NicoleMuimuiYeung的個人專頁

食晚市，因為前面仲有其他客一齊入，我同屋企人坐錯咗張未執嘅二人檯，被職員要求起身坐返去對面執咗嘅檯，ok 佢喜歡吧。未點野食，發現張椅有餸汁（或鼓油），起身望我應該已經坐咗落去仲用咗條褲幫佢擦左半，另外果半用紙巾抹咗（見附圖張有汁紙巾）。 因為張椅污糟嘅原因屋企人同職員開聲講坐返去對面張檯，職員比我地轉檯但開始發無聲脾氣。呢度係QR code落單，上野飲嘅時候，因為檯面放咗餐牌，職員將餐牌「啪」一聲係檯面拋過去我坐位側面（圖入面位置，我無郁過張餐牌，佢係喺檯拎起拋過去唔係放落去），係大聲到附近嘅食客都即刻望晒過黎。換張檯姐，何況真係你地張椅污糟，係咪唔應該咁樣飛餐牌發脾氣？今次認真感到被冒犯，如果唔係已經落咗order ，我地應該會唔食立即起身走。晚餐第一次試手撕雞飯，係好好食，比其他滷水嘅餸還好食，係喜出望外咁好食（唔只計大埔，係直情係香港黎講都算幾唔錯）。平時一個月都食到2-4次，但因為今次嘅不愉快經歷，即使個手撕雞咁好食都好，我相信我唔會再去呢間餐廳，我唔想再受呢啲氣。…查看更多

成日見到好多人排隊，朋友亦都介紹過覺得餃子好食，今日經過無人就買左糖水試下。叫左7 號糖水，芒果又酸又硬，我咬完落口即刻吐出來。我真係情願佢唔足料都好過唔好食。芝麻糊，味道食落唔係磨出黎果種，差過同區大糖，兩碗都係食到一半已放棄。未試過就唔知餃子好唔好食，但糖水一定一定無下次。…查看更多

每個月最少幫襯一兩次。本人覺得壽司好味過拉麵。靚女侍應（相信係老闆娘）服務勁好，笑容滿面！前幾日去食，入面有幾個日本人叔叔識搵到呢間居酒屋，食野飲酒飲得好開心，佢地幾個不停日文傾計令我感覺好似返左鄉下（日本）一樣 🤣…查看更多

係counter叫左兩件旦糕，之後問cashier 400 次㗎啡有無熱飲，其實無話要無落order的，平時食親Lady M 都二百幾蚊埋單，比錢果時無為意原來已經計埋我錢。唔緊要啦，當我又講得唔夠清楚，Lady M d 野飲唔差所以都無咩所謂。重點係送餐位姐姐既態度。因為唔係坐梳化位的關係無位放袋，將個袋放左係檯面邊（廢包）。其實原本野飲未到，已經執定左檯面預左位比佢放野飲。同埋個袋唔係放係送餐果邊。長髮女送餐員：（無尾音，命令式語氣）可唔可以拎開個袋或者拎開部電話。當我唔應該放袋係檯面，放電話無錯喇掛？檯面都有餐巾你唔叫我拎起餐巾比你放既？唔可以有禮貌少少？ 可能我年紀唔輕啦，真係唔get 而家服務業點解可以咁，我本人有比氣你受？ 2百幾蚊個下午茶，茶餐廳侍應都有禮貌過佢。…查看更多

利申：本身好鍾意飲mocha，一星期2/3日去邊度飲親咖啡基本上都係飲mocha，所以飲慣左呢陣味。頭先好肚餓又未夠鐘食飯，係LCX Ralph's叫左杯熱朱古力諗住頂下肚餓（我肚餓/空肚唔可以飲咖啡，胃會唔舒服）。第一啖飲，只係覺得今日d 朱古力粉係咪落重手左，今日杯朱古力苦左少少既。飲左一半，比左老公飲啖。唔飲咖啡既老公：呢杯係mocha 黎，唔係朱古力，佢沖錯左野飲🫠（可以睇張單，單無錯）應該唔只我一個，會係無食野之下飲咖啡會唔舒服。杯野味道本身雖然無問題，但如果$60 買杯咖啡其實可以唔使係佢度買，都係覺得佢朱古力好飲先比$60買咁細杯野。希望下次咖啡師唔會發生呢d 小錯誤。…查看更多

見到食評話好食過九龍城，即刻充滿希望，因為以前住得好近九龍城成日落九龍城食泰菜。一定唔會有第二次，好難食，連九龍城水準差d 既都好味過呢間野好多，侍應態度唔好都係其次。…查看更多

因為住cordis 酒店的關係，選擇了明閣的staycation 午餐package。今次已經是第二次到明閣用膳。套餐包括了二人於明閣的早餐/午餐點心套餐。每一道食物都很好吃。用茶壺裝湯這個設定亦很有趣，食物方面很滿意，沒有批評的餘地😆但覺得座位安排上餐廳可以安排得好一點，staycation 的其他客人其中一家是有未夠一歲小朋友的。小朋友全程的都有在尖叫亂叫。 因為餐廳當時不滿座，建議食客的分佈可以再分開一點。…查看更多

於lalique 貴賓房間內享用了一次美味的盛宴。於book 檯時其實提到不需要於貴賓房內進食，但到達餐廳後知道還是給offer 了貴賓房有點喜出望外。進食的只有我跟先生兩位，但房間很大，餐檯亦很大。檯面上擺了很多的lalique 擺設，一不小心生怕會弄毀水晶。每一道菜都很美味，擺盤精緻，侍應的服務亦很好，很有禮貌，是一次很好的經驗。因為這個原因，之後我再去cordis staycation 的時候，亦選擇了於明閣用餐，於下一次食評再分享。…查看更多

同層另外嘅泰國餐廳同側邊嘅cafe 太多人等，見呢間專食牛嘅就被吸引入去。其實唔係第一次經過，但之前夜晚唔算特別平，人氣又唔係十分高企所以無試。但今日真係太肚餓所以見無咩人食都照試下。環境係唔錯，好寧靜，同出面同層嘅餐廳兩個世界。同老公一人一碗午餐牛飯加2串串燒，唔記得叫牛頸脊定牛肩頸飯，除左個餐湯有味算幾好之外（略咸），午餐牛飯d 牛肉係有烤味，但無乜牛味嘅，要係咁問侍應拎鹽。間野唔係難食，不過野食就真係無咩味。但如果午餐埋單兩個人3百幾蚊真係覺得唔值。可能因為入坐時人唔多，間餐廳後方近廚房無侍應嘅，全部企晒係入口位附近聚埋晒一起，要下下大聲叫唔該先會走埋黎。K11 好多餐廳，真係無需要試呢間。…查看更多

夜晚突然有急事要出尖沙咀，已經好累，唔想再慢慢搵位，想打邊爐，臨時見呢間有檯遠少少係山林道都照book。行緊過去，侍應已經打黎問我係咪會到，係就留返張檯比我，我地兩個即刻衝住上去衝到身水身汗，點知上到去原來仲有好多張吉檯。其實一心想食辣雞煲嘅，但老公最終揀左胡椒豬肚雞煲。湯底算唔錯，但味道可以再濃少少。雞唔係想像中咁好味，唔多入味，亦有d 鞋，亦無照片見到其他人相入面嘅咁多。特級雪花牛肋片，$198 蚊，成餐之中嘅敗筆：分量多或少呢樣野唔講喇，最緊要無牛味，真係唔值呢個價，同新星任食嘅味道差不多，只不過肉質無咁鞋。螺片新鮮嘅，四寶丸亦唔差，食得出係自家製手打唔係出面就咁入貨果種。爆芝響鈴亦都有驚喜，比普通響鈴好食好多。但好坦白講，打邊爐牛肉真係好重要。呢間d 牛嘅質素真係令我無興趣再去下一次。…查看更多

尖沙咀呢間第二次食，東涌果間羲和小館就已經食過N 咁多次。東涌果間d 服務都已經唔多好，但野食好味都算啦，呢間簡直可以用差黎形容。對上果次食尖沙咀分店大約半年前，今次再食個menu 轉左好多。只有約1/3 至1/4 嘅野食同東涌一樣，其餘嘅呢邊就貴好多好多，碟碟主菜都成3，4百蚊一碟。就算同東涌同款嘅野食，海港城呢間亦都貴d。同款荷葉飯東涌分量多一倍。上幾星期先係東涌食完，飯分到成5，6碗。今次3碗就KO 左。芝士蝦今次第一次食，$198 左右淨係得4隻海蝦仔，係普通海蝦尺寸，唔係大蝦。都幾唔抵食，不過佢個芝士汁救左佢，個芝士汁好味到我當湯飲，成碗清晒。有用海港城coupon，但原來連茶錢都唔計唔可以扣，初頭問d 侍應用coupon 時又唔講，如果唔係叫多杯野飲已經可以用多一張。而且本身真係想叫野飲，叫完野食話轉頭先落野飲，但一落完野食侍應已經9秒9收走張drink list，明明想加單都比佢掃Q走晒所有興致。最後總括一句，尖沙咀呢間唔會再食。要食情願遠d 搭車入東涌。…查看更多

突然好想坐海邊食lunch，但海港城Lcx 果邊間間full 晒，見六公館有位就是但啦。飲中茶但飲㗎啡成件事係有d 錯但因為係新派fusion 點心成個畫面好靚。最衰就係果陣係3月左右，未有咁熱，杯野轉過頭就比海風吹到凍晒。咁大個人飲過最好味嘅一餐茶，個個點心都有驚喜，碟碟都好好味。除左好味之外我都無咩好講🤣…查看更多

叫左串燒午餐set唔記得影，老公叫左和牛set。照片呢幾樣係除左午餐外，另外散叫嘅食物。個年糕超好味😋走黎試主要係為左個海景，因為食過隔黎嘅papermoon 比個海景迷倒。而且買完手袋有勁多海港城coupon😆, 點知食完先發現原來當日係復活節假期唔用得，oh my god，要比原價😅每樣菜式都水準以上，串燒好味，侍應生大部分服務比較好，某位就差少少啦。總括黎講係好味嘅，但如果無coupon 就未必再黎食喇。2個人嘅lunch set 加少少散叫都要食成千蚊。咁嘅銀碼應該可以食到更好。…查看更多

住得好近九龍城，成日都落九龍城食泰菜。突然邊爐癮起，但得2個人都唔知去邊度食好，睇openrice 見到呢間，2個人應該1千蚊左右埋到單，好，去試下佢。叫左＄42x 個牛拼盤，樣樣都好食，平時好憎成牛柳粒因為覺得無味又太厚肉。但呢度嘅牛柳粒值得一讚！ 佢個芝士蝦丸亦都係好味到不得了，好似食緊隻新鮮蝦一樣！湯底我地叫左胡椒豬骨，湯好夠味，我飲左兩碗😄 入面d 冬瓜多到食極都食唔晒！已經決定左下次同老公邊爐癮起一定再黎食佢🥰…查看更多

其實原本特登出K11想食第2間, 但別間lunch 已完，果一刻灰到盡頭，已經唔想再排隊慢慢等，見附近呢間門口得2個人排隊是啦就呢間。比門口大大個外賣餐牌嘅價錢呃左，堂食單點飯/意份基本上都一百二十蚊或以上。睇餐牌，佢d 甜品同㗎啡好似幾吸引，食食甜點頂下肚先吧。花生醬多士配麻薯，＄68。如圖，只係大塊過包tempo細紙巾少少。杯朱古力個樣好似好濃好好味，但實際只係不過不失。黑色果杯㗎啡係餐廳招牌，＄52/杯。坦白講真係好似水，無味，無㗎啡味，得個樣懶靚。我唔係濃味要求者，我自己都飲唔到太苦嘅。但Pacific /Starbucks / NOC / 各小店一定好味過佢好多。其實仲叫左另一個甜品，但完全再無意慾影相。埋單二百六十幾。我覺得好屈悶，因為我覺得食物完全唔值，而我絕對無興趣用佢個景打卡。…查看更多