rabbit_yen的個人專頁

之前係openrice見到呢間餐廳個名幾得意，click入去望下，比杯沙冰吸引o左就係咁~一直都想黎試，今晚終於有呢個機會o拿。入去感覺寬敞，唔會坐得好逼。可能星期一既關係，未有滿座，不過都有7,8成滿打開menu就覺得，中環黎講價錢都算係咁，再見到d火鍋料上枱，就覺得價錢絕對合理。首選一定要order牛啦 呢個手切牛 (細)  份量足，溫馨提示 灼8秒就食得，真心好味!另一款係安格斯牛，口感比較鍾意上手切牛多d水晶奶皇 & 水晶香芋紫薯 ，個人比較喜歡奶皇，就算滾完都重好香奶皇味，但香芋紫薯就差dd響鈴牙響鈴牙，之前一直好欣賞北角竹園既響鈴，點知呢間都係無得輸，大愛都唔記得左講湯底添~靜係掛住食，我地揀左麻辣湯底(小辣) ，剛剛好~食到最尾亦都唔會功咸最正係重可以re-fill鴨血&豆腐yummyyummy~一定會再黎，最愛既水蜜桃沙冰~下次要飲多round~…查看更多

大概半年前..食過Cafe Landmark既 早餐和午餐午餐: around $ 330蚊一個set，前菜 + 主菜 + 餐飲...但係無乜特別 o拿o拿o拿~~~早餐就唔係咁講o拿 上次一試經已上晒癮～一分錢一分貨～我覺得計環境地點價錢。。最便宜的＄６０蚊～最貴的是＄１４０真心覺得係絕對可以接受的！宜家裝修完呢~~~重多o左幾款果汁可以選擇....重要冇加價 今朝同同事特登早d黎到中環...慢慢享受呢個美味既早餐首先有幾款麵包可以選擇。。而我就選擇左牛角包果汁就選擇左西瓜汁最後依舊order左一份海鮮蛋白奄列　＋　凍檸茶香噴噴既牛角包～夠鬆脆～自己加左少少牛油一齊食～西瓜汁好清甜～好飲喔主角出場ｏ拿～～～～熱辣辣～切開入面就趺左粒帶子～！！～但其實入面重有好多好多好粒帶子嫁～～～～重有魚～～茹ｕｍｕｍ.....真係好香～～好香～～好味好味～～好快我會再黎架ｏ拿～～～…查看更多

如果每日都可以食2點半後的話…一個月應該可以慳番唔少~wakakaka!!!!因為下午茶真係抵好多o架~!!~ 有時大快活、大家樂、美心既快餐店…佢地既炸雞脾 + 紅豆冰都好吸引下的。百忙之中…中間可以有90分鐘break…而且又係2點半喎~!!~ 我又點可以唔再黎拜訪Niji呢haha~ 因為2點半後佢地o既套餐係50% off. 如果lunch time時間黎食連加一都起碼要$130蚊左右~ 心理上50% off係好抵o既一件事~食物值唔值呢個價就見仁見智呢~~~~~我地今次大概2點9去到…大概只有3-4枱客人~~靜靜地幾舒服今日我就order左Carbonara (套餐包餐湯 + 牛角包 + 餐飲) 首先黎既係餐湯…好稀吖….飲左兩淡已經放棄=.=” 幸好牛角包還有點脆脆的主菜就係Carbonara味道比較濃正正合乎我既胃口不過可惜隻蛋太熟了…太熟了….整體黎講….半價後連加一每份餐大概$65蚊可以接受..除左Carbonara, 重有幾款唔同既蛋包飯~之前試過一款墨魚蛋包飯~!!~味道唔錯~蛋面上既沙律醬就配合得剛好.食完個Carbonara...可能太流既關係~夜晚個餐都食唔落~…查看更多

幾個女仔…食個晚飯傾下計加上又係星期五，好多都book唔到位同行有位朋友希望每位人頭計$200以內o既晚餐~!!~ 打左好多間電話都book唔到…最後好彩book到呢間「金不換」由於我收工又遲o左既關係….其中三位朋友已經攞左枱坐低^_^ 我就再join埋另一個朋友過去~佢地首先叫左兩個前菜~ 一個係 (酸辣鳳爪) 另一個我唔記得叫咩名lu…不過好多海鮮~好足料..辣辣地~幾好味至於主菜呢~~~~有炭燒豬頸肉 -- 薄片切..幾爽滑..配埋醬汁一流~炸蝦餅 ---- 有4件~ 外脆內軟 ..值得推介蒜蓉包配青咖哩雞蒜蓉包 (失色了) 唔夠脆 d islike!!!!!青咖哩夠香滑…雞肉份量適中 (因為蒜蓓包唔掂既關係，我同朋友最後share左碗白飯撈汁)朋友指定要order既炒金邊粉飯後甜品就係芒果糯米飯^_^ 不過本人還是喜歡Ayuthaiya 的mango sticky rice多一點~!!~…查看更多

係長洲有一間車仔麵不得不讚~!!~ 碼頭附近有間叫"東源"特別係牛什，煮得夠晒入味~而且份量價錢合理牛什可以order淨食(一碗 或者 一串...或者配粉麵); 如果配粉麵既話重可以選擇加其他車仔麵餸添一般如 魚皮鮫, 雞翼, 雞尖, 蘿蔔, 尤魚, 芝士腸, 腎, 腸仔.....等等今次我order呢碗係牛什 + 尤魚河粉 表面o既餸已經多到覆蓋晒d河粉~ 唔記得大概$30定唔駛$30>.<" 牛什中,本人覺得牛磅&大腸最得 其實佢o既咖哩汁都好正...每次食佢o既車仔都都必加!!! 唔講唔知~一個平時唔食羊o既我都會食佢地o既香草羊鞍...一般係for BBQ, 試過返屋企用煎pan整過都ok...肉質鮮嫩,又唔腥 配搭埋香草簡直係完美羊鞍一般都係一磅咁買走~ $90蚊一磅~ 有時重要預訂添呀…查看更多

因為老闆休假數天，我和同事和朋友可以輕輕鬆鬆吃一頓豐盛既午餐~亦即係成日比人話既「食好嘢」不過我真係好鍾意食嘢~特別係壽司^_^ 如果突然想食壽司的話- 「元氣」& 「千兩」都係會第一時間諗起既地方=] 兩者都係美心集團旗下。係公司附近最近既千兩就係德己立街…之前試過12點半去到, 去到真係呆jor =.=” 拎飛要等30幾張所以之後每次要去呢間千兩我地都會選擇12點前或者 2點半後入座，今次我地3個人剛剛12點正就坐低，可能時間尚早…店員為我們安排了卡位。其實唔夠15分鐘…..已經全場坐滿人了..好彩好彩。千兩既加價程度其實算快….講真…現在真的覺得有點貴~不過今日難得可以輕輕鬆鬆…唔駛同時間競爭既情況下，我地可以慢慢盡情咁食。估唔到3個女仔既食量原來係可以咁驚人每次黎到都必定order 江戶前甜蛋、左口魚裙邊、炸蝦卷、赤海蝦 & 甜蝦蟹膏。以前鱈魚肝都係必點的…可惜menu已經剔除了它>.<”江戶前甜蛋: 如果多一點柚子會比較好吃左口魚裙邊: 再唔係以往的薄切，今次好厚肉有汁…真正有口感~掂!炸蝦卷: 每次都係侍應request要熱的~!!~ 今次亦都唔例外 (傾得太開心唔記得影相添)赤海蝦: 個人認為比以往大隻jor …肉質較嫩, 掂!甜蝦蟹膏: 其實主要係想食蟹膏而order的~重嗌左好多好多壽司~~~~~盡情食吧~~~~~~呢次午餐豐富到不得了吖~~~~期待下次再聚之前我都有試過好幾間千兩唔同既分店; IFC. 銅鑼灣恆隆. 銅鑼灣時間廣場. 太古城. 九龍站 感覺九龍站 & 德己立街相對比較坐得舒服d~ 必定會再幫襯=]…查看更多

朋友好好~成日都就我係中環食飯…一黎我放工時間較晏二黎我食飽又要趕船呢晚，朋友之前成日聽我講得多話「芽莊」唔錯~所以我地3個女仔一齊去食~一直都知道中環呢間成日排晒大長龍~所以都晏少少,避過主要晚飯時間~點知…..我記得去到差唔多7點幾8點到，出面條龍重長過平時lunch time=.=”一定至少排45分鐘=.=”於是，朋友建議不如行上去soho吖~因為都幾多野食~~~就係因為咁…令我發現左一間很不錯的泰國餐廳「Ayuthaiya ．又一泰」喜歡呢間餐廳既格調，比較暗，但枱上有小蠟燭點綴，環境令人感到好Relax, 是音樂反而大聲了一點點。最近同其他既親戚朋友講開呢間泰國餐廳唔錯~於是我地一行人就黎食lu…..其實大家都係為左個芒果糯米飯 (Sticky rice and Fresh Mango) 而來，早一星期已經打電話訂枱~可能因為星期二既關係..所以人比較少今晚美中不足之處係confirm table個時~佢地無同我講話部冷氣壞左好彩有幾把風扇….亦因為有大有細…所以好難即時轉其他餐廳。首先我地點左拼盤(3款) $218 有芒果軟殼蟹卷 + 串燒 (可以揀豬、牛或者雞) + 辣既三文魚包。記得串燒很不錯~跟住我地再點左3個飯和1個金邊粉重有咖哩雞配酥餅~~~咖哩夠香滑...酥餅夠脆,但邊位稍為硬了一些因為串燒好味兼唔夠分~我地再追加拼盤,依舊都係(3款) 2份串燒 + 1份蝦餅蝦餅好好味喔~夠晒爽~無得頂!!!最後，當然係大家都要黎試既由甜品變成主菜芒果糯米飯^_^呢個芒果糯米飯真係無得輸!!!!! 糯米飯既軟硬程度煮得好好...芒果既鮮又甜~~~!!!~~~好快一定會再來的^_^…查看更多

第一次寫食評~!!~寫得唔好的話希望大家唔好見怪~多多包涵。係中環返工，公司人數少，想搵到間有外賣速遞既鋪頭係絕對有難度呢排天氣唔穩定~撞正食飯時間又灑大雨…加上時間緊迫，所以懶得落街=.=”就搵番d外賣單張~ 突然醒起有間YUMMY NOODLE , 呢間主要食d牛筋腩、豬什、金錢肚等等……可以配撈麵、幼麵、河粉、米粉、上海麵。而價錢本人就覺得中等~大概$30 ~ $45一碗  通常大概$100左右就會送外賣。豬什湯河(Assorted Pig Visceral)呢間鋪好好~佢地會分湯，又唔駛額外收錢，所以d粉麵唔會浸到一pad野咁~份量都唔少架~我呢碗豬什有豬潤、豬肚、豬粉腸、豬心、豬肺..最重要係佢地洗得乾淨…我曾經係其他店鋪食過既豬什係有嗅味~而呢間就完全無。$34蚊都算係咁啦=]重有小食 痳辣豬耳絲 (Shredded Pig Ear With Sichuan Spices) $28每次order都一定加呢個小食咬落都幾彈牙爽口，雖然本人唔係好食得辣，但係足以令我有食唔停口既感覺份量滿一個外賣碗，算係抵食!而同事就order左 招牌清湯腩淨食 (Signature Beef Brisket)唔記得影相~唔好意思。…查看更多