mary04066的個人專頁

如意Sushi Nyoi 六週年誌慶😳佢哋有個6周年優惠，omakase 66折，性價比勁高！特別係師傅喺海膽、拖羅方面絕對唔會手軟。前菜三品胡麻菠菜：嫩葉浸潤胡麻醬，溫潤回甘 南蠻漬魚：京都傳承醃漬技法，甜甜地非常之香鹽燒銀杏：琥珀色果仁佐以薄鹽，香濃烤過嘅味道！刺身四重奏 ｜北海道鰈魚薄切｜ 第一件夾住三文魚籽，第二件火炙鰈魚邊泛起的焦糖香😁第三件海膽築起鮮甜巔峰｜梭子魚｜ 火炙輕撫，魚脂受熱之後，帶香焦香，佐以三星漬與炸蔥絲共舞。｜兵庫縣生蠔｜ 生蠔鮮甜美味配上伴蘿蔔泥與醋凍｜活赤貝｜ 貝肉與青檸汁共振，輕輕一拍，突顯其新鮮吞拿魚拖羅三文治❗️大癲❗️紫蘇葉裹住霜降級拖羅😱指尖輕握間魚脂浸潤，勁肥勁香勁好食！和食蟹羹煨北海道帆立貝，一打開超大粒帆立貝在蟹黃高湯中，蟹肉香更能帶出帆立貝鮮味。壽司四貫 金目鯛：胡椒柚子皮點醒櫻粉魚身牡丹蝦：蝦膏與櫻花蝦堆疊出赤霞雲海 喜知次：炭火在魚皮烙下金黃印記 ，簡單調味已經係最好食海膽三文魚子：師傅超大房啲海膽多到滿瀉！◈ 手卷 「鱈魚乾碎蔥吞拿魚腩」 脆響聲中滲出魚腩油🤩本場手打烏冬，口感軟糯，食嘅時候熱辣辣即使好飽都要食晒！◈ 甘味 「隱藏版水信玄餅」 菜單未載的彩蛋🤩黑配上糖蜜與黃豆粉。 …查看更多

一入到去見到有勁多鬼太郎裝飾，好明顯老闆係鬼太郎fans😝好鍾意佢哋嘅豉油碟，都係鬼太郎嘅超可愛！推介吧枱位置，可以睇到師傅整嘢食嘅過程，感覺更加有氣氛！鵝肝多士表面煎得香脆，內層柔軟且非常厚身😀切開就有啲油流出嚟😜好肥美日本和牛鵝肝卷大大塊靚和牛包住厚切鵝肝😌然係卷在飯卷入面，和牛鮮嫩，鵝肝有獨特蛋白質香氣。香牛嘅油脂同鵝肝嘅蛋白質混合，勁香口。免治雞肉棒（自家製）月見汁係免治雞肉棒嘅精髓，醬汁甜甜地，生雞蛋混合之後，雞肉變得更滑。由於係免治雞肉，所以咬落去質感鬆軟容易咬。安格斯牛肉薄燒超高性價比!!!份量十足，每一片安格斯牛包裹最大量香蔥、蒜，牛肉香氣同香蔥味道混合，食到停唔到口。炒雜菜食到咁上下，食返少少菜，平衡一下，雜菜熟度剛剛好，上面加上炸蒜片，令雜菜味道提升！黑松露蟹肉冷蕎麥麺一上枱面已經見到大量蟹肉、三文魚子同黑松露，感覺好奢華。蕎麥拉麵配上秘製醋汁，有助提鮮。鯛魚燒伴雪糕熱辣辣鯛魚燒配上冰凍雪糕，紅豆鯛魚燒輕輕蘸上雲呢拿雪糕🍦好好味呀，鯛魚燒有香濃蛋香yummy…查看更多

天水圍銀座「甘之季節」糖水舖，甜鹹交織嘅滋味驚喜！今日同朋友嚟到天水圍銀座搵食，行到攰攰地就入咗呢間「甘之季節」糖水舖，真係冇揀錯！一推開門，溫馨嘅木系裝修即刻帶畀我一種好舒服、好放鬆嘅感覺，暖黃色嘅燈光打落嚟，好似返到屋企咁自在。講到重頭戲——甜品，芋圓雪糕楊枝甘露真係令我一試難忘！圓碌碌嘅芋圓煙韌有嚼勁，咬落去軟糯香甜；雪糕奶香濃郁，入口即化；再配上酸酸甜甜、芒果味濃郁嘅楊枝甘露，成個口感層次豐富到好似開Party咁，食落清清爽爽，完全唔會覺得膩，夏天食真係透心涼！杏仁糊加西米都好出色！杏仁糊嘅香氣好醇厚，一聞就知係用足料嘅，綿密細滑嘅質感，每啖都充滿住濃濃嘅杏仁香。加埋粒粒分明、咬落QQ嘅西米，唔單止口感更加豐富，味道上亦都中和咗杏仁糊嘅濃厚，令人忍不住一口接一口，唔夠喉啊！最令我驚喜嘅係，呢間糖水舖居然有燒賣同牛肉球！諗住試一試，點知完全冇令我失望！燒賣皮薄餡靚，蝦肉鮮甜彈牙；牛肉球鬆軟多汁，仲帶住淡淡嘅胡椒香，鹹香可口。甜品配埋點心，甜鹹交替，真係好過癮，呢個搭配真係諗得太妙喇！服務方面，店員態度好親切，有問必答，而且上菜速度都好快。無論你係行到攰想食個糖水充充電，定係約埋朋友嚟傾計聚會，呢間「甘之季節」都好適合！以後一定會再嚟，試埋其他甜品同點心！強烈推薦畀各位鍾意食糖水同點心嘅朋友！…查看更多

「胡同」係香港超出名!!!香港頂級中菜餐廳，佢地係尖沙咀 H Zenter 頂樓，維港全海景飽覽無遺，最勁係8點鐘睇埋奶彩詠香江，好屈! 餐廳裝修極具北京格調，一出lift就係一大片紅燈籠、圓拱門，好靚好多打卡位。餐廳有種強烈fusion感覺，叫返杯野飲打卡先🍸🍹Jasmine 入面有 Gin、茉莉花茶、荔枝等等，杯酒澄清過，所以顏色係好清架!令佢口感圓潤減少澀味。Umami Colada 入面有椰子、桂花、菠蘿等等調味，最特別原來仲有芥末、咖啡等等嘅元素，做咗澄清，所以即使有咖啡芥末呢啲有顏色嘅飲品，出到嚟效果都係透明，好靚呀！擂椒帶子皮蛋勁fusion嘅食法，皮蛋整碎之後整到好似他他咁職員會即場將滕椒汁倒落去，辛香中帶有清新感覺，帶子嫩滑鮮甜，提升整個前菜質感。魚香海鮮蓮藕餅呢個魚餅好香呀，爽脆蓮藕加入鮮甜彈牙的蝦膠，外層微脆，簡單沾上魚香蒜味汁已好好食，面頭仲有魚子醬同金箔，勁奢華有心思。三蔥爆炒龍蝦🦞龍蝦都幾大隻多肉，師傅預先將佢起肉，加入京蔥青蔥等等落去炒，超級惹味，龍蝦鉗好多肉啖啖肉。火焰胡椒片皮鴨是日焦點🫶🏻簡直係視覺享受，喺靚靚維港景色之下，支付職場點火燒熱片皮鴨，超級吸睛！鴨皮燒至香脆！鴨皮充滿油香，分量充足，超鍾意食嗰啲皮，脆トト得來唔會太燶，小魚菜苗新鮮嫩綠白菜仔苗，配上鮮甜魚肉，青青地同時有鮮味魚香。北海道帶子蔥油拌麵帶子鮮嫩彈牙而且好大粒，麵條咬勁十足，蔥油惹味香氣撲鼻。牡丹花超靚牡丹花甜品，紫芋慕絲、椰絲、煙靭波波，清新又優雅，一啲都唔甜可以放心食！…查看更多

好耐冇食過鐵板燒啊，呢間鐵板燒出咗極尚和牛套餐$1198/2人，真係好抵食呀，有龍蝦鮑魚和牛，性價比高份量唔細！活龍蝦澳洲青龍蝦，用上龍蝦本身的膏整成醬汁終於去精彩嘅時刻師傅將大大隻龍蝦放上鐵板，龍蝦嘅火候剛剛好夠爽口，龍蝦蝦膏打成汁，配上爽口彈牙龍蝦肉，味道一流！南非孔雀鮑魚南非鮑魚原隻切開，刀工呢每一件嘅大細一致，厚身口感十足，十分彈牙。隔籬個鮑魚肝，煎到香脆，鹹鹹香香超好食。配海草忌廉汁，忌廉汁嘅味都唔會太濃，清清有種草香，仲可以落少少花瓣調味🥰香煎牛舌心牛舌厚得好誇張，牛舌燒到外層燒透中間粉紅色，好爽口，簡簡單單用岩鹽調味已經好好食！鹿兒島A4和牛牛肉好厚剛剛好啱啱熟，入邊超多蔥所以味道方面好濃郁，食到牛肉嘅原汁原味！A4和牛油脂豐富食落去超香牛肉味。和風炒椰菜佢哋嘅炒菜做得好好，唔會過分調味，軟硬都適中。日高昆布蜆湯入邊有好多粒蜆，粒粒飽滿有肉😀三文魚子海鮮炒飯估唔到最後嘅海鮮炒飯都咁正，師傅超大方將大量三文魚子放上炒飯😍…查看更多

今日經過荃灣廣場見到有間泰國嘢好似好吸引，於是忍唔住想入去試吓！酸辣無骨鳳爪啲鳳爪醃到超級入味，酸酸辣辣好開胃，最正係無！骨！㗎！ 一啖一隻，啖啖肉，個汁調得啱啱好，唔會太酸搶喉，辣度係慢慢滲出嚟嗰種，好過癮。招牌越式雜錦三文治個麵包係精髓，入面又軟熟，一啖咬落去，口感層次爆燈！入面餡料多到瀉：有越式扎肉、火腿、豬腩肉，仲有啲醃蘿蔔絲、青瓜同芫茜。啲肉鹹香得嚟，俾啲清新嘅醃菜平衡返，個醬汁帶少少甜，完全唔膩。河內生牛肉湯檬粉一上枱已經聞到個湯底超香，用牛骨熬成，清得嚟味道好濃郁，飲一啖，鮮甜到不得了，完全唔係味精湯。主角係生牛肉，切到薄切切，靠個湯嘅熱力浸到半生熟，入口超級嫩滑，牛味出眾！跟住啲幼身檬粉索晒啲湯精華，滑溜順喉。越式蝦醬通菜呢碟炒通菜鑊氣十足！一上菜已經聞到陣陣蝦醬鹹香，但唔會臭到令人頂唔順。通菜炒得翠綠爽脆，一啲都唔老，蝦醬均勻掛喺每條菜上面，鹹香惹味！…查看更多

SAVVY地理位置，位於海港城3樓，一入門口見到一個好巨大嘅酒吧位，非常之有氣派同華麗。呢度係一間亞洲fusiong酒店自助餐廳😊入面座位超闊落同隔籬枱又好遠距離，空間感十足，依家官網訂座有優惠，食足3小時冇壓力。入到嚟一定係食咗冷盤先，有龍蝦、蟹鉗、蟹腳☺️職員已經裝好晒一碗俾你好快拎可以坐低慢慢食。全部都好新鮮，夠晒鮮甜，龍蝦肉質結實有咬口，仲有好多橙色嘅膏。蟹腳好大條入邊啖啖肉，肉質鮮美。熟食🥩🍗🍖有極大件烤澳洲牛柳、咖喱雞、蜜汁豚肉、沙嗲串燒、三文魚柳、印度魚柳、印度咖喱等等，仲有廚師即煮泰式船麵，湯底極香濃可以一試。佢哋啲湯都好出色，有冬陰功、龍蝦湯、蟲草花雞湯，推薦蟲草花雞湯，雞味香濃勁好飲！沙律、芝士🧀🥗冷盤仲有蝦、螺、青口，沙律選擇多，日式沙律幾得意，有啲甜甜地嘅雞肉喺入邊。海鮮粉絲沙律，酸酸辣辣好開胃。甜品🍨🍰🧁有西式甜品區同泰式甜品區。推薦朱古力蛋糕，切開之後蛋糕濕潤，每一啖都浸滿香濃朱古力。抹茶荔枝蛋糕好特別，上層鋪滿荔枝，同底部抹茶又幾夾，仲有其他數十種特色甜品。泰式甜品區有自製泰式芒果糯米飯，將糯米飯上面加上椰奶同芒果🥭班蘭蛋糕、椰汁糕、泰式蛋糕仔等等。飲品🍹🧃好驚喜，呢度自助餐有超多款飲品，特別係可以DIY泰式椰汁冰，好好飲☺️仲有芒果汁、蘋果汁、咖啡、香茅薑茶、韓國忌廉溝鮮奶等等。食到中途有鈴鈴聲，即場整Haagen-Dazs脆皮雪糕批，淋一層濃郁嘅朱古力醬同自選toppings😇…查看更多

位於尖沙咀的「牛站(駅)麻辣火鍋放題」，香港火鍋放題界首屈一指，秘訣在於對食材品質與種類多樣性的極致追求☺️😊店內環境整潔舒適，食得舒服，又放心！佢哋有幾個set可以自由選擇！真心推薦牛小排放題套餐，牛肉質素勁高仲有大量海鮮。鮑魚、海鮮、頂級牛肉到甜品、冷盤與清酒，大部份你講得出嘅嘢食都有㗎☺️我鴛鴦鍋底，首選一定椰子雞、金湯花膠雞，後者湯底濃郁醇厚，我仲偷偷地飲咗少少。牛小排切割精准，肉質柔軟嫩滑，雪花脂肪分布均勻，牛味香濃。美國極黑和牛更是將肉香與脂感完美融合，入口即化，佢哋啲牛好靚可以放心食。海鮮方面，鮑魚與白鱔皆可無限點單，白鱔厚切爽脆，我超鍾意！象拔蚌同樣鮮甜彈牙。鯇魚片蛋白質豐富，熟後捲曲，口感脆嫩。竹笙蝦滑勁好食呀，本身竹笙同蝦滑已經好好食，加埋一齊食又係另外一種味道。呢度仲有乳鴿、蛇羹、燒肉、小龍蝦等等。自助區種類之豐富，堪稱放題火鍋店典範，講得出嘅丸都齊，珍珠奶茶，應有盡有。甜品環節同樣精彩，Häagen-Dazs冰淇淋、榴蓮大福、芝士蛋糕等選擇，為這頓盛宴畫上完美句號。…查看更多

全新泰式火鍋放題套餐，暖笠笠過冬天，品嚐震撼的泰式盛宴！有流水蝦放題，活海鮮即捕即煮🤩多款即叫即做串燒、泰式甜品。青檸椰奶雞、馬來娘惹叻沙、泰金冬陰功、檸檬香茅、日式蕃茄濃湯同膠原豬骨湯，六款湯底任揀。一坐低即刻衝出去流水區😏夾左海鮮先，試吓好新鮮全部都識郁！都幾大隻，食落去啖啖肉爽口。蜆都非常推介，冇沙又大大隻，所以唔擔心無肉。牛肉要讚肩胛牛小排油花靚，呢方比例合適，入口油脂香同肉香均勻，牛胸腹重牛味。串燒方面都豐富，有雞肉串、娃娃菜等等。自助區有80幾款野食，包括泰式白切雞、炸蝦餅、蝦片、泰式鳯爪、雞翼✨蝦餃燒賣，成個皮好香又脆口。蝦餅完全炸透夠熱夠脆🍤泰式醬汁香辣惹味。火鍋配料多達豐富，自助區蟹味棒🦀墨魚花🦑泰式魚蛋、手打墨魚丸、餃類。好新鮮軟淋淋！飲品方面，做得好徹底，勁多泰式飲品！泰式紅奶茶、龍眼水、清新香茅水、洛神花茶。其他常見嘅飲品都有齊，全部自己出去拎就可以。泰金鍋優惠！* 「晚市火鍋放題成人8折」凡以正價惠顧晚市放題A、B、C餐，19:00前離座或 20:30後入座，並以電子貨幣支付，即享成人8折優惠。* 「Happy Tuesday會員有禮」逢星期二會員晚市堂食火鍋放題，四人同行，一人免費。餐廳位於海之戀，地理位置絕佳，座位超闊落感覺舒適。鍾意泰國嘢嘅朋友仔最啱😁✨性價比不錯…查看更多

中環開咗靚靚打卡韓式咖啡店😀上到去好靚，咖啡店行簡約風，所以入去坐低勁舒服。佢哋門口有個天窗位用嚟打卡就啱啦！BOY BREAKFAST入面有酸種麵包、煙肉、焗豆、香煎車厘茄、蘑菇、香腸同蛋。酸種麵包有水準，沾上橄欖油煎得好香，食嘅時候脆口。佢哋份量好多，我哋兩個人食覺得都啱啱好。BANANA BREAD LATTE飲品係佢哋嘅重點😀有咖啡香同時又有濃郁香蕉味，香蕉味道控制得好好，唔會過分搶奪咖啡味！整得好靚打卡就啱。BLUEBERRY CREAM LATTE係我最鍾意嘅奶蓋🫣藍莓口味好香，飲嘅時候慢慢滲落去咖啡到，奶蓋唔係好甜，所以飲嘅時候咖啡味道仲係好出！細心留意佢哋部咖啡機都係好嘢嚟㗎，La Marzocco🤩好嘢嚟㗎，所以出嚟啲咖啡高質素！…查看更多

旺角御滿屋😀品質保證，$300幾蚊任食刺身、羊架、鵝肝、燒蠔等高蛋白質食物，平時刺身好貴，輕鬆回本！仲有馬來西亞極品榴槤，真係一定回本😊刺身種類好豐富，油甘魚、三文魚、甜蝦、虎蝦、赤貝、帶子、蟹腳。海膽手卷、吞拿魚蓉手卷細細舊一啖咬得晒，海膽幾甜任食！士多啤梨鵝肝撻😃好香鵝肝狂食，本身都鍾意食鵝肝，軟滑嘅鵝肝加上士多啤梨，香香甜甜口感味道一流。佢哋啲花之戀壽司好好食，勁多三文魚，飯好細🍣日式放題有埋紅燒乳鴿、壽喜燒、蒜蓉焗生蠔、熟食都會仲焗扇貝、花膠、鹽燒雞翼、雞軟骨、鐵板香煎比目魚、燒羊鞍，熱食勁豐富。有我最愛嘅壽喜燒，湯底香甜配上香滑牛肉。炒白鱔好正，肉質爽有咬口，yummy!酸菜魚都好好食。自助區有大量炸物，炸雞、冷盤、熱食，麻辣小龍蝦🦞。有Movenpick ，Häagen-Dazs雪糕😌大量芝士蛋糕、慕絲蛋糕、豆腐花、奶凍、楊枝甘露、紅豆餅等等全部任食，焦糖燉蛋好好食☺️冷熱清酒、紅酒、梅酒自助，啤酒、茶、汽水全部齊。…查看更多

中環高質食物裝修靚靚用心韓式餐廳😻佢哋嘅豆腐湯100分。一入到去佢哋嘅裝修勁靚，係西餐裝修風格，認真啲睇餐牌枱上擺設先察覺係韓國餐廳！午餐combo幾抵食，先選一種肉類，我就揀咗烤牛肉同韓式海鮮嫩豆腐湯。牛肉份量勁多有六件，係牛仔骨嘅位置，醬汁香香甜甜邊邊位置有少少焦。好欣賞佢哋嘅豆腐湯，有少少香辣味，又唔會搶走海鮮嘅鮮甜度，即叫即整熱辣辣有豆腐、蝦、八爪魚、蜆、蛋等等，非常足料豐富。湯少少辣，撈飯好食好香口。佢哋連個白飯都好用心係一個鍋上，麻煩有少少飯焦脆卜卜好正！仲食咗佢哋嘅烤豬肉配烏冬，勁大碟性價比勁高！韓式辣醬炒豬肉，份量好多，豬肉配埋我最愛嘅烏冬一齊炒好好食，調味岩岩好，一啖接一啖好快清左🥰烏冬勁有咬口滿分！Mocktail好靚，我哋分別揀咗芒果同熱情果，熱情果嗰個好正㗎，佢哋用咗真嘅熱情果做裝飾，上面有熱情果打成嘅鮮果汁🍹推…查看更多

山林道精緻韓式自助咖啡店😳入邊嘅職員真係韓國人唔識講廣東話㗎😀上到去好靚，前方就係麵包櫃，麵包種類好多整得好精美。除咗咖啡之外仲有韓式飯餐、甜品、麵包等等。烤牛肉飯牛肉嘅份量好多食極都有，仲配咗一隻流心蛋，佢哋嘅牛肉整得夠薄，可以吸收好多醬汁味道夠，甜甜地食落去剛剛好，仲配有紫菜同泡菜做前菜。綜合飯卷有牛肉、吞拿魚、芝士、同火腿四個口味😳你想像還要好吃，入邊嘅醃蘿蔔非常之香口，整個飯卷豐富紫菜香氣，飯卷包得緊實可以放心啊，唔會食到周圍都係。魚糕魚糕超大片，有幾個口味選擇我揀咗辣味，熱辣辣魚糕配上滋味醬汁，唔錯。巴斯克芝士蛋糕帶香濃芝士香氣又唔會過甜，中間有少少軟心感覺好正，魷魚份量係好大，絕對夠兩個人食。另外推薦佢哋嘅曲奇，大大件都係$15咋，入邊超多朱古力粒!!!!…查看更多

【灣仔隱世鮨店！彩羽壽司家：鮮到顛覆味蕾的日料盛宴】灣仔謝斐道藏住間用心做鮨嘅「彩羽壽司家」，從門口嘅木製招牌到師傅專注握壽司嘅樣子，滿滿日式匠心！每款食材都係師傅每日精挑，新鮮度直接拉滿～前菜就驚喜滿滿！真鯛刺身晶瑩通透，入口係純淨嘅清甜夾住淡淡油脂香，鮮到舌尖發顫；大分縣真蠔細細隻但肉身緊實，咬開瞬間海味鮮甜爆滿口腔。必試鮟鱇魚肝泡芙，冰涼柔膩嘅魚肝釀入熱辣酥脆嘅泡芙，冷熱碰撞嘅口感簡直逆天！壽司環節先至係重頭戲～ 師傅即場握製嘅六貫壽司各有乾坤：金線鯛彈牙鮮甜，大拖羅雪花紋脂肪入口即溶，油香直衝天灵蓋；市面少見嘅昆布海膽，浸過昆布後更凸顯本味鮮甜。招牌彩羽太卷簡直瘋狂，海膽、拖羅、吞拿魚堆到滿瀉，一啖落肚滿口鮮香超過癮！仲有串燒與紙火鍋加持：海蝦蝦膏滿溢，豬腩肉油香四溢；壽喜燒牛肉嫩到出水，配埋赤味噌魚湯暖身又暖心。壓軸季節限定蜜柑雪花刨冰，師傅現場刨製，冰爽裹住蜜柑酸甜，收尾超清新～…查看更多

除咗好食之外，冇咩好講建議食椰子雞湯底，好正！辣湯底會搶咗湯嘅鮮甜。醉花甲屈機，好快賣晒元朗我最喜愛店舖！小店連個碗都好有心，個碗好內熱，所以成碗麵都會保持到好熱。OpenRice要200字先評分超好食，但我打唔到咁詳細。。。…查看更多