一睇完小阮條片第日就嚟咗，唔知係咪大家都係咁，所以嗰日門口排晒長龍，好在12:15左右到達無幾耐就有枱坐低拿拿林點晒嘢食，上菜速度係偏慢嘅，都聽到隔離枱投訴，但原來廚房有個爐壞咗，同埋啲姐姐非常好態度又有禮貌，不停過嚟加茶，仲會話唔好意思要等咁耐當日去到已經無晒最想試嘅上海粗炒，途中亦見到越嚟越多嘢sold out於是就叫咗呢啲：1）小籠包 - 真係幾正，多汁而個汁好香，皮唔厚但小心夾的確唔會穿，舊肉少少偏散但可接受2）鍋貼 - 個底脆嘅，但層皮略嫌有啲厚，汁個味同小籠包差唔多，但係舊肉實淨過小籠包，呢點唔錯～3）無骨熏魚 - 食晒成碟總共有一小舊骨，但個味好好👍🏻皮脆肉嫩4）烤麩 - 超正！一定會再食😍😍個汁啱啱好唔會太甜，烤麩質感少少煙靭唔會過硬5）蝦多士 - 脆就基本嘢，有蝦+蝦膠，而且好足料+大舊，可以兩人share一嚿6）排骨拉麵 - 少少失望，因為小阮大推，但係個麵質太淋，豬扒雖然大份+脆但粉太厚，加埋好多時食呢類排骨嘅通病-乸過嘅肉質，淋但係個人麻麻呢種假淋（比人夾晒啲排骨先記得影😆）7）上海炒年糕 - 調味啱啱好，各種材料個味好平衡，唔會太多汁/太咸，年糕係軟身嘅，但比起年糕應該粗炒個口感會正啲8）咸牛脷 - 可以skip，唔錯但冇特別可以留位食其他嘢9）流沙煎堆 - 煎堆外脆內煙靭，流沙都好香，但個流沙係水狀嘅，我認為可以杰身啲+沙啲再正啲10）杏汁燉蛋 - 佢個杏汁出奇地唔錯，夠香又唔太甜，但上面層糖太厚，亦冇加分，下次可能會問吓佢可唔可以走咗層糖總括嚟講，一定會再返嚟試其他嘢加上海粗炒，同埋店員服務態度好好一定會支持，雖然每樣食物等咗都幾耐，但食果陣會食得出廚師嘅用心，希望大家就算要排/等都去試吓～～～🫶🏻🫶🏻…查看更多
