CherryYim4951的個人專頁

芝華園係廣福邨街市入面，入到去有好多都係街坊客人。入面有卡位，位置不錯。差唔多12點去到食lunch，餐廳都7成滿坐了。坐低之後好快叫咗個常餐，$43，凍飲加$2。等餐嘅時候發現原來好多街坊都會叫外賣。野食都好快就到咗啦，雪菜肉絲米好味，味道啱啱好，份量足夠。米粉都唔會太腍，我最怕食到啲米粉又淋又碎，而呢度嘅米粉幾好食，唔會太淋。之後就食咗多士同埋火腿奄列，多士好厚，火腿奄列好好食又大份。食完呢個餐，我覺得好飽。最後講吓杯凍檸茶，個茶底我好鍾意，好好飲…查看更多

成日經過見到店外有好多燈籠🏮，好靚。今次終於book枱試下啦。早兩日book，星期五晚食晚餐。book左6:30，去到時餐廳都仲有位。但食完約7:30，餐廳都差不多滿曬人，可能因為星期五晚。我地4人食，點左一個二人set，再散叫其他食物。之前見都有唔少人話店員態度差，但我見全部店員都有禮貌，仲有都會主動加茶。食物都幾好食😋2人餐份量都幾多，我地4個人最後只係再點左碟刺身同埋加州卷。食到好飽了。…查看更多

晏就一點幾去到食，都幾多人食。等左5mins就可以入去食，都算快。跟著叫左兩個午餐，餐牌冇寫有例湯。落左單之後，問我地飲唔飲湯，跟著比左湯我地，個湯好好飲。啲野食都幾大份，好食😋。…查看更多

經過廣福道，又有啲口痕，於是買左一杯鐵觀音奶茶。買完先見到原來有學生優惠，平日可咁減三蚊，唯有下次買記得show證😂。奶茶嘅鐵觀音茶味重，幾好飲。仙草都唔錯，正常味。…查看更多

食過幾次，都係試佢嘅燴飯。好有味道，飯嘅硬度剛剛好。同自己好多時食燴飯都會食唔曬，呢度嘅燴飯份量啱啱好，食到好飽。下午時星期六日多人啲，有時要等位。但因為今次叫外賣，等左10mins倒就有了。…查看更多

星期六一點去到，唔洗等位，可能因為地方隱蔽，所以少啲人食。去到叫餐，有午市定食，最抵$48蚊。包麵豉湯，麻醬沙律。入面位置都幾好，唔太逼。我食到好飽，因為定食其實都幾大份。…查看更多

食過好多次，都唔厭，好好食。今次係叫外賣，可以預先打電話去叫。預大約15-20分鐘之後，再去舖頭比錢同攞。一個lunch set,有主菜，冬陰功湯同野飲，所以都幾抵食。…查看更多

行完山落荃灣，於是就順便去食豆腐花。一如既往，兩間豆腐花都排長龍。我等左大約15分鐘倒就到我了。叫左一碗芝麻豆腐花，因為疫情依加轉左用即棄膠碗，所以加$1，$4一碗。豆腐花好滑，芝麻糊就普通。仲叫左客家糍粑$18，都幾好食。…查看更多

十點幾去到，唔洗等位。但都幾多人食。我地坐左係卡位，都幾舒服。店入面好多裝飾，好靚。之後叫左兩個早餐，早餐有茶餐同西式早餐。味道正常，價錢亦都唔貴。下次會再試。…查看更多

晏就一點幾去到，等左半個鐘就入得去。入面有戶外位同室內位。之前去過將軍澳單車館果間食冇湯飲，只包野飲。但葵芳店包野飲之餘，仲有餐湯。餐湯係菜忌廉湯，好濃味。另外叫左冰果茶，唔算甜，幾好飲。佢餐個雞扒包好好食，包好有口感，雞扒好脆，薯角好夠熱。長通粉都好入味。整體不錯。佢飲品嘅飲管用大米做，staff話可以食得，幾環保♻️…查看更多

午餐時間約1點鐘到達，入面已差不多座滿人，點了常餐A5-蕃茄濃湯通粉$32。約等了10分鐘上餐，蕃茄湯好濃，通粉軟硬適中。餸方面點了3.6牛乳炒蛋同午餐肉，和一般茶餐廳一樣普通。之後餐飲點了凍檸茶，凍飲需加$3。…查看更多

一直想試髒髒茶，今次經過大廣就試下。點野飲時想order少甜，但原來髒髒茶已有甜度固定不能少甜。等左約5-10mins就可以攞野飲了。一開始怕會好甜，飲第一口時有好香濃嘅朱古力，茶味就唔太飲得出。佢嘅甜度啱啱好，杯面有朱古力粉，飲嘅時候可以食到。整體來講都不錯。…查看更多

十二點到門口，唔洗等，即刻可以入去。入到去睇左menu 一陣就點餐了。叫左兩個燒肉定食，一個$69，一個$82。定食包沙律，紫菜湯，白飯，燒肉，野飲。食左大約一個鐘就食完了。整體來說午市比起晚市較抵食。…查看更多

去到時約六點多，排隊不算多人。多以外國人為主，只得少數香港人及內地遊客。等餐時間亦很快，在10mins內。第一時間試薯條，都幾好食。漢堡一般。milk tea shack 都好飲。classic hand spun shake太甜啦，又濃。整體來說，價錢貴，又唔係特別好食，唔會食第二次了。…查看更多