laiwingsze7151的個人專頁

以為寫住米之蓮三星，就試下個楊枝甘露，點知中伏了，完全貨不對辦！請大家三思才好買！味道又甜，飲品又稀，毫無芒果味，材料少得可憐！見圖與實物對比就知道，途人見到都覺得離譜，立即撤退唔買！…查看更多

即興出去上環食個lunch, 一行4人, 想搵意粉食, 結果去左呢間試下!我地1點25分叫嘢食, 等到差不多2點都未有嘢食, 第一次追單時話整緊, 第二次追單話就得, 第三次就搵唔到人再追單了, 因為驚到匿埋喺水吧, 低頭不敢望出嚟, 亦唔敢再出嚟樓面, 直至有新客入嚟先被迫出嚟, 截佢追單就扮睇唔到!咁樣服務令人一肚氣, 結果有嘢食嚟都無心情影相, 拿拿聲食完就趕返工! 準備光顧的人要有心理準備接受咁樣的服務質素!…查看更多

之前曾經都去過呢間食lunch,今次見有團購78折買100蚊coupon,就唸住再去食下啦, 點知就中哂伏喇! 首先團購是不能用於午餐的,亦不能用於作加一服務費付款的, 呢兩點我地食之前已經明白! 當天訂座是1:15pm, 我地最早去到等安排入座,但當時未夠1:15pm, 到接近訂座時間時,門口已出現一條好長的人龍,全部都是已訂座的客人,等待安排入座的,到餐廳客人陸續離開時,亦開始叫人入座,眼見一個一個party入左去,但我們雖然排第一,一直都未被安排座位,直至成條人龍都已入座,我們依然未有座位,詢問店員時,佢話我地要坐果張枱的客人仲未肯走,果張枱原來就係門口果張,我地一直企喺隔離,時間一分一分咁過,我地見唔對路,叫店員同客人講交枱,佢竟然話叫左,但我地一直企喺度無見過佢叫過囉.....實在太大話了!後來,我地接近1:35pm先有坐位, 差不多2點正先有食物, 狼吞虎嚥咁食嘢, 未食完已急急埋單, 我地一行3人, 總共食左 $316, 扣埋coupon, 店員要我地補返 $81, 當時未有留意就比左錢, 後來離開後再計下, 覺得唔對路, 於是折返理論, 店員根本是重覆計算加一服務費, 其實總數 $316, 加一服務費應是 $31.6, 另外扣左coupon後的差額是 $16, 咁正常應是將 $31.6 + $16 = $47.6 才是應付的費用, 但店員在單上除了計到$47.6 外, 還額外加上coupon 300元的加一服務費, 即$30, 呢個實在是雙重計算, 可惜店員一直都扮聽唔明, 堅持唔肯退回那三十多元的費用, 經過差不多30分鐘的理論,才好不情願地掏出30元來,還說到是自己掏腰包拿出來的! 明明是他們計錯數,害我地浪費左咁多時間去同佢解釋佢錯乜,仲要唔肯認錯! 當天的用餐經驗實在好唔開心, 浪費金錢之餘,更浪費好多時間, 等待入座,等待食物到來, 再等待店員退款, 以後都唔會再去呢間餐廳, 希望大家都不要中伏!…查看更多

於1月尾時已訂好情人節當晚2位, 店員於情人節前一星期來電確認,但當時我聽唔到電話,只聽返留言,我回電回覆時,店舖竟然無人接聽,我打了几次都無人接電話,於是持續每日都打,因為驚佢真係唔留個位比我,點知打到13/2,終於搵到人聽....電話中似乎找不到我的訂位,實在有驚無險,好彩最後都成功訂位,但當時店員才說只有1.5小時用餐,其實唸住當日咁多人,都算,不過訂位時又唔講就衰D囉!到左情人節當日,一入到餐廳,即刻覺得似食緊三哥米線的坐位咁,同隔離枱的距離只有1cm, 真係好迫, 同搭枱係無分別,咁都算,我老公話食完就快D走,唔緊要啦..... 入坐前, 店員吩咐要每人最低消費$200, 咁都唔緊要啦....情人節嘛.....於是我地懶得唸就叫左個$588 的情人節套餐!等左成半個鐘, 先嚟第一碟頭盤, 份量少到離奇, 一pat白色細過手掌心的圓圈, 食落根本就係cream嚟, 比堆cream人食當頭盤, 真係難委佢做得出, 仲要唔係一人一碟, 係兩個人食一碟!! 心唸情人節係咁掠水喇, 算啦, 最多唔飽就再食甜品~ 但我由入座開始計, 等左足足一個鐘, 淨係食左頭盤, 餐湯都係等左一個鐘後,3催4請先嚟.....唔通D湯新鮮到即刻煲? 真係等到火都嚟!!! 等待途中, 多次追問食物几時到, 店員次次都敷衍回應"就到...就到.....", 完全無問過我地仲欠咩嘢食未到, 結果隔離翻左2次枱,我地都仲係等緊個主菜,不斷追左店員個几鐘嘢食,佢終於察覺到唔對路, 終於肯幫我地睇下有咩食物未到, 跟住淨係埋嚟我地張枱,以極速9秒9講聲"唔好意思"就轉身走,一轉身走就黑面......實在似係我地有錯一樣,好似佢有萬般委屈咁, 今年情人節的晚餐, 就咁比呢間不倫不類的餐廳搞垮了!另外,食物質素真的非常一般, 性價比超低囉.....主菜明明寫著係牛肉,但原來嚟到只係肉碎,似免治牛肉囉! 呢餐足足食左2個鐘,正確嚟講係等左2個鐘,唔計等候時間,實質其實半個鐘都食得哂佢果個情人節套餐,我見枱枱都食到一肚氣, 大家如要到呢間餐廳光顧, 請三思!…查看更多

唸住同老公快快手食飽飽晚飯就返屋企睇波，見到有間日本餐廳未試過，就入去試下，我地果日點左一個吉列豬扒飯、一個牛肉鍋及几件壽司🍣一入店，男店員都好好招待，起初帶我地坐低2人枱，後來見我地點左個鍋，就拍埋另一張2人枱給我們，服務都几細心，而且笑容好好！不過，食物來的時候，就知道不能期望太高了首先賣相不是太好睇，似食緊快餐店嘅一人一鍋套餐咁，個吉列豬扒飯都算合格嘅，但壽司就超細舊，同埋個樣都唔係幾新鮮，價錢中等，可以話性價比低，因為標價都唔算平！所以我唸食一次就算，唔會想再去食！…查看更多

今日同舊同事相約食lunch，同事介紹左呢間印尼餐廳🍴，並大力推薦牛舌主菜，一試難忘，果然名不虛傳，牛舌整得又淋又多肉汁，食落感覺軟綿綿，真係口感豐富！另外餐飲嘅印尼茶亦非常特別，甜甜地兼有香濃茶味，但甜度又適中，同牛舌十分之夾！我同事叫唧巴東牛肉飯都好掂，外型已經好吸引，本來外面完全不見有牛肉，以為是送錯餐，原來牛肉蘊藏在這個疑似粽嘅物體入面，做法非常特別，牛肉一樣好淋，但呢個就無咩肉汁，比較乾，不過跟餐有一碗汁比你自己隨意淋上飯面，好細心嘅設計！這餐午飯令大家都好滿意！…查看更多