肥狗食記的個人專頁

兩餸飯開到週圍都係 素食嘅兩餸飯好少有今次嚟到呢間素食工房位於呢個屋苑商場嘅food court ，全港分店只有三間， 佢嘅食品質素好高👍大件夾抵食🥰對於有時想食素嘅朋友簡直係福音❤️今次有緣分途經附近有幸食到佢 真係好開心🤗真係想可以開多幾間分店💪🍲兩餸飯$43 包兩個餸白飯同湯兩個人叫咗兩份雙餸，share咪有四個餸囉😂小確幸🥢涼瓜煎蛋大大件有三件，涼瓜唔算多有蛋香，家的味道🥢腐皮卷外皮少少焦香，但唔係新鮮煎嘅關係唔夠脆口， 裏面好多蔬菜粉絲和雲耳，味道清淡，不會太鹹🥢紅燒豆腐豆腐竟然有六件仲要大大件， 有豆香 軟滑外皮也不韌， 味道調味適中很好不太濃😍素食的真諦食物原味道🥢荔芋卷口感比較硬，芋頭蓉不算香🥣例湯 粟米紅蘿蔔椰棗雪耳，很滋潤清甜 🍚白飯正常但係唔夠熱…查看更多

朋友住大埔，話呢間燒味餐廳係大埔嘅人氣店，非常受附近街坊歡迎，午市經常會大排長龍，朋友經常會幫襯，話佢啲燒味超好食。我哋咁鍾意食燒味，當然要去朝聖下喇。原隻古井燒鵝髀拼油雞飯$118 鵝皮香脆，油脂甘香，肉質鬆軟而味濃郁；油雞皮爽口，肉嫩夠滑。叉燒拼燒腩仔飯$52叫咗瘦叉燒，雖然瘦，但完全唔柴，鬆化中帶嚼勁；腩仔皮脆，肉質鬆化軟嫩。餐湯奉送咗個蓮藕湯超足料。冷熱飲+$3熱檸茶📍竺扶大班燒味安泰路1號大埔廣場地下61-62號舖…查看更多

全間食店員工及食客全部都講緊福建話真正碩果僅存，香港少有，地道福建風味🍝炒麵 $45好多料肉絲椰菜蠔仔魚蛋等， 味香濃，面夠彈牙， 一口接一口吃不停🍛鹹飯 $15花生魚乾冬菇等食材，鹹香爽口不太油，充滿福建鄉土口味，可惜上枱唔夠熱簡單的一碗飯 吃出不平凡🍲交魚梗$30充滿魚味彈牙爽口膠魚蛋，湯底酸酸地傑傑地滑滑地，質地少少似街頭碗仔翅， 獨特風味🥣灌腸湯$30豬腸腸內隔著爽口彈牙豬紅，口感有層次 整體非常有驚喜配合蘿蔔胡椒湯夠暖胃有營養…查看更多

朋友去過呢間餐廳，話無論食物及飲品都好高質，有浪漫打卡位，又有望到街景嘅落地大玻璃座位，裝修浪漫中帶型格。🥢美國厚切豬鞍扒$158超厚身大大件豬鞍，煎得金黃靚仔，肉味濃郁，油脂部分甘甜，配合蘋果蓉一齊食，可增加清新口味之餘亦可減低油膩感，配菜有珍珠筍、西蘭花苗及香脆薯味濃郁嘅厚身薯片。🥢風乾德國脆豬手配薯角·芥末蜜糖醬$178風乾咗24小時嘅豬手，所以豬皮特別香脆，食落亦唔覺油膩，通常德國豬手都會比較鹹，而呢度嘅鹹度係啱啱好，蘸點芥末蜜糖醬一齊食更突出風味。🍹芒果菲芷(沙冰)$45可以揀走甜，原味道超正，芒果味超濃郁，甜蜜中帶清爽。🍹開心果椰香咖啡$48底層部份係濃香咖啡並帶着清甜椰香，面層係超滑溜濃郁嘅開心果奶蓋，咖啡、椰水再加埋開心果奶蓋，整體超夾又好飲，口感濃厚但飲落清新。🍰自家制75%特濃朱古力蛋糕$68超濃郁朱古力味又唔甜，啱哂鍾意食dark chocolate 嘅我哋。🍰自家制開心果巴斯克芝士蛋糕$68芝士味及開心果味互相平衡，味道濃郁，口感creamy 綿密。店員有禮而且服務態度好好，仲唔使加一添。📍茶聊砵蘭街189號1樓…查看更多

用早鳥優惠入場券$198可以三小時任飲少爺啤及 Yardley Brothers 限定手工生啤，包括🍺HIGHERTHAN 鹹檸 HIGHBALL 🍺Hand-Cranked Laser Gun 酸啤款款生啤都超正超爽，口味比較特別嘅有少爺咸檸highball，咸檸味好突出，口感清新，Yardley Brothers Lamma Island IPA濃郁花香並微苦，溫柔中顯個性。🥫還有六款罐裝手工啤和cocktail 可供任飲🍟更有七款口味 Shake Shake 薯條任您配搭，😍 私心推介有辣椒粉再加咖哩粉super正😂🥰更有本地DJ Subez 和歌手吳偉豪現場表演懷舊廣東歌，炒熱氣氛🎶！派對當然不少得啤酒遊戲及大話骰比賽，💪勝出者可贏得七日生啤通行證，無限暢飲 Sapporo！見佢由4月至5月期間仲有花樣年華$77限定餐飲優惠， 睇中佢個漢堡😂打算搵個星期二再去💥優惠日日都有👇星期一:凱撒沙律配煙肉脆脆/雜錦蘑菇豆腐拌飯星期二:招牌澳洲和牛肉漢堡星期三:兒童菜單上任何菜式星期四:香炸雞扒及薯條(雙份)星期五:Guinness 黑啤星期六:Aperol Spritz星期日:花樣年華公司三文治…查看更多

餐廳裝修古色古香，以宮廷為主題，仲有張龍椅打卡，好有氣派，卡檯形式，坐得好舒服。🫕龍躉片木瓜魚湯店員即席倒湯並且會放出仙氣，打卡度高，然後將整個木瓜切開，湯底除咗有龍躉片及木瓜之外，仲有金菇、豆腐、紹菜及芽菜，淨係個湯底都非常足料又夠鮮味。🥢牛肉拼盤(細)呢個牛拼盤確係牛魔王嘅大滿足，一次過食到7個唔同部位，而且份量都幾多。1.頂級安排斯牛小排：甜香有口感 。2.本地手切牛頸脊：脂香軟糯。3.澳洲和牛金錢展：有口感牛味濃。4.美國頂級雪花肥牛：軟腍甜香牛味。5.牛黃喉：其實係牛嘅主動脈，口感爽脆。6.牛肉粒：鮮香牛味濃，有口感。7.牛舌花：鮮甜有嚼勁。🥢伊比利亞橡果豬肉質軟腍，油脂甘香，豬味濃郁。🥢手打蟹子鮮蝦丸(4粒)口感爽彈，富鮮甜蝦味。🥢鮑魚2隻非常新鮮又大大隻，爽彈鮮甜。🥢大滾友雜菜拼盤超豐富雜菜盤，有油麥菜、生菜、金菇、萵筍、木耳、蓮藕、黃芽白、金菇、蕃茄及粟米，樣樣有啲，啱哂多心嘅我哋。🍺藍妹生啤(500ml) 火鍋梗係要啤啤佢喇，而家仲買三送一好抵飲。🍮火焰焦糖豆腐花估唔到食豆腐花都咁有儀式感，焦糖面嘅豆腐花更加香甜。…查看更多

呢間餐廳晚市鐵板燒特惠價$488已經有8品，而我哋因為有朋友生日就食豪啲，揀咗呢款［極品海膽和牛龍蝦10品］$1360，10品中除咗沙律之外其餘9品都有海膽，就連甜品都有海膽呀😆。🥢墨西哥海膽玉子豆腐除咗豆腐面有片鮮甜海膽外，原來豆腐都係用海膽整，帶少少鹹香亦好滑溜，夾埋紫蘇葉一齊食，既濃郁又芳香。🥢時令有機雜菜沙律有機蔬菜每日從新界新鮮運到，配搭鹹鮮香口嘅黑魚籽及煙三文魚，清爽好味。🥢塔斯曼尼亞海膽配法國生蠔Gillardeau Oyster 法國生蠔好鮮甜，配搭鹹鮮三文魚籽及濃香海膽，以及襯上靚靚嘅蝶豆花海鹽慕絲，冇得輸嘅配搭。🥢白松露海膽蘭王溫泉蛋白松露嘅濃香，配上綿密海膽及濃郁蛋香嘅蘭王蛋，齒頰留香。🥢北海道海膽燒半熟帶子半熟帶子口感爽滑清甜，下層配上清爽意大利青瓜。🥢紫海膽燒溏心鮑魚鮑魚口感好好，軟滑又爽彈。🥢秘製海膽醬燒澳洲龍蝦澳龍非常爽彈juicy，味濃而鮮甜，配上海膽醬整體味道更加濃厚。🥢澳洲海膽炒極品松本A5和牛和牛肉質嫩腍而牛味濃，內裡捲咗成條脷咁大嘅海膽，口感綿密濃香又鮮甜，並且包住香蔥及乾蒜，惹味嘅配搭。🥢加拿大海膽和牛脂炒飯 炒飯餡料有三文籽、海膽、鮮蝦、黑松露、甘筍等，非常足料，食落帶甜香。🥢柚子海膽雪葩結尾嘅甜品都好有驚喜，清甜嘅柚子雪葩上有片綿綿嘅海膽，為呢餐畫上完美嘅句號。…查看更多

嚟到呢間粉麵舖，見到佢哋嘅餐牌有好多不同牛嘅部位可以選擇，做到咁專門當然要試下喇😆。🥢牛筋河$44 加魚片頭$6牛筋夠哂軟腍亦帶Q彈口感，魚片頭爽滑，河粉都好滑溜。🥢牛坑腩河$59 加牛肚$10肉質爽口紮實有嚼勁，牛味濃郁，牛肚軟腍，除咗足料之外，連河粉嘅份量都相當多。🥢油菜$20腐乳通菜腩汁生菜🥢香茅雞翼 $32雞翼新鮮炸起熱辣辣，肉質嫩腍，香茅味都幾濃。🥢酥炸魚皮 $20脆卜卜，而且超大份量，仲跟咗個湯可以浸食，唔使咁熱氣添。晚市時段凡惠顧各款粉麵，免費追加拼丸類、紫菜、炸魚皮或熱飲添🤩，我哋就叫咗兩杯熱檸茶，又真係幾抵喎🤑。…查看更多

門口窗廚吊起了一隻隻嘅 鹵水鵝及文昌雞非常吸引🤩，而且呢間餐廳係主打白滷水，並首創白鹵水烏頭，咁特別當然要入去試下喇😋。餐廳裝修開揚明亮，有舒服卡位及圓檯，餐點款式非常之多，有小食、例牌菜、南洋咖喱及特色飯粉，當然唔少得就係馳名嘅白滷水喇👍。🥢白滷水烏頭四寶飯 配老火豬骨雞湯及餐飲 $88見到呢個餐二話不說就叫咗😝，因為88蚊就有半條白滷水烏頭、薰蹄、生腸及豬肚，睇落已經好豐富，白滷水烏頭保留咗魚應有嘅濃郁原味道之外仲帶多份鮮甜鹹香嘅味道，肉質實中帶嫩😋；其餘三寶嘅燻蹄外皮Q彈肉質爽滑，生腸爽脆，豬肚爽彈，全部都好入味👍。🥢文昌雞牛展飯 配骨湯時菜及餐飲 $68餸嘅份量超多，牛展質地有口感但又唔會過韌，文昌雞雞皮爽滑，肉質軟嫩有雞味，仲配埋大大碗骨湯菜芯，抵食又好食👍。🥢白滷水鵝下裝 $120白滷水清淡色澤，味道清香而不帶濃重藥材味，同時可以品嘗到鵝嘅原味道，鵝味濃郁，肉質嫩中帶爽😋。🥢再三回味鵝掌翼 $28夠哂入味，鵝掌翼皮滑肉爽嫩，食完真係好回味😝。晚餐我哋已經覺得好抵食，見到有午餐及下午茶仲抵，下次去開太子都要再嚟😙。另外仲見到好多街坊都買外賣，可能就係對呢間小店所做嘅白滷水一食鍾情😍。…查看更多

呢間串燒酒場串燒嘅種類非常之多，而且每日都有不同嘅啤酒買一送一優惠，仲要有個大電視可以睇波，氣氛一流。🍺Mahou Cinco Estrellas Session IPA $85 NH濃濃花香味，入口透心怡人，後續輕微苦澀，好有層次。🍺Kinrin ichiban draught $76NH清新花香味，順滑清爽，女士都好啱飲。🥢極品即燒乳豬$38乳豬皮超脆，肉質軟腍肥美。🥢招牌紙鶴雞皮$19雞皮炸到薄薄一片，一點肥膏都無，完全無油膩感，香脆得像薯片一樣。🥢大蔥雞髀肉串$25嫩腍雞脾肉，配上軟腍多汁甜香大蔥，美味嘅配搭。🥢鹽燒牛舌心$33 肉質爽彈又夠juicy。🥢原隻魷魚串$28大大件，口感Q彈，鮮嫩軟腍，完全唔靭。🥢招牌無骨白鱔串$58厚厚嘅無骨白鱔，鱔皮夠哂香脆，肉質爽彈，油脂甘甜，魚味濃郁。🥢椒鹽薄燒白鱔$28薄切嘅燒白鱔一樣皮脆肉嫩，不遜於厚切。🥢炭燒挪威原條鯖花魚$108 估唔到呢間串燒酒場有原條鯖花魚，好有日本feel，配個白飯食更加正。🥢燒鵪鶉蛋$22串燒鵪鶉蛋第一次食，細細粒好cute，食落嫩滑又夠蛋香。🥢鳳梨燒$26串燒絕對不能少的食物，可以解膩，又可清新口腔，食落仲好香甜多汁添。值得一讚所有串燒都係即燒，上檯時每一串都好有溫度，火喉掌握得好好，調味亦剛好，唔會搶走食材嘅原味道，卻又帶出惹味嘅效果。…查看更多

三星級團隊打造嘅法式餐廳，環境高雅大氣，酒吧位明亮吸睛，星級氣派盡現🤩。首先試下呢喥超新鮮又打卡度高嘅前菜先😋。🦪三文魚籽泡沫生蠔6隻$398好新鮮，大大隻又厚肉，肉身夠哂爽口，海水味唔會太濃，仲有脆卜卜嘅三文魚籽做配搭，鹹香鮮甜互相輝映，並加上有海鹽檸檬泡泡，除咗打卡靚靚之外，唔使點茄汁都已經好夠味😋。🥗北海道帶子刺身沙律$228新鮮沙律菜清甜多汁，配上鮮甜爽口嘅北海道帶子及鹹鮮脆卜卜嘅三文魚籽，沙律中嘅王道💪。呢間餐廳嘅Set Lunch有2 course $238、3 course $258及4 course $338任揀，全4 course包括有前菜、餐湯、主菜及甜品，另外仲包咗杯餐茶添。我哋就叫咗一個3 course及一個4 course。🥗前菜• 塔斯曼尼亞海膽多士海膽超大塊🤩，仲好有海鮮嘅味道，鹹香中帶鮮甜，口感超綿密細緻，與脆脆多士一齊食好夾，再加埋好有心思嘅擺盤，確實係極至嘅享受😍。• 法國煙燻BB鱔有機沙律原來BB鱔係好軟腍㗎，鱔味唔會太濃，口感淡雅清爽，估唔到與沙律菜一齊食都好夾。🥣餐湯 配餐包• 是日餐湯 洋蔥薯仔湯薯仔味確實好濃郁而且口感非常幼滑。• 法式澳洲龍蝦湯+$48濃湯入口完全就是龍蝦嘅味道，既鮮甜又帶點鹹香，湯內仲有鮮甜爽口嘅帶子肉添😋。🥩主菜• 慢煮西班牙黑毛豬鞍配焦糖蘋果豬鞍非常厚身，表面燒到微微焦香，但係肉質依然好軟腍juicy，肉味濃郁，配上甜香焦糖蘋果醬，好味之餘亦可減低油膩感👍。• 法式龍蝦汁海鮮薏米飯嘩…超正呀，估唔到有隻超爽彈嘅龍蝦尾、2隻大大粒嘅鮮甜帶子及鹹香卜脆嘅三文魚籽，薏米飯質地Q彈並帶着濃濃嘅龍蝦汁味道，整體超濃郁好味😋。🍰甜品• 原隻海膽雪糕+$48成件事好有儀式感，仙氣滿滿，海膽極像浮游於海上，打卡一流，對於海膽雪糕我哋確實係零接觸而且充滿好奇，終於俾我哋拆解到喇…雪糕內真係有好多海膽蓉，無腥味，食落完全係海膽嘅味道，口感creamy，確實係好過癮嘅口味，一試難忘😝。🥂餐飲熱檸茶☕️做事後餐飲當然唔錯喇，但係如果食事中…就可以以$108搭配餐酒2杯🍷，我哋叫咗一紅一白，配下肉配下海鮮確實唔錯👍。…查看更多

餐廳地方開揚闊落，裝修有格調中亦帶點北歐嘅風格，仲附設咗個小舞台，有live show嘅時候一定好氣氛😝。🥗巴馬火腿沙律$168巴馬火腿口感煙韌並帶點鹹香，配上香甜蜜柑、甜蜜無花果、香脆琥珀合桃及大量新鮮沙律菜，加上酸爽黑醋汁，清新開胃👍。 🌮海膽多士$108整片脆脆嘅多士舖滿咗超綿密細緻嘅海膽，入口濃香鮮甜，再加上鹹香魚子醬嘅加持，口感層次更豐富😋。🍽Ribeye set dinner $288呢個set dinner 超抵食🤑，主菜有烤新西蘭肉眼8安士、餐湯及紅酒或無酒精飲品。• 餐湯當天係甘筍湯，甘甜又creamy😄。• 主菜嘅肉眼扒煎到外面甘香，內裏肉嫩juicy，質地軟腍亦帶口感，而且牛味濃郁👍，並配上南瓜及蕃薯。• 飲品我哋當然揀紅酒喇😆，飲落比較乾身清爽，啱哂我呀😃。呢間餐廳逢星期五六日都有live show表演，當晚我哋就無緣欣賞，不過因為餐廳環境及氣氛相當舒適 及好情調🥰，所以我哋亦嗌多兩杯酒慢慢嘆下🤗。🍺Lost Star Craft beer $98飲落帶花香味，清爽順滑口感😊。🍸We Found Love$138酒味唔會太濃，啱哂想飲酒又唔喜歡濃酒精嘅女士們，清新爽口，荔枝味香濃，酸酸甜甜，裏面仲有粒香甜荔枝添😜。當晚坐得非常舒服，氣氛夠chill服務又好🥰，除咗好飲好食之外，仲係聽歌嘅好地方😃。…查看更多

陳儀興除咗潮州菜出名，估唔到都有粉麵舖，見佢哋嘅牛腩及牛肚分得好細緻，有好多罕有而且好特別嘅部位；另外嚟呢度當然要試下佢哋嘅潮州名物蝦棗魚蛋喇。🥢牛坑腩淨食$145 牛坑腩煮到好入味，質地軟腍得嚟亦不失爽彈口感，牛味香濃，底層有生菜，索哂啲腩汁食好正👍。🥢陳記八寶丸湯米 $60可以樣樣試齊哂，有7款丸及雲吞👇雲吞內有肉汁，豬肉與蝦嘅比例剛好，七款丸有豬肉丸、魚蛋、牛丸、魚棗、蝦棗、墨魚棗及章魚丸，基本上所有丸都好爽彈及鮮味，而個人最喜歡嘅就係墨魚棗夠哂爽彈，另外蝦棗蝦味亦濃郁😋。加$26可轉餐，有油菜或炸魚皮 + 紫菜湯或茶飲我哋跟咗兩個餐，平時比較少食菜，所以叫咗一碟菜心及一碟通菜，覺得都幾好，唔會太多油。檸茶…查看更多

好多時路經呢間店舖都見佢排長龍，今次終於有機會試到，仲要係下午茶時段，當然要入去試下啦😋全店用上木系傢俬，裝修簡潔清新🥢紅燒牛肉麵拼古早滷肉飯 $52(下午茶)超抵食，份量唔少；牛肉麵嘅牛肉係軟腍得嚟帶口感嘅牛𦟌，麵質滑溜亦富口感；滷肉飯味道清香，唔會太濃味，滷蛋亦好味🍵紅棗桂圓茶 跟餐 +$0(下午茶)好多材料响裏面，有紅棗、杞子、玫瑰花及菊花，清清地幾香花味🥢初遇紅燒牛三寶手工麵 (腱心、牛肚、牛筋) $85超大碗，牛𦟌非常大舊又厚身，軟腍得嚟帶口感；牛肚爽彈；牛筋Q彈，整體都幾入味，麵質滑溜亦富口感🍵黑糖薑母茶 跟餐 +$8裏面同樣好多材料，有黑糖、薑、紅棗、杞子及玫瑰花，充滿香濃黑糖及薑味🍨古早仙草三色芋圓 $38三色芋圓大大粒Q彈煙韌 ，配上爽滑仙草，而且味道唔會好甜，啱哂我哋檯上仲有酸菜可以添加， 酸爽脆口，伴飯伴麵一流…查看更多

行街街去沙田新城市或好運中心一帶，無論打風落雨或酷熱天氣都冇有怕， 行到腳仔軟又肚餓更加冇有怕，今次行到好運中心見到呢間食越南菜嘅店舖，餐廳環境坐得舒服，亦有好多卡位，最緊要係有下午茶添😋🥢生牛肉牛肉丸湯粉$62生牛肉上檯時夠哂粉嫩，牛味濃香，質地軟腍得嚟亦有口感，牛丸爽彈juicy，河粉幼滑，加上九層塔及洋蔥絲嘅加持並配上青檸角及辣椒粒，夠哂惹味🥢順化香茅豬扒飯$58大大塊豬扒，煎得夠哂香口，香茅味亦夠濃，並配上乾蒜及香蔥油非常惹味，仲有兩塊特色蛋餅，裏面有木耳絲及粉絲🥢街頭蓮藕蝦餅$32兩片蓮藕中間夾住蝦膠，口感有層次，爽脆得嚟又帶Q彈🥢蒜蓉牛油雞翼(兩隻)$28極濃香牛油味，同時亦有蒜香味，炸得好脆☕️越南老薑(跟餐+$0)薑味夠濃，甜度剛好☕️青檸紅茶(跟餐+$0)清新解膩…查看更多