Flash_Thun的個人專頁

買個湯底返去5人食，俾錢前問清楚有幾多鴨血豆腐，職員同我講係跟兩盒。我再三確認5人份，心諗每人其實鴨血同豆腐有兩至三件都可以了，所以職員話應該夠食，我就俾錢埋單。返到去，湯底有4盒，一個鍋用兩盒就夠，俾咁多我做咩。。。鴨血豆腐得一盒，5個人食，每人都食唔到各兩舊。。。其實可以同我講跟一盒，要再多我唔介意買，但咁樣真係失望。如果可以堂食，我都唔洗走出去又抬返黎，又要洗又煩。不過啲鴨血豆腐真係好食嘅，湯底都好好，但多左嗰兩盒湯底咁點。。。鴨血豆腐又無哂，希望店家可以俾人買多啲，相信都總有人願意買。抵食俾一星，因為真係有失望。…查看更多

第一次食莆田，好食，但感覺十二分差。長輩好想食蠔仔煎蛋，女經理話返貨好少，下晝已經賣哂，都無辦法唯有點過第二樣。點左荀凍，同我喺鄉下食嘅風味一樣。呢個時節無聖覇，點左鰻魚不過好多骨。荔枝肉唔會想再點，芋泥鴨好食。整體雖然好食，但食食下見其他幾張枱送餐上蠔仔煎蛋。要訂先有，我地無訂可以直接講，但俾我地嘅感覺係留俾熟客多過要訂，如果唔係唔洗講話下晝賣哂。我哋已經好早5點半就入座，7點到嘅客人反而有，呢間餐廳好無誠信。無咩事唔會再食，亦都唔建議新客去，你哋繼續做熟客啦！…查看更多