elaine.li.su的個人專頁

無錯，我同大部份人一樣，都係冒名而去「水月」，好想知道網絡上食評嘅評價咁高係真定假。今晚一試就知龍與鳳！相比其他食店嘅分別，佢無貼上名人明星相片作招徠，反而係店內牆上掛上好多廚師得獎獎牌，係屬於一間低調而務實嘅餐廳，卧虎藏龍！海膽龍酥撻配玉子，海膽好鮮味，個小圈撻好脆，完全無油利感覺。蠔葉好特別，味道係生蠔味！煙燻清酒高湯鮑魚，鮑魚鮮味十足，個湯帶香甜，煙燻好有趣。香煎北海道鮮帶子配菠菜脆片，第一次食slow cook菠菜片，口感及味道都比新鮮更勝一籌！帶子鮮甜彈牙！紅色果塊係法國香葉，天生葡萄味，酸酸咁好開胃。鱈場蟹鉗蟹肉豆羹，蟹肉湯好豐富鮮甜味，好多蟹肉喺裡面，鱈場蟹鉗亦勁鮮甜！北海道黑毛豬配八珍山渣汁，肉味好香，好有bbq味道，肉質帶爽口，好正！北海道帶子配蜜糖豉油汁，帶子係非常彈牙有質感！好鮮味，帶子味好濃郁！配埋嘅菇亦好香好惹味！Diy 月餅，新奇嘅份子料理甜品，非常有層次，估佢唔到！以為要動手做月餅，原來係已經全部食得！d激似麵粉嘅幼細白色粉狀，竟然係雪糕！好味嘅乳酪雪糕！整體配搭創新亦好味。「臥虎藏龍」4隻字形容哂！勁！要讚侍應d服務非常專業，每道菜都細心介紹，好好笑容好友善。…查看更多

網上有資深食家話呢度車仔麵好好食、必食....叫左以下食物咖哩魚蛋同埋罐雀巢檸檬茶係全餐麵最令人接受到！豬大腸炆到好林帶甜味，雞中翼帶硬身都係甜味，好似放左好耐d肉乾哂咁！八爪魚咬極咬唔開，食到牙都軟埋....多謝60蚊，食到背隻骨落！同場加映蚊滋跳舞～先係想同我爭食，後來痴住我隻筷子....換另外一對....再飛多隻埋黎....或者岩d蚊滋食啦～…查看更多

真係要好得閒先好去！如果唔係阿媽話要食，我真係唔會屈服於2小時嘅大長龍上平日嘅sogo少左自由行其實唔多人，落到super market嘅芝士味，跟本自然會搵到bake cheese tart....去到見到店前得幾個人，開心到顛啦！以為平日無人買...點知行到玻璃前面，有位先生行埋黎話：小姐，請去對面排隊.....沿住條龍行呀行....龍尾喺賣Parma ham果邊再打哂蛇餅！！！我果刻個係想走，但身體卻不成實走去排隊！排左2個鐘呀！限買12個！多謝哂！即時攞左個黎食，芝士味係香嘅，同文華酒店個芝士蛋糕一樣味，只係佢焗到唔熟流心咁，就係咁多！個撻底係硬嘅曲奇餅底...就係咁多！兩個鐘就係呢個結局，有d嬲自己！去之前諗一諗.....…查看更多

去到天后突然肚餓，得番15分鐘食野時間，決定食個快餐！經過此店試試先！新煙肉蛋堡，收到個飽係失望嘅....同我幻想嘅漢堡飽有段距離，或者漢堡飽嘅外形喺我心目中太獨一了！一個似餐飽嘅飽、兩塊煙肉火腿、一塊煎蛋、數塊生菜頭尾咁款，盛為$35！真係呆左！！我諗$35蚊我攞去買麥xx套餐我會開心d!…查看更多

食細蓉...識食一定食麥兆記！中秋節條街都熱到暈，入去第一時間叫杯冰凍紅豆奶茶醒一醒神先！紅豆夠林夠大粒，奶茶味合格，唔覺太甜，不過真係好多冰，牙有少少痺.祖傳鮮蝦雲吞麵，湯底好香大地魚味，連埋d韮黃小段，係可以令你一滴都唔留低！麵幼而爽，雲吞係一口雲吞，點埋辣椒醬食好味！話炸両條油炸鬼都係即炸所以叫埋，結果係有一條脆口，另一條林既～水晶腸炒皮包住...就係咁...點豉油、麻醬甜醬食.間中食吓係唔錯～…查看更多