fawa915的個人專頁

天氣咁熱，喺街度行一陣都已經出晒汗就嚟溶咁，路經尖沙咀，見到崇光下面有間Agnes b 嘅咖啡店，就同屋企人一齊入去睇吓，咖啡店對出就係藝術館，落地玻璃嘅景致相當舒服，真係好適合坐喺度睇下書慢活一下。我同我老公嗌左兩杯咖啡，分別係法式燉蛋味嘅咖啡同埋焦糖咖啡，咖啡飲落去味道都唔錯，可惜我冇帶書黎，所以飲完就走了。…查看更多

夏日炎炎就最好係食雪糕，呢杯雪糕可以揀兩種味，我哋揀咗冧酒提子同綠茶味，加埋啲忌廉，仲有朱古力條，食落去都唔錯。不過我自己比較怕甜，所以覺得綠茶嘅味道比較清新易入口，冧酒提子食起嚟就好似甜得滯，杯雪糕好大杯，我哋一家3口一齊食，感覺冇咁邪惡！…查看更多

今日嚟到屯門虹橋區，呢度冇市中心咁多人，但原來有好多唔同種類嘅美食，天氣咁熱想食下啲甜品嚟開心吓。黎到呢間舖頭，我哋叫咗朱古力窩夫，同埋pancake。朱古力窩夫食落去非常香脆，一定係即叫即整，而且賣相非常唔錯， pancake亦都1十分鬆軟好味，真材實料，係可以encore嘅一間舖頭。…查看更多

今日出咗尖沙咀，晏晝時間有啲肚餓，諗起之前去過吉豚屋食晏，覺得唔錯，所以再去，原來而家有個特價餐，係星期一至日中午12點到6:00都有，一個吉列雞扒飯，大大碗都係$29 ，連加一都係$32到。雖然只係$32，但係真係好大碗，吉列雞扒係新鮮炸嘅，而且非常大塊，食完成碗飯簡直晚飯都唔使再食。不過我問過原來唔係間間分店都有，或者因為近排尖沙咀人流比較少，所以特登喺尖沙咀分店推出呢個優惠，如果成個定食嗌嘅話，都係加$10 ，就會有埋麵豉湯，真係窮人恩物！…查看更多

而家冇得去旅行，唯有喺香港搵啲嘢食嚟彌補下心靈上嘅缺失。今日同老公一齊去咗油麻地嘅呢間馬來西亞菜，環境幾有特色，座位都OK，我哋叫左胡椒肉骨茶、馬來西亞咖喱加薄餅、香茅骨。胡椒肉骨茶係必食之選，湯飲落好有胡椒味，我最鍾意就係飲肉骨茶，我覺得同喺新加坡飲嘅差唔多，雖然我叫嘅係細碗，但係我覺得份量都唔少，入邊有兩塊排骨，仲有冬菇、豆腐卜，價錢都係$38 ，真係好抵。另外我哋嗌左一碟香茅骨，幾香脆，加埋薄餅同印度咖喱，真係下午茶嘅首選，食完夜晚都爭啲食唔落飯。…查看更多

夏日炎炎正好飲杯嘢飲爽下，路過海港城Godiva, 點左75%朱古力特飲，朱古力味濃，又唔太甜，上面D忌廉又滑又好味，係宜家少左好多人既海港城一邊行一邊飲，人生一大樂事！…查看更多

因為想吃棗蓉糕而來，沒有胃口吃飯加上饞嘴，所以一次過嘗盡小食。棗蓉糕很好吃，小小的一片$7，買了一底（相等於8塊）回家吃（$50）。炸客家豆腐很美味，似乎是現炸的。鴨掌也佳，滿滿骨膠原。京蔥牛肉餃也不錯，但因為我自己不太喜歡韭菜，所以不是心頭好。碗仔翅沒拍照，用料有肉碎和疑似魚肚小量。黃金蟹盒味道一般。下次再來會試試小菜。…查看更多

在舊大埔警署的素食餐廳，本身是古蹟，由社企營運。食材很多都是自家種植，吃完以後整個人覺得很refresh。
當天吃了薑黃飯、鷹嘴豆沙律、紅菜頭扒和新薯沙律，我最喜歡扮肉的紅菜頭扒。餐廳的佈置、食材和擺盤都很認真。
那杯洛神花茶，喝起來味道淡淡的，口腔卻對它念念不忘。…查看更多

尋日係爸爸生日，去咗九龍灣嘅太子餅店買咗個蛋糕，賣相唔錯，芒果新鮮好有芒果味，忌廉香軟軟滑，朱古力都唔錯。雖然好邪惡，但係好好味，大家都讚好，價錢又相宜，下次都會再幫襯！…查看更多

晏晝出大埔食飯，咁啱經過呢間冰室，見佢都開咗一排又未試過，決定入去試吓。我點左一個口水雞套餐，個餐包括一碗飯、一碟口水雞同埋一碗湯，舖頭有講佢每一日都有精選嘅靚湯，而今日係南瓜雪耳木瓜煲豬骨。落單可以用QR code，唔使侍應落單，都幾方便。口水雞食落唔係辣，而雞就好似唔夠滑，同我想像中有啲差別，碗湯就正正常常咁，呢一個餐晏晝$68 ，價錢略貴，但係質素就比較一般。我見其他人都係食什扒飯、或者呢間舖頭出名嘅唔係食雞而係什扒。…查看更多