man123041的個人專頁

今天和舊同學聚會，朋友說帶我到聯和墟試試抵食的西式泰菜。第一時間感覺係，咁舊既區會有咩好野？但朋友極力推薦下，就姑且一試喇，反正都係想聚埋吹下水...去到門口果陣，真係嚇一跳，感覺完全唔似平時既泰菜餐廳，環境比人一種幾舒服同乾淨既感覺。野食方面：粟米墨魚餅賣相幾得意，用黑色既墨魚膠溝埋粟米粒炸，食落爽口唔油膩，加埋個梅子醬，送酒一流。炸魚加青木瓜沙律炸魚起肉炸再用番魚骨墊底，加上酸酸辣辣既沙律，幾開胃Oppa雞槌有三隻醬可以揀，侍應介紹我地食腰果醬，都幾特別，好少響香港其他餐廳試到呢隻味生蝦好大隻好爽好新鮮！！芝士蝦丸真係無諗過係咁大粒，比出面果d蝦丸大一倍，而且一咬開仲爆勁多芝士出黎青咖哩軟殻蟹朋友話呢度青咖哩好出名，所以叫黎試下，青咖哩汁真係幾香濃，又唔會好稀，配埋佢個好香既蒜蓉包真係幾好食菠蘿炒飯食落菠蘿應該係新鮮菠蘿，炒飯好大個，同埋炒得好香黑森林（好似叫）朱古力味飲品，心機之作，佢另外仲有好多特飲，留番下次先試。（我見隔離個芒果特飲係插住成條芒果雪條@@)成餐都幾滿意，加上服務態度又好，係等位耐少少，因為真係好似好多區內客捧場下次有機會一定再黎試其他野😁…查看更多

今日同一聚舊同事開飯啦有同事推介灣仔依間酒店入面既日本菜放題，咁我地梗係試下佢虛實喇。本身book左七點半，五點半收左工諗住周圍行下，點知同事話放題由六點至十點任食，咁就正喇，早收工同事可以坐低吹下水飲住野先。點知去到，原來佢個放題無任飲，每人淨係包一杯汽水，再添就要加錢，灰左Service黎講就都欠奉，落單要寫落張白紙度，連可以剔果d落單紙都無，唔叫佢地又唔會加水。講番野食喇，食物質素都還可以，最好食係串燒同刺身，但選擇唔多，刺身得七至八款，而其他既小食同炸物都比平時食開既放題少選擇，壽司亦都犯左放題大忌，一件壽司都用有三份一碗飯咁大舊。係食得出廚房個師傅比起其他放題有料d,不過食落d食材質素都係好一般。仲要，放題完全無任何甜品，講真，食完係飽，唔覺得整體難食，不過唔會覺得過癮囉，所以未必有下次…查看更多

最尾一日響大圍番工，問下同事lunch有咩好野推介。同事二話不說，就介紹左呢間車仔麵比我，話一定要試。其實位置都算唔遠，由港鐵站行過去十分鐘喇，入到去坐低，個位都算闊落，起碼唔洗同隔離位鬥批踭XD，而且望落都好乾淨企理。老闆一見我坐低好快就埋黎介紹下有咩好食，由於本住人一世物一世既心態，我梗係叫晒佢最出名既野黎試下喇，我叫左魷魚，牛腩，瑞士雞亦同埋芝士牛丸加腩汁麵魷魚真係好爽，唔會煮得太耐，而牛腩亦都好入味，個腩汁又唔會好油，芝士牛丸我都係第一次食，幾過癮，個人覺得可以一試。但瑞士雞亦就略嫌唔夠熱，有少少瓊油既感覺。…查看更多

今日過左大圍番工，食lunch唔知食咩好，朋友就推介呢度既生煎肉餅飯，咁梗係試下喇。兩點鐘入到去都幾爆場，搭枱一坐低完全感覺到傳統舊式茶餐廳果股氣勢，感覺就好似佐敦某名氣牛奶公司咁款叫左個生煎肉餅飯加熱咖啡，咖啡無味，仲要跟餐加9蚊，總共盛惠$59。而個肉餅係唔錯既，加左馬蹄同咸魚蓉，食落香口多肉汁。不過份量唔算多。一試係可以既，不過再去就未必了。…查看更多

上星期母親節一行十人，因為媽咪唔想去太遠，所以留左響大埔食放題。感覺上性價比都幾高，母親節前夕都有買六送一優惠，而且響各方面既質素都幾好。刺身新鮮多選擇，串燒夠香口，而且仲有海膽壽司同手卷。仲可以任飲特飲同清酒。整體黎講種類同質素都好好，而且全程無漏單同好快有野食，最尾last order仲有movenxxxx 雪糕食添！估唔到大埔都有咁高質素既放題，可以再黎。…查看更多