ifeelfood的個人專頁

琴晚慶祝元宵佳節，經過東涌，食呢間以往有食開嘅日本料理，服務態度好，野食都好好食。宜家仲有8折，性價比好高。🐟立魚刺身$188經店員推薦下，嗌咗一客立魚刺身，鮮味彈牙，爽口之餘，不帶一點腥味，加上山葵同柚子淡醬油，果然無介紹錯！✨😋好味指數：🌕🌕🌕🌕🌑🐟銀鱈魚西京燒定食$158魚肉滑嫩、油脂豐盈，配飯真係一流！✨😋好味指數：🌕🌕🌕🌕🌗🐟燒鰻魚飯$148不過不失，唔會太甜膩，保險之選。✨😋好味指數：🌕🌕🌕🌑🌑…查看更多

係附近想食飯後甜品，所以係Fxxdpanxx見到呢間嘢，點知伏到一個點。搞到2020收咗個壞尾:(其中嗌咗雙芋豆花$48，少冰半甜，碗野好細兜，唔緊要，食一啖，超淡味，估唔到半甜=走甜，就算連朋友揀咗正常甜度都唔覺甜。講翻個個雙芋豆腐花，其實仲有一球芋泥，都幾硬，唔似泥，芋圓又韌，真係幾難食。其他配料有珍珠（都算正常）、紅豆（都係正常）、豆花（百福好食過佢）。仲要賣$48總之小心有伏連相都廢事影，太失望…查看更多

雖然鴻圖道係荒謬，但觀塘區仍然有佢嘅吸引之處。就好似開源道豐利樓上就有間川菜，唔止酸菜魚、水煮魚，仲有唔辣之選，例如滋補花膠雞湯🤤🍜🐟酸菜魚麵$58✨好味指數：🌕🌕🌕🌕🌗見係廚師推介就試試佢，湯底酸辣味十足，非常醒胃，魚片入味，麵底是淮山麵，也可以加錢轉其他，成碗麵都好惹味！諗起都想再encore🤤🍲🐥濃湯花膠手撕雞泡飯$108✨好味指數：🌕🌕🌕🌕🌑食之前一定要飲個湯底先！雞湯濃郁鮮味，花膠亦煮得夠腍，非常滋補暖胃！❤️🐖醉豬手粒$15（跟餐價）✨好味指數：🌕🌕🌕🌕🌑豬手一啲腥味/雪味都無，酒味浸晒入豬手，充滿醉香。返觀塘嘅朋友唔好再呻慘啦，放飯咁多選擇，又唔貴，仲想點🥺…查看更多

在旺角上海街618頂樓，有間日式復古味，又帶點台灣味的餐館，蟲二。氛圍很好，食物賣相一點也不hea。一汁三菜便當$150有兩款冷盤、主食（鯖魚/鰻魚/其他）、茶漬飯（另附溫泉蛋和青瓜漬）和焙茶。原以為是四方的便當，殊不知是六角形托盤上菜。便當很精美，而且也好吃。鯖魚有加上芝士燒，但加了檸檬汁，並不膩，很好下飯。茶漬飯吃了一半，加上溫泉蛋和青瓜漬，意外地「夾」！除了主食精緻，蟲二的甜品賣相也不馬虎，打卡able！伯爵茶班戟$85老實說上檯後見到portion size有點失望，畢竟價格不算便宜。班戟口感較實，茶味有點過苦，班戟是有點麻糬夾心的，但分布並不均勻，會忽然有一口特別甜，真不是我的菜，雖然擺盤、裝飾用心，但不推薦。柚子芝士蛋糕$25（跟餐價錢）沒想到一小件芝士蛋糕上也有幾種水果舖面，可以減膩。但這款蛋糕本身叫柚子芝士，卻吃不出柚子味。🤨…查看更多

在海事博物館樓上的cafe 8，採光明朗，感覺格外悠閑，適合假日來發發呆。原來這裡是一間社企，而且食物質素不俗。Club sandwich / Panini with Tuna & Cheese Melt $70 per 1水準不俗，特別是panini，鬆軟麵包夾著滿滿的芝士和吞拿魚，食得好滿足👍🏻而Iced Flat White （$40 ）則是正常發揮。這篇寫得有點hea，因為我當時趕住收工繼續hea落去👋🏻👋🏻bye~…查看更多

光顧Outback的次數不算多，第一次吃點過牛扒，但印象不深。然後幾次因為和幾個朋友點菜都是點一些可以多人分享和飽肚的菜式，有了outback大件夾抵的形象。尤其set lunch只是百幾元一大碟，很划算！醬燒豬肋骨配薯條$238（dinner)😋😋😋他的豬肋骨出名腍，啱晒無牙婆食！但唔係間間分店都畀足夠嘅醬，黃埔呢間，少少孤寒，但依然可口。燒雞肉芝士夾餅配薯條$118（dinner)😋😋😋😋雖然睇menu嘅時候未必會覺得佢好顯眼，但酸甜汁夾埋個餅，連埋溶晒嘅芝士，又真係幾好味，而且好飽肚。忌廉汁大蝦青豆意大利飯（約$148）❌❌❌❌❌個名同價錢我都唔太記得，因為唔好食！黑椒超級多，應該多過啲飯。加上大量青豆入饌，雖然青豆味不是很出，但整體真的不okay!千祈唔好點！順帶一提，黃埔分店員工都不錯，主動幫客人，而且有服務意識。…查看更多

喺Donki掃完貨都要掃埋街先走人嘅，呢度food court價錢相宜，選擇又多。👍🏻🍣拖羅拼盤$250✨好味指數：🌕🌕🌕🌕🌘足足15件拖羅，件件都新鮮肥美，連魚蓉軍艦都好正，建議買枝茶配嚟食，因為佢嘅油脂真係唔係講笑。🍣三文魚12件組$65✨好味指數：🌕🌕🌕🌖🌑兩個詞，肥美、划算。唔食走寶。🐙銀だこ章魚燒8粒$42 ✨好味指數：🌕🌕🌕🌕🌗即叫即燒，章魚燒表皮燒得又薄又脆，內裡唔會一舊粉咁，oishii!🍵銀だこ 抹茶牛奶（$8）果然係配角..不值一提。…查看更多

嘢食正、成張playlist都幾好聽嘅餐廳：有種音樂會促進食慾，好似巴域街斜路上間風格十足嘅美式cafe入面咁，又好啱鍾意爆卡/打卡嘅人。🥤Milkshake $59-69/杯✨好味指數：🌕🌕🌕🌕🌑鬼佬肥仔水，眾多口味，推介almond caramel bailey👍🏻雖然好鬼肥，但嗜甜嘅人唔好錯過，間中仲啜到片片脆身杏仁。btw, 飲管係由大米同木薯粉造嘅，不過個杯依然係膠造，環保撚自己諗諗佢😂🥞Pop Corn Bacon Pancake w/caramelized banana $80✨好味指數：🌕🌕🌕🌕🌑第一次食又鹹又甜嘅pancake，口感都幾鬆軟，幾種食物都好夾，good👍🏻🧇Scone w/jam $28✨好味指數：🌕🌕🌘🌑🌑好大個，入口尚算鬆化，但外殼唔脆，牛油香欠奉，果醬又酸咗啲，無clotted cream又係爭啲。自己整好過🥴…查看更多

《疫市大件夾抵定食》旺角食飯選擇雖然多，但好食又再encore嘅真係少。抵食令人encore嘅意欲就大好多。經朋友介紹，先知道吉豚屋咁抵食。$59滑蛋吉列豬扒飯+豬肉麵豉湯+特飲✨好味指數：🌕🌕🌕🌘🌑豬扒好大件、唔柴、味道又ok(嗌咗少汁)，飯量超多，不過少汁都係鹹咗些少。佢哋嘅麵豉湯唔係味精湯，又加咗肉片煮，好有誠意，味道好香濃，$60有找真係疫市友情價👍🏻另外，$18唐揚炸雞炸得脆得嚟肉質依然嫩滑，必食！午飯個時，餓底經過可以一戰！…查看更多

吃過多澱粉係體型管理嘅一大障礙，但當你有時想破戒，一餐當兩餐咁食，個心會好受好多。海老名都算係我愛店，間中都會專誠入長沙灣，注意店面很細，十個位左右。作為一個窮L，揀最平$79蝦醬油沾面，足矣。✨好味指數：🌕🌕🌕🌕🌑食個時麵要先加wasabi汁同櫻花蝦醋，可以解膩，因為湯底都幾濃厚。見網上有人話好油膩，內心OS: 怕油膩唔好食沾麵，食返譚仔清湯唔該。蝦醬油湯底蝦味濃郁，加埋蔥，真係好香，加上湯底濃稠，掛麵無難度！碗麵仲有火炙叉燒同溏心蛋，但今次個蛋過生，一咬開就流晒蛋汁出嚟，少少失準～不過唔會影響我再食嘅😎👍🏻👍🏻👍🏻…查看更多

本來行經SOHO間bake house想食個早餐，點知原來係takeaway shop！死死氣氣是旦過咗隔離Barista by Givrés食brunch，地方好坐，野食又幾好味。 Avocado Toast w/Poached Eggs $95&Everything Eggs Benny $138好味指數：🌕🌕🌕🌕🌑兩者都大同小異，poached egg成品好成功，sourdough bread好脆身，toast上有擺得好靚嘅花形牛油果，配mustard食都係第一次，好夾！味道更有層次；配料上Everything Eggs Benny多了Prosciutto Ham同菠菜，不過個人認為Avocado Toast w/Poached Eggs已經good enough！食完個brunch 12:00幾，竟然捱到8pm先餓，真係睇小咗！Iced latte都唔錯！…查看更多

深水埗cafe開到成行成市，成為新文青聚腳點，即使地方有些許隔涉，都無阻人們排長龍的「雅興」。當中由韓國人主理的Kactus就夠晒特別，店如其名”K”actus，未知是否K for Korea(n)，在香港舊區深水埗這塊石屎森林，如同一棵長在工地林立的仙人掌，店面主要為工業風，店內亦有多株仙人掌裝飾，好貼題。得知此處的tiramisu為打卡勝品，嗌了份價值$60的tiramisu 試試，幾幼滑嘅，不過無乜咖啡味，而且好細一份，有少少失望。不過咖啡是可以的，Americano同flat white正常發揮。 另外牛油果沙律都是一般，不甚飽，作為一款近百元的菜式，實在不推介。總括來講，這兒是環境取勝而非食物取勝。…查看更多

海防道街市翻新完真係企理咗好多，雖然疫情依然緊張，但食肆檯上檔板間隔功夫都有做足。經過食個快tea，歇一歇腳都可以。其中合香園嘅瓦煲奶茶真係夠晒gimmick! 時下餐廳為咗快靚正都唔會用個豆潤咁細瓦煲煲奶茶，但呢間老字號依然堅持做法足足50年，無論冷熱奶茶都係瓦煲製，茶味突出但唔會過搶，奶味適中，好回味。配埋傳統奶醬多烘底，無得輸！咖央西多就一般般，都係維記正啲！✨好味指數：🌕🌕🌕🌕🌑🥤人均消費大約$30…查看更多

就嚟入冬，梗係食燒味飯，暖下個胃咖啦！燒味簡直係香港地嘅平靚正不二之選，仲別具香港特色。今日嚟到牛池灣街市就試下新志興至尊燒鵝大王。🍛單拼燒味飯$45/雙拼$48✨好味指數：🌕🌕🌕🌑🌑畀餸畀得好闊綽，菜都畀咗幾條。鍾意食膶腸嘅朋友，極推介！好甘香，夠軟腍。至於燒鵝就一般般，皮唔脆，肉又太瘦...有啲失望🤦🏻‍♀️🤦🏻‍♀️🤦🏻‍♀️不過菜淥得太腍，不過咁多條送，算有誠意，就算啦～…查看更多

呢個居酒屋不得之了，如果要我畀個「年度好食」餐廳，一定係佢。無諗過砵蘭街有間咁高質嘅居酒屋，再睇埋openrice好評同差評比例一個天，一個地，原來無名過於實，平均餐點質素好好，非常推薦大家嚟試下。🦪Oyster Set +白酒1枝 $288✨好味指數：🌕🌕🌕🌕🌕原本只係嗌咗半打+1杯白酒($148)，但第一次食日本生蠔嘅我哋完全驚艷，來自宮城大島嘅生蠔，非常爽甜清新，即刻追加多半打，原來嗌1 set係送一枝白酒㗎，由於我哋追加嘅關係，只係送多杯白酒。🍢串燒/燒物 $28-84/份✨好味指數：🌕🌕🌕🌕🌑南非活鮑魚爽彈厚肉、帶子鮮嫩多汁、雞肉大蔥串嫩滑滋味、牛舌juicy有嚼勁、雞腎爽口惹味，每份都有驚喜，燒得好出色。👍🏻👍🏻👍🏻唯獨雞皮性價比過低，海鰻則不合口味。🍣壽司：楚蟹肉$48、炙燒三文魚$30、油甘魚腩$46✨好味指數：🌕🌕🌕🌗🌑推介楚蟹肉，滿佈蟹肉絲，口感豐富。其餘兩款不過不失🦀🍞蟹膏多士$118✨好味指數：🌕🌕🌕🌗🌑舖滿一個蟹蓋咁多嘅蟹膏，充滿鹹香，加埋多士，再配白酒，好夾。講得推薦畀大家，都要老實提示呢度出餐時間好長，燒物即叫即燒，所以等候時間十分漫長，建議大家好果有想食嘅燒物，第一round一次過落單，因為我哋第二round再落，都係等咗好耐，前後用餐時間係2小時。不過食物質素可以彌補呢點，當食個「法式」x日式居酒屋。…查看更多