givemefooddd的個人專頁

隱藏在觀塘駱駝漆大廈，Day One Cafe 是一間主打健康美食的咖啡館，完美適合與朋友聚會，享受美味又不失健康的餐點。這裡的氛圍輕鬆舒適，讓人感到放鬆，週末下午時間亦滿座，看來幾受歡迎。我品嚐了他們的招牌蒜香橄欖油煙鴨胸翠玉瓜麵，這道料理不僅高蛋白質，還兼具低卡的優勢。煙鴨胸的香氣與蒜香橄欖油完美結合，翠玉瓜麵的清新口感讓整道菜品更加清爽，加上少許辣椒乾 ，帶點辛辣更加上癮。高蛋白質營養餐包含雞胸、三色螺絲粉、沙律菜，一睇呢個組合就知是健身人士心水，滿足到蛋白質需求，低脂又健康。搭配的雜莓沙冰，酸甜可口，為餐後的享受增添一絲清涼，完美解膩。而提拉米蘇則是這頓餐的完美結尾，綿密的口感與咖啡香氣相得益彰，讓人忍不住想再來一塊。Day One Cafe 不僅提供健康美食，更是與摯友共享愉快時光的理想場所，讓你在享受美味的同時，減少罪惡感，真是一個值得造訪的地方！…查看更多

位於觀塘的 Kiuki Sweet Bakery，隱身在成業工業中心，卻散發著濃厚的甜點魅力。這間小巧而溫馨的烘焙店，令人心情愉悅。我品嚐了他們的招牌栗子蘋果X鐵觀音戚風蛋糕。這款蛋糕的口感輕盈，綿密的戚風結合了栗子的香甜與蘋果的清新，讓人一口接一口。鐵觀音的茶香柔和地融入其中，增添了層次感，讓整體風味更加豐富。蛋糕不會太甜，簡直中了本地大眾口味，想吃清爽健康的甜點。蛋糕的外觀精緻，搭配著淡雅的奶油裝飾，既美觀又誘人。每一口都帶來驚喜，令人回味無窮。他們亦有多款特色口味，如伯爵茶配朱古力，亦有季節限定口味，每每帶來新鮮感。Kiuki Sweet Bakery 不僅讓我享受到美味的甜點，更帶來了一份心靈的滿足，絕對值得一試！…查看更多

餃掂手工餃子雲吞專門店位於將軍澳新都城中心，是一間區內少有的餃子專門店。這裡的餃子種類繁多，無論是煎餃、湯餃還是生餃子，都能滿足不同的口味需求。我點了口味創新的壽喜燒牛肉餃，湯底的狀元九鼎湯鮮香清甜，與餃子搭配得恰到好處。此外，香煎軟心芝士餃子也值得一試，外脆內軟，裡面的芝士與豬肉交融，讓人回味無窮。配菜方面，四川涼皮和酸辣雲耳都是可口小食，配搭清爽的餃子，更能提起食慾。山楂雪梨水清新解渴，酸酸甜甜，非常提神。檸檬薏米水則是另一種風味，檸檬的酸味搭配薏米的滑潤，這款飲品不僅美味，還十分養生，喝下去十分舒適。餃掂手工餃子雲吞專門店無疑是餃子愛好者的天堂，各式餃子和湯品的搭配讓每位顧客都能找到適合自己的口味。如果你在將軍澳一帶，這裡值得一試！…查看更多

一朝早食個靚早餐，成日都醒神晒。繁忙嘅觀塘入面，低調入駐嘅日式餐廳，不單止有午餐，晚餐定食，仲有提供早餐，適合觀塘打工仔。餐廳裝修以懷舊課室做主題，空間感十足，無論單獨用膳，或相約三五知己聚餐都適合。見到份早餐，真係覺得好似去咗日本咁。咖啡或者玉露茶，仲可以免費添飲，好chill呢日式all day breakfast 大滿足，照燒雞扒夠厚身，一早就補充滿滿嘅蛋白質。仲有炸忌廉蟹肉餅、煙肉、炒蛋、多士、沙律同鮮果乳酪，一次滿足晒所有願望。有蔬菜同生果平衡返唔會太過膩。鹽燒三文魚柳、漬物、香蔥玉子定食見到呢份早餐真係好似去咗日本酒店咁，三文魚煎得香口不油膩，配上玉子，仲有麵豉湯，營養均衡，經典和式朝食組合…查看更多

和久違的舊同事相叙晚餐，想吃東南亞菜，又要方便大家，就選了淘大的泰cool.餐廳不在商場內而位於外圍，自成一國。多走兩步，相對地坐位舒適，亦有打卡一族至愛的雀籠卡位。兩人想吃的菜式實在太多。點了青木瓜沙律，串燒拼盤，明爐烏頭和蠔仔煎蛋。飲品有凍泰式奶茶和三色冰。先總評一下，此店菜式份量足而賣相可人。青木瓜沙律是可口的開胃菜，酸甜味道適中。串燒拼盤有豬，牛，鶏3款共6串。客人亦可選1款或2款。 當中我較喜歡牛，因店家用牛柳粒而不是牛肉片，牛味濃厚且嚼勁十足，值得一讚。明爐烏頭亦用料十足，上湯內香茅，南薑，青檸等香料不少，加上秀珍菇，肉碎，烏頭魚肉也不再淡而無味。但2人竟點了一條魚，有點貪心。蠔仔煎蛋和潮式蠔烙不同，用煎而不用油炸，不會滿口油膩。店家放蠔不少，加上芽菜，蛋餅有蛋香氣。泰式奶茶和三色冰都是一般合格。此店無論食物味道，菜式份量和用餐環境，都令我和友人感滿意。…查看更多

有一晚心血來潮長征入屯門食甜品，嚟到紅橋心太軟專門店。Sugar Mama小店經營，印象最深刻就係呢度嘅心太軟味道眾多，可以嚟多幾次都唔怕重複。如果想食西式烤焗甜品嚟呢度就啱晒啦。見到兩位老闆都keep住默默做，招呼客人態度親切。🍫朱古力草莓心太軟香濃朱古力，加埋甜甜酸酸嘅士多啤梨粒，係永恆嘅絕配組合。🍎蘋果金寶即叫即焗，上枱熱辣辣，配埋經典雲呢拿雪糕，大滿足味道雖然稱不上驚為天人，但絕對係出色嘅街坊小店，得閒同朋友或者伴侶嚟食個甜品都幾sweet🍬…查看更多

so far 去過NOC幾間分店，都覺得質素穩定，次次都坐滿客人，證明都有好多擁躉。簡約白色裝修，光線明亮空間寬敞，最緊要係食物好食，咖啡香濃，咁先係一間合格嘅Cafe。今次喺尖沙咀行完街，想搵個地方坐吓，就嚟到新太陽廣場免稅店樓上嘅NOC。呢度入座後用QR code落單，餐點好快就送到上座位，叫咗一杯flat white 同芝士火腿牛角窩夫。牛角窩夫鹹香脆口，咖啡拉花好靚，聞落去有可可香氣。餐枱面有無線充電位，亦有自助水吧，相信喺度一過嚟或者同朋友嚟都可以享受到休閒放鬆嘅時光。…查看更多

週末中午去到明德商場，順便睇吓有冇餐廳醫肚。見到616有午市優惠套餐，$38就有扒飯，抱住試伏嘅心態嚟試吓。$38嘅午市飯有雙重豬扒飯、牛扒飯或者雞扒飯。我哋兩位都選擇咗牛扒飯，一份配黑椒汁，另一份配蒜蓉汁。等咗一陣就上菜，咁個牛扒都係新鮮煎起嘅，見到個份量同埋牛扒嘅賣相相當驚喜，喜出望外。牛扒仲大過手掌，色澤都煎得唔錯。依個價錢可以比到呢個份量同味道，非常良心價，男士相信都會食得飽。醬汁嘅調味都正常，平民飯堂首選。依度空間寬敞，因為係火鍋店，所以餐枱嘅空間十分足夠亦都坐得舒服。…查看更多

係成運工業大廈行上1樓就會見到巧得鍋。依度主打特色湯底火鍋雞煲，有好多種選擇，亦係坊間比較少見嘅味道。我哋今次叫咗青藤椒鮮辣牛雜鍋試吓，之後再加其他火鍋配料打邊爐。湯底有得自選辣度，就返個別口味。入座之後就會提供九款醬料，兩碟小食同埋青藤椒涼拌花膠。呢個配搭幾新鮮，作為開胃小食都幾好。牛涮鍋都好足料，有齊金錢肚、牛心、牛肺、牛腸等等。平時街邊牛雜得一細碗，依度可以實現牛雜自由😂 配上青滕椒湯底就辣辣地，又唔會太過油膩，煮到啲牛雜都幾入味。火鍋配料方面，掛架安格斯牛頸脊上枱好有氣勢，可以打卡。其他配菜可以揀半份雙拼，咁就算人少都可以試到唔同種類。值得一讚係餐廳抽氣做得幾好，唔會煙霧離漫，食完都唔會一陣味喺身上。另外服務都幾周到，我哋唔小心彈到湯喺身上，員工都即刻遞上濕紙巾。餐枱座位都有足夠空間，應該都幾適合一班人嚟用餐。…查看更多

喺香港想食燒肉，除咗日式韓式，估唔到仲有東北烤肉。今次嚟到位於尖東嘅西塔老太太。原來西塔老太太係大陸人氣烤肉店，全國擁有多間分店。我同朋友兩個人點咗個二至三人招牌烤肉套餐作為晚餐。呢個套餐包含五款肉類，兩款蔬菜同埋醬料費。點好餐之後，店員就送上前菜，仲溫馨提示我哋前菜係可以任添嘅，見到我哋食晒都會主動問使唔使refill。我最鍾意個薯仔沙律，因為喺食烤肉嘅期間可以清一清口腔。呢度最特別嘅一定係秘製白芝麻醬，加入咗醬油、蔥花、白醋，蘸上肥牛同瘦牛係絕配，喺呢度嘅獨家風味。店員都有主動積極幫手烤肉，可能舖頭夜晚多人咗，但都見佢哋會好勤力，睇吓每一台嘅情況。豬五花油香充足，燒完切塊再配上生菜生蒜頭同醬料包埋一口吃，極滿足。環境光鮮座位寬敞，幾適合同朋友嚟食飯，氣氛熱鬧。希望下次嚟再試吓多啲款式嘅肉同埋其他熟食啦。…查看更多

放工後約了友人吃火煱， 選擇了地鐵直達的都會駅牛摩。店舖可由地鐡站不經路面直達商場2樓，極方便。店子面積適中，整潔光亮。 一人一鍋我喜歡。兩人分別叫了昆布鰹魚湯及蟲算花鷄湯作湯底，選了$258 /人， 90 分鐘阿古豚梅肉餐。 阿古豚肉比起其他肉片味道較清，一點騷味也沒有。我喜歡沾上麻醬，友人選蒜茸豉油。店內醬料很多選擇, 有款叫中龍醬，我未見識過，原來 味道是放在吉列豬排上的啡色醬汁。我們又點了牛肩胛和羊肉，相對下，羊肉味甜且較滑，我喜歡。總體來說，肉類的質素真不錯。 試了幾款小食，我喜歡牛摩飯(免治牛肉蓋飯)跟溫泉蛋，熱呼呼啊。友人叫了鷄皮餃子，即點即炸，喜歡吃鷄中翼的他，讚囗不絶。還點了一口芝士和迷你甜薯。除沙律及壽司外，多款小食都是即制而不會預制放涼。 飲料除罐裝飲品外，店子亦提供沙冰、咖啡茶。 甜品有軟雪糕及泡芙。我亦欣賞店子利用美美的小容器來避免浪費食物。我選了蕎麥麫。員工收碟快，整體來說，我和友人都對食物及服務滿意。…查看更多

雖然觀塘人多車多，但係我都幾鍾意去觀塘工廠區覓食，搵啲小店試吓，發掘驚喜。之前都有聽過朋友話秋意嘅豉油雞好好食，平時唔食雞皮嘅佢，連呢間嘅雞皮都會食埋，仲話好滑好好味。今次就到我嚟試吓堂食啦。去骨豉油雞飯，豉油雞烹調後色澤較深，品嚐過後覺得味道唔會過鹹，反而帶少少甜。肉質滑溜，唔會柴口，啖啖肉。白飯表面灑上飯素，伴芝麻醬油麥菜沙律，仲有半隻糖心蛋，配搭豐富，平衡返成個便當。酸菜魚大大盤酸菜魚上枱嘅時候好吸晴，份量幾大，兩個人都差啲食唔晒。酸菜調味幾開胃，微微花椒香，除咗魚片仲有好多配料，包括芽菜、木耳、枝竹、寬粉。最鍾意食酸菜魚入邊嘅寬粉，吸晒湯底味，煙煙韌韌。平日晚餐時間都keep住有客人，仲有不少外賣單，證明都好多人鍾意食呢度嘅菜式，鍾意食雞嘅朋友記得嚟試吓。…查看更多

啱啱係日本旅行完返黎香港，轉頭又想食日本菜喇。今次同友人慶祝生日，嚟到銅鑼灣名店坊嘅黑門水產，一於品嚐新鮮水產，盡興一番。餐牌內菜品選項應有盡有，包括刺身壽司、濱燒、燒物、炸物、一品料理等等。小型聚會或者好多朋友一齊聚餐都會好合適，一定揀到心水菜式。餐廳裝修幾有日式居酒屋熱鬧嘅感覺，既然叫得黑門水產，我哋就點啲海鮮試吓有幾新鮮。甲羅燒有專人服侍，有三文魚子、蟹膏、鵪鶉蛋、明太子，味道香濃，配餅乾食用。見到盤刺身盛六點上菜都好開心，件件都厚切色澤均勻，鮮甜有水準。生蠔搭配咗青檸味嘅啫喱碎，可以提鮮。熟悉方面，我哋就叫咗鐵板牛舌，渣渣聲熱辣辣，牛舌有嚼勁，幾啱飲返杯。蟹油辣椒炒魷魚夠香辣惹味。整體價錢都符合銅鑼灣區消費，而食物都有相應水準，值得一試。…查看更多

終於嚟到觀塘試吓日作食堂，以前經過門口都覺得好有趣，好奇打開門口會踏進咩空間。一進入餐廳，見到整體裝修使用日系木色調，感覺溫馨，再加上懷舊擺設陳列，有種時光倒流去尋寶嘅感覺，令人完全忘記置身喺繁忙嘅觀塘，係一個令人放鬆好好享受嘅用餐空間。鰻魚山藥燒配醬油溏心蛋帆立貝湯烏冬 $148山藥燒睇落好似大阪燒，不過口感light d 無咁實淨，配上照燒鰻魚非常夾。小食同烏冬擺盤精緻，賞心悅目。溫泉玉子伴燒M5和牛前胸肉丼 $238和牛味香濃，油脂香恰到好處，非常滋味。天婦羅海苔魷魚 $58結合咗鮮嫩的魷魚同脆口的海苔。這道菜適合當做開胃菜或下酒點心樓面人手充裕，服務有禮。如果你想逃離繁忙嘅鬧市，享用一個舒服嘅用餐體驗，絕對適合你。…查看更多

將軍澳呢區近年越來越多餐廳，除咗將軍澳南海旁，其實近地鐵站嘅商場都有好多唔錯嘅選擇㗎。今日嚟到將軍澳中心嘅漁釧，屬於日式居酒屋，係區內比較少見嘅定位。如果你都鍾意食日本嘢，推薦你嚟試吓。餐點選擇非常多，由頭盤沙律小食，鍋品一品料理，壽司刺身，拉麵定食，基本上囊括大部分日式料理。所以無論小聚會定係一大班人聚餐都應該會搵到想食嘅嘢。由於嗰晚唔算好肚餓，所以我哋兩個人叫咗幾件壽司、沙律、幾款鐵板小食去分享，一邊食一邊傾偈，仲可以配埋威士忌梳打，暢飲一番，實在係個愉快嘅晚上。價錢嚟講我覺得係合理嘅，咁多餐項選擇亦都豐儉由人。而餐廳亦都能夠保持到穩定水準，唔同種類嘅食品都能夠維持質素，係一間我想再訪嘅餐廳。松葉蟹肉野菜沙律 $108鐵板牛油焗帶子 $78鐵板牛舌 $68醬油三文魚壽司 $20-24/pc帆立貝壽司唐揚雞軟骨粒 $58鰻魚柳川鍋 $102Suntory high ball $48…查看更多