TooTeresa的個人專頁

今日突然想晩飯後食個糖水，經過呢間菓之店，在門外餐牌見到糖水既選擇都幾多，於是入咗去坐。見到一位女員工同幾個客在傾計。後來從餐牌中我選擇了一碗桑寄生蓮子蛋茶。等了沒多久，糖水放在我眼前，當堂大失所望！心想我叫既係桑寄生蓮子蛋茶而唔係桑寄生蛋茶？點解一粒蓮子都無？有無搞錯？之後再畢下，終於有蓮子啦！但係份量係廖廖可數，5隻手指都數得曬！:(我覚得如果你有誠意做桑寄生蓮子蛋茶的話，就唔好咁執著放有限度既幾蓮子落去，不如做桑寄生蛋茶好似更加適合！$28一碗糖水並唔係貴，但以今晩我所食的所謂桑寄生蓮子蛋茶根本就係名不副實！而且埋單時女員工繼續掛住同之前既客人傾計，連一聲多謝都沒有！服務態度真的要有待改善！我想我以後再來這間糖水舖幫襯機會極微！許留山d價錢可能貴少少，但人地貨真價實，唔會比一兩粒蓮子來敷衍客人，就當係桑寄生蓮子蛋茶！…查看更多

琴日終於有時間去呢間cafe試下，聽聞呢度d紫薯包好出名，作為紫薯控既我一定不能錯過！好啦！Order 咗紫薯包+ Rose latte由於係下午3點幾，所以唔洗等好耐d嘢食已經上枱！紫薯包微暖，紫薯份量算多，少少甜，味道天然，個人覺得幾好食！而Rose latte 就一般，沒有什麼特別出眾，拉花亦唔見得特別靚。如果比我揀，價錢唔係差好遠的話，我會選擇 Lady M 的rose latte, 好飮好多！至於環境方面，地方好細，只有10多張櫈，而且櫈與櫈之間好窄。如果有其他人講野大聲d，全部在 cafe 既人都會聽到！所以我唔覺得呢度算leisure！另外，我想特別講下呢間Cafe d 服務態度！如果10分滿分的話，我只會比 2/10！ 由落order開始，店員已經好cool、黑面，一聲多謝都無。我唔明白點解幫襯佢仲要對客人黑面！就算係大家樂負責收野既阿姐都好禮貌過佢！而差不多食完還剩少少野既時候去咗洗手間，返出來已經見枱面上既食物已經被收走！😡本人覺得食物既價格除了係食物本身外，還包括環境同服務態度！如果只係集中於食物的話，我覺得就唔值得呢個價錢了！而且呢間Cafe d 既食物同飲品亦唔見得特別平！紫薯包$33，Rose latte $40所以再返去幫襯既機會極微！最多只係會買紫薯包外買！…查看更多

今日懷著開心既心情經港珠澳大橋去澳門，去到已經係中午，一心諗住去祥記食佢地出名既蝦子麵、炸鯪魚球同灼魚皮！好快蝦子麵同魚皮就到，差不多食曬都未見炸鯪魚球以為阿姐落漏咗單，於是用好平常既語氣問：阿姐，請問個鯪魚球黎未呀？點知個阿姐用好無禮貌同好差既態度同我講：炸緊係要時間架啦！唔通即刻上比你呀！我個刻火都黎埋，之後講一d禮貌都無，有無搞錯呀！😡😡😡我同自己講一定一定唔會有下一次!!! 你做遊客生意點可以咁無禮貌??? 知唔知顧客永遠是對的！而且佢既價錢又唔係平，我除了食你d野仲買埋你地既服務態度！之後又有客人問那個阿姐野，我聽到佢都係用好無禮貌既態度回答客人。總之以後都唔洗指意我會再幫襯，請我都唔會再黎!!! 😡😡😡…查看更多