flora880的個人專頁

今日去飲下午茶啲食物一般，但係唔平囉，個環境都唔錯，因為新開張都唔夠一個月，但係個冷氣就好差一路食嘢一路出汗，見到好多人都用點心紙潑涼，甚至開自己帶嚟嘅手提風扇，我同一個職員反映佢嘅答案竟然係因為今日人多所以會熱啲，原來佢哋經營酒樓係唔預備咁多客人嚟嘅，之後再同另外一位可能係主任級嘅人反映，跟住佢話叫咗師傅嚟整，但係唔知幾時先嚟，我逗留咗一個鐘之後就開始頭痛因為感覺好熱同埋焗，所以食完啲嘢都盡快離開。如無意外可見嘅將來都唔會再去。…查看更多

今日去呢間酒樓諗住兩個人飲下午茶，1:50攞飛等到2:30都仲未有枱，個receptionist 啲態度非常之惡劣仲大聲話俾你聽如果唔同人哋搭枱就要等好耐好耐都未必有枱，叫咗超過20張飛都係俾晒願意搭枱嘅人，仲話冇枱俾唔搭枱嗰啲人，其實佢係特登唔俾枱嗰啲唔願意搭枱嘅人，我去飲茶從來都唔鍾意搭枱，除咗衛生問題仲係好怪囉，同一啲陌生人同台食飯，我仲見過一啲搭枱嘅人喺度好大聲傾偈，甚至用粗口而且食相仲非常之討厭，令人覺得非常之唔舒服，既然呢間酒樓唔歡迎兩位唔搭枱人士飲茶，我相信以後都唔會再去囉，喺個區又唔係剩係得佢一間酒樓而且服務態度又非常差。…查看更多