Chelsey*的個人專頁

叫做大圍新開餐廳，平時比較多人排，因為咁啱經過見冇人排隊，所以去試下喺外面睇咗一陣餐牌，價錢相對其他大圍餐廳偏貴少少，亦都有西餐，有扒食，諗住新開點都試吓啦時間：星期日下午1:30左右叫咗個泰式豬頸肉炒河除咗闊河粉，隻碟有少少泰國風味之外，一啲泰式味道都冇，如果就咁叫豬頸肉炒河，會貼切啲味道又偏淡，仲要$75 ，飲品另加$9茶餐廳都係叫返港式嘢好咁嘅價錢，去泰國餐廳食好唔好？金曼谷都先$46，飲品加$4仲有thai tea…查看更多

一開頭係比Foodie相吸引去去到當日就話冇串串食，但因為OpenRice已經俾咗錢，都唯有食原意係想食川味同串串，冇咗串串，起碼至少歌川味邊爐都好我哋嗌咗鴛鴦鍋，好後悔，因為入邊嘅料係減一半，入場嘅時候侍應建議我哋兩個合埋一個，其實係可以分開另外餐牌上面好多嘢都sold out食物味道正常，甜品完全唔推薦就算佢冇Sold Out，有返串串都唔會再去…查看更多

平時久唔久都會幫襯，主要係覺得個湯底唔錯因為疫情關係少咗好多出街食，平均三個月會食兩次呢間野對上一次食，都係下午茶，樓面啲姐姐態度麻麻地，亦因為咁樣所以改咗叫外賣，同埋隔咗好耐先再堂食今次叫咗生熟牛河，個湯一啲都唔熱，唔使吹就咁食都覺得唔熱，試想像下生牛又點識熟其次係個湯底唔同咗，講唔出有咩唔同，但係就好肯定冇咁好飲，平時食完碗粉，個湯我都會飲咗一大半，但係今次真係唔掂，差啲連個粉都唔想食滴漏咖啡來講，其實冇乜話特別好好飲，不過見耐冇飲想過吓口癮但係今次之後真係令我唔係咁想返去食（另外，細心嘅朋友應該會見到碗底有條菜黐住，我仲要食完影相先見到，想像返轉頭，個碗會唔會洗得唔係咁乾淨😅😅）…查看更多

我喺附近街坊，舊鋪食過一次嗰陣仲未出名，食湯米線我估係冇乜特別好食所以冇再幫襯，加上之前嗰次覺得餐具有少少油膩，感覺麻麻後來得知佢出咗名，一直都想搵機會再試多次，但係都多人排隊所以一直都冇食到今日咁岩閒日，唔使等位，所以就係新鋪第一次堂食。食咗個撈米線，依家天氣熱，食撈一流食物方面係冇問題，滷水都好好食好入味，唯獨係太多油，食完碗底仲有剩成吋高既紅油服務方面就真係非常麻麻，店員成日扮睇你唔到，到你叫佢又嗌你等陣，想落單都唔係咁容易，體驗感好差嘢飲方面加咗$8要紅棗杞子，係幾好唔甜，但係都好淡紅棗杞子味成張單加埋就咁就$70，不過不失就算食物有幾好食，咁嘅服務，我寧願去茶餐廳，去澳牛俾人鬧…查看更多

啱啱新開張嘅時候食過一次落咗單之後等咗足足20分鐘先拎到諗住新開張，可能唔熟架步，算啦第一次去食手撕雞撈麵，手撕雞正常但係個面係除咗辣味就冇其他味完全沒有想再幫襯嘅意欲到前兩日，第二次食，諗住再俾多次機會佢啦我企咗喺門口大約3分鐘先落單我肯定前面係冇人等緊外賣亦都冇人排隊買嘢食我先至買一樣等咗足足10分鐘今次搞涼皮，同開張嘅時候一樣得個辣子冇任何鹹味我仲要自己返屋企再加豉油撈醬好失望，以後都唔會再幫襯寧願幫襯蔡記啲大陸姐姐都唔會再幫襯…查看更多

本身唔係食呢間康和車仔麵，而係見到隔離寫住法式越南粉既門口入去，點知一坐低見到個Menu寫住康和車仔麵😨😨😨😨再打開入邊都係見到有四碗越南粉，再望一望，原來兩個入口都入緊同一個地方諗住算啦都係一次姐，叫咗四餸麵豬紅、蘿蔔、咖喱魷魚、滷水豆腐 油麵朋友食咗醬爆丸、燒腩仔、炸雲吞配出前一丁仲加咗份滷水豬手先講滷水豬手，唔係滷水味，仲有薑醋嘅味，唔難食，正常我個油麵冇問題，因為係買返嚟嘅滷水豆腐只係炸左皮豆腐，完全沒有滷水味豬紅冇乜特別醃過蘿蔔係最正常，係炆得林既咖喱魷魚就出事啦！佢好好，仲要幫你分相，個咖喱汁唔係咖喱汁，唔知係乜黎，魷魚個味道好怪，未去到唔新鮮但一定唔係正常，入面仲搭咗一粒明明係酸齋，但係佢話係送嘅跟住辣汁冇落又話嗰啲就算喇到我朋友嗰個將爆丸梗係冇問題啦買返嚟嘅但係買返嚟嘅出前一丁就有問題喇！個面係未煮熟嘅，仲用暖嘅湯嚟浸住，湯底唔係出前一丁嗰個粉，就算係都係豉油加出前一丁粉炸雲吞唔錯呢啲就算鬼數啦，燒腩仔當然唔係燒臘舖啲燒腩仔啦，呢個都唔重要喇平時都少寫食評，食完嬲到忍唔住寫以防大家再幫襯…查看更多

平時成日話要寫食評，影埋好多相喺度，最後次次都懶冇寫，不過今次竟然為咗譚仔寫第一篇食評話說上星期落街食譚仔，鄉音阿姐係基本，但令到我的起心肝去寫嘅係阿姐嘅服務入嚟嗰陣阿姐冇同我探熱就安排咗我坐低，初時仲心諗咁樓嘅，屋村譚仔做樣都慳返，點知落完單冇耐，負責門口個阿姐帶埋個探熱器過嚟搵我，話「啱啱個探熱器壞咗換咗一個，依家同你再探返」好老實如果我有病到入咗嚟啦，不過佢都好盡責又搵返我跟住又有另一個阿姐拎住一盆消毒紙巾、口罩袋過嚟問我需唔需要，注意係非常有禮貌。之後上菜嗰啲都比平時嘅譚仔有禮貌。就係咁激起左我要幫佢寫一篇食評嘅心係一次非常滿意嘅譚仔體驗仲有另一個加分位，就係凍檸茶真係有少甜同小冰！！…查看更多