Cheungchee's Profile

平時好少食牛..之前聽朋友講過慈雲山新開左，領次路過黎試下真係耳目一新，牛肉薄薄片量好足，肉多過飯，，少食牛嘅我唔識品嘗啲牛靚唔靚，但係食開唔係全熟嘅人可能會覺得韌，不過我就覺得有咬口，食落輕微炭燒味又啖啖肉好好味。現場冇乜人，除左加錢買嘢飲就冇其他，冷氣又爭啲。53蚊味道黎講好過食吉吉家…Read More

本身諗住買涼面試下..收工去到攞外賣見一盒涼面加一煲青椒魚包埋一齊，但老細話嗰個時間得我一個客落單，所以佢送埋俾我..下！係呀佢真係送左俾我，望下個價錢牌都成200幾。咁好人士，唔返屋企開餐..青椒魚真係用煲黎形容，三個人食..食極都有..啲青椒真係堅辣，建議唔受得就靜係食魚，入面仲有菇，魚係有骨的，如果係無骨魚就爽🤭涼面配埋辣椒油，撈埋一齊食好過濟，雖然我唔知佢撈面同涼面，但我就連埋煲青椒魚湯當湯面🤤份量足，味道夠，啲辣椒油冇青椒魚咁辣，魚肉大大條，三個人食到飽晒😈外賣自取所以環境衛生都冇意見俾個三分，送左煲魚黎講直頭抵食爆分🥴…Read More

大大塊雞扒，塊皮有啲似生炸雞髀嘅皮，雞肉好好咬口，皮就有少少韌，紅豆朱古力多士好邪惡，味道唔差，$41下午茶有呢個份量已經好抵玩，兩樣分開食味道都唔錯，但係兩樣放埋一碟，雞扒掂唔到啲朱古力醬味道有少少扣分，如果冇擺埋一齊感覺會好啲，杯凍咖啡味道一般冇乜驚喜…Read More

一開始係冇興趣..因為本人懶「論」骨，但個魚好好食..完全冇骨..仲有佢係魚肉多過酸菜.配菜加薯粉都好過癮.6個人叫完個3-4人份再追多個1-2，本身想飲埋啲湯..但一啖落口已經好確喉..如果有機會可以食左其他小食先..一黎就酸菜魚令其他味道淡晒，進食期間間唔中店員就會講一堆四川話？自問都算識少少煲冬瓜..但真係唔多聽得明佢地up乜..重點係三五分鐘就叫一次「乜鬼食魚拯救世界」？🤢都幾煩埋單落黎千二千三..都相當好..唔抵食🥹…Read More

好想知openrice根據啲咩黎界定食評係有試食優惠..寫親都話試食..真係嚴多試食活動咩..係有都俾晒啲kol喇，幾時輪到我呢啲十年磨一劍嘅普通食客仔成個鍋份量好足👍豬腩肉有肥有瘦，唔係得兩三塊，絕對夠飽（對我黎講），本人唔太食肥肉，呢次咁啱肥瘦平均，搭埋泡菜好夠味，成鍋湯好有味…除左啲豆腐..可能分開煮掛，豆腐食落好清🫨連泡菜味都冇味道都可以，但衛生就差啲..餐具盒上面有隻匙羹有食物殘渣，有隻不明飛行物體長期係度著短褲去食..坐一陣間隻腳開始㾗..唔知係蚊咬定有梳化有蚤凍檸茶少甜真係好唔甜..少冰真係好少冰😂 食完再飲已經唔多凍64蚊正正常常..下午茶冇乜選擇自助落餐冇乜服務可言，同場有對顧客唔識用高科技，想叫部長/經理？落單..佢好似唔太情願，語氣少少粗皮，但無傷大雅…Read More

初七開年同事帶食好嘢，尖沙咀食街中其中一間樓上小餐廳先黎頭盤係湯: 杏汁花膠豬肺湯杏汁、花膠和豬肺為主要材料，加埋大白菜，初頭睇見到大大塊米色以為係白菜，原來係大大塊魚肚/（花膠？唔識分）總之大大盤好足料，湯渣都嚇一跳，啲端士山區肺同魚肚大塊到嚇親，啲湯啖啖都飲到杏仁碎，豐富營養價值。不過我本人唔中意滑潺潺嘅嘢..所以靜係飲左三碗湯😂味道：👅👅👅👅🫥一開始就黎料唔記影相。第二道黎嘅係蒜蓉蒸開邊蝦腸粉底以蒜蓉蒸蝦蒸腸粉作為底部。就好似蟹粥咁，啲腸粉吸晒啲蝦蒜嘅味，不二之選。呢道餸要提早訂，我估係要訂定啲腸粉，精華👍味道：👅👅👅👅👅第三樣虾多士拼咕嚕肉重點就係啲虾多，一啖一塊嘅size，多士中間釀一啖蝦滑，一啖脆卜卜多士一啖蝦滑，靜係掛住食多士冇食咕嚕肉味道：👅👅👅👅👅（俾蝦多士）再黎係酸菜魚班腩，酸辣口味一流，湯汁好辣，有啲似潭仔五小辣，班腩魚啖啖肉..非常厚肉地，起晒骨完全唔怕，酸菜好好味，唔覺係酸菜似甜菜，中和返啲辣，酸菜有驚喜。敗筆係自己冇叫白飯味道：👅👅👅👅🫥第五係東江豆腐煲豆腐配返酸菜魚啲湯味道升華左😂已經好飽同埋冇食鯪魚球，靜係食豆腐，豆腐夠晒滑，夾落去又唔會爛晒味道：👅👅👅🫥🫥第六樣係咸蛋黃鮮魷咸蛋黃嘅香味包住鮮魷嘅口感但唔韌好好咬，衰在又係冇叫白飯，少少咸。味道：👅👅👅👅🫥啫啫芥蘭煲，金銀蛋浸時蔬 上枱嗰時因為已經飽左同埋到左吹水時間，變左只有相機食，自己食唔落豉油王炒麵 可能係麵種嘅關係..炒上碟見佢係黃唔係閃令令或者係少油炒掛瑤柱蛋白炒飯 粒粒米均衡就基本嘢同樣唔係油淋淋最後煎堆仔做甜品 外脆內軟得黎唔甜，所以食飽左我都食到兩粒🖖🏻環境細啲，眼見三間間房大廳再黎六七張枱左右，聽講開瓶費唔理你帶幾多酒，係咁e收五十蚊，帶其他飲品佢都係當睇唔到，當日可能人多又或者佢想俾時間你傾計，上餸稍為慢抵食指數一百分..因為老細請唔洗自己俾都唔知幾多錢🤣…Read More

雙鳳街呢間let’s eat 係我一搬黎黃大仙第一間幫襯嘅食店，自問對食無要求，但食過呢間嘅蛋餅之後我每次都一定再叫食得最多嘅係火腿肉鬆蛋餅，今日都唔例外，外面焦蛋包住一層餅皮再包埋兩隻餡，面層加茄汁同沙律醬(？）（白色唔知係咩醬）口感十足，要即食，耐左就會淋，好味：🤤🤤🤤🤤🤤今日下午茶當晚餐所以再加多個炸燒賣原本已經有椒鹽，另外再有五隻粉自己加本身上碟燒賣今炸到閃令令脆卜卜，因為我係口食完蛋餅先食燒賣..所以覺得有啲韌好難咬，下次有機會即食好味：🤤🤤🤤🫥🫥題外話..間鋪一至六開到五點，紅日唔開..通常我好難可以食到…Read More

這道密糖芥末醬黑椒雞鍋芝士蕃茄鍋炊飯聽起來非常美味！1. 配料組合：這道菜的配料組合非常有趣和豐富。密糖芥末醬和黑椒為雞鍋帶來了一個獨特的味道組合，芝士的奶香和蕃茄的酸甜也會增添豐富的層次感。2. 味道：密糖芥末醬和黑椒的組合應該會為這道菜帶來一種稍微辛辣和微甜的風味。芝士的融化會為鍋炊飯增添一種豐富的奶香和濃郁感。另外，蕃茄的酸甜也會平衡整道菜的味道，提供一些清新感。3. 視覺效果：這道菜的視覺效果應該相當吸引人。芝士融化在熱騰騰的鍋炊飯上，搭配著鮮豔的蕃茄和雞肉，應該會讓人垂涎欲滴。4. 口感：這道菜的口感應該非常豐富多樣。鍋炊飯應該會有一種綿軟的口感，雞肉可能會很嫩滑。芝士的融化會為整道菜增添一種濃郁的口感，而蕃茄則可能提供一些軟爛和清新的口感。看似得滯，但吃下去味道沒想像中濃，反而剛剛好賣相：😳😳😳😳😳味道：👅👅👅👅…Read More

豬扒切片，炒至熟透，彈牙肉質嫩滑，鑊氣足，但偏咸經過炒煮之後豬扒口感非常好，唔太韌一丁乾身且有咬口好耐之前食第一次食 覺得個𡃁姐 好粗皮但其實普通一間茶記又好難要求人陰聲細氣好過其他收你服務費但又唔服務你…Read More

寫親早餐食評都俾openrice話係試食，我都想有餐廳請我去試食。今次唔早餐忍餓等下午茶睇你又話唔話我試食。西多磚配炸雞髀令人流晒口水嘅組合。西多磚真係外層金黃酥脆，內裡鬆軟濕潤，口感豐富。但比想像中冇咁甜，多士有啲韌。配上炸雞髀，更是絕配！炸雞髀又外層酥脆，內裡肉質鮮嫩多汁，啖啖肉，但隻脾賣相差啲。兩樣一齊黎。快係快，但變左冇得係熱辣辣嘅時間食可能冇乜人上菜好快..定炸定先真係唔知，不過上碟時都係熱辣辣超級香，應該話香味比食落嘅味最佳。…Read More

繼續做完針灸過黎食早餐今次揀咗香煎雞扒火腿米粉加辣椒仔加咗辣椒仔能夠為原本嘅菜品帶來更多嘅刺激同辣味。今次啲雞扒唔知係雞胸肉切片定係雞柳..因為唔係原塊雞扒上，唔識分，雞肉煎到金黃酥脆，再加入切碎的火腿片和米粉，最後用高湯或清湯浸泡至米粉軟爛入味。雞肉扒確係煎到外酥內嫩，帶有淡淡的雞肉香氣，搭配著鹹香的火腿片，味道更加豐富。米粉吸收湯汁嘅滋味。湯汁都係正路嘢，湯味能夠滲透入米粉同雞肉中，湯汁嘅唔咸唔淡啱啱好，配合火腿咸味。早餐價錢合理水平…Read More

今日轉左去龍盤苑針灸，十一點針完，對於中意一餐當兩餐嘅我 敏華係不二之選，今次食五香肉丁公仔麵五香肉丁公仔麵香辣味撲鼻。五香肉丁聞落辣味十足食落恰到好處。讓肉質鮮嫩多汁。搭配上彈牙的麵條，整體味道十分美味。餐具一如既往污糟嘅問題，靠自己。經典敏華式炒蛋多士早餐通常唔會失望。多士外層酥脆，內部柔軟，敏華炒蛋發揮正常嘅話係十分美味。今次都正常發揮。而且感覺份量好似多過外賣…Read More

連續幾日針灸完仲有早餐食都係得返呎間最近，第三日食第三款，今次係火腿雞湯通粉，油多士沙律菜，午餐肉煎全熟蛋 ，凍咖啡迷你火腿雞湯通粉份量較小，雞湯味道似咸非咸唔算難食但又唔妕得上好吸引，不過唔係滾水通粉沙律菜配午餐肉煎蛋腸仔食沙律菜其實都係想食啲沙律醬，不過啲醬就係少，菜新鮮，洋蔥太辣自己唔係好頂到，午餐肉煎得啱啱好 ，零零舍舍腸仔唔太熱..暖都唔講得上係暖，涼同暖之間怪怪地，叫左全熟蛋都未係全熟..正常嘢凍即磨咖啡..少左奶同糖，第一啖苦啲..飲落又ok,飲慣正常甜想轉走健康路線嘅我唔抗拒…Read More

咖哩炸雞球飯由珍珠米承載住，上面鋪滿了一顆顆金黃酥脆嘅炸雞球加上少量蔥同埋章魚片？（一片片唔知叫咩名）炸雞球看落色澤均勻，表面炸到金黃酥脆，仲有少少紅蘿白咖哩的風味非常濃郁，每一口都讓人感受到它的香辣和深厚。咖哩的口感非常順滑，入口即化，與白飯融合在一起，係嫌咖哩汁少左啲.而炸雞球則是外酥內嫩，每一口都帶來滿滿的肉汁和香脆口感。飲埋杯正正常常嘅熱咖啡，不過熱咖啡比凍啡好飲.原想食早餐 但遲左少少 ..40幾變59蚊..心理上覺得唔抵…Read More

這道番茄湯底漢堡扒腸仔通粉早餐只有中等水準。湯底的味道濃郁但可能有點過咸，漢堡扒的煎烤程度也還可以，但缺乏特別的亮點。腸仔的口感鮮嫩，但整體而言，這道菜品可能缺乏一些獨特的風味或創意。如果您尋求一道普通但還算美味的菜品，這道番茄湯底漢堡扒腸仔是一個可以考慮的選擇。…Read More