fatbunntxpppp的個人專頁

經過V City, 發現新開左一間主打慢煮既Cafe，決定同朋友一試～先講環境，雖然店面環境唔算太大，但都算井井有條。我地分別嗌左兩個套餐，分別係慢煮手撕雞豬蕃薯乾漢堡同埋紅蝦蕃茄煙肉意粉～漢堡入面除左豬肉仲有酸瓜同埋甜番薯乾，都算幾Fresh唔會咁漏，十分之推介。而我哋都可以見到慢煮豬肉料理過程，因為個窗係玻璃嘅。而小食呢有得揀炸蠔，蠔size都唔算大，而炸衣略嫌有少少厚，所以食落呢就會比較易濟同埋油膩。而紅蝦意粉佢嘅蝦呢都算個size就一般不過都算有啲肉地加上蕃茄酸酸甜甜又有少少辣都幾開胃嘅。不過要注意主食嘅份量呢並唔算太多，可能呢比較大食嘅人就要嗌多D。另外呢佢入邊都有好多唔同嘅嘢飲可以揀咁今次就飲咗Dirty同埋coffee tonic 咁Dirty呢本身就因為有奶緣故呢會比較容易濃郁，而coffee tonic 就比較Fresh D, 值得試下而佢嘅朱古力Brownie呢就唔算太特別啦正常水平都算係有濃郁嘅朱古力味嘅都足料。…查看更多

放工同朋友經過建生，發現原來最近開咗一間新嘅日本嘢，叫和氣食堂。不嬲都鍾意食日本嘢於是就去食個晚餐～一向我都係比較鍾意食刺身同埋三文魚咁所以嗌左一個章紅魚吞拿魚刺身拼盤，再加三文魚五味壽司。不得不說佢嘅三文魚搭配唔同嘅材料，例如係牛油果、芝士食落都幾新鮮亦都幾唔錯。而章紅魚刺身之前係一直都無食過，感覺濃魚味，可以試一試。吞拿魚刺身就冇咩驚喜，亦都唔係好重魚油香。而主食就係鯛魚湯泡飯湯泡飯本身有鯛魚生魚片係飯上面，然後侍應就會係我地面前倒入一啲滾嘅魚湯落去，過程都覺得幾新鮮。當佢嗰啲湯滾完之後，嗰啲飯粒就會吸收晒啲湯汁，所以食落去既飯粒飽滿之餘充滿魚嘅鮮味。另外，貪得意嗌咗一個閃電雞翼，原來佢係一個凍嘅蜜糖單骨雞翼，感覺凍凍地同甜甜地，香口得尼又唔熱氣～仲有芝士厚燒玉子同鐵板煎牛舌就正正常常！特飲推介藍柑白桃梳打，飲落fresh之餘又大大杯，CP值都幾高…查看更多

久違未食日本野，決定去杯渡站附近既宏鮨芯食晚飯～一入到去，天花板吊著一個個紙燈籠，都幾有日本feel加上成間餐廳既裝修以灰色為主，整體設計都幾有現代感～值得一讚既係櫈下面有個箱，可以輕鬆放底個人物品一尼到已經有杯日本茶(麥茶)飲，店員服務都幾周到:)講番野食先，今次主要嗌左蔥碎吞拿魚腩飯同埋特上壽司盛合(由師傅發板)最有驚喜既莫過於蔥碎吞拿魚飯，佢既吞拿魚腩碎幾有油香，食得出幾新鮮，就算食曬成碗都完全唔會覺得膩，而佢既飯酸味岩岩好，唔會搶走左吞拿魚既味，真係幾出色今次嗌既特上壽司盛合，有唔同未試過既魚生，估唔到會有海膽壽司海膽有淡淡既海水味，入口完全唔會腥，有少少甜，都真係幾唔錯另外帶子都非常之厚，食落特別有滿足感灸燒左口魚壽司都好唔錯，魚既油脂味出曬尼師傅發板非常之有驚喜，所以推介大家一試…查看更多

堅尼地城既店鋪雖然唔算好大，但都有兩張櫈仔可以坐係度食下野，雖然位置有少少窄，但侍應既服務都好殷勤，有咩需要都會儘量幫助，不過近馬路邊點都會大少少塵🙈講番野食先，今次嗌左個二人餐，除左牛肉麵同埋滷肉飯之外仲有生菜同埋芋圓～佢嘅牛肉麵呢個湯底呢都唔算非常濃郁，但係麵質就非常之有咬口之餘，牛肉都係煮得非常之淋身嘅。而講返佢嘅滷肉飯呢份量唔算多，但係基本上都係以瘦肉為主，都有相當嘅汁呢可以送飯嘅至於講返佢嘅芋圓呢都比較特別嘅，佢嘅底就係冬瓜茶，所以食緊個陣都有冬瓜茶嘅香甜味，而敷完都十分之真材實料，食得出有芋頭同埋地瓜係入邊…查看更多

從來都未試過海鮮蒸鍋，決定試下鍋心海鮮蒸鍋，聽講佢新鮮夾抵食，所以想試下雖然好遺憾佢今次冇龍蝦揀，但有大大隻帶膏既肉蟹都已經好滿足首先要講下各種海鮮先，佢地真係十分之新鮮，蒸之前都仲係好生猛，郁尼郁去而佢地既調味都十分之惹味，泰式風味酸酸辣辣，加埋蒜蓉既香味，簡直一流而佢既果皮蒸鮑魚都算原汁原味，充分帶出鮑魚既鮮美想講佢既沙嗲醬魷魚蒸腸粉，絕對值得一試，腸粉滑得尼融入魷魚鮮味，真係一絕！而佢最後既八寶飯，都大份夾抵食，可以話用料十足之餘十分之香同埋濃味，可以為今餐畫上一個完美既句號…查看更多

呢間木玥巷好似因為個主廚而出名，所以決定慕名而尼試下d台灣菜決定試下佢既牛滷肉飯，同埋推介既戰斧雞排講下佢既戰斧雞排先，由於即炸既關係，不得不說佢非常之熱辣辣同埋香口，佢既炸衣一d都唔厚，只係薄薄既一層，而入面既雞肉仍然能夠保持嫩滑，調味偏濃，十分邪惡至於佢嘅牛滷肉飯係由於因為係用牛肉整嘅所以相對呢都會比一般嘅滷肉飯呢嚟得濃味同惹味，加埋呢佢煮得啱啱好嘅流心太陽煎蛋，將啲滷肉飯撈勻蛋汁就變得非常之好味…查看更多

屯門終於開左間牧羊少年咖啡館決定把握平日晚市一試，嗌左佢地既冬蔭公海鮮意粉同埋豬肋骨配薯條估唔到冬蔭公海鮮意粉咁有驚喜，佢既味道酸酸辣辣，非常開胃，會令到人忍唔住係咁食，雖然有用忌廉煮個意粉但一d都唔會食到膩左～同埋佢既海鮮都用料十足，有細隻章魚仔同埋蝦，啖啖海鮮至於佢個豬肋骨就烤得好入味，我地特別揀左用Whisky 烤，但唔係好食到佢既酒味haha,但佢既肉質真係好稔好稔而好可惜佢既蕃薯條賣曬，不過佢既薯條都唔錯總括尼講，真係可以值得一試…查看更多

一直都知道壽司郎都係比較多人，於是check完個app決定去少d人既黃大仙分店，果然冇令我失望，等左半個鐘多d就有得入去～不得不讚既係佢既大拖羅，真係好好食！一放入口就慢慢咁融化，個種油香令我忍唔住encore左一件～而佢既帶子壽司舊帶子真係大大舊，十分新鮮，個種鮮甜會令到即刻有種幸福感而蝦三味壽司都真係幾抵，佢十幾廿蚊就有三件，性價比都真係最高！另外，佢既白桃雪糕都真係好好食，白桃清甜配上濃濃既牛奶味一流，本人知道一個隱藏食法，係加下d綠茶粉，會令到個雪糕提升到另一個層次簡單尼講，壽司郎真係值得一試，如果唔咁多人排就完美啦…查看更多

咖吔係屯門新開左冇幾耐，決定去試一試野食係唔係真係咁好食四個人去嗌左好多野食，埋單900幾但因為份量好足，所以覺得性價比都真係唔錯！小食方面，嗌左咖吔多、鹹蛋炸魚皮、咖哩配手抓餅～咖吔多有椰香得尼牛油香岩岩好，值得一試～鹹蛋炸魚皮既鹹蛋香唔算突出，主要比較易膩，下次未必會嗌咖喱配手抓餅都幾好食，咖喱好有椰香，唔算好辣～主菜有嗌下燒豬頸肉、海南雞同埋喇沙米線～份量大份之餘調味岩岩好，最鐘意佢既豬頸肉要少少肥，入口軟得尼有少少油香，讚喇沙米線湯底唔算好辣但真係好香，而配料有蛋有蝦，會encore!…查看更多

今日番工OT,所以去左係虹橋既赤橋拉麵，試下沾麵。分別嗌左魚介沾麵同埋海老沾麵～比較令人驚喜既係佢既海老沾麵，不得不讚佢既用料十足，沾麵既汁有滿滿既蝦乾，此外沾麵既汁有濃濃既蝦味，又唔會覺得好膩～佢既配料例如荀都非常之入味，而隻蛋算係半熟蛋，都不過不失～而佢既叉燒薄得尼都算入味，真係一碗食完會滿足既沾麵～十分之值得encore! 不過佢既沾麵汁比較易凍，所以不能食得太慢，如果凍左就冇咁好食架啦～呢間店平日都多人，可以早少少尼拎位，就唔使等咁耐！…查看更多

象泰係屯門區尼講都算係幾出名食泰國野既餐廳，夜晚放工唔使點排隊就直接入去～而咁岩做緊個二人菜3個餸200幾蚊，個價錢都唔算貴。所以，嗌左三樣食，分別係豬手煲、咖啡麵包軟殼蟹同埋菠蘿炒飯，另外再嗌左兩杯野飲，紅豆冰同埋龍眼冰～野食既賣相唔錯，先講下豬手煲，豬手都炆到幾入味，塊皮唔算厚，入口即化，但肉質就一般，都有少少硬。而佢既咖喱麵包軟殼蟹既咖喱味道有椰香，一D都唔辣算係易入口，但軟殼蟹有少少腥，同埋塊炸衣都夠厚，容易滯。野飲都算可以，龍眼冰有幾粒龍眼肉，都唔錯建議細食既嗌兩個餸都夠，唔使嗌餐～…查看更多

今日放工喺屯門搵嘢食，見到有間台灣嘅便當店舖未食過，門口亦都有唔少人排隊，相信都唔會中大伏，所以就去咗試一試，然後發現非常有驚喜！叫咗個豬扒便當，啲豬扒非常之爽口鬆脆，唔會有油膩嘅感覺，亦都食得出豬扒入邊嘅肉汁，食完一舊會想再食多舊，簡直係停唔到手呀！呢個係我未食過嘅味道，非常之有驚喜！除此之外，舖頭都有啲飲品，主要係台式嘅款，飲品嘅選擇都多元化，味道就不過不失對得起個價錢！總括而言，以呢個性價比來講都可以值得再試嘅。…查看更多

難得放假，特登帶屋企人試吓食極尚大瀛喜～極尚大瀛喜嘅放題選擇相對都比較多除咗有一啲熱食例如花膠、雞粥之外，唔少得無限魚生刺身同埋炸既天婦羅同埋榴連炸彈等等。最欣賞既係佢既特色卷物，例如係黑松露炙燒帶子壽司，都真係encore左幾件。原本以為佢熱食冇咩特別，點知佢既雞粥又真係夠熱得尼幾香，雖然都重味精，但真係惹味到可以食兩大碗。放題尼講，服務都算唔錯，佢refill 食物既速度算係唔錯，同埋喺過程中佢都係咁收野，服務ok!如果有慶祝，都可以帶屋企人一試～…查看更多

因為啱啱開門嘅關係，所以晏晝一兩點鐘已經有一條長長嘅人龍去排隊等食呢一間牛肉丼飯。去到就嗌左佢嘅招牌燒牛肉丼飯，個飯一嚟到仲係好熱辣辣嘅，而牛肉都非常之足料嘅。 一食落去就感覺佢嘅汁醬都非常之濃味，相對比較鹹一啲，都會搶一搶左本身既牛肉味。至於個配料炸雞，佢都炸得相對比較香脆同乾身嘅，雖然個炸衣都係有啲厚，不過食落都唔錯嘅～我認為個飯嘅性價比都還可以，因為50幾蚊個飯加炸雞加埋都幾夠飽，同埋可能本身比較油膩，所以唔需要食太多已經有啲濟建議大家可以等冇咁多人排隊嘅時候去試吓食～…查看更多

聽聞過金色不如歸既拉麵尼自日本，唔少人麵慕名而至，決定放工去試一試拉麵。今次去食嗌咗貝汁醬油拉麵🍜佢好有趣咁運用幾個步驟，令到人慢慢去欣賞呢一碗拉麵。首先感受碗既溫度，然後再聞一聞，再淺嘗一下個湯底～不得不讚佢嘅醬油湯底係十分之重黑松露嘅味，會感受到黑松露係非常之足料嘅至於佢其他嘅配料例如係豚肉就冇乜太大嘅特別同出邊嘅拉麵豚肉嘅味道都差唔多。試完一次之後暫時唔會再食第二次，因為個價錢都比較貴呀未食過都值得試一次既！…查看更多