tummylandfoodie的個人專頁

約左朋友去奧海城睇戲得一個鐘時間食野就揀左拉麵諗住快趣食黎到先知做緊拉麵買一送一優惠 超抵🤤三款招牌拉麵：原味雞白湯、檸檬牛油雞白湯、擔擔雞湯都可以單點第二碗(以低價果碗)免費.▫️檸檬牛油雞白湯拉麵 $98一上枱已經好吸睛，面頭鋪滿檸檬片加埋泡沫雞白湯，好似一碗忌廉湯咁厚身幼滑雞白湯本身偏濃郁，加入牛油之後多一層香味但因為有檸檬中和，所以飲落唔會膩口，反而幾清新！麵裡面有兩大塊雞胸叉燒切得厚身但肉質仍然嫩，唔會鞋口仲有一隻溏心蛋切開上碟，蛋黃流心度啱啱好我地一致認同賣相同味道都幾有水準👍🏻.▫️擔擔雞湯拉麵 $98呢款就比較重口味，同樣用雞湯做湯底再加上擔擔麵果種辣油香湯頭飲落有少少似擔擔麵，微辣收尾幾適合鍾意少少辣又唔想太刺激嘅人不過對我哋黎講就偏咸左少少如果本身鍾意食重口味，可以考慮呢一碗.小食方面▫️鹿兒島月揚庵魚餅 $48一份入面有齊芝士、原味同蔬菜三種口味一次過試晒唔使選擇😆魚餅好實在又有彈性，食落有鮮甜感覺芝士款多一份咸香，蔬菜款就清爽少少.▫️ 酥脆雞皮餃子 $48外皮炸得脆口、油份控制得尚可兩款小食佐酒一流，幾啱邊傾計邊慢慢食.整體黎講，呢間來自鹿兒島嘅過江龍拉麵店-月詠主打嘅泡沫雞白湯拉麵表現有驚喜尤其檸檬牛油雞白湯拉麵好啱打卡之餘味道口感豐富又帶少少清新感而家有買一送一，可以同朋友試唔同味share食！…查看更多

呢排有張10蚊單球coupon就到期行過就用左佢平時我首選一定係焦糖脆餅今次見到聖誕出左新味個樣幾吸引，就試下佢🍪曲奇抹茶🍵.真係有驚喜！平時覺得淨抹茶雪糕好寡宜家新味多左曲奇變得有咬口，口感豐富左食落質感偏向似蛋糕唔會好似焦糖脆餅咁脆口但味道好夾中和左抹茶嘅苦，又唔會好甜.真心覺得幾好食！我希望唔止節日限定先有想佢加入恆常menu🙋🏻‍♀️🥹見佢仲有出另一個曲奇朱古力味下次行過試埋再比較下😆…查看更多

金樂軒雞煲魚鍋🍲係北角打邊爐抵食之選行出北角站 A1 / A2 出口大約五分鐘就到，位置算方便所以一路食見好多街坊黎食而家仲做緊十周年優惠小菜有八五折、火鍋有六折如果一大班人黎食，叫多幾款都唔肉赤！.▫️ 沙嗲湯底 $128今次試沙嗲湯底，入面有洋蔥、蘿蔔、三色椒未落料已經聞到好濃沙嗲香好似食沙嗲金菇肥牛煲果種feel湯底夠濃郁但唔會太鹹加湯仲係用豬骨湯去加，唔會淡味.▫️牛白肉 $128肉類方面，牛白肉切得厚身但完全唔韌，好爽口，.▫️安格斯牛頸肉 $288 都係厚切上枱，油脂同肉味平衡入口滑口又有咬口，鍾意食牛嘅朋友要一試.▫️豬皮 $48 煮到腍腍地好掛汁，吸晒沙嗲湯變重味濃郁版豬皮.▫️鮮墨魚滑 $78 墨魚味好香，口感彈牙但唔實幾啱配返個濃味湯底.▫️竹笙 $58用原條上，落鍋之後吸晒湯底精華.▫️海中蝦 $168 新鮮👍🏻👍🏻蝦身結實有彈性唔會一夾就散，海鮮控可以放心叫.▫️ 西洋菜 $38菜類就簡單叫咗西洋菜 $38啱啱係冬天當造，落沙嗲湯底煮完都有佢本身嘅香味同啲油脂重啲嘅肉類隔住食，可以中和一下.▫️蒜茸 $8 要另外加，不過本身每人已經有一份辣椒豉油鍾意重口味可以自己再調味，幾貼心.整體嚟講，呢度氣氛有人情味價錢以北角小店火鍋黎講，係幾抵又好食！加上而家做緊優惠，今個冬天會回頭嘅舖頭🫶🏻…查看更多

上次去朋友屋企經過呢間手撕雞今次黎附近做野，買返屋企慢慢食！.每隻雞都係現場即叫即撕撕開見肉汁流晒出黎，一啲都唔乾老闆話前期醃製功夫都需要一日.▫️招牌麻椒雞 - 半隻 $88肚內裝滿辣椒花椒，撕開已經聞到超級惹味叫左小辣，啱啱好唔搶味.▫️麻香雞 - 半隻 $88因為屋企人唔食得辣，所以都叫左半隻唔辣一齊食雖然唔辣 但麻香味十足！外皮好入味，唔食皮都忍唔住食返幾啖，好邪惡.▫️老醋青瓜海蜇頭 $36海蜇頭同青瓜同樣爽口，好清新味道都有少少辣，醋汁唔會太酸，好醒胃.老闆娘話冬天有羊肉煲！係真空包裝方便外帶嘅等天氣再凍少少要黎試埋佢地個金牌肥腸同羊肉煲！…查看更多

荃灣大滿足放題平日晚市放題，我地揀左A餐8點入座，每人$338未加一，屬於自選時段收費以下會分享一啲我地較有記憶點嘅菜式由前菜到甜品都大量選擇真係好滿足捧住肚走🫄🏻.🍣▫️刺身：水準穩定，正常發揮，味道新鮮 我地比較喜歡象拔蚌刺身爽脆彈牙，厚薄掌握得好最欣賞係兩次order刺身一次多一次少 擺盤都會砌得好靚👍🏻▫️壽司：海膽鮮甜，不過份量有時會飄忽焦糖鵝肝有入口即溶感.🥘▫️皇牌燒乳鴿王：皮脆肉香，油香又唔膩▫️紅燒蟹肉花膠翅：湯底鮮甜濃厚，蟹肉真材實料食落口有膠質好豐富，我地食左幾碗🤣▫️金銀蒜蓉粉絲蒸蟶子皇：大隻！蒸嘅時間啱啱好，啖啖鮮味唔老唔韌▫️蟹肉扒西蘭花苗：西蘭花爽嫩得黎唔會好硬▫️蒜片燒汁牛柳粒：外層焦香，黑椒味重，中菜feel▫️泰式麻辣奶油皇帝虎蝦：香辣中帶奶油香，泰式風味夾雜少少麻辣味，好食.🍍▫️海燕窩椰汁燉木瓜：香甜滑口，木瓜熟得啱啱好，椰香自然唔假▫️法式麵包開心果誘惑：濃郁果仁香，有開心果雪糕加果仁碎味道幾好食，不過包身有啲啲韌▫️燒溫室甜菠蘿：焦香自然，菠蘿甜唔酸…查看更多

呢間日式刨冰，由佢係銅鑼灣已經一直想試講左好幾年終於食到😭結果係三星期已經忍唔住食咗四次好專一全部都係焙茶抹茶刨冰🤣 #焙茶控.呢個刨冰主打抹茶加焙茶雙重茶香 $130茶味濃郁但唔會苦外層係焙茶味，入面藏住抹茶同埋餅乾碎仲有三粒煙韌白玉，層次好豐富面頭係厚厚嘅抹茶泡沫，好creamy綿滑入口即溶，仲打卡一流☁️我地每次都加左朱古力醬 + $10 再升級味道享受因為朱古力同抹茶焙茶都係好夾架！.其中一次朋友試左柚子芝士蛋糕 + $45都係隱藏驚喜！芝士味濃但唔會膩加入柚子令到口感多咗份清新果香balance返不過每間分店供應嘅蛋糕都有機會唔同.佢地嘅冰呢，係日本空運到港睇住佢地成磚冰放入機刨🧊冰碗都預先放入冰箱雪住覺得靚仲可以買隻新嘅返屋企diy刨冰添！雖然打卡able，但記得快快手影完就要享用喇🫶🏻…查看更多

今次試咗荃灣西海之戀嘅韓式料理有時經過隔離麥當勞見到，終於都試到成日覺得香港有韓國料理食嘅地方唔算多通常都係炸雞，或者韓牛燒肉等等.今次中午時間去食味道同價錢都不錯嘅lunch set▫️ 醬烤牛肉太陽蓋飯 $88首先見到太陽蛋已經好吸引配埋醬烤牛肉，送飯無得輸👍🏻味道甜甜地，牛肉夠嫩滑翠肉瓜同粟米芯，爽口新鮮口感滿足感爆棚！.▫️直火現炙牛肋骨 $138由韓國OPPA即場用火槍現場燒睇住佢燒香牛肉，視覺同味覺都有享受牛肋骨肉質厚身，燒完表面焦香入面依然多汁唔乾有BBQ醬同韓式辣醬，味道即刻昇華配白飯同生菜，食法多變唔會悶.▫️Lunch套餐配蘿蔔冬菇湯＋四款前菜包括蓮藕片、韓式泡菜、鵪鶉蛋同醃蘿蔔全部食得出有心思，味道唔馬虎.總括賣相吸引，視覺上滿足之餘，亦都飽肚👍🏻…查看更多

食得潮汕牛肉火鍋重點一定係食新鮮牛肉我地平時最鍾意吊龍、匙柄同牛胸爽！今次我地捨起左平時最常食嘅沙嗲湯底揀左牛骨湯，想簡簡單單感受牛嘅鮮味.🥩一開始就會有個鍋外圈上第一批肉有吊龍、匙柄、雪花、五花趾同牛胸爽每片肉我地都按佢提供嘅建議時間淥真係啱啱好，入口嫩滑怕未熟透可自行淥耐少少牛骨清湯飲落好啖啖骨香，又唔會搶咗新鮮牛肉味.🍲仲有自助醬料區最驚喜係有青檸仔，同埋花椒油私心有呢啲昇華左味道又醒胃解膩.🥂飲品方面都有好多款除左有港式奶茶，桂圓杞子茶呢啲自家調製飲品仲有紅酒白酒都係任飲最貼心係見到職員定期會refill啲酒杯入雪櫃雪凍.🦪海鮮係套餐包埋嘅我地食B餐，送海鮮拼盤一份每人會有鮑魚1隻、桶蠔1隻、海蝦2隻、沙白蜆2隻至於自取食材區特別想推介黃喉、醉雞一啲都唔馬虎，醉雞好入味，同潮汕牛同樣出色.整體食得出用料新鮮，選擇亦夠多種類👍🏻…查看更多

$158可以係尖沙咀The ONE食到90分鐘任食法式點心招牌龍蝦湯牛角包同甜品任你揀呢個價錢真係幾抵食，地點又方便😀.價錢包含每人一份主食🍝法式鹹甜點心任食，部份特別菜式可加錢品嚐☕️單點飲品會有半價優惠或者加$18任飲：黑咖啡、熱茶、蘋果汁、橙汁✨ 此套餐需先在openrice訂座預付，提前預訂預付未連的加一服務費以原價計算，需於餐廳直接付款.先講下主食見任食嘅食品好多包 本身都擔心會唔會太飽主食黎到 份量適中 唔會太飽試唔到其他野▫️欖油蒜片扁意粉清新簡單，油潤不膩，唔會太heavy▫️牛油果小龍蝦沙律牛角包牛油果滑，小龍蝦沙律夠鮮甜牛角包鬆脆，口感好豐富.法式點心▫️蘑菇湯：好有菇味(我地每人飲左3碗🤣)▫️蘋果汁：解膩啱晒▫️雞胸沙律：雞胸肉唔鞋口，食落嫩滑，配少少芝麻醬▫️溫泉蛋凱撒沙律：配料足，蛋流心感滿足後尾我將兩個沙律混合一齊食，好食😛▫️招牌龍蝦湯流心牛角包：真係一切落即爆湯，牛角包鬆化湯底濃郁，會飽肚之選▫️松露蘑菇芝士撻：香氣有，但味道較一般▫️Affogato：咖啡味較淡，Espresso感覺可以多啲▫️肉桂蘋果流心牛角包：我地以為係熱既，原來係凍食屬軟心質地，偏酸，味道唔係似Apple Crumble那種▫️宮崎駿的夏天：外觀靚，好似一幅畫，打卡一流📷上層藍色無咩味，味道來自底層嘅提子味啫喱▫️焦糖燉蛋：面層焦糖薄脆，蛋香滑甜度啱啱好，推介！.整體都唔錯，尤其約朋友傾偈相聚，的確係唔錯選擇👍🏻…查看更多

好食真係不止酸菜魚！以往係沙由新城市食稻成，都係會食酸菜魚今次黎到尖沙咀，終於試下片皮鴨😛松子魚 $268外層炸得香脆，淋上酸甜醬汁再配松子同菠蘿粒啲酸甜味唔會太搶啱啱好，魚肉炸咗都保持到嫩滑唔會太乾，亦都有魚味小籠包 ✨宜家會員app內有優惠券免費贈送皮薄又唔易穿，唔會漏湯湯汁夠熱，味濃帶豬油香，餡料新鮮冇腥味酸辣湯 $68唔算好稠質地，酸味適中，唔太辣配料有冬菇、豆腐絲、肉絲等，口感層次豐富最近天氣涼涼地，飲一碗幾舒服我自己偏向較稠身質地不過如果唔太食得辣，呢碗就啱飲！片皮鴨半隻 $268片皮鴨重點係皮脆肉嫩，鴨皮要夠薄佢真係夠薄！皮下無黐住肉，晶瑩剔透再加青瓜、蔥絲、甜麵醬，包入薄餅皮一齊食好juicy，皮香脆但唔油膩不過餅皮無火㷫住，比較快凍所以一上枱就盡快食晒較理想🙂‍↕️好貼心底下有個櫃桶仔裝住濕紙巾方便食好抹手👍🏻…查看更多

呢排經過Soymart見到出左全新飲品麻糬泰奶豆乳茶🇹🇭 $48打開拉罐嘅瞬間已經好吸睛！可以見到滿滿嘅奶蓋，上面鋪滿焦糖脆餅碎.整體味道偏順口泰奶唔會太甜，一般泰奶偏甜呢杯飲晒成杯都唔覺膩😌混合泰奶之後散發出陣陣香豆味，味道層次幾豐富麻糬係暖暖地嘅，入口滑漏軟糯.更加貼心嘅係，佢仲另外附送一小盒餅碎俾你自己加落去，飲到後面都保持住豐富口感👍🏻.整體係幾好飲豆乳加無咁甜嘅泰奶茶成件事即刻無咁邪惡啊😆…查看更多

最近壽司郎出左 滿腹祭x赤醋飯急不及待去試下新菜式加上赤醋季節又返黎 好食👍🏻.🍣 天然黑鮪・藍鰭呑拿魚盛合 $89藍鰭/黑鮪吞拿魚是最頂級，最受推崇的品種體型最大 味道濃郁 油脂豐富 肉質細膩·赤身：覺得黑鮪較為好食肉質較為結實鮮紅，帶有濃郁魚味，脂肪較少·中拖羅：鍾意藍鰭中拖羅多啲脂肪比例較赤身高，味道甘香，入口軟滑有魚油的甘香與魚肉的鮮味，最平衡嘅口感·大拖羅：藍鰭口感滿分！色澤較淺偏白，脂肪豐富入口即溶，係最奢華的部位，油脂香味極佳.🍣 鱈魚白子軍艦 $17清爽酸甜啫喱配鱈魚白子，入口即溶，雖然濃郁但不膩.🍤 粒粒蝦肉炸蝦棒配他他醬 $27 肥美蝦棒切開後，超重蝦味好香鮮甜蝦肉粒粒分明，飽滿蝦肉彈牙外層酥脆配搭他他醬 ，完美中和油膩的口感.🥢明太子忌廉烏冬 $32 淡淡明太子鹹香，完美融入香濃的白汁與日式高湯湯底湯底幼滑濃郁，烏冬掛湯力十足，食完大滿足啊🫄🏻…查看更多