Xenvirea的個人專頁

喱間餐廳本身已經好難訂枱要逢星期五朝早9:00起身搶位原本訂咗今日紀念日嚟食（已full paid)而家無得食！仲要勁大雨係出面排後補！因為原來佢台灣都有分店我係GOOGLE打挽肉と米佢即刻顯示咗個預訂網址而個網址完全無顯示地區係台灣連個網址都無顯示所以我就比錢雖然比錢係台幣 但我無在意因為有意有啲日本餐廳係香港都會收YEN嚟到無得食已經好唔開心個接待男職員仲要串我見到台幣就知唔啱啦有好多人都中招！咁點解你哋見到咁多客中招你哋唔同公司反映？仲要笑個客？！…查看更多

今次嚟到喱間位於土瓜灣同紅磡中間的Cafe地方唔大 唔算就腳不過門口有少量位可以帶狗狗嚟可能餐廳都經營左一段時間或者用料問題 大部份嘅椅/梳化都有污漬 有點影響觀感因為只係享用下午茶所以只係叫左個Cheese Cake同齋啡🍰Cheese Cake係偏軟身偏乳酪感嘅芝士 我個人一般喱種芝士不過餅底好好食 另外面層嘅焦糖餅食落有啲苦味但配左蛋糕食又OK喎店員送上咖啡嘅時間有介紹Black只有一種偏濃 果香同酒香飲落有點酸 後調就有咖啡嘅甘苦好得意環境：💜💜💜潔淨：💜💜食物：💜💜💜咖啡：💜💜💜CP值：💜💜💜職員友善：💜💜💜寵物友善：💜💜💜💜（5💜滿分）…查看更多

星期日朝早完成工作路過食個早餐～ 9:00餐廳已開，但商場仲未開燈，所以無乜人。到9:45商場開燈，餐廳已經滿座，所以限時60分鐘（一個人還好，兩個人應該有點趕）因為少人，所以一個人都可以選擇坐卡位。讚！叫左個bagel配牛油果碎蛋，睇落份量好小，但食完勁飽！配菜好新鮮，bagel都剛好，唔會太硬太軔，如果有heat返熱少少會更好！咖啡屬於果味重偏少少酸，還可以接受，而且大大杯！是一個不錯的星期日早餐選擇！…查看更多

最近大熱嘅^吹欠Cafe^我哋終於嚟到喇🥳🥳餐廳走日系風格 雖然我哋係晚餐時段但餐廳光線好充足光猛整體感覺簡潔乾淨舒服餐廳區分左一個獨立空間是寵物友善🥰🥰仲可以關門以防狗狗走失職員超級友善 真的Pet friendly晚餐時段沒有Dinner Set 都是散叫的我哋分別叫左💜洋蔥燒汁西冷牛扒配蕃薯條牛扒熟度剛剛好 大約7成 唔會韌 因為有洋蔥加持 所以燒汁是甜甜的味道剛好 連粒爸唔食甜點都覺得好味更特別的是配蕃薯條 健康啲～💜大阪燒香酥雞扒配牛角包窩夫雞扒皮煎得好脆 食落又唔會好多油雞肉仲好juicy 配埋蛋黃醬好味初初見到得一塊牛角包窩夫以為唔夠食但兩個人share原來啱啱好窩夫配左大阪燒醬同蛋黃醬 味道好夾💜清爽爆氣蘋果 是正常蘋果汁 沒有太多氣泡 但蘋果好好食我哋食食下仲發現了原來每個坐位下都有插蘇位 好貼心啊不論環境和食物性價比都好高仲要係超級pet friendly粒媽已經幫朋友即時book了過兩星期又再嚟喇🤭🤭…查看更多

喱間餐廳係我公司附近最近嘅茶餐廳坐得舒服～ 閒日下午茶時間唔會太多人～最初曾經被佢哋🥪招牌厚切午餐肉蛋三文治烘底有驚艷到熱辣辣勁好食～ 啖啖厚切午餐肉真係好正好邪惡😈今次嚟到見到有加埋我好鐘意食嘅芫荽😍😍即叫啦～ 午餐肉仍然好食嘅～但加埋芫荽原來有啲唔夾～加上個蛋老左少少🥹芫荽又有啲苦😞下次都係叫返普通野算了🤓…查看更多

第二次嚟喱度玩喇～雖然閒日但客人比想像中多地方唔算太大有一半地方是售賣飾物、香薰、寵物衫及食品，只能容納大約5-6枱客人所以最好訂枱啊～寵物友善餐廳，但不限於貓狗，曾經見過有客人帶鸚鵡🦜食物質素都不錯啊～ 我哋叫左鰻魚蛋包飯，本身我係怕海鮮腥味，但鰻魚完全無👍🏻而家蛋嘅熟度啱啱好！另外都叫左咖喱吉列豬扒飯，用上日本咖喱，唔辣，甜度都適中！吉列豬扒炸得啱啱好～ 唔會乾！但美式咖啡就正常，不過唔夠冰！以一間主打寵物嘅餐廳嚟講，算係有驚喜😊…查看更多

天氣真係好熱，好彩仲有人寵共融嘅餐廳可以比主人帶狗狗舒展一下筋骨！餐廳分咗兩邊，其中一邊係寵物區，狗狗可以落地周圍行周圍玩。星期六日過嚟餐廳有最低消費～以人頭計，每人最少叫一個餐同一杯嘢飲！其實都嚟過兩三次，食物質素都好味架！今次叫咗斑斕的蛋pancake with benedict egg，pancake好好味好鬆軟，同佢個醬汁好夾😋本身我都鍾意食火箭菜，所以覺得呢個配搭好好，但個蛋就冇乜特別。另外朋友叫咗個薄餅併沙律，因為我冇食到所以比唔到意見，但聽佢哋講都唔錯！…查看更多

朋友介紹之下嚟左當時剛開張唔太耐嘅Rim Coffee。雖然唔近地鐵站，但其實都有好多巴士可以嚟到。全個商場都係日式感覺，樓下仲有啲打卡位比人影相，而本身Cafe亦是日式木系風格。店員都好友善同我哋介紹咖啡同食物☺️但就要出去counter買完再返埋位。因為當時仲係冬天，店內近露台嘅窗全開，感覺好開揚好好👍🏻食物質素都好好，好少cafe 嘅burger會配番薯條😋 而另一個三文魚沙律bowl都係水準之上…查看更多

約左朋友12點但我早到了～ 襯有時間問左店員只要帶返口罩，就可以周圍參觀影下相～ 朋友未到，店員仲好主動過嚟介紹下食物同傾下計🌼🌼當日係星期日，中午12:30左右已經全場滿座。我諗如果想嚟記得要訂位啊～ 準備叫野食時有少少睇唔明個menu, 因為大家都想order all day breakfast, 但見兩款all day breakfast都有好多選擇以為只可以㨂其中一樣，原來係全部包晒😱😱太誇張了😍😍第一次食早餐會有雞蛋仔，好得意好特別🤩 味道都唔錯架！最最最深刻印象係佢餐前湯，但我唔記得影相😅但記得係南瓜湯嚟，可能太肚餓所以覺得勁好飲😋 最後我哋所有女仔都食唔晒個早餐😂😂太大份了🙈 …查看更多

先講講食物再講遇到的待遇吧因為又凍又餓又攰又唔開心嘅情況下，我都無乜心機睇食乜，由朋友負責order~ 首先～ 個order QR code出咗問題，除左主食、小食及咖啡外，無其他選擇。因為我哋入座嘅時間已經係下午4:25，我哋以為其他野都賣晒所以無再特別問店員最終我哋叫左main course一個牛扒、一個豬腩肉burger、一杯mocha、一杯dirty, 隔左一陣見隔離枱有花茶order，我哋先再試QR code先show返晒所有menu出嚟，所以order多一個最想食的焦糖梳乎厘Burger同牛扒一齊到，我哋太肚餓所以食左burger先，可能太肚餓所以覺得勁好食，完全唔覺得五花腩好肥膩，個包都好鬆軟，不過薯條就好硬炸過龍。牛扒叫左7成熟，嚟到用普通刀完全切唔開，換左把刀先切到，裡面係粉紅色，但入口勁靭，個扒邊痴住一大舊筋，好一般，但反而配菜洋蔥圈ok! 兩杯咖啡正常普通唔特別講。最後差唔多食晒主菜先上梳乎厘，時間啱啱好！果然好食，唔太甜，有啲空氣感但又唔會好似乜都食唔到咁。好！講完食物進入主題～ （事件完全係直接寫出嚟，無加任何感受，大家自己睇，我同朋友就勁不滿）我哋3:30嚟到，當時要排隊入座，因為有帶寵物所以要坐室外。室外如圖共有5張枱，本身C枱及E枱已經有客人入座。我哋前面共有5 team客等入座。最後情況係A、D枱都有客入座了，我哋前面仲有兩team客，一team客無寵物所以坐左入室內，另一team係2個大人1個小朋友+寵物，因政府政策問題所以每張枱只可以坐兩個人應該大家都知，佢哋分開左坐B枱同E枱。然後店員問我哋，因為限時關係所以我哋要等多40分鐘先有枱空出（預計是C枱）, 然後因為B同E枱要求一齊坐，所以當C枱客人離開，會調E枱客人去C枱，留返E枱比我哋！然後亦答應差唔多嘅時間會比定QR CODE我哋落單先（最後當然沒有）。因為我哋專登帶寵物由新界出嚟食喱間餐廳，而E枱係比較闊落嘅梳化位，所以我哋決定等。今日氣溫係21度，同昨天相差6-7度，我哋抱住寵物企係當風嘅路邊等左35分鐘後，我哋提一提店員，店員話知道就離開繼續佢嘅工作。然後就見到D枱離開，我哋問了店員係咪應該到我哋入坐？店員話因為B&E枱客人要求一齊坐，所以調左佢哋先，但我話店員答應左比梳化位我哋，店員話佢無講過？？？？ 5分鐘後C枱亦都離開左，而B枱客人亦已經調左去D枱，我哋好不滿地入坐了B枱，然後請店員叫經理過一過嚟。見到店員同經理溝通左之後再過嚟，相信經理都知道發生左咩事，但紮all back馬尾嘅女經理亦叫我哋講一次我哋嘅版本出嚟。然後經理嘅回覆係：1）原先B枱同E枱嘅客人因為唔可以一齊坐而向佢哋投訴左好耐，所以佢哋答應安排佢哋一齊坐。2）佢相信係我哋誤會左店員，店員無答應過會比梳化位我哋，佢哋唔會咁安排？？？？3）因為佢哋不段投訴，所以先安排佢哋一齊坐，後安排我哋入座？？？4）我哋指出因為店員答應我哋，我哋先係咁大風又凍嘅情況下等左一個鐘。經理話佢試過著短袖衫企係出面80分鐘？？？？？？？？最後我想表達嘅係⋯我哋唔係要求要你free一餐比我，又或者送啲咩比我哋！我哋係想反映事件處理得好差！最少都會講一句唔好意思？或者對唔住？又或者係明白我哋企係出面吹風吹左咁耐換嚟咁嘅對待？ 最後直至我哋埋單離開，經理無再行過埋嚟，我埋單時佢亦都講野無尾音，帶住口罩都見到佢黑晒塊面？？？！！！…查看更多

老公生日想搵好味嘅牛扒咁啱二人set做緊75折就嚟試下❤️南瓜容湯好味❤️喱度係二人份量嘅沙律，個ham好好味套餐加$110有兩杯飲品Cocktail / Mocktail / 紅酒 / 白酒老公揀佐較甜口味嘅白酒啱啱嚟到係好飲嘅唔算甜但放耐佐就會變苦我就揀佐杯薑味mocktail 初初冰未溶就啱啱好 唔甜但啲冰溶佐就勁淡兩個主菜一齊上套餐係包佐蕃茄意粉但因為我哋都麻麻地番茄醬落order時問佐職員可以幫我哋轉什點松露意粉😍😍Creamy但唔重奶味👍🏻👍🏻啱唔鐘意飲奶嘅人牛扒我哋叫佐medium嚟度我哋覺得比medium再熟佐少少牛扒好食但太多肥肉應該有1/3都係我哋都麻麻地兩個醬汁都好味但自覺淨係加少少海鹽係最好食薯容都好食可惜係凍嘅兩個甜品都正常無特別！唔知係咪因為樓底矮所以其實個環境都幾嘈下同埋無諗過星期一都咁旺場👏🏼👏🏼…查看更多

老公生日係樓上Ritz Carlton Staycation 但因為老公唔鐘意食港女下午茶所以就book泰式下午茶Booking嘅時候留佐窗邊位可惜個窗勁污糟😥二人枱果邊望出去係地盤講返野食先可以叫淨甜點/鹹點亦可以兩樣一齊因為想食芒果糯米飯所以叫佐full set ❤️沙嗲醬牛肉串好食❤️蝦多士好食❤️黃咖喱麵包好食❤️❤️個雞肉超好食，一食即刻有置身泰國嘅feel💛扎肉蝦米紙卷👌🏼💔柚子蟹肉沙律好苦其實食完個鹹點已經好飽勉強食埋個芒果糯米飯都係👌🏼嘅其他就打包佐上酒店房夜晚再食順帶一提我remark佐老公生日職員當日中午再打比我問要唔要插生日牌同蠟燭但就無寫字服務不過去到嘅時候佢哋應該唔記得佐不過唔緊要啦老公已經吹佐幾次蠟燭😆我叫佐喱杯荔枝mocktail好飲嘅但粒荔枝勁假甜最後夜晚上酒店房食埋啲甜點斑蘭蛋糕糕最好食唔太甜其他都一般覺得佢哋嘅鹹點好食過甜點！…查看更多

朋友仔同我慶祝生日，之前見過好多人介紹喱間cafe打咭好靚，就嚟試下～ Book佐枱14:00，限時120分鐘，都好準時要你還枱！環境幾靚嘅～ 但相片中細，如果係諗住嚟影相，記得要book window seat啊！全場應該得10場枱左右！首先就嚟佐兩杯飲品，我哋瘋狂影相啦～ 職員都好好會幫手影相，仲影好多張無諗過all day breakfast份量咁大，一個女仔真係食唔晒🙈 喱個好好食！有好多菜😍😍 龍蝦斑尼迪蛋牛角包喱個配搭好新鮮！不過反而覺得喱個份量有啲小，可能因為咁所以比好多菜🤤話咁快就已經坐佐1個鐘40分鐘，由於餐廳無提供蠟燭，所以朋友係自己帶去架🥰 窩夫夠硊好食！不過影埋相得返10分鐘時間食～ 好趕😅總結場地都靚嘅但好細，食物質素對得起價錢👍🏻 但上菜太慢，不過有可能係佢等我哋食得差唔多先再上下一碟，因為張枱太細🤣…查看更多

我係減肥嘅新手，啱啱同朋友傾開生酮飲食，所以朋友就帶我嚟呢間專門食生酮蛋糕嘅餐廳❤️兩個都空肚嚟食，叫佐Double chocolate cake and 抹茶忌廉蛋糕，但係兩杯咖啡就唔係keto咖啡。Double chocolate cake比起平時食果啲實身，第一次食keto cake個味有少少唔習慣，同埋比起普通蛋糕易飽肚，食佐大半件就好飽！抹茶忌廉蛋糕就軟身啲，個人覺得好食過朱古力蛋糕！因為order生銅蛋糕加$30可以包一杯普通咖啡，所以我哋都冇特別再order keto coffee.…查看更多

非常間中先至會嚟一次上環做野，上環咁多正cafe，咁啱喱間係工作點附近。朋友叫佐杯mocha with cream, 雖然有啲細杯，但味道都不錯👍🏻我就又睇錯餐牌叫佐喱杯expresso, 好彩我都飲嘅🤣 即刻個人精神晒，不過味道有啲太酸😅 因為減肥進行中唔可以食澱粉質，所以叫佐喱個，份量比想像中少，$108，食晒都唔夠飽所以都忍唔住食佐半塊包。不過塊包又凍又硬🥺朋友叫喱個忌廉意粉佢話幾好食，一個女仔成碟食晒…查看更多