第三次幫襯食麵了！想喺旺角搵個地方坐得舒服又乾淨又唔貴嘅真係唔容易，食麵係其中一個好地方😍等一次去係為咗食水餃，一入去就見有兩個操純正普通話嘅阿姨坐喺一邊親手包水餃，就已經好期待，結果真係唔錯喎！不過之後兩次黎都係為咗食擔擔麵，我平時食野前係唔會幫食物影相的，但真係覺得要有多啲人知道呢間正野，如果唔係無人幫襯執咗我會喊，所以用盡咗我嘅耐性幫食物影咗啲靚相。呢間舖頭啲擔擔麵真係真心好食，我老公不嬲唔食花生醬但佢剩係鍾意食呢嘅擔擔麵湯底，配料又多選擇，可以揀水餃，或者牛雞豬羊肉都得，最啱鍾意有得揀嘅香港人。一碗麵都係五十幾蚊，配野飲都係加8蚊，又平又好味又坐得舒服，服務員應該都係老闆/自己人所以都好有禮貌好上心，下次一定會再番黎！…查看更多
