Catshiba的個人專頁

最近朋友生日，今日我同佢嚟咗位於銅鑼灣嘅壽兵衛食晚飯。壽兵衛真係一個食壽喜燒嘅好地方，夜晚嚟到都好多人，大家記得book位！今日食咗Deluxe Wagyu Set，品嚐到關西壽喜燒之餘，仲有刺身、主食等美食，非常高質。而且每台客人都會有廚師專門打理，服務周到。前菜三點首先，前菜三點就已經令我驚喜。磯煮鮑魚片：口感滑嫩，有咬口，鮑魚嘅鮮味配合甜甜嘅醬汁，好夾。水雲藻：清新爽口，配合咗啲清爽嘅醬汁，好開胃。蟹膏豆腐：蟹膏嘅鮮甜和三文魚籽嘅鹹香形成完美對比，口感層次分明，豆腐好滑。海之幸刺身三點刺身有吞拿魚、帆立貝、油甘魚。三款刺身都好新鮮。吞拿魚色澤誘人，肉質彈牙。帆立貝更係滑得來又有海味，配上檸檬汁，非常美味。油甘魚油脂感十足。海膽和牛他他海膽和牛他他有咸香嘅蛋黃、黑松露醬、海膽同和牛粒。牛肉嘅嫩滑，海膽creamy又濃郁，再加上黑松露嘅香氣，味道好有層次！季節茶碗蒸茶碗蒸入面有鰻魚、香菇同鳳鳴卷，口感滑順，蛋味香濃，質地好滑。關西壽喜燒食完前菜同刺身後就會到壽喜燒環節。鹽煎美國熟成肉眼：肉質鮮美，岩鹽能夠更好地突顯肉味。內裏更包着香蔥，食物更加香口。厚燒牛舌：牛舌新煎得好香，食落又咬口，搭配鹽、蘿蔔蓉、蔥花同柚子汁，口感層次豐富。日本A4和牛西冷：和牛油花分布平均，油脂感滿滿，食落非常柔軟，有啲入口即溶嘅感覺。配搭住甜甜嘅壽喜燒汁同蛋漿，牛肉非常滑溜，同時又有滿滿嘅牛肉味，非常好食。日本A4和牛三角胸肉：三角胸肉可以無限追加。三角胸肉每一片肉都嫩滑多汁，肉味比起西冷重。季節野菜盛盒：盛盒有娃娃菜、金菇、皇帝菜、香菇、洋蔥、蘋果等蔬菜，每款蔬菜都吸滿咗壽喜燒嘅醬汁味道，好入味，味道非常好。滿溢筋子釜飯：喺我哋食緊壽喜燒嘅同時，廚師已經煮緊釜飯。釜飯有黑松露、蟹肉、青豆同筋子。筋子無限追加，粒粒都好飽滿好鮮甜。飯粒粒分明，與筋子的鮮味完美結合，令人一口接一口。甜品今日甜品係蜜瓜配開心果味雪糕，甜品甜而不膩，清新解膩，為一餐畫上完美句號。…查看更多

今日放學同朋友仔嚟左MOKO嘅韓式cafe食晚飯。餐廳環境好寬敞，坐得好舒服。而家九月份餐廳做緊「Terrace拯救炎炎的你」推廣，氣溫越高，飲品越抵飲（只限星期一至星期四）！餐廳會依據香港天文台app當日嘅最高氣溫，為全場飲品打折，35°C或以上會有65 折，32-34°C會有67 折，31°C或以下就68 折。半半炸雞 $228無骨半半炸雞可以揀兩款口味，我同朋友揀左讓人瘋狂的蜂蜜炸雞同帶點正宗水原式牛肋骨醬。炸雞外脆內嫩，咬落去時聽到脆脆聲。蜂蜜味甜甜地，有啲似麥芽糖。另外，水原式牛肋骨醬咸中帶甜，味道豐富，仲有啲辣味，食起來好過癮。玫瑰醬八爪魚豬五花意粉 $96玫瑰醬好香，食落係甜辣味，幾creamy。意粉煮得剛好，唔會過軟，口感滑順。八爪魚肉質鮮嫩，咬落去有嚼勁。豬五花肥瘦適中，口感豐富，配合玫瑰醬，味道更加出色。整碗意粉嘅味道層次豐富，甜甜辣辣，好惹味。比初戀還要甜的蜜瓜窩夫 $132窩夫賣相好好，表面有蜜瓜片，果香四溢，咬下去蜜瓜多汁。窩夫外脆內軟，蛋味香濃又鬆軟，甜得啱啱好，絕對係甜品好選擇！拉出一絲絲芝士排骨鍋 $238呢個排骨鍋好吸引，拉出嚟嘅芝士拉絲超正！排骨軟嫩，配上濃郁芝士，口感好豐富！芝士充滿牛油同奶香。旁邊仲有幾舊飯糰，有淡淡嘅紫菜味。初夏青柑柚子梳打 $42梳打清新到無得輸，青柑同柚子香味交織，微酸又清脆，飲落去好精神，特別係夏天，消暑又解渴，真係好正！濟州柑橘乳酸梳打 $48濟州柑橘香氣令人爽快，乳酸味微酸，好夠氣！…查看更多

今日放工就同朋友過咗嚟佐敦食斗滾。餐廳主要係食雞煲、海鮮同打邊爐。雞煲任食，出面亦有自助區俾我哋任攞火鍋配料、小食同甜品等等，選擇非常之豐富。招牌大亂斗雞煲入邊好多唔同嘅材料，有大大件嘅雞件、紅洋蔥、菇、豆卜等等。店員會比計時器客人，客人每隔2分鐘就可以自己炒雞煲，炒四次之後就食得，非常特別嘅體驗。雞件好大件，好多肉，而且肉質嫩滑。醬汁好濃郁而且好充足，而且有少少麻辣嘅感覺，好過癮。配料亦都好吸汁，醬汁同豆卜特別夾，一咬開就爆曬啲汁出嚟。如果鍾意食芫荽嘅朋友，店員會額外俾一碗芫荽俾客人自己加落去，加埋芫荽一齊炒香氣十足。而且叫雞煲之前可以問店員加牛腩落雞煲，牛腩油脂豐富，唔會比醬汁完全覆蓋本身牛嘅味道，好特別。海鮮盛宴每一台都會有一盤海鮮，海鮮嘅數目因人數而定。海鮮全部都好新鮮，鮑魚同海蝦好彈牙，上面仲有蒜蓉作調味。蜆同埋蟶子好鮮甜，充滿海水嘅鮮味。龍躉嘅肉質都好滑，魚皮嘅膠質好充足，同埋一條骨都冇，非常貼心。仲有讚岐烏冬同埋瓜可以一齊食，十分滿足。火鍋湯底選擇非常多，免費有三款，其他可以加錢轉，我同朋友就揀咗蕃茄薯仔。火鍋上枱，店員就叫我哋可以飲下湯先。蕃茄薯仔湯好清新，非常適合啱啱食完雞煲之後飲。湯入邊仲有少少胡椒作調味，味道更加豐富濃郁，可以飲一大碗都冇問題。手切牛頸脊店員會連同火鍋一齊上兩盤手切牛頸脊，只要喺佢哋社交平台汁會喺口腔散發出來。牛頸脊肉質亦好紮實，同埋每塊都好大件好厚身。最後，出邊仲有任食水果、糖水、雪米糍同雪糕，大家可以拎嚟做飯後甜品。…查看更多

平時好少去土瓜灣，今日經過發現土瓜灣都有好多美食～今日嚟咗啟岸地下依邊發掘咗一間高質Cafe — Dozy。Cafe設有室外同室外環境，而且係pet friendly，大家可以帶埋小寵物嚟聚餐！Orange Mustord Dressing with Dozy Signature Chicken Thigh & Avocado Salad $108雞扒煎得外表脆脆，裡面好嫩，咬一口就有肉汁流出。香橙芥末汁味道微辣，仲有果香味，食落去好清新。牛油果香滑，奶香味十足，搭配啲番石榴、生菜同蕃茄，整體味道好fresh好開胃。Onsen Egg and Crab Meat Pasta with Mentaiko Sauce $108明太子意粉好推介！明太子醬好香滑，鹹香味濃，帶少少辣味，超級好味。溫泉蛋一碰就流出嚟，整碗意粉更加滑腍同creamy。蟹肉鮮甜，搭配意粉啱啱好，食落去每一口都有海鮮嘅鮮味。Mocha $45Mocha咖啡香濃，咖啡味同朱古力味合得好好，飲落去唔會太苦。上面有一層奶泡，拉花好靚，飲起來好滑。Dirty $40Dirty 係咖啡同牛奶嘅混合，牛奶較多。咖啡嘅苦味配上牛奶嘅滑，飲落去有啲微微甜，啱啱好唔會太重，適合一啲鍾意咖啡但又想要柔和口感嘅朋友。…查看更多

最近去咗間位於大埔嘅火鍋店--大滾友火鍋。餐廳裝修好靚，係舊式宮廷嘅裝修，有高貴嘅感覺。今日食左玲瓏浮凸--花膠雞湯鍋。兩個人食叫半隻雞啱啱好。花膠雞湯，湯底香濃，呈金黃色，飲落好滋潤同順滑，雞味十足，仲帶有一陣淡淡的花膠香。雞件份量多，每件都好大件，食落雞肉好滑。大滾友牛肉拼盤（細）拼盤有手切吊龍、本地手切牛頸脊，澳洲和牛金錢展、美國頂級雪花肥牛、牛黃喉、牛肉粒同牛舌花。吊龍肉質嫩滑，咬落去有啲韌性。牛頸脊肉質細膩，脂肪分佈均勻，食落牛味較濃。金錢展脂肪分佈得嚟好均勻，口感滑溜，入口即化，多啲油香！牛黃喉口感脆口，好過癮。牛肉粒鮮嫩多汁，煮熟後味道濃郁。牛舌片切得薄薄，肉質滑溜，熱鍋一煮即熟，食落去充滿牛味。豬頸肉味道鮮美，肉質柔軟彈牙，脂肪適中。黃金藏嬌和牛墨魚丸（4粒）墨魚丸好特別，外層係墨魚丸，帶有墨魚的鮮味，內裏有啲和牛粒。沙白蜆蜆肉新鮮，食落好鮮甜，湯底吸收咗蜆的鮮味，令整個火鍋更添鮮香。新鮮鮑魚（2隻）鮑魚肉質彈牙，鮮味十足。唐生菜清新爽口，能夠平衡火鍋的油膩感，食落去十分清新。自家製竹蔗茅根（1渣）竹蔗茅根好清甜，仲幫助消化。…查看更多

今日同朋友仔嚟咗最近大熱嘅千海水產海鮮火鍋放題食晚飯，我哋嚟咗最新嘅旺角分店，旺角店係三間店之中最大嘅，環境比其他兩間分店寬敞。而家新店仲多左金銀蒜粉絲蒸蟶子王，超好味。最特別嘅自助撈海鮮區域多左九肚魚同白鱔，啱晒鍾意食魚嘅大家，餐廳不停補貨，無限量任撈任煮，新鮮又抵食。除咗任食海鮮，仲有肉類、多款熟食、蔬菜、甜品任君選擇，選擇豐富，食物高質。湯底都有好多選擇，今次我哋食咗椰子雞湯。-海鮮類-蠔蠔有四款，隻隻都大大粒，食落肉質鮮嫩，口感滑溜，海水味十足。 沙白肉質緊實，味道清甜，煮熟後更添鮮味。 美國蜆蜆肉脹卜卜，新鮮大隻，肉質彈牙，味道鮮甜。 藍花蟹店員會貼心緊幫忙展開蟹，方便煮同進食。藍花蟹帶點膏，非常新鮮，肉質豐滿，甜味濃厚。 大頭蝦蝦肉鮮甜，煮熟後色澤鮮艷。基圍蝦呢款蝦味會濃啲，蝦肉質滑嫩，味道鮮香。 鮑魚鮑魚大大隻，洗得都好乾淨，食落有嚼勁，質素高。-肉類-澳洲M5和牛呢款牛食落質地較柔軟，油花分布均勻，肉質細膩。美國肩胛肉肩胛肉油脂部份比起M5和牛多，牛味濃之餘，仲帶有油脂感。-熟食-金銀蒜粉絲蒸蟶子王呢款真係非常推介！精子面頭鋪上炸蒜同生蒜，蒜香四溢，蟶子肉質鮮甜，粉絲吸收了鮮味，好惹味。鵝肝多士鵝肝即叫即炸，充滿油香嘅鵝肝搭配脆口的多士，口感絕配，仲減低咗油膩感。燒牛舌外脆內嫩，肉味濃厚，適合配搭檸檬汁食。炸鮮奶鮮奶都係新鮮即炸，熱辣辣，外脆內滑，奶香濃郁，甜而不膩。-蔬菜-冰菜餐廳提供咗啲特別嘅蔬菜，例如係冰菜。冰菜清爽可口，仲吸收晒湯汁，口感脆嫩。西洋菜食完菜有種特別嘅香味，清新健康。-甜品-Häagen-Dazs雪糕餐廳提供多款Häagen-Dazs雪糕口味選擇，我最鍾意焦糖脆餅味，食落香濃滑順，內裏夾雜着脆卜卜嘅焦糖粒。半熟芝士蛋糕外層微焦，內部濕潤，芝士味道濃郁。…查看更多

今日同媽媽嚟左北角嘅Harbourview Grill食晚飯。餐廳係pet-friendly的，可以帶埋狗狗一齊。今日星期六做緊Platter night，有Grill Platter/ Seafood Platter選擇。我同媽媽揀左肉類嘅Grill Platter，個set主要有五款肉類、無限量薯條同兩杯飲品供應，非常豐富。餐廳位於海邊，可以睇住海景食飯～餐廳仲設有戶外位置，環境開揚又舒服。Grill platter色香味齊全，入面有多種唔同風味嘅肉類，每一款都有自己獨特嘅味道同口感。Sirloin西冷扒叫左五成熟，食落去鮮嫩多汁，表面有啲焦香，肉香味好吸引。每咬一口，肉汁就會流出嚟，搭配少少黑胡椒同海鹽，已經好好味！Pork Loin豬背扒有好豐富嘅脂肪，烤完之後外層脆脆地，裡面保持住肉質嘅柔嫩。香料味滲透進去，帶嚟微微嘅甜味同煙燻香。Tandoori Chicken呢個印度香料烤雞充滿異國風情，裡面用咗好多香料，食到有孜然味，雞肉醃製過後好惹味，香氣四溢，每口都有層次感。BBQ Ribs (2pcs)炭燒豬肋骨好大件，燒到外焦內嫩，肉質肥美，加上特製嘅醬汁，甜中帶鹹。肋骨肉一撥就脫骨，肉質嫩滑。Seekh Kebab土耳其烤肉串燒經過炭火烤製，外脆內嫩，肉香好濃。再加上檸檬汁，味道更加清新。Unlimited Fries最後講下薯條，可以任添。薯條食落香脆可口，每一條都炸得金黃酥脆，裡面鬆軟。配搭住鹽同埋茄汁，好好味。Mashed potato +$38我哋仲加咗一個薯蓉，薯蓉調味好足夠，食落非常Creamy，薯蓉質地好滑。Iced lemon tea飲品方面，可以嗌紅酒、汽水、檸茶等等，我哋飲咗凍檸茶，糖水自己加，甜度自己選擇。…查看更多

今日晚飯同朋友打算食燒肉，我哋嚟咗位於TOP嘅柞木炭家。餐廳主打燒肉、醬油蝦、醬油蟹、韓式小食、主食等等，非常豐富。店員會幫忙燒肉，服務周到。日本產和牛肩肉盛 $268一碟有三款和牛肩肉，和牛質地柔嫩，肉汁豐富，入口即化。牛肉嘅香味在口中綻放，搭配住少許鹽或燒汁味道剛剛好，肉味更加突出，但唔會掩蓋肉本身嘅鮮美。燒鵝肝多士 (2件) $195燒鵝肝的口感滑膩，充滿油脂嘅香氣，搭配香脆的多士，係完美嘅配搭。多士表面金黃酥脆，內裡柔軟，吸收了鵝肝的油脂，非常美味。蔥燒厚切牛舌 $178厚切牛舌嚼勁十足，搭配香葱，非常惹味。每一片牛舌都被燒得恰到好處，外焦內嫩，十分美味。醬油蝦 (4隻) ($188)醬油蝦味道鮮甜，蝦肉鮮嫩彈牙，醬油的鹹香讓蝦的味道更加突出。嚴選牛骨髓石頭鍋飯 $225石鍋飯嘅米飯吸收曬牛骨髓嘅濃郁味道，米粒粒粒分明。牛骨髓嘅香氣滲透整鍋飯，每一口都感受到油香同飯香嘅完美結合。韓式泡菜煎餅 $132煎餅外脆內軟，泡菜嘅酸辣味道同麵糊結合，每啖都食到泡菜嘅清新和微辣。搭配嘅醬料更是為煎餅增添了風味。西柚乳酸梳打 $42飲品清新爽口，西柚嘅酸味不會過於強烈，搭配乳酸嘅順滑，好清新。荔枝梳打 $42荔枝梳打味道清甜，帶有淡淡的荔枝香氣，感受到荔枝的天然味道。…查看更多

今日同家姐慶祝50大壽，我哋嚟咗位於尖沙咀嘅秋田鐵板燒刺身專門店。餐廳已經開業多年，口碑非常好，而且選用新鮮食材，喺食客面前烹調，又有得睇又有得食，適合慶祝。季節沙律海草沙律用咗新鮮嘅海草，配上鮑魚，口感清新。另外，仲配有蕃茄同青瓜片，食落更加清新，好開胃。魚籽鵝肝蒸蛋黑魚籽嘅鮮香喺蒸蛋上綻放，滑溜嘅口感配上香濃嘅蛋味。內裏仲有鵝肝，食落帶點油脂香。鮮活時令龍蝦龍蝦非常新鮮，仲識郁。龍蝦肉質鮮嫩，彈牙，配上特製嘅龍蝦膏醬，食落新鮮美味之餘，仲好惹味。底下配有香脆嘅牛油方包，一齊食時增加左口感。原隻鮮活南非鮑魚鮑魚大大隻，一樣好新鮮。廚師將鮑魚處理得好好，鮑魚食落鮮甜，肉質緊實而滑嫩，帶有一種獨特嘅鮮甜味。配上忌廉海苔汁，鮑魚嘅鮮味同忌廉嘅滑順相得益彰。鮮活時令海鮮今日嘅時令海鮮供應北海道帶子，北海道帶子肉質鮮嫩，口感滑溜，咬落去有種彈牙嘅感覺。佢嘅味道清淡而鮮美，帶有海水嘅清香。表面加上少少柚子胡椒同黑魚籽，提升咗佢嘅鮮味。香煎頂級鵝肝煎鵝肝外脆內嫩，口感十分滑順，濃郁嘅油脂味喺口中融化。搭配住菠蘿同紅酒醬，食落減少咗油膩感，令人回味無窮。鹿兒島霜降和牛薄燒卷和牛薄薄一片，捲入左蒜片同蔥，和牛肉質鮮嫩，味道濃郁，簡單卻好味。鹿兒島霜降和牛厚切和牛厚切肉質極為鮮嫩，帶有豐富嘅油花，咬落去彈牙又滑溜，唔需要太多調味就已經好美味。五成熟嘅煮法令肉心保持Juicy，配上岩鹽或者wasabi醬，能夠更好地提升肉味。秋田炒飯炒飯材料有櫻花蝦、蛋同蔥花等等。櫻花蝦嘅香氣四溢，脆脆哋。炒飯鬆化，配搭住炒蛋，食落非常香口。炒野菜炒野菜用牛油同蒜蓉炒製，香氣撲鼻。椰菜保持咗鮮嫩嘅口感，蘿蔔絲添咗一絲甜味，而香菇則帶有濃郁嘅香氣。整個菜式色彩繽紛，味道豐富，牛油嘅香滑同蒜蓉嘅香氣完美結合。龍蝦清湯龍蝦清湯味道清淡而鮮美，湯底透著海鮮嘅甘甜，香氣四溢。每一口都能品嚐到龍蝦的鮮味。精選甜品銅鑼燒銅鑼燒外皮鬆軟，帶點蜂蜜味。而內裏餡料有紅豆沙，甜而不膩。抹茶雪糕抹茶雪糕味道清新，帶有濃郁嘅抹茶香氣，甘香之中透著一絲苦味。雪糕口感滑順，香醇的奶味同抹茶的清香完美融合。芒果雪糕芒果雪糕味道濃郁而香甜，清涼爽口。飲品巨峰乳酸巨峰乳酸梳打味道清新，帶有濃郁的巨峰葡萄香氣，酸酸甜甜，十分開胃。Kirin啤酒啤酒味道清爽，帶有淡淡的麥香和啤酒花的苦味，口感輕盈，泡沫細膩。…查看更多

一直book mark咗依間拉麵店好耐，Manuru Ya位於牛頭角，係一間主打雞扒湯拉麵嘅餐廳！舖頭座位唔多，中午嚟到都要排隊，不過門口有座位可以坐，而且店員會提供冰水，非常貼心！舖頭入面有好多貓貓裝飾同照片，非常愛。瑪瑙瑙鳥白湯麵 $89我叫咗最signature嘅雞白湯拉麵，材料慢煮雞胸、雞叉燒、荀、洋蔥、京蔥同青蔥。湯底飲得出用咗好多雞隻熬製，呈現出濃郁的雞肉香氣，湯色奶白，質地滑順。雞胸肉經過慢煮烹調，食落好滑。雞叉燒則醃製過，帶有微微嘅甜味，增添了層次感。新鮮嘅荀清脆爽口。洋蔥切薄，帶出少許甜味。而京蔥和青蔥則提供了香氣，食落都更有口感。黑蒜雞白湯拉麵 $89而朋友仔就叫做黑蒜雞蛋湯拉麵，材料同雞白湯拉麵差唔多，只係多咗黑蒜醬。慢煮雞胸一樣超級滑，雞味濃郁。黑蒜味道香濃，為雞白湯帶嚟一種微微的焦香，飲落去滑順，有種細膩嘅醇厚感。餃子（六枚）$38餃子即叫即煎，底層非常香脆，內裏肉餡鮮嫩多汁。…查看更多

今日嚟咗尖沙咀食炸雞，一路都知道尖沙咀有間好出名嘅炸雞店——李家。餐廳由韓國人主理，係香港第一間韓式炸雞店。餐廳提供多款韓式美食，例如有炸雞、年糕、湯飯、芝士排骨等等，款式非常豐富。而且睇得出餐廳好正宗，因為每個店員都係講韓文嘅。韓式玫瑰醬炒年糕 $198冇諗過炒年糕咁大份，非常抵食！韓式玫瑰醬炒年糕係最近好流行嘅韓式小食。玫瑰醬係用上咗韓式辣醬同忌廉烹調而成，辣中帶甜，仲有少少奶香，味道非常濃郁但又唔會太過油膩同辣。年糕呈長條形，質地煙韌彈牙，吸收晒醬汁嘅香味，一啲都唔寡淡。配料仲有魚糕、腸仔或者芝士，口感更加豐富！蜂蜜蒜蓉炸雞 $218蜂蜜蒜蓉炸雞嘅靈魂就係嗰層蜜糖蒜蓉醬。醬汁甜中帶鹹，仲滲透住濃郁嘅蒜香味，而且醬汁非常多，每隻炸雞都沾滿晒濃郁嘅蜜糖蒜蓉醬。炸雞外層脆口，雞肉鮮嫩多汁，食物唔會覺得乾或者油膩，甜甜鹹鹹嘅味道令人回味無窮。表面仲佈滿蒜頭粒，食物更加惹味香口。 可樂 $18忌廉溝鮮奶 $18飲品方面，我同朋友都揀咗遊戲飲品，同炸雞一齊食，更加清爽同開胃！…查看更多

今日去左西貢附近做嘢，喺傲瀧零售大樓見到間好有格調嘅西餐廳，原來係Feather & Bone Bar & Grill，決定喺度食晚餐。餐廳分咗室內同室外用餐環境，兩邊氣氛都好浪漫，仲有燭光作點綴。地下舖位設有餐廳，而一樓舖位設有零售店，最近逢星期二order T Bone仲有50% Off嘅優惠！Grain Fed Rib Eye三成熟嘅肉眼牛扒嫩滑多汁嘅口感，略帶紅色，肉質柔軟嫩滑，啲肉汁充盈口腔，每一啖都好滋味。脂肪位置煮嘅時候會溶化，滲入牛肉入面，帶嚟濃郁嘅牛油香同滑順嘅感覺。牛扒外層煎到微微焦香，用少量鹽同黑椒調味，已經好足夠。每份牛扒都配有一個醬汁，今次我揀咗Roquefort butter，藍芝士味道非常獨特，同牛扒一齊食有另一番風味。Mashed potatoes 我再加購左一個sides，薯蓉口感順滑，毫無顆粒感，食到香噴噴嘅牛油同忌廉味。Pappardelle Carbonara Carbonara 用上咗意大利寬麵條，搭配住creamy嘅蛋黃醬汁，每一口都充滿咗奶香味。寬麵條比較掛汁，每一啖都食到濃郁嘅醬汁味。面頭佈滿再脆脆嘅bacon，味道咸香同埋少少煙燻味，口感一流。Steak SandwichSteak sandwich 好大份，除咗麵包，食材有嫩滑嘅牛排同各款蔬菜。土耳其款式嘅麵包用牛油烘過，食落非常脆口，非常美味。和牛牛排燒到好香，保留了多汁的口感，搭配上新鮮的嘅菠菜同洋蔥，增添了清新感。伴碟有薯條，呈粗身，非常香脆，配有黑松露醬。Tiramisu Tiramisu好正宗，mascarpone cheese口感柔滑，芝士味濃，cheese嘅香甜配上咖啡手指餅，食落唔會過膩。Passionfruit paradise 熱情果飲品好fresh，有新鮮嘅熱情果籽，酸酸甜甜。Orange Juice 橙汁新鮮即榨，非常鮮甜。…查看更多

今日同朋友嚟咗MegaBox嘅The Salted Pig食午餐，餐廳主打豬肉美食。除咗豬肉，仲有各款西式意粉、pizza等等，美食款式非常豐富。餐廳環境開揚，坐落好舒服。而且餐廳仲做緊好多唔同嘅優惠，例如逢星期四惠顧任何一份頭盤，可享一份主菜半價、星期三無限任食豬助扒夜等等，非常吸引。今日晏晝嚟到有抵食Lunch set～午市套餐包咗是日餐湯、主食同飲品。PORK KNUCKLE FOR TWO $328是日餐湯係南瓜湯，餐湯清清地，有南瓜嘅香味，好開胃。我哋叫咗個必點嘅招牌德國鹹豬手（二人用），店員有提醒我哋呢個套餐係二人份量，所以餐湯同飲品都會有二人份。豬手果然非常大碟，味道獨特而濃郁。豬手經過長時間慢煮，肉質軟嫩，外皮則香脆可口，仲帶點膠質感，每一啖都可以感受到豬肉嘅鮮味。另外，配菜有酸菜，烤薯、蜜糖甘筍、芥末籽忌廉汁。酸菜可解膩，烤薯同蜜糖甘筍，增加咗味道嘅層次感。+$38 是日甜品我哋仲加配咗$38 order咗個甜品，今日提供紐約芝士蛋糕。芝士蛋糕味道濃郁、質地滑順。芝士忌廉味濃烈，配合微微嘅甜味，令人一口接一口。底部嘅餅乾底脆脆，增加咗層次感。除此之外，仲配有士多啤梨醬、鮮忌廉、新鮮士多啤梨同藍莓水果。配料增加咗酸甜嘅味道，令整個蛋糕更加清新。飲品方面，我哋叫咗凍檸茶同水果茶。Baked four cheese gnocchi $168我哋仲單點左個芝cheese gnocchi，gnocchi用上咗四款芝士，包括有水牛芝士、車打芝士、巴馬臣芝士、藍芝士。Gnocchi 係意大利經典美食，外形柔軟，口感滑順。呢款丸子用馬鈴薯製作，食落煙煙韌韌。另外再配上多種芝士，呈拉絲狀態，味道非常濃郁。青豆則增加咗一絲清新口感，搭配香氣四溢的羅勒，整個丸子就變得更加美味。…查看更多

今日同朋友聚會，去咗觀塘NATA食晚餐，呢間餐廳食物選擇好多，有唔同嘅主食、甜品同前菜，環境好舒適，好適合慶祝重要日子。全自費食評！牛油香草烤黃油大雞 $258黃油雞香氣十足，外皮好脆，充滿油香同少少香草嘅香味，肉質好滑同好juicy。隔離仲有鹽同醬汁可以點，令到味道更加豐富。美國1855 安格斯肉眼三成熟 $298牛扒大份，兩個人食啱啱好。盤下面有蠟燭可以keep住保溫，令到牛扒可以keep到溫度。牛扒熟度啱啱好，肉汁完全鎖住喺入邊，每一啖都會喺口腔散發出來，而且脂肪同埋肉嘅比例啱啱好，每一啖都好滿足。隔離仲會有鹽、同兩款醬汁，同牛扒味道非常夾，可以清新啲亦可以令到牛扒味道更濃郁。伯爵茶忌廉配新鮮提子梳乎厘班戟（2件)$128疏乎厘pancake有兩大件，兩件都好鬆軟，富有空氣感，用叉都可以輕鬆切開。而伯爵茶味道濃郁，但係唔會完全掩蓋班戟本身嘅蛋香味。除此之外。，隔離仲有啲青提子同埋藍莓，啲水果都好新鮮，可以清新一下口腔。士多啤梨乳酪碎冰 $48士多啤梨味同乳酪味好平衡，唔會太甜，而且有啲士多啤梨籽係入邊增加口感，特別適合喺夏天嗰陣叫返一杯。三色芝士焗帶子薯蓉 $78薯蓉上面鋪滿焗芝士，芝士嘅香味好濃。而薯蓉本身質地順滑，有一啲薯仔粒喺入邊令到口感更加豐富。最驚喜嘅係入邊有好多帶子，將全部配搭起來，味道非常好！…查看更多

話說我係大埔住咗一排，有間餐廳好想推薦俾大家，就係位於寶鄉街嘅洪記餃子雲吞糖水！店舖主要提供粢飯、煎餃、糖水等等。一號多芒楊枝甘露 $38糖水選擇豐富，有中式糖水外，仲有多款芒果糖水。多芒楊枝甘露好足料，有芒果、西柚、西米、芋圓等等。芒果好多，好甜，好juicy。西柚多汁，好fresh。芋圓香味十足，煙煙靭韌。所有材料配搭得好好，好好味。芒果糯米飯 $40芒果糯米飯好大碟，好抵食！糯米飯質地軟糯，記得要加上椰汁同芒果汁一齊食，有椰香得嚟，又有甜甜嘅芒果味。芒果汁係直接用芒果打成的，真材實料！另外，芒果切左粒，份量多，又新鮮又甜。韭菜煎餃套餐 $45本來10隻韭菜煎餃$40，可以+$5升級做套餐配豆漿一支。餃子即叫即煎，外皮酥脆，呈金黃色。內裡有韭菜豬肉餡，食落香氣十足，多汁美味。豆漿唔會太甜，豆香滿滿。鹹蛋黃煎餃 $50煎餃一樣外皮好脆，鹹蛋黃煎餃內裡有豬肉、鹹蛋黃同木耳。鹹蛋黃充滿鹹香，好惹味。豬肉一樣鮮嫰多汁，木耳為餃子增加左口感。…查看更多