jennyphoebe的個人專頁

味道好香濃，啲cream好滑，出面仲有朱古力脆脆同朱古力醬，朱古力愛好者叫呢個一定冇死，個餅底雖然唔係脆，不過勝在浸得夠入味，一層層嘅口感味道好夾。咖啡就真係好難評論，好個人口味，我自己就比較鍾意果味重偏甜嘅，但呢到就係酸味偏重，唔係好岩我口味，下次可以試吓有奶，可能中和返，可以突出多啲。…查看更多

呢間野我食過好幾次，十級推薦，咁岩有朋友冇食過，所以又帶佢地去。咸牛肉waffle嘅配搭真係好少見，不過加埋個花生醬好古怪，又咸又甜，所以冇落到，就咁食個咸牛肉waffle係正常嘅野，都幾juicy。中意牛油果🥑嘅人絕對係首選，不過主要都係為左個牛窩夫，旁邊嘅沙律係用沙律醋，唔係醬，成件事即刻健康哂。每次去都必叫，外面好多時食嘅Triamisu都好難食，呢間出奇地好岩我口味，唔會死甜，個餅底唔只脆，仲有好香咖啡同酒味，冇得輸。☕️Latte Tiramisu☕️Mocha w/Homemade Chocolate Ice-Cream☕️Dirty Chocolate最有特色嘅3杯drinks都一次過試晒，滿足哂港女要打卡嘅精神，對我黎講個味道都唔錯，但如果要3選1，我會選擇Mocha with ice cream，難得咁有心自制雪糕喎。…查看更多

奇怪點解冇乜人叫，然後咁岩又好想食就叫咗，終於明白點解冇人叫，因為就係好普通嘅All Day Breakfast🍴，唔係難食，只係冇特別之處。Fusion菜真係唔係到到都成功，但呢到就好出色，個味好夾，加左泡菜令成個Carbonara冇咁膩，難怪咁多人都叫。Cappuccino (H), Mocha (H)如果天氣唔係熱到頂唔順，都真係建議咖啡要飲熱，因為咁樣先飲到咖啡香☕️，如果凍飲啲冰溶左就會變淡，所以熱一定係好飲好多。…查看更多

賣相好令，不過牛肉絲真係好少見，感覺好似怪怪地，食落口感好豐富，因為每一層都有唔同味道，出奇地好夾。French Toast出名就係人都知，所以唔叫點得嫁，除左有Hazelnut增加口感，仲有Expresso jam，超濃郁嘅咖啡香，成個配搭都好特別，真係必推👍🏽我個人都幾中意抹茶🍵，不過呢杯有少少失望，好奶，抹茶唔夠濃，但整體上都係正常野嘅。…查看更多

Honbo已經唔係第一次食，食過就知出色，食得出真係手打漢堡，高質。今次個包我叫左Honbo，加左芝士薯條，超完美配搭，另外有配左個好似墨西哥style嘅醬可以點，小小辣辣地，但真係好味，個包嘅醬都係用左同一個醬，估唔到係夾。第一次食我就叫左Cheese Burger，好香芝士味，如果再食，我諗都係會揀返呢個，只要有芝士係到，好似乜都特別好食。…查看更多

銀鱈魚不嬲都係我最愛，中意佢肉質好滑，入口即化嘅感覺，今次呢個可能係醬汁關係特別入味，而且唔會燒到啲油出哂嚟，仲有個蒸蛋真係好出色，但我唔記得影，應該叫定食就會包埋。呢個不得了喇，大份到嚇死人呀，一個人無可能食得完呀，上面有虾、魚、蕃薯、菇等等，莫講話女士，男士都一樣會飽死。飯後甜品就基本，但我好怕死甜嘅嘢，冇諗過呢個蕨餅真係唔錯，加埋黃豆粉味道剛剛好，我係一個抹茶控，如果可以有抹茶蕨餅就100分喇。…查看更多

如果唔食得辣，呢個湯都冇問題，我覺得真係唔辣，唔係重口味之選，第一次食到勁多餸嘅韓式湯，豬腩肉食極都唔完，豆腐超滑，好正。個湯係甜辣味，牛肉好淋，烏冬好爽好彈牙，天氣涼，食返啲湯麵岩岩好。對於唔食生蛋黃嘅我黎講，同呢個飯嘅配搭真係岩岩好，其實個飯嘅汁真係重口味，有少少咸，不過溝埋個蛋黃就中和返啲味，呢間餐廳都有個特別之處就係樣樣野食嘅餸都有好多，食極都唔完咁。…查看更多

🍰超濃嘅朱古力味蛋糕，不過就甜左少少，如果超愛食甜嘅人一定唔會say no。咖啡就唔洗講，出名香好飲☕️，想飲咖啡就會搵附近有冇Fuel，真心冇得輸，每次見到都會推薦身邊嘅朋友。…查看更多

尖沙咀食lunch有太多選擇，日日都諗到頭痛，突然想食烏冬就搵到呢間，menu好多野選擇，我都諗左好耐，最後就俾呢個吉列海老吸引左，唔係講笑，好大隻，賣相好吸引，食落勁脆而且個炸粉唔係厚身，同出面相比差好多，平時出面食親都勁厚炸粉搞唔掂，吉列野應該都好出色，下次要試下吉列豬。…查看更多

難得約左同住北角嘅buddy一齊食dinner，見到遇見花蓮好近又就腳，就即刻決定食佢雖然唔大份，不過當小食咁係岩岩好，每一啖都係滿滿嘅芋泥超正，而且又唔會好甜。我好鐘意食辣嘢，一見到呢個就決定叫佢，不過真係高估左個辣，對我嚟講辣左啲，不過值得推薦佢嘅排骨，超入味，雖然有汁係上面，但排骨仲保持到少少脆，有驚喜，成碗麵超大碗，我一個人真係食唔晒。朋友就揀咗花雕雞，佢話個雞超香好入味。最後當然要有甜品收尾，食咗我最愛嘅芋圓，味道岩岩好，唔會太甜。聽講呢間係出名食臭臭鍋，望到好多人叫，睇落的確係幾吸引，不過我呢啲傳統嘅人就係覺得台灣嘢係要食古早味食返啲地道嘢以上評論純粹個人意見…查看更多