Yoyo Chuchuchuchh的個人專頁

今日去地去到一間為於新蒲崗嘅小店。個位置都相當唔起眼，但係入面嘅裝修非常之用心，亦都有個Kiosk仔，如果經過想淨係買杯嘢飲可以喺出面就咁Order我地點咗一個沙律，一個小食同一個扒。個沙律係凱撒沙律，個菜好新鮮而且洗得好乾淨─因為我食沙律最驚就係有異味同唔乾淨。但係佢地處理得好好，啲菜勁脆，加上有足夠嘅芝士粉同凱撒汁，食落去完全夠味，鍾意食沙律嘅朋友一定嗰可以錯過！小食我地揀咗香辣雞翼，本身以為係用返啲周街都有嘅泰式辣醬，但係嚟到一睇係自家製嘅醬。個雞翼炸得好香脆，又唔會炸過龍太老。點埋個香辣醬食，酸酸甜甜，令到個雞翼感覺冇咁油膩又開胃。食食下嘅時候，雞扒就到啦！除咗大大塊雞扒之外，仲有沙律同薯角。新鮮炸好嘅薯角真係好好食，又香又脆！就算熱氣都要食晒佢！雞扒個份量2個人食啱啱好，又唔會太飽又唔會唔夠。肉多汁唔乾，外面嘅皮又煎得剛剛好！食完薯角同雞扒之後，食埋個沙律清一清腸胃就夠晒飽啦！除咗食物好食之外，服務亦都好好，特別入面位店長！見到我地無咩位即刻幫我地收起啲野，又會主動加水！…查看更多

本身已經睇到唔少阿四嘅好評，所以今次決定要親自嚟試試佢。間鋪裝修都幾特別，保留咗懷舊嘅風格但一啲都唔覺得老土，仲非常光猛。因為呢排做緊減醣，我地決定嗌淨餸，基本上點哂餐紙上面可以食嘅打星星推薦餸，再點咗凍咖啡走甜同樽仔奶茶。首先真係要提提杯咖啡。佢一嚟我就飲咗啖，飲落去好甘，仲有陣堅果味，絕對比咩Bucks同咩cific嗰啲有過之而無不及。估唔到會喺個價錢咁平民嘅地方飲到杯咁出色嘅咖啡，令我更加期待跟住落嚟嘅嘢食。樽仔奶仔就比較甜，茶味都好濃，可以一試。首先個沙爹好香，豬皮好入味，咬落去成口都係汁；牛腩比較爽口同重滷水味，絕對冇因為係車仔麵餸所以偷工減料；滷水蛋同溏心蛋互有特色。鍾意食啖口啲嘅可以試下滷水蛋，溏心蛋就比較適合口味重少少嘅朋友。瑞士雞翼比較甜，非常入味，啖啖都食到瑞士汁，鍾意食雞翼一定要嗌。再嚟就係我覺得最好味嘅餸─腩肉。大大塊，差唔多油肉半分，但係入口一啲都唔膩，加上非常之入味，我覺得係嚟到呢度必點嘅餸；蘿蔔又多又甜，好扺食。但注意如果鍾意食淡蘿蔔嘅朋友可能會覺得有啲太甜；魚皮好脆好脆，冇加粉炸所以比較乾身同啖口，加埋比較油嘅餸一齊食就啱啱好。 最後嗌多咗兩個小食─吉列炸蠔同瑞士雞翼。20蚊但係每碟比足5隻你，淨係價錢已經冇得輸，仲要水準唔錯。炸蠔粉唔厚，食落冇腥味，證明處理得好，加埋個泰式辣醬好惹味開胃。唔只啲嘢全部都有水準，仲要啲員工個個都好有禮貌，問埋我地要唔要開冷氣，真係全方位嘅享受。宜家好食嘅車仔麵已經唔易搵，所以試問下邊有得唔嚟試下呀。…查看更多

一坐低就見到張點餐紙，湯底同配料嘅選擇都唔算多。但係聽講係食牛嘅專門店所以期望都幾高（本人打邊爐基上淨係食牛），一嚟就全部肉都點咗一份，加埋沙爹同皮蛋芫茜湯底，實行有殺錯冇放過。一叫完湯底，就即係馬上去整自己嘅配料。呢度都有好多款唔周配料，仲有一隻叫秘製油碟，食咁多間任食邊爐我都未試過，一於試試佢！ 雖然睇落有啲油，不過撈埋落平時食開嘅豉油度都幾夾喎！ 一嚟到真係嘩咗聲，本身以為得細細幾塊但係原來出手都幾闊佬。我首先試咗個一級肥牛─都幾新鮮但係略厭佢有啲咬口，勝咗牛味足同夠厚；鍾意食肥肉嘅朋友可以點黑毛豬同安格斯牛肩胛─夠哂油花，大大塊又入口即化，除咗比較膩冇咩好挑剔；封門柳同牛板腱油花比較少，但係肉味好足，亦唔算韌，鍾意食瘦少少嘅朋友可以點呢兩款；其餘嘅金錢𦟌同澳洲牛肩小排比較瘦同筋較多，唔食肥同鍾意咬口嘅朋友就點呢兩款啦。菜嘅選擇有白菜、油麥菜、生菜、金菇等等；而其他配料有啲丸類、響鈴、午餐肉等，種類亦唔算多；飲品就有汽水同菊花茶等等。雖然配料選擇唔算多，但係睇佢啲裝修放到成間鋪都係牛牛就知佢地係專食肉嘅火鍋。而且款款都新鮮同大大塊，加上有唔同部位配合返鍾意食唔同種類嘅肉嘅朋友。呢個價錢可以食到咁多同款式嘅牛肉真係幾抵！鍾意打邊爐食肉嘅朋友一定唔可以錯過…查看更多

今個星期朋友好懶，懶到唔想出街，但朋友點都要見下，我就唯有去到佢屋企樓下揾下有乜好食啦。點知佢一落到去就見到一間長期排出龍，人龍無見過斷嘅cafe，今日非常少人排，所以即刻入去食。佢就係Beans喇. 餐廳環境舒服，大部分用木製的裝潢，好有家嘅感覺。食物方面, 我同3位朋友就揀咗一碟蟹肉意粉，牛油果三文魚多士，香蕉煙肉pancake同芝士薯條. 飲品就跟餐有一杯 FREE 嘅Americano.先講一下芝士薯條 份量算多, 好重車打芝士味，鐘意食重芝士味嘅朋友，一定要試試佢，包你食過返尋味，我下次都會點佢。牛油果三文魚多士同香蕉煙肉pancake，個人覺得普通，味道正常，唔太特別。不過蟹肉意粉又幾好食喎，醬汁同意粉份量好好，唔會意粉太多唔夠汁同太少意粉嘅問題。 飲品免費嘅Americano黎講算唔錯，唔會太酸，同出面30/40蚊嘅質素差唔多。唔想加錢飲咖啡嘅朋友可以試下。除左Americano，佢仲有蜂蜜綠茶可以叫，我地就無試過，但應該都唔錯嘅(我估)hahahahahha. **順帶一提，其實佢食物份量唔少，如果想點小食/甜品，正餐唔洗一人一份會好啲！整體嚟講, 地方幾好，但餐廳無限時用膳令等候嘅時間比較難預，快嘅可能5-10mins，耐嘅可能around 30mins！所以多人嘅話會比較難等位。…查看更多

好耐無食過泰國野, 咁一諗到食泰國野，緊係要去有小泰國之稱嘅九龍城啦！所以今次我就去左位於九龍城的小曼谷海鮮燒烤屋. 餐廳環境舒服，有室內同室外，而且晚上8/9點仲有人會live唱歌，一邊食飯一邊聽歌都幾似真係係泰國咁.食物方面, 我同朋友就揀咗一碟青木瓜沙律，飛天通菜，咖喱軟殻蟹法包，4串串燒(豬，雞，魷魚鬚，珍寶腸)，榴槤糯米飯.先講一下碟青木瓜沙律 份量比想像中多, 味道又唔錯喎，連本身唔太好沙律嘅我都忍唔住食左。飛天通菜，個人覺得好食！不過帶少少辣，鐘意食少辣嘅朋友可以試試。咁泰國餐廳點都要食埋個串燒同咖喱先叫黎過，所以我就叫左咖喱軟殻蟹法包同埋薄餅，薄餅同法包配咖喱好食，而且法包吸左啲咖哩，味道更出，不過建議兩個人嘅話唔洗叫加薄餅，可以改為叫其他串燒輕食，因為太多澱粉質會太飽. 串燒黎講豬同雞都燒得剛好，豬唔會太熟，雞好滑。因為豬太熟嘅話會好難食。魷魚鬚唔太乾，同有我嘅最愛珍寶腸！！真係好正！又到左我最期待嘅甜品，好多餐廳有芒果糯米飯，但今次竟然俾我揾到榴連糯米飯，機會咁難得，緊係要try try。嘩！榴連肉絕不欺場，一飯配一肉不成問題，而且味道比得上出面的甜品店，喜歡榴連嘅朋友，值得一試！整體嚟講, 地方幾好，有細枱，大枱，室內，室外，可以滿足到唔同人數同要求客人嘅需要。而且餐廳有請人來唱Live，氣氛真係好開心，又有得食又有得聽歌，又有得同朋友聚會，想食泰國野嘅你，記得約埋一大班朋友黎喇！…查看更多

今日放左工，去左尖沙咀佐敦一帶行下街，行到彌敦道附近有啲肚餓，本來想去莊士倫敦度揾野食，點知行錯路去咗佐敦恆豐中心後面，就發現咗依間自助素餐廳 —— 無肉食。餐廳地方乾淨簡潔，以木製傢私為主，地方尚算寬敞。有細枱可坐2-4人，亦長大枱可坐6-10人，唔洗擔心人多坐唔晒。食物種類繁多，應有盡有，款式不時更換，好似荷葉飯，炒麵，炆冬菇，炒白菜仔，亦有多種湯款，冬瓜盅，木瓜湯，小吃，煎堆仔，素春卷，炸豆腐，和甜品，綠豆沙，紫米糖水。仲有不少飲品，例如，檸檬水，橙汁，羅漢果水。雖然味道一般，但贏在食物款式多而且新鮮，而且性價比高百幾蚊食自助餐，雖然係無肉食，但學店內一句金句”其實唔食肉都係一種生活態度”，我諗我都會係之後每個月都會實踐依個無肉生活態度。整體嚟講, 第一次去素食餐廳，比我想像中好食，起初以為無肉食會唔飽，而且好dry會好悶，但原來一切都比我想像中好，包括賣相同味道。…查看更多

上個星期，去完西貢食Brunch, 今個星期帶大家去返啲熱鬧啲嘅地方啦。今次我就去左位於麥花臣球場對面的餐廳, Pause It. 餐廳環境時尚簡單，就好似名一樣，係繁忙的都市中找一個地方暫停一下(Pause It)放鬆緊張的都巿腳步.食物飲品方面, 我同朋友就揀咗一份雞肉牛油果意大利飯同一份凱撒沙律 野飲就叫咗店鋪推介的芝蔴鮮奶拿鐵.先講一下份雞肉牛油果意大利飯 份量不多, 味道還好，但意大利飯硬左少少.對於男仔黎講會少咗啲。 凱撒沙律 個人覺得比意大利飯好食 可能我本身鐘意食嘅關係 hahahaha 味道正常發揮 因為沙律好難特別出色 亦都好難好差 如果太差的話 個間餐廳一定唔洗再去. 講完題外話，講返杯竹炭鮮奶咖啡, 拉花幾靚，本身有啲期待，點知一飲味道就好似飲緊芝蔴糊咁，雖然味道唔差，但芝蔴味蓋過左鮮奶拿鐵味，大失所望，鐘意飲芝蔴糊但抗拒咖啡嘅朋友，可以試試.整體嚟講, 地方不大, 餐廳始終坐落於旺角，地方難免細左少少，但坐係bar枱望住出面條街啲人行來行去，感覺悠閑，好似活於另一個世界般，有興趣嘅朋友記得預少少時間等候。…查看更多

中秋節翌日, 玩咗一晚,緊係要訓返夠本. 一起身已經12點幾,依個時間食早餐又唔係, 食午餐又唔係. 咁最好緊係食個Brunch啦!!!之前聽朋友介紹過西貢有一間味道唔錯的餐廳 The Conservatory. 餐廳位置唔難搵, 就係方逸華普通科門診診所對面條街.餐廳設計有歐洲的風情, 感覺十分舒適. 店員態度友善.  而且入面冷氣 出面亦都有大帳篷同風機, 好適合係秋天坐係出面享受一下假期的寧靜. 仲有西貢果然係小動物愛好者的天堂, 好多食客都會帶小動物來餐廳.食物飲品方面, 我同朋友就揀咗一份Salmon Benedict 同一份 Chicken Pasta 野飲就一壺Earl Grey.先講一下份Salmon Benedict 份量唔細, 係黃黃的蛋漿下係一隻半熟蛋,幾片煙三文魚同一堆菠菜. 用刀一切落去蛋黃流落去麵包的中央, 軟林林的麵包配上脆口的包邊, 感覺好新鮮, 特別. Chicken Pasta味道好特別, 西式的粗通粉配有少少泰國風的醬汁, 帶少少辣. 食厭咗平時西式醬的人, 不妨一試. 而Earl Grey就普通茶包, 不特別推介. 但整體嚟講, 坐係依間餐廳用黎消磨一個下午, 係一個不錯的選擇.…查看更多

開左咁耐終於等到少人啲啦！仲要特登星期六嘅中午去都等左大約10分鐘先有位！一入到去有種去左迪迪尼餐廳嘅感覺, 好得意！落完單後就送左一客麵包, 分別有2種味道, 黑麥同普通麵包, 我自己就比較鐘意食黑麥麵包, 味道無普通麵飽咁單一, 有少少甜味都幾好食！麵包仲可以refill的, 啱晒鐘意麵包的朋友！黎前都有聽過呢度嘅食物好有美國feel, 即係好大份呀！我地叫左一個4種唔同chesse一隻嘅pasta再加雞肉, 一上嘅時候發現又無想像中咁大份喎。雖然係有4種唔同嘅cheese, 但我覺得一啲都唔heavy, 唔會食幾啖就好快飽嘅感覺。意粉都煮得剛剛好, 唔錯呀！除左主食外, 仲叫左一個前菜, 就係nacho！一上黎嘅時候, 我終於覺得自己係食緊美國餐啦！平時其他餐廳都只會係好細細碟嘅醬, 但呢啲一啲都唔姑寒, 個個醬都係一個雪糕球嘅份量呀！仲有層層深不見底嘅脆片！脆皮上淋左芝士汁再加埋辣椒同埋sour cream味道好好食, 不過就好飽最後我地2個人食極都食唔晒就只好放棄～我覺得呢度好適合一家大細一大班人去, 可以試更多唔同野！…查看更多

前一排成日都係唔同social media見到好多人去食呢間和牛沾麵, 都知道一定好多人去排隊食架啦！個日難得出去個邊就試下搵下啦！大約夜晚7:30經過門口嘅時候見到無人排隊, 我仲諗係咪去錯入口, 點知原來係無人！即刻入去！呢度係自助嘅, 係近門口部機落order再比錢, 之後就會出張飛再比個侍應, 有位的話就會安排入座。好彩我地早一步, 坐左5-10分鐘之後已經開始要排隊啦！我地2個人都叫左唔同食物, 我就叫左和牛沾麵首先上個湯汁, 跟住就會上個沾麵, 上沾麵時佢地會用好重語氣講日文之後就會上到你面前, 初初見到牛肉時都覺得好生, 不過個賣相就好吸引！沾麵嘅湯好熱配埋凍嘅沾麵就剛剛好, 味道好濃但又唔會太咸！唔知塊和牛係咪近根嘅地方好難咬！難咬到食唔到！如果唔計塊牛, 個麵係幾好食的！朋友就叫左和牛飯, 飯底係撈左黑松露, 佢就話好香黑松露味, 牛肉睇落就熟過麵個個好多又唔會過熟, 再撈埋個蛋黃一齊食就好好味好香！…查看更多

一直都好想試下素自助餐, 但有唔少間嘅地點都比較遠, 終於比我發現度呢間係尖沙咀嘅素餐廳！星期日一眼望落去都full晒 得返最後2個位, 立即就入座！不過呢個位就近廚房, 而且係bar枱所2個人都要對住牆食！由前菜, salad, 湯, 飲品, 主菜, 飯, 麵, 甜品 樣樣都有！估唔到個蘋果片係幾好食！好清新, 一啲都唔會令你更加飽！炸豆腐都好香口！舊舊都炸到好靚好好食！淨係食前菜都可以飽啦！主菜都有好多款唔同食物, 素版嘅魚香茄子就比較油, 反沙芋好好食！好多款食物都唔錯！就算無肉都好好食！最特別同最多人推薦就係核桃咕嚕肉, 而家就好鐘意食咕嚕肉所以呢個係一定要試既！估咕到炒完之後都仲好脆！都幾似好脆嘅咕嚕肉！核桃又有營養！可以食多幾粒！食得呢度我已經好飽, 甜品都無咩點食！仲有沙律都無食到！想試下素食但又怕品好食嘅朋友可以試下！…查看更多

有時係尖沙咀都諗唔到食咩好, 而且有時唔想係商場食想幫襯小店, 就比我搵到呢間cafe啦！佢算係半開放式嘅餐廳, 唔算太細都坐得幾舒服嘅！呢度一定要每人叫一杯飲品, 所以我地就叫左一杯earl grey同一杯matcha latteearl grey上到就諗個杯係邊, 原來就係個底！呢個茶壺好靚呀！matcha latte就唔係好重綠茶味, 就普通啦！跟住我地叫左一個菠蘿雞肉藜麥沙律個碗有啲細, 有少少難撈不過個汁加埋其他野都好好食, 都幾清新跟住個pasta都到啦, 就係鮮雜菌菠菜忌廉長通粉！個賣相睇落有啲細同埋個意粉有啲腍煮得比較耐味道就普通跟住就到煙三文魚bagel都係普通, 無咩吸引地方3樣食物加2杯飲品都夠食嘅呢度大部分食物同飲品都係比較普通, 我未必會想再黎食, 因為只係一必水準, 最吸引人都可能只係佢嘅室內設計, 幾舒服又唔會坐到好逼, 好啱打卡嘅文青餐廳！…查看更多

自己都係一個好鐘意食米線嘅人, 呢間米線都見有人介紹同唔少嘅好評, 而且有日係尖沙咀見到就決定要一試！睇個名都知專食羊, 但我唔食羊, 所以我就叫左一個雞肉酸辣米線, 朋友就叫左個羊肉清湯米線, 再叫左一個豬耳做小食一黎到就見到好大碗, 但呢個只係中size, 肚餓嘅朋友可以叫大架！個湯底唔夠酸, 比起其他米線又唔特別, 我就覺得普通。 雞肉係帶骨嘅, 就比較鞋身, 唔係咁好食！米線又煮得比較林, 已經覺得有少少伏。但朋友又話個羊肉清湯米線嘅羊肉幾好食, 我就無試過, 不過可能人地專食羊肉係真係得羊肉好食啦！大家好鐘意食羊肉都可以去試試！豬耳就睇得出係普通豬耳再淋啲汁上去, 好似有啲hea, 不過個汁係好食嘅, 好麻, 會想繼續食, 個汁係唔錯！總括而言, 我就唔會再去, 大把米線好食過佢, 無咩野係特別出色…查看更多

二悅一直都見到有唔少人介紹, 雜誌呀 social media都見唔少！佢賣相又唔錯,今日就去試試啦！佢係一係小路入面, 如果路熟路都幾難會搵到！舖面錚細, 所以要等大約5-10分鐘我地就叫左2個麵, 2個小食首先到嘅係佢地招牌湯面, 有牛肚, 牛𦟌, 分開上嘅湯我地叫左一個紅燒湯, 飲落就飲到微微酒味, 好香！不過湯黎講就有啲咸, 都係加落麵比較好, 牛𦟌剛剛好！好好食！麵亦好夠味！唔需要加湯食就可以變撈麵食！之後就到我叫嘅肉燥撈麵, 呢個可以自己選擇2個餸, 我就揀左牛𦟌同花枝丸, 牛𦟌就同頭先個麵一樣好食, 花枝丸係即炸, 好香口好好食！肉燥麵都好好食, 個肉燥都係帶酒味, 好正！佢附送嘅湯係同牛骨湯底一樣！好清甜！之後仲有2個小食, 分別係台灣香腸同肉燥豆腐！台灣香腸真係好好食！又係新鮮炸好, 十分熱但好好食！肉燥豆腐的肉燥同個撈麵係一樣, 個豆腐又係新鮮炸好再放肉燥！所以唔會腍左仲好脆架！呢間真係好值得再食！同埋支持下小店嘛！…查看更多

呢間意大利餐廳係戲院同溜冰場對面, 好多人睇完戲或者溜完冰都會黎食今日我地只係得2個人, 所以就叫左一個starter同2個main share一齊食啦！第一個係kale salad, 個salad dressing係醋而唔係一般沙律醬, 所以食落都無咁飽同感覺上都健康啲！汁嘅份量都剛剛好！全部菜都有汁, 唔會太多或太少！可以值得一試食完菜打底就到main啦！我地叫左一個pizza同一個pasta！ 意粉就係一個好普通嘅白汁雜菌闊條麵意粉煮得正常既, 汁都係正常, 只可以形容佢不過不失但又唔會特別出色嘅意粉, 真係好普通！之後食食下個pizza都上埋啦, 我地叫左個茄汁base嘅海鮮pizza呢個餅底做得唔錯, 唔會濕左, 個邊邊又唔會厚到似麵包, 加埋個茄汁都算唔錯！不過啲海鮮就無咩味, 比較乾, 一百頭嘅pizza仲expect咁多咩！呢個都算ok嘅！呢間餐廳係一間好不過不失嘅餐廳, 雖然個名好意大利, 但唔好對佢有太高嘅expectation, 只係一間係商場黎講算抵食又唔差嘅餐廳！…查看更多