BC75的個人專頁

下午茶時段，咁岩係上水有野做，就黎呢到買外賣返去食。見到個雞蛋三文治好似幾出名，就揀呢間啦。叫左個茶餐$38，有蛋治有牛肉通粉，再加杯凍檸茶。外賣等左大概20分鐘，比左張飛我之後就周圍行陣先返去拎。個蛋治唔同平時既就咁煎隻蛋放上去。呢個蛋治夠厚，口感幾好，幾滑。茶餐廳黎講算唔錯仲有個牛肉通粉。見到好多好評，但係可能係外賣既原因，呢次麻麻地，個湯有點淡，牛肉一般。冇影到餐牌，放返張2年前影落既以供參考。…查看更多

來過陳漢記數次，每次黎都人來人往。夜晚六點幾黎到，剛好有位，同另外三人搭桌。坐低左就叫野食。一開始就係睇下今次食咩煲仔飯！我地叫左一個北菇滑雞煲仔飯，一個排骨臘腸煲仔飯。另外再加支玻璃樽可樂，爽！等緊煲仔飯既途中有啲口痕，叫多左一碟炸魚皮同蝦米腸粉。炸魚皮偏大塊，另外會有一碗湯比你浸魚皮。冇記錯好似$20左右，我覺得夠香夠爽口，叫得過蝦米腸就有點遜色，味道淡淡的。我諗下次都係叫叉燒腸岩我多啲。我諗食客太多既關係，叫左侍應拎支可樂都要等成10分鐘先拎比我。叫左幾次每次應完我都去忙其他野:(由落單都煲仔飯上既時間大概15分鐘。煲仔飯用瓦煲成個上。北菇滑雞淡而無味，唔推薦呢個。反而個臘腸排骨飯，臘腸夠濕潤，飯有臘腸味仲有飯焦，正總括黎講，黎陳漢記推薦叫個臘腸煲仔飯再加玻璃樽可樂…查看更多

難得放假就梗係同女朋友食好啲，咁岩早排見到鳴門做緊假日放題優惠，於是就決定早幾日book定檯黎九龍灣試試佢地點唔算遠，係megabox過兩條馬路就到。食飽可以漫步返去九龍灣站，大概行15分鐘左右。一點幾去到，坐低左就有人遞任食既點餐紙，相比其他放題選擇唔算多，但係食物質素唔錯環顧四週，個場都有7成滿，建議book定檯先。落單後好快就上主食。我地叫左一個海鮮丼，一份吉列豬排。海鮮丼份量岩岩好，唔會太飽搞到食唔落其他野，食材新鮮吉列豬排就冇咩特別，係塊豬排偏薄同炸得唔夠鬆脆，咬落冇咩口感。叫其他主食應該會好啲。主食都未食完，任食系列既野食已經陸陸續續上檯刺身- 食落新鮮，唔會淋到一灘野咁。餐廳毫不吝嗇全部厚切，但係我覺得某啲刺身其實薄切會更好食。沙律 - 擺左陣啲生菜都唔會淋晒，沙律醬唔錯壽司 - 個人覺得壽司仲好食過刺身，厚度剛好，醋飯無論味道定溫度都控制得好！茶碗蒸 - 推介大家叫呢個，蛋滑材料足飲料 - 好水，尤其是巨峰個杯熟食 - 小食不錯，推薦雞翼夠香口總括黎講，每位$188連加一既放題黎講算係唔錯，當然相比其他放題冇咁多選擇啦。但叫左咁多樣野食試完覺得食物質素同環境服務都唔差，可以再戰。:)…查看更多

黎到觀塘區行街，又唔想係商場食咁悶，咁就漫步黎左東廣場。距離觀塘地鐵站大約幾分鐘既腳程，地點方便，食物選擇都唔少。黎到東廣場之後行左一圈，都幾多人係到食飯，好似想食既餐廳都坐滿晒人。咁就隨意選擇左靠出面既鋪頭，食日式野。係餐廳出面徘徊既時候，餐廳已經有人遞左張menu比我地睇揀咩食，又唔會話逼人即刻落單店員又趁排隊既時候問我地洗唔洗落單先，到有位既時候唔洗等野食等咁耐我地叫左兩個丼飯，我食既係滑蛋豬排丼。老老實實味道一般，豬排肉薄唔夠脆，滑蛋夠味不過不失。飲品用紙杯上，羮係即棄既，唔係好環保但我諗係因為省卻洗碗既時間？另外叫左個炸雞丼飯，太淋太少雞唔夠餸飯，就唔推薦了。總括黎講，店員好友善，食物ok la，下次黎觀塘會再去食的:)…查看更多

晚上9點左右去到一打開門見到間舖又暗又靜，以為已經關門，走到入去先有waiter招呼問幾位坐邊。價錢唔多講，但d野食真係唔係好掂。鰻魚飯-d飯真係好有嚼勁，好似咬左舊冇味既膠係個口到咁。滑蛋炸雞飯-雞係淋既，飯係好似bb糊仔咁黏&濕吉列豚肉-豚肉多肥膏，炸到d油可以由外到內再由內到外都真係一絕飯同上面一樣，豬排醬上碟時已經撈唔勻，味道一般。總括黎講，絕對唔推薦入去食。價錢又貴，物非所值，寧願去附近排隊好過…查看更多

偶日與男友經過，望見餐牌發現超抵食，$58有飯有麵&手卷。男友就叫左$58個set，揀左三文魚手卷、薑汁豚肉飯同豬骨湯拉麵。味道不過不失，不過真係抵食。三文魚海膽魚子飯居然只係$88，味道都唔錯，幾新鮮，仲好足料添！老闆娘好熱情好好人。以前都會收卡，不過而家正係收cash，就有少少唔方便。:(…查看更多

適逢星期一放假，同女朋友黎旺角搵間樓上cafe hea下。一上到去見到成場只有一檯人，我地兩人就霸晒半個場去到店員好有禮貌咁同我地講呢個鐘數tea/lunch set都有，tea set都好多選擇, 每個都只係$38女友推薦炸燒賣，感覺好有趣。我地兩個人叫左卡邦尼意粉、麻醬涼拌烏冬同個蜜糖芝士薯條，好味好特別特別係個薯條，夠咸我中意。環境黎講，唔似某d樓上cafe，呢度夠靜夠舒服，又可以去攞boardgame玩，有好多種類…查看更多

大約一個禮拜前訂座慶祝紀念日，訂左個sunset menu，又可睇日落又可望夜景。電話預定時同佢講加句happy anniversary，比個surprise女朋友。但當日有事要三番四次改時間，接待員仲好好禮貌。一入到去比個靚景震懾住，一片片落地玻璃顯得天空日落特別美麗，180°維港景色。叫左一個日式天婦羅，但係佢唔係普通嘅天婦羅食法，d天婦羅係要點d特製黑芝麻醬，估唔到真係好有驚喜，好好食。然後main course叫左個牛扒同牛面頰加鬼佬dumpling。個面頰入口即溶，好臊，建議唔中意臊味重唔好叫。不過我女友就好中意啦個牛扒都好食既，幾入味。我叫左medium well，不過我覺得可以rare d，肉質更軟。甜品方面呢，有我一早叫好既happy anniversary朱古力牌，原來都幾好食。成個甜品盤有幾款：冰橙sorbet，朱古力心太軟，法式焦糖布丁等等。仲有就係，waiter們服務好好。每次起身佢地都會細心地幫你即刻摺好餐巾，我女友感到非常不好意思呢！洗手間好整潔乾淨，用毛巾抹手，佢話沒有半點嘔心臭味的感覺…查看更多

第一次入元朗，好奇有咩美食。係openrice篩選之後，見咁多好評就揀咗呢一間。我地分別叫左碗豬骨焰同鮮焰（海鮮+豬骨湯底， 加$12碟雞軟骨小食。其他還好，只能說鮮焰湯底既豬骨加蝦米味格格不入。不過店員既細心值得一讚，貌似沙甸魚油酸酸腥腥咁，好彩佢事前提醒叫我試少少先決定落唔落。…查看更多