Os的個人專頁

服務------------------------------10日前已訂咗位， 但去到話冇資料，話可能係mark咗喺隔離新鋪嗰邊，叫我地行多幾步過去睇。入到新鋪，好多職員，有兩個職員望到我地但冇理我地，跟住同水吧職員講我地訂咗位，佢又叫我地等等。終於忍唔住大聲話我地book咗位，但都要等咗陣先有人理我地，但該職員態度及語氣唔係咁好話都係搵唔倒booking record。好彩因為仲好早，最後都俾左張高枱我地，但唔知點解有啲正常高度o既冇人坐都唔俾我地。揀好野食叫職員落單，佢寫完一樣兩頭望，好唔專心，講第二樣時又聽唔倒我地講乜，又問多次我地。本來帶咗個生日蛋糕黎切，但友人話$80切餅費太貴，問職員我地個蛋糕只係雪住唔喺度食，洗唔洗收錢，該職員悔氣地話「唔洗」，未講完已經走咗。等到第一道菜黎.. 但水都冇杯.. 要叫先俾....環境------------------------------新鋪都幾靚同寬敞，但我地坐高枱，坐得頗辛苦。而且冷氣實在太凍！今日條街已經得14〜5度，但間鋪入面仲凍！我地已經嗱嗱聲食野，但啲野好快吹到凍晒，本來想叫多幾樣野食，但真係凍到係咁震！要極速埋單走人！:)味道:(------------------------------1) Egg Benedict with smoked salmon好味~! 英式鬆餅脆得黎又香軟, 個醬汁好味, 加埋水煮蛋o既流心黃, 少少菠菜, 同少咸smoked salmon, 唔膩啱啱好!2) All day breakfast冇乜特別，每樣有啲，材料新鮮，但$95就太貴了3) Carbonara with Parma Ham好味,creamy得黎唔膩, 意粉彈牙, 可惜隻水煮蛋凍晒, 已冇流心4) Bricklane salad有4隻蝦, 3 粒帶子, 都算新鮮, 冇霉冇腥:(抵食------------------------------埋單4個人食咗4 樣野$450，完全冇飽肚感，要再去第二度食多餐，同埋因為服務太差，所以變到好唔抵食。…查看更多

環境：- 一出lift，就見倒上手鋪頭名仲未拆，環境昏暗，有陣"UP UP"地ge味，不過d 位唔迫 服務：- d 職員好似酒樓o既部長,阿姐但佢地態度ok- 第一轉tick 左d 刺身，sushi，串燒, 炸物, 好快sushi 同d 炸物黎左- 等左好耐， 吹左一次， 等一陣黎左佢送ge 龍蝦刺身船- 又等好耐，再落單再吹，佢話d 串燒係耐d 喎，但我地點d 刺身都未黎- 約入座35分鐘後，刺身黎喇，但係係第二轉點嗰d- 又等左好耐, 再吹， 約入座1 hr 後，串燒黎喇，不過唔係一串串，係一大碟- 叫佢加茶，佢成大壼茶就咁放喺度，果然好有酒樓風格- 總結：野食上得超慢，吹完再吹，又漏單，刺身佢唔係俾我地點ge件數，同埋有ｄ點左幾次都唔送黎味道：- 刺身 : 整體上都新鮮ge 　＞送ge 龍蝦刺身船：個龍蝦頭好大個，但龍蝦肉得幾粒，仲有兩片帶子，赤貝，三文魚，甜蝦海胆等。 全部都算爽甜但海胆入口係膠味，又唔係唔新鮮ge 臭坑渠味.. 係咪有個品種ge 海胆係咁ge??? 　　＞送ge 泰式生蝦：好辣　＞水母：未食過以為好特別，但原來係冇味的海蜇　＞BB油金魚：TICK 左但冇黎過唔知好唔好味　＞甜蝦：ＯＫ　＞鮮海蝦刺身：ＯＫ(其實係冇泰式醬的生蝦)- 熟食 : 　＞天婦羅蝦：ＯＫ，唔油　＞吉列：好乾　＞串燒雞腎，雞皮，雞軟骨，蜜汁雞翼：ＯＫ　＞串燒芝士腸：乾，冇芝士　＞串燒牛舌，豚肉：乾，"UN"　＞牛柳粒：咸，"UN"　＞蟹柳多士：得好少蟹柳　＞金菇牛肉卷：ＯＫ　＞炒金菇：ＯＫ- 壽司 :　＞啲飯好酸，除左酸味食唔倒啲餸味　　抵食：同個鋪名啱啱相反「唔回本唔回味」～～～　:(…查看更多

環境 : 迫 (預左)服務 : 態度OK 但成日將我地點o既野俾左隔離枱, 上菜好好好慢食物: 質素真係好唔得.. 一開始食第一轉魚生好似OK 咁, 但之後D 野食真係令人一路食一路叫媽媽刺身 (第一轉) OK三文魚 : OK 唔腥劍魚腩 : 冇黎甜蝦(有頭) : :)OK 唔腥都甜O既 章紅魚 : :(腥榮螺片 : OK赤貝 : OK 唔腥希靈魚 : 淋刺身 (第二轉) 三文魚 : OK 唔腥劍魚腩 : 唔係腩甜蝦(冇左個頭) : 腥!! 唔甜 榮螺片 : OK赤貝 : 腥及有沙壽司鰻魚 : 怪味 :燒物羊架 : 冇羊味.. 仲加左d 怪味醬汁燒雞翼 : OK靖魚 : 乾雞軟骨串 : OK..但肉多過軟骨牛舌串 : OK一品料理黑椒鴨胸 : 正常清酒煮蛽 : 正常金菇牛肉卷 : 好甜.....自家肉丸 : 好乾牛油帶子 : 冇帶子味生羌豚肉 : 正常鐡板牛脷 : 嘔鐡板牛柳粒 : 牛肉唔新鮮, 又"UN"天婦羅及炸物好好好好油!!! 啖啖油!!! 仲有"益"味沙律鮮蟹肉蟹籽 : OK海鮮咩泡沬蕃茄 : OK 幾特別凱撒鴨胸 : OK甜品Tiramisu : OK, 但 冇咖啡味, 朱古力cake 部份好乾 木糖布甸 : cream +少少餅碎.. 唔可以叫做係木糖布甸蛋卷 : 正常Puff : 正常總括黎講，呃錢，好唔抵，食完好唔開心，我會叫D朋友千祈唔好黎呢間野! 下次有人請我食都唔黎呀!huffyhuffyhuffyhuffy:…查看更多

難得尖咀有sushi 鋪唔洗等位又唔洗排隊又仲有得book 位..　壽司都幾新鮮，有ｄ鋪o個 d 真係好難食又毫無魚味，所以呢間都叫做好架喇，冇腥味已經係好好，.. 不過吞拿魚腩爭dd，不比較難趙．．另外有款壽司叫秘密($35)，都幾得意，上台有個半圓球炸物蓋住，打開個蓋驚喜就冇乜但sushi 都幾靚，不過o個個半圓球炸物就難食d...熟食剩係食左一口炸北海道芝士同吉列蠔，兩個都ok，我一向唔食蝏都唔覺個蠔有臭味～而環境都唔錯（可能唔太多人o既關係)，侍應服務同態度都好好，係個侍應失左一野魂，不過無傷大雅～最後食到好飽，每人$140有找．…查看更多

知道坪洲開左開越南野即刻走黎試，因為坪洲除左茶餐廳外都冇乜其他擇選。～生牛肉檬同一般越南粉差唔多（＜－好行 ＝＝v）～豬肉檬d豬 肉又醃得 幾好食喎～豬頸肉撈檬朋友話 都ok， 係個汁唔係好夠酸～牛油雞翼:)一般 傳統越式牛油雞翼 都係全翼 ，但呢度係中翼 ，＄32有5隻，都唔算太貴 ，中翼又好食d，而且又幾好味好脆～炸蝦餅都ok，又唔係特 別好味，但唔會得d味精同粉味囉～飲品呢個略為差左少少，d檸茶好淡，奶茶好甜 ＞o＜但任何粉面加＄2有熱飲，＄4有凍飲，＄6定8有特飲都ok。d粉 面都唔太貴 ，＄23－30左右我地4個人食左4個粉＋4個凍飲＋2個小食，每人＄45，食個公仔面餐 都要＄30啦，所 以呢個都算ok，可以一試 ，（但聽講人多o個陣 d野食就 整 得 差dd。。）…查看更多

果然名不虛傳.. 要等了又等.....　等左一粒鐘，食左一粒鍾，仲要食d一 般日本料理質數食物.. o徒氣...黑担担芝麻烏冬，睇見都唔想食，朋友食到想死，因個湯底太漏...ｄ豬肉又肥又油，煲湯豬肉仲好食... :(係個燒上級豚肉飯好d，可能燒過，冇左ｄ油冇咁肥膩..至於其他小食，都只係知有芝士味同o趙緊野..　完全唔知原來係豬扒黎..我唔會再去.. =_=.. 費事又o徒心機捱眼訓...　真係唔係多人去過又多食評o既就好食.. 我唔會再中計..…查看更多

環境: 好迫味道: 本來好期待，但見佢ｄ特長魚生原來已經一早切好一片片，咁唔洗審都知會乾晒，到食落口，真係好想lur 返出黎，件8.8吋長劍魚魚生，乾到冇晒水，好難咬.. =_= ，油金魚都係咁... 不過三文魚ok，可能多人叫去貨去得快.. 到期待o既特大帆立貝，呢個都ok, 唔腥仲甜甜地.. 試左朋友個燒鴨胸拉面d鴨胸..乾到硬又冇味.. d朋友食左海膽同甜蝦，佢地就話ok.. 但不得不提，佢ｄ壽司飯酸到呢...完完全全咁搶晒d魚生味..總括黎講，本人認為佢最招牌o既特長壽司就係佢o既敗北，可能原本佢ｄ食材係新鮮o既，但佢o既處理手法令佢失敗.. 雖然特大帆立貝係甜，但我覺得唔需要去金田食都可以食到..服務: ok抵食: 實抵食架，咁大件，大件o係d 飯度..乾淨: 門口有陣臭味，鋪入面ok，但佢「預切」定ｄ魚生，會好快變得唔新鮮同唔乾淨...整體上: 唔會再去…查看更多

本人o係九龍灣返工，去呢間野食過Lunch，但每次都非常失望，發誓以為都唔去ＴＰ！！咖喱豬排拉面：d 面真係勁難食，又硬好似一pat 粉咁，食左幾啖冇食焗肉醬意粉：(心諗焗野冇咁易難食)兜意粉勁dry!!!!! d 意粉好似乾柴咁!! 又冇味!!!!肉醬燴意粉：(心諗焗野就話dry o者, 冇咁易難食o既)d 意粉d 質感難以形容，雖然ｄ意粉係一條條，但食落係一pat pat，好似ｄ唔熟湯圓o既粉咁！d 肉醬勁酸完全冇茄醬味！！食左兩啖成碟冇食，真係食完想反胃！最後去左買其他野食！個餐凍飲加埋二要$34！ｄ咁o既質素..真係.. 唉..... …查看更多

本人o係九龍灣返工，去呢間野食過Lunch，但每次都非常失望，發誓以為都唔去ＴＰ！！咖喱豬排拉面：d 面真係勁難食，又硬好似一pat 粉咁，食左幾啖冇食焗肉醬意粉：(心諗焗野冇咁易難食)兜意粉勁dry!!!!! d 意粉好似乾柴咁!! 又冇味!!!!肉醬燴意粉：(心諗焗野就話dry o者, 冇咁易難食o既)d 意粉d 質感難以形容，雖然ｄ意粉係一條條，但食落係一pat pat，好似ｄ唔熟湯圓o既粉咁！d 肉醬勁酸完全冇茄醬味！！食左兩啖成碟冇食，真係食完想反胃！最後去左買其他野食！個餐凍飲加埋二要$34！ｄ咁o既質素..真係.. 唉..... …查看更多