地係咩黎!!阿姐你係o係度做架嘛?!點解你會問番個客轉頭係咩黎架呢??不過原來我地講左咁多次都係無用o既!!佢聽唔明就算數,竟然無幫我地落單law!!!我地叫另一個阿姐,佢一聽就明仲好快好有禮貌咁幫我地落單tim~去里d餐廳食野都預左無咩service架la~唯有寄望食物la~但係原來食物同service一樣咁差law!!佢一放低碗牛筋河我已經覺得奇怪.....點解白雪雪咁o既....一食落去無味架喎??個湯無味、牛筋無味、河粉無味~~到朋友個蕃茄牛肉粉絲.....只有淡淡o既蕃茄味......完全無鹹味.....朋友話d牛肉又係完全無味仲要好韌tim!最離譜係個粉絲...一挾竟然係成餅咁挾起,根本都無撩散就上枱!!另一個朋友就話招牌清湯腩河d腩有少少味....但係個湯底又係無味o既~咖哩腰薯即係咖哩+幾舊薯仔...真係得幾舊law!最有味係佢la.......但係價錢一d都唔平law!!!!好唔抵呀!!雖然佢標明舖頭唔落味精,但係都唔代表可以無味架!!!!!!!其實我地真係好肚餓,但係都真係食唔落里d咁o既野law.....食剩左半碗....因為我地都唔想難為自己呀!!仲好意思叫人去openrice讚你地!!離譜!!!!一定無下次呀!!!!!!…查看更多

雖然見到里度好多好評,但一直都book唔到位,又怕要等成個鐘,所以咁耐都無試過~尋晚同朋友特登一放工即刻衝出黎~6點幾去到....未有人排隊,望入去仲有好多吉檯~拿拿聲攞位,我都知道要齊人至可以攞位o既,都係諗住搏一搏o者~^^佢又俾位我喎~不過就要7點半交檯~朋友都話就到所以我就入去坐低叫定野食先la~睇左menu,其實選擇唔多~我都知里度o既賣點係烏冬,當然要叫兩個黎試下la^^叫左一個石鍋豚肉烏冬(辣味),幫朋友叫左個石鍋牛肉烏冬~小食要左雞翼 and 一口豚肉~上菜速度都算快~見到個烏冬o既湯仲bububububu 咁滾緊,就知佢真係超級熱呀!!! I Like it~^^因為我唔食牛肉所以淨係飲下朋友o既湯底~~好好味耶!飲左好多都唔口渴~~個烏冬上o既時候d牛肉仲係生o既,不過朋友食o既時候就話d牛肉有d韌,可能因為個鍋太熱,一路浸住d牛肉,令佢太熟~我o既豚肉烏冬湯底睇落好似好辣其實只有微微o既辣味~d豚肉一夾就散la!真係超林呀!雖然平時我最怕食o個d肥肉,但係今次我都忍唔住食左幾啖,入口即溶~~GOOD!烏冬都ok但係無我想像中咁彈牙,但係都幾滑~~~~~唔知點解每次食烏冬總係覺得要有隻"滾水蛋"至算係完美o既~里度有架,令我更加鍾意里度o既石鍋烏冬~小食.....我本人就覺得無咩特別~個雞翼我覺得都係普通雪藏雞翼,個汁係好好味,不過其實都係普通燒汁~一口豚肉同放湯係兩種感覺,佢好彈牙,但係就無咩味~~一定要點汁la~入面o既service都幾好~好有禮貌,有問題問佢,佢都會好有耐性咁解答~^^我地走o既時候o岩o岩好7點半~原來出面已經出現人龍la~真係受歡迎~其實里度真係一d都唔平架~里個價錢有里個質素我地覺得係應該la~我一定會再去,不過應該會係冬天先再黎lu~因為d烏冬真係真係好熱,食左一個鐘佢都仲係keep住o個個溫度~朋友食到要除外套兼滿頭大汗~冬天去食應該o岩o岩好~食完個人暖笠笠^^…查看更多

諗住入西貢食糖水同埋行下~入到去8點,梗係食左dinner先la^^其實之前睇左電視介紹已經想試下架la~但係入西貢前又唔記得抄低地址....不過竟然俾我誤打誤撞地搵到~~^^憑我o既記憶...我記得個節目介紹過鹹肉鴨肉金邊粉~朋友就叫左雞絲札肉金邊粉~因為大家個胃唔多舒服,所以都無叫其他野食la~唯有等下一次.........兩個湯粉.......等左成十五分鐘........我個位仲要o係個櫃檯隔離........有個叔叔不停咁o係o個度拎野,不停咁撞我個頭......雖然我都知里d食肆唔會講求咩禮貌,但係都唔係係咁誇過我個頭拎野架......佢可以企過d拎架o者!!>.<正準備催佢....個粉就到la~果然好好味呀!!!個鹹肉!!!!very good!!!!!!!!!!雖然叫鹹肉,但係又唔係好鹹喎!!我覺得好似燒肉,平時我唔食燒肉,因為我覺得佢好鹹~,里個鹹肉最神奇仲係放左o係湯入面都竟然係脆架!!!!我同朋友都讚不絕口!!食到尾.....食到尾o係個底度撈到一片都仲係脆架!!!鴨肉同雞絲都唔會好乾好韌,札肉同我平時食o個d唔同.....我唔覺得佢特別好味la~金邊粉份量好多,不過可能我肚餓得滯,成碗食晒~~^^個粉好滑,索晒d湯汁~~good!!!!!!!!!!d湯應該唔係落左好多味精,因為我飲左好多,不過都無口渴o既感覺~食物我真係幾滿意....但係佢d服務真係....我都知去得里d舊店唔應該要求咁多...不過~~我食食下佢突然隨手放塊污糟到死o既抹檯布o係我地面前....o個一刻真係有種唔想食o既感覺~佢仲要擺完之後完全無意欲拎番開佢.....完全遺忘左佢law!!到我地俾錢o個陣,之前o個個係咁撞我個頭o既叔叔又出場la!竟然企o係我同收錢o個個人中間,自顧自地執碗....人地望住佢,佢都無知覺架喎!最後我個fd見到咁o既情況就話:算la~我俾近d!…查看更多

無意之中o係Open Rice見到里度o既評語唔錯,所以約埋朋友仔一齊黎食~7點去到,離遠見到門口好多人都嚇左一跳,行近d睇,原來d人係等緊西門町~果然同之前o既食評一樣,舖入面真係無咩客架~~但係食物o既水準又唔差架喎~我地諗左一陣,最後決定食放題!!因為我地都好肚餓,所以瘋狂咁剔野食.....雞肉串---好似超級市場買到o個種味,都ok o既~雞軟骨---熱辣辣,脆卜卜,唔太鹹,ok~芝士焗肉丸--no good!!牛油金菇--好重牛油味、超多金菇!!ok~酸辣芝士腸--完全食唔到有酸同辣.....話係芝士腸,但係入面又無芝士......no good!鮑魚--無咩特別~赤貝--唔知點解切到好細片軟殼蟹卷--味道幾好,但係個外觀就唔得law~麵豉湯---good!!蟹籽壽司----蟹籽脆卜卜,但係個外型又係唔得law~牛肉鍋----有個朋友話太甜,另一個朋友就話ok,我唔食牛肉,但係都試左個湯底,唔錯架!! 大家都有同樣o既感覺,就係里個牛肉鍋真係好多好多牛肉呀!!!good!!鴨胸薯蓉----第一啖幾惹味,第二啖....無咩味,因為d汁得好少~天婦羅(南瓜、紫心蕃薯)----個南瓜ok,但係個蕃薯就乾得滯~炸蝦餅---ok~o者o厘(青檸、黑加侖子)very good!!(其實只係普通o者o厘,不過可能因為太耐無食o者^^)里度o既食物水準雖然唔係好高,但係以里個價錢有里個水準、又有咁多款選擇,都算係咁la!!我覺得里度o既放題食物水準比起其他o既都算係好d架la!可能因為無咩客la~上食物o既速度都好快,多到無位放~但係無咩客之餘,佢亦都有漏單o既情況出現喎~里樣真係要改善下!service都ok~雖然疑似老闆娘個樣好似好惡、無咩笑容,但係其實都幾nice架~我地埋單,佢仲同我地講:你地仲可以再叫野食架喎,要唔要多杯o者o厘呀?我地即刻二話不說大叫:要!!大家不妨試下~^^…查看更多

之前話想試試里間餐廳,但係一直都無機會~尋晚去到沙田,突然諗起.....所以就去左里度開餐la~朋友話佢企左o係門口好耐都無人理,佢自己走入去坐低後都係無人理.....聽佢咁講以為入面好多客,所以留意唔到佢la~但我去到o既時候.....有一半檯係無人o既~坐低後好快就決定好食d咩la~我地叫左星加坡炒貴刁、咖哩軟殼蟹、千層煎餅~上菜o既速度都幾快,最先黎o既係炒貴刁,我好少去星加坡餐廳,當我見到佢個炒貴刁o既時候覺得有d奇怪....入面有d個味道同外型都好似臘腸o既野,但係又無臘腸咁硬.....睇真d仲發現貴刁入面夾雜住一d麵~雖然睇落覺得有d怪,但係味道都唔錯,鑊氣夠呀!到佢上個咖哩軟殼蟹o既時候,貴刁已經一早俾我地食晒~個軟殼蟹第一啖食落去....好夠味~d蟹有好多羔,甘甘地!!good但係到第二啖就開始覺得有d"漏",好彩有叫到個煎餅,如果唔係都唔知點算~不過我最後都只係食到一舊半....真係好"漏"!!!同埋越食越鹹law....最後不得不提下個煎餅~~好好味!!個煎餅應該係即整o既,脆脆地,熱辣辣......最好仲要係佢幫我地剪開左,咁我地就唔駛用手搣開佢,咁就唔會整污糟隻手la~好細心呀^^入面o既侍應有d都幾有禮貌o既,加水o個陣都會同我地講"阻我地一陣"~但係有d就....木無表情咁la~里間我就覺得食過一次就算la~…查看更多

行下行下.....行左去亞士厘道~正當茫無頭緒o既時候有人sell我地,見佢個menu d食物都幾吸引,又未試過,即管試試la~一入到去俾我地o既感覺幾好呀~佢o既裝修令人有一種浪漫feel,幾o岩情侶黎~d位都唔算太逼,幾舒服~佢地o既service都幾好、有禮貌,同埋至少唔會扮睇唔到你先~我地o個晚叫左一個自選意粉~~磨菇+鴨胸蒜汁長通粉另外叫左炸子雞洋蔥圈配辣薯角~(個名唔記得左la^^")要讚一讚佢地o既食物全部都係熱o既!!唔會好似其他餐廳咁,整好晒放上碟就算~首先黎左個沙律先,平時我多數都唔會食d沙律,因為成日都覺得佢地會用d唔新鮮o既蔬菜黎整,洗完d菜又唔抹乾佢.....跟住加埋d沙律醬落去.....食到落碗底就會剩低好多"沙律醬水"好嘔心.....但係里個沙律雖然係跟餐沙律,但係都睇得出d菜幾新鮮,d味又調得o岩o岩好,食到落底都無"沙律醬水"喎~~good!!跟住就到長通粉la~~佢o既蒜汁好香,d材料切到細細粒方便食,朋友都覺得味道唔錯,但係我略嫌唔夠鹹~我地平時食親o既炸子雞d肉都係無味兼好"鞋",但係出面個皮又好鹹喎~~不過里個炸子雞整之前好明顯係有醃過,因為我地食到d肉都有味架~~雖然d肉唔可以叫好嫩,但至少唔係"鞋"law~洋蔥圈個粉漿又唔會太厚,熱辣辣o既,好味~不過有樣野唔好o既就係...好嘈!!!!!!!其實初初去o既時候幾靜架~因為無咩人~但係去到7點幾o個d食飯時間.....真係糟到不得了~我都知里d野唔關佢地事o既~唯有早少少去食la~下次再去試埋其他食物~…查看更多

見到里度咁多好評,決定一試~~^^大概7點到達....基本上唔駛等,即刻有位~^^因為之前已經睇左open rice o既食評,所以一早就決定左叫咩~只係諗左一陣飲d咩o者~炒通菜~一碟普通o既炒通菜,唔夠鑊氣...但係都夠味o既~仲竟然係咁多樣之中最好味o既野!粉絲蟹煲~好多粉絲、一隻大o既肉蟹~但係味道都係偏淡....不過都可以接受o既~炒蘿蔔糕~最差o既一樣!!同我想像中差好遠好遠.......入面完全無蘿蔔都算la~仲要完全無味道!!放入口好似一舊無味o既粉咁......食左一啖都唔想再食呀!!!串燒~普通串燒...唔係特別難食,但係又唔係特別好食law~雞油飯~純粹係一碗有味o既飯...飲品:珍多椰汁-------又係無味o既~淡茂茂 青檸梳打------其實里杯應該無咩問題,但係我個fd唔記得搞勻,所以變左上面無味,下面甜到漏~服務態度:唔知係咪因為我地個位比較偏,成日都好似無人理咁~上菜上到亂晒龍...明明無叫海南雞飯,但係就上錯左2次俾我地~最後埋單要$275...我覺得里個價錢可以食更好o既野law!一d都唔抵~…查看更多

行到6點半,正當諗緊食咩好......見到里間....就近.....所以就入去la~原本都無咩期望....但係又比我地想像中好喎~我地叫左2個餐~第一個餐:一碟油菜、炸豆腐、雞扒炒烏冬油菜....都係大家食開o既味道la~炸豆腐....熱辣辣、細細粒、好夠味~~good!雞扒炒烏冬......好夠味!!連雞扒都好入味、好大塊tim~第二個餐:炸菜雞腎雞翼米線蕃茄湯底~蕃茄湯底....唔夠蕃茄味~一碗普通o既米線la~唔難食~~一杯青蘋果綠茶----甜左少少、一杯柑桔檸檬檸埋單$95~雖然里間餐廳唔係俾我地有好大o既驚喜,但係至少唔難食呀~里個價錢有里個水準仲要o係銅鑼灣都算係咁la~…查看更多

因為上堂地點改左去灣仔,放學一出黎就見到里間舖,所以就食里間la^^入到去9點35分,晚飯時間已經過左所以好少人lu~我地揀左門口張大檯~同朋友好快咁決定左食咩~每人叫左一個餐~朋友- 肥牛酸辣米線配涼拌手絲雞 , 飲品:凍檸茶我- 沙o爹豆卜米線配蜜川雞 , 飲品:熱菜蜜首先講下朋友o既肥牛酸辣米線佢話味道好好,米線唔會太林,肥牛亦都唔會好韌,好似打邊爐o既肥牛咁,湯底o既味道亦都配合得剛好,唔太酸亦唔太辣~~但係我同朋友仔都覺得涼拌手絲雞麻麻,好似有陣腐乳味咁~我o既沙o爹豆卜米線.....豆卜同米線本身都無咩味,但係佢o既沙o爹湯底就好香好濃但係又唔會太辣,當豆卜同米線放埋落去吸左d湯就變得好好味la^^另外我個餐o既蜜川雞亦都唔錯~雖然佢個賣相唔好睇(好似非洲雞)但係味道又唔差喎~甜甜地....熱辣辣~服務一般la~始終無咩客人,所以上菜都好快~但係朋友仔o既檸茶本來叫少冰,但係就變左少甜~而我o既西洋菜蜜又甜到漏~~我諗一時錯手la^^""o係灣仔里個地區$38有里個質素都算ok呀~~:)…查看更多

SAT同朋友去左銅鑼灣行街~行到8點去左里間試下~因為睇過D食評好似唔錯~上到去唔算太多人...即刻就有位~我地叫左2餸餐...不過唔包飯~餐入面包2個餸同埋1個羹~我地叫左出名o既霸王雞同埋叫左我最愛o既咕嚕肉~佢有湯或者羹揀我就叫左個冬瓜瑤柱羹~~上菜時間都算幾快~霸王雞.....d肉好滑~連雞胸都唔會"鞋"口....味道適中,唔駛點醬o岩o岩好!!good~~咕嚕肉好大碟~佢o既咕嚕肉個粉漿好薄...食落唔會成口粉~個汁我略嫌唔夠酸,如果酸少少會更好味^^個冬瓜瑤柱羹都ok,最緊要係上檯熱辣辣~~最怕食d微暖o既羹,都唔知佢擺左幾耐~食物真係唔錯~~會再黎試埋其他~^^…查看更多

因為媽咪生日,所以全家出去慶祝~~爸爸就揀左里間悅翠小廚同媽咪慶祝~~佢地之前食過一次,覺得好好味,所以今次再黎~不過上次我無去,加上我一向都唔多鍾意食中菜,所以無抱任何期望~我大概6點半就到,入面都無咩人,仲有好多吉檯,應該因為仲早la~^^我地叫左5餸~1.豆腐海鮮煲-----海鮮好新鮮、豆腐好入味~good2.黑醋咕嚕肉-----去親食中菜,我必叫o既餸^^味道幾特別,d肉好鬆化,容易咬開,不過又唔會好似其他餐廳d肉咁無晒咬口,味道適中,但係我對黑醋麻麻地,所以比較鍾意傳統o既咕嚕肉多d~但係我o既屋企人就好鍾意~~3.蒜香骨-----好香好香蒜蓉味,整得o岩o岩好,d肉唔會乾爭爭,最重要係上碟無油淋淋,食完之後見到隻碟都無乜油架~唔錯!4.翡翠炒斑球-----因為我唔食魚o既,所以淨係食左入面o既西蘭花~但係屋企人話d魚好新鮮,又大塊,食落啖啖肉~~5.明太子蛋白炒飯----相信里個係最普通,但係都炒得好乾身~無落太多油,所以都ok呀^^到我地食飽走o既時候,人就開始多~~總括黎講,里度真係唔錯~上菜快,侍應加茶亦都快~食物味道每樣都幾好,但係略嫌份量少左d la~~當我見到個炒飯o既時候都嚇左一跳,因為都真係幾細碟~4個人叫左5款食物,算係o岩o岩好la~價錢ok la~~埋單$380~恒生咭有九折~下次會再黎呀~~…查看更多

尋晚諗左好耐都唔知食咩好,決定上7樓睇下~行完全層之後,我地決定試下里間~因為我地6點就入去,所以唔駛等位兼無咩人~入到去坐位都幾舒服,唔會逼逼夾~侍應o既服務態度亦好好,每次加水同上菜都會提醒我地小心熱~見到我地o既骨碟滿左都會即刻更換~~加水亦都加得好密~~不過食物就.........講下我地叫左d咩la~叫左餃子、豆乳長腳蟹鍋、鐵板海鮮炒烏冬、燒雞翼首先講下個餃子.....餃子皮雖然薄,但係唔知點解好硬....好似番煎咁~~又唔熱喎.......鐵板海鮮烏冬.......炒烏冬個汁係平時食章魚小丸子o既汁,無咩特別~燒雞翼(佢個全名我唔記得左)不過應該算係最差......第一次食燒雞翼係苦o既~集雞翼仲要得個皮有鹹味,入面d肉完全無味,好明顯係無醃過law~~最後就係豆乳長腳蟹鍋......成鍋入面只係得......我諗係一隻蟹腳,佢將佢切開三截.......然後下面係好多好多菜、粉絲、豆腐、菇.....湯底係好濃好濃o既牛奶味~~不過可能我唔識欣賞.....飲左兩啖後已經無再掂過~~~每人食左$120.....里個價錢食里d野.....我覺得唔抵law~…查看更多

o係偶然o既情況下見到上面o既食評~~講到好似好好味咁~仲要咁o岩o係馬鞍山喎!!!咁近梗係要去試下la^^食過一次之後真係覺得好好味呀~~唔似出面o既燒賣好似食緊舊麵粉咁.....里度o既燒賣真係煙煙韌韌架~~豉油甜味o岩o岩好,令到燒賣更加好味~今日第二次去買~~~$1粒,我買左10粒~拎番屋企俾媽咪同家姐試~~佢地都話好好味呀!!^^仲話好耐好耐.............之前o係觀塘食過里種燒賣,但係已經好耐好耐都搵唔番lu~估唔到今日竟然食得番tim~~嘻下次我一定會試埋d腸粉~睇下係咪都係咁好味先~~…查看更多