kwokhongyiu的個人專頁

今日試左和田便當，呢間便當專門店成日都好多人排隊，果然好好味😋入到去見到會見到兩部便當販賣機，只係掃一掃個電子屏幕就可以睇到今日有咩款試嘅便當同落單，之後比錢用八達通，有咩唔明白仲可以問店內嘅店員，都幾方便～店員仲講話如果想預先睇定呢個星期有咩款可以上番和田便當個網站，預先落單原來仲有折，下次真係要試下先！而販賣機嘅左邊就會有一個凍櫃，有唔同種類嘅飲品可以加配買埋，有汽水、紙包茶等等👍🏻我今日同朋友就試左蒲燒鰻魚便當&柚子照燒雞拼安格斯牛丼1. 蒲燒鰻魚便當嘅配料有蛋絲、蛋卷、蘿蔔絲同埋西蘭花，一開個便當比我想像中豐富，而且件鰻魚都好入味，配埋啲鰻魚汁送飯一流2. 柚子照燒雞拼安格斯牛丼就真係鋪滿左滿滿嘅牛肉同雞排，而且牛肉同雞肉唔會因為煮太耐而好韌，牛肉仲加入左洋蔥絲，有種真係係日本食丼飯嘅感覺😋總括而言對於今次嘅便當都非常滿意，好方便同埋美味，必定encore👍🏻…查看更多

今日試左Dear Neighbor嘅早餐，分別叫左Honey Mustard Chicken Breakfast Sandwich、All Day Breakfast同埋加左杯hot chocolate 首先一入到去，店主好貼心咁同我哋介紹今日有啲咩special，每日推介嘅咖啡同埋All Day Breakfast食物嘅combination 都唔同～至於食物方面，估唔到Sandwich都幾好味，底面兩塊包十分脆，而中間嘅配料好似沙律咁係凍嘅，食落口感唔錯。Honey Mustard Chicken都好入味，因為包本身無咩味道，所以夾埋就岩岩好唔太膩而今日All Day Breakfast就有牛角包、三文魚、炒蛋同其他配菜，材料豐富，個人最中意係牛角包，重牛油味而且香口～最後杯hot chocolate 都十分推介！只要叫all day breakfast/ pasta 加$15就有，十分濃郁嘅朱古力味，絕對唔係飲落去好淡似水個啲咁…查看更多

今日終於試到一口沙嗲，分別買左豬、牛、雞、羊嘅急凍串燒番屋企，仲送埋串燒專用嘅電爐，真係係屋企都食到有風味嘅串燒首先講下電爐，好貼心咁準備左說明書，簡單易明～而電爐除左可以係上面一路燒串燒外，下面仲有兩個小煎pan整其他配菜，成功煎左隻蛋至於啲沙嗲肉串，燒完都仲好juicy，唔會太鞋太韌，不過要注意番唔同肉類所需要嘅時間都唔同，例如雞只要燒比較短時間etc同埋不得不提嘅係個花生醬真係好出色！！有兩個味道選擇，分別係原味同香辣味。原味係屬於杰身少少，好濃花生味，搭埋串燒一齊食口味十分滿足；而香辣味就比較似XO醬咁，有原粒花生，好有驚喜！！總括嚟講，十分推介呢間一口沙嗲如果唔想自己番屋企整，佢地都有賣燒好左嘅串燒～值得一試…查看更多

今日入大埔search泰國菜搵到呢間小店，估唔到咁好味叫左兩個lunch set，包前菜同飲品首先講下咖哩炒金邊粉，平時泰國餐廳炒金邊粉就見得多，咖哩炒比較少見，但呢間整得好有鑊氣，咖哩味好濃，而且唔會話炒到一舊舊好乾咁，入面加左豬肉，啲豬肉軟淋淋好入味之後亦叫左份青咖哩豬頸肉飯，第一次見青咖哩係咁git身，食落唔會太辣帶少少甜味，而豬頸肉就比較多肥膏，除左豬頸肉有其他唔同配料：四季豆、茄子、通菜等，比起炒金邊粉呢款就不過不失:)每份lunch set會跟一份前菜，可以揀冬陰公湯或者秘製青木瓜沙律，碗冬陰公湯十分有驚喜，味道超濃都唔會好辣，而且配料都好多，飲得出係真材實料煲出嚟至於沙律味道酸酸甜甜好開胃總括來說，呢間小店都幾高質，推薦大家試下…查看更多

今日同friend叫外賣，試左久仰大名嘅齊柏林熱狗店，佢係全港都有唔少分店，果然好好味首先講下芝味熱狗，全個面都鋪左芝士，如果買完即刻食應該會有拉芝效果，但叫外賣上到離食都仲好好味，而且芝士味濃郁又不太油膩，腸係大大條匈牙利腸，平時細食都可以自己食曬成個另一款係火炙芝士辣肉醬熱狗，一樣十分足料，辣肉醬辣得離又有芝士味，好開胃，而腸就用左荷蘭腸重點之一亦有芝士大薯條，無講錯的確係大大份足料薯條，面都係鋪滿芝士，而薯條本身就撈左千島醬同茄汁，所以食落就唔會太dry，重口味之選總括嚟講十分推介呢間齊柏林熱狗店，性價比高而且好好食…查看更多

終於去左試好出名嘅Mamaday，入面環境同食物都一流首先講下呢個名副其實嘅點解個個都叫軟殼蟹比薩架？食完即刻知道點解個個都叫，原隻軟殼蟹係頂，炸得好香脆同juicy，個比薩底夠薄唔會食完好飽，啲sources亦都好有層次感，其中一隻係酸酸甜甜，加埋芝士絕配主食方面亦叫左可能會失望溫泉蛋明太子意大利扁麵，不過都真係有少失望，因為啲source整得太傑，搞到啲意粉痴埋一舊咁，味道都係普通嘅忌廉味無咩特別，頂啲蟹柳就偏乾身小食叫左燒雞翼我鍾意食，揀左配蜜糖芥末醬，炸得十分香脆，醬都整得好出色飲味就叫左豆腐豆腐豆腐咖啡同埋夠唔夠薑蜂蜜菊花茶，先講菊花茶，飲落好有驚喜，除左好多菊花外加左幾舊薑粒，本身唔太甜仲帶點輕輕嘅薑味，好清新至於豆腐咖啡都好味，甜度可以自己調教…查看更多

今日試左呢間出名食豬油撈飯嘅小店，果然好有特色，係西環、大坑都有分店😋首先講下呢碟餐肉脆邊蛋豬油撈飯，聽落只係普普通通茶記飯，但兩草整嘅實在太好味餐肉煎到外脆內軟，蛋邊真係卜卜脆，個飯食落唔油，豬油同豉油配搭岩岩好，大大碟價錢都只係$32！之後到兩草都出名嘅肉餅，食得出係用新鮮嘅肉即煎而成，亦都好juicy，但如果做咁食就會有啲油，搭飯食比較好當然唔少得咖央多士，多士烘到好脆，一口咬落去啲醬多到爆曬出離，味道甜而不膩夏日炎炎，當然唔少得一杯透心涼嘅菊花茶，稱係用真材實料而且無添加，飲落果然唔做得個糖水味！總括來說十分推介呢個充滿特色嘅小店…查看更多

今日去左食鰻魚料理專門店Nadai Unatoto，發現一款主食價錢唔太貴，望落去都吸引，最後叫左一個鰻魚飯三食、鰻魚野菜天婦羅烏冬同埋小食鰻魚冷豆腐:)先講鰻魚飯三食，食法係將鰻魚飯加埋茶攪拌一齊食，口感清新，無左原本食太多鰻魚油膩嘅感覺～一個set會附送味噌湯同埋漬物之後就講下天婦羅烏冬，烏冬偏幼，口感煙韌唔會話食落好粉至少天婦羅，因為即叫即炸所以等嘅時間比較長，但炸得外脆內軟，個人認為南瓜好好味最後就係鰻魚冷豆腐，豆腐真係好冰凍，同埋係屬於比較堅挺唔會一夾就散曬，鰻魚都係同飯嘅同一種味道，不過將鰻魚造成凍食都有新意總括嚟講呢間餐廳食品質素都偏中上，加上呢個價錢食到呢啲日式料理都真係算係咁，有空不妨一試…查看更多

最近見好多人去左呢間一生懸麵打卡，今日就去試下，果然大排長龍，大約等左半個鐘最後試了魚介豚骨沾麵入到去每枱都有一大壺冰水提供比客人自己倒，水加入左檸檬片，大熱天時坐落飲番杯真係透心涼沾麵方面先講下麵同配料，我選左硬+熱麵，本身以為硬麵食落會彈牙有口感啲，可惜麵係屬於粉質地，所以同預期有出入至於叉燒就有驚喜，食落有陣煤燒過嘅味道，而且肉同脂肪比例好好，有種入口即溶嘅感覺荀同埋溏心蛋就不過不失然後講下碗沾麵湯，味道就唔太濃，湯亦都算浠身，可能係for食完啲麵比我地飲埋而整成咁:)…查看更多

今日試左坑口間beans，最近開始提供早餐至11:00am（好似只限星期六日？）每款早餐包一杯飲品首先講下個Mixed Dried Fruit Granola with Yoghurt，有一小杯牛奶另上，granola配左生果同蜜糖yoghurt，感覺好新鮮又不太heavy，係輕食嘅最佳選擇之後講下French Toast，包整到好脆口，有唔同生果伴碟，配上最頂嘅軟芝士好夾，糖醬份量自己控制:)呢款pancake唔係早餐時段提供，但就好足料有3大塊，配料方便就同上述French Toast差不多，但價錢就相差好遠總括來說，我個人認為beans嘅早餐物超所值，比起全日menu抵好多，份量足夠價錢每款可以平幾十蚊，得閒可以去試試…查看更多

今日去咗食呢間位於西貢嘅印尼餐廳，但唔係食招牌牛丸，而試咗佢嘅雞湯麵同豬頸肉湯飯首先就講吓個印尼雞湯麵，可以飲得出湯底真係用足料材料去煲，有濃郁嘅雞味，但又不太油膩好鮮甜麵方便有口感，唔會話似係浸咗好耐咁淋曬～除左雞絲，亦有椰菜絲、芽菜、豆卜配菜，但豆卜個人認為就唔夠入味了最後就講吓個豬頸肉湯飯，飯係另上自己加入湯度食，湯底比較淡有少少冬陰功嘅味道～至於豬頸肉就做得好出色唔肥膩而且烤得好入味！總括嚟講呢間餐廳嘅湯底都不錯，係可以將成碗湯飲曬嘅麵下次有機會會encore…查看更多

岩岩新開嘅文青天台cafe，即刻去左試食佢最出名嘅一汁三菜同伯爵茶傳統班戟首先講下個伯爵茶班戟，賣相已經100分，食落亦都好有驚喜！班戟嚟到時店員好細心講解食法，最頂牛乳雪糕、燒海鹽芝士忌廉醬、香蕉、提子、再加埋班戟中間有暖笠笠嘅麻薯，非常有層次感，好好味又不太膩至於主食一汁三菜，我哋今次揀左照燒雞排配薯蓉。前菜開胃，雞排唔肥，將慢煮蛋伴飯再加入柴魚湯變泡飯呢個食法相當有心思呢個set主打概念係均衡營養，份量岩岩好～但味道方便就比較普通，下次可以試其他主菜…查看更多

今日終於試到平時大排長龍嘅當文歷餅店，兩個人分別叫左一份菠蘿包、吉列滑蛋三文治同各一港式奶茶曲奇杯先講個人覺得最好食嘅吉列滑蛋三文治，一咬落去蛋嘅外皮仲好鬆脆而蛋入面就好滑，加埋個應該係本身for炸豬排嘅醬汁味道岩岩好，唔會太漏，但如果一個人食成份就會有啲飽至於菠蘿包，一開頭淨係食到椰子個part就可能會有啲甜，但食到中間有埋熱情果醬就變到酸酸甜甜，好開胃～同埋個餅底望落以為會好硬，但又幾鬆軟，好味最後，杯奶茶不會太甜，有茶香～但個曲奇杯就無咩特別，厚身較硬，而且就只係普通牛油曲奇味，但都可以一試，用嚟打卡一流今次6點幾去到所以無得試最想食個款檸檬茶，有機會會再去…查看更多

星期六去左呢間Brew Bros Coffee食早餐，雖然價錢偏貴，但食物質素都幾高我地分別叫左份Matcha Oat Milk Bircher Muesli同埋Toast with Salmon and Fried Egg先講個toast，三文魚新鮮，另外有啲沙律醬伴碟，包就夠鬆軟，可惜食落就有啲乾，可以考慮加番啲醬汁:)至於個Muesli，就一啖有驚喜，抹茶味加奶味道好濃郁，而且生果亦有好多款式（士多啤梨、青蘋果、藍莓、香蕉、火龍果&熱情果）下次可以試埋佢with nuts個version杯Iced Matcha with Soy Milk都好評…查看更多

今日係九龍灣行行吓聽到前面個個人講話IKEA有竹炭雪糕，好奇心驅使下就去咗，試吓依個竹炭雪糕究竟係咩味道，呢款雪糕好似係期間限定去到美食店嗰陣已經係九點幾，人唔算多，好快就買到竹炭雪糕啦。雪糕上手，即刻影返張相先，雪糕的賣相幾好算有gimmick，唔似某啲快餐店嘅雪糕，整到東歪西倒。呢個竹炭雪糕配搭得幾好，荔枝嘅香味亦不失竹炭嘅清新。不過，雪糕嘅甜筒質地偏硬，喜歡唔喜歡就見仁見智了，但個人認為好食…查看更多