Leftmiddle的個人專頁

朋友想食一人一鍋，上網一search就搵到依間，食評唔多但見價錢好平就試下用手機掃code落單，有咩唔清晰店員都會細心講解返，不過個點餐系統有啲選項冇得揀，但可以直接口頭落單上餐速度都算快，亦都大份足料，叫左$68麻辣肥牛鍋但轉左魚湯跟飯，味道都唔錯，依個價錢真係好抵食，如果碗飯再大啲就好😋我朋友麻辣湯底都好香，不過我唔食得辣，聽佢地講幾惹味，本人對味精都幾敏感，今次我食飽一段時間都冇咩口渴感覺🤣4個人都係食左$282，睇返完全冇加一，感覺員工用心做，整體感覺好好，有機會再黎食😊…查看更多

本身冇食過三哥下午茶，唔知道佢地有下午茶Menu，一入到去坐低阿姐已經攞住部機等緊我，我唯有點左佢擺喺枱面提供既餐牌有既選擇，見有個素食過橋米線就點黎食，我問阿姐加飲品幾錢，佢話10蚊我咪唔加，等左15分鐘，係菇菌湯底，餐牌上面寫濃湯，但係好淡，米線係冇味，啲料就正常味，有得選擇我唔想再食，除非有腸胃問題真係好適合食😑當我食飽俾完錢覺得好疑惑，就上網搵，原來係有下午茶（唔好意思我見識少），有得揀餸有野飲，但我掃一掃好多枱既餐牌，都唔見有放下午茶餐牌，舖面同門口都冇貼出黎，我唔係熟客我真係唔知😮‍💨如果阿姐提下我都好呀，又唔好食又貴又冇野飲🥲🥲🥲…查看更多