relazshi的個人專頁

排左半小時，覺得海南雞飯平平無奇，雞的份量算多，但肉質不夠滑，不夠肉味。可幸是香飯夠香，水份軟硬度剛剛好，但份量偏小。海蝦喇沙比海南雞飯出色，海蝦算大隻新鮮彈身，湯底濃，少少䶢但可接受。另外點了魚餅，要等20分鐘，初時以為是熱辣辣的泰式炸魚餅，點知賣相同想像有很大落差，薄薄的不温不熱的辣辣鹹鹹的，有白麵包夾來吃，沒有check清楚，可能這是星加坡的特色小吃，但實在吃不怪。跟一位男待應略略提過魚餅偏鹹，吃不怪，誰知他勁好心的取消這個order，要讚一讚這位帶眼鏡的男侍應，令我們不至於對這間新餐廳完全失望。…查看更多

無意中發現呢間裝修精緻的鮑魚主題cafe，可以坐得舒舒服服同friend傾計，決定一試。侍應服務態度超好，令我地兩個人唔太肚餓的情況下點了4款菜式～南非鮑魚沙律 - 待應推介鮑魚無防腐劑無添加劑，咬落去果然好鮮味，有嚼勁，另一驚喜係蘆筍、甘荀仔好好食，好鮮甜！鮑魚龍蝦千層 - 賣相好精緻，以為係甜品，原來似三文治的鹹點，要一口咬同時食到鮑魚粒同龍蝦肉，就食到鮮味。個人鍾意再多少少sauce。鮑魚collagen - 聽到待應介紹覺得好特別，究竟abalone collagen 係咩味道？因為collagen 混合左龍蝦湯，好似食緊龍蝦湯jello，好濃郁，龍蝦鉗啖啖肉，鮑魚又係好鮮味。燕窩Raspberry sorbet - 個賣相又係好靚，sorbet上面有一大匙燕窩，感覺成餐飯都好養顏。塊松子仁餅都唔好錯過，好好食。待應見我地咁中意食，送多幾塊餅比我地試，原來塊餅係無用牛油，純橄欖油造，唔怪得口感同一般曲奇唔同，少左份油膩感。估唔到配角都咁有驚喜😆另外，見cafe有bartendar，試左一杯passionfruit mocktail，配左好多生果，飲到果蓉，酸甜適中，好飲！下次要再來試個星廚秘製的天使麵，今次真係太飽試唔到，好滿足😋…查看更多

本身只愛喝black coffee,係灣仔返工唔係飲cupping room就係幫襯佢。今次想講講盛惠$58的Wasabi Egg Sandwiches，絕對有驚喜，Wasabi味剛好，淡淡的，整古唔到怕wasabi的朋友，可能令佢地改觀添😅 蛋中間有好少好少的流心，帶淡淡的wasabi味，配搭驚喜又OK.以為3件size太少太貴，最後我係食剩1件，反而覺得同人share會夾D,因為食到第3件你會覺得有點悶膩。…查看更多

第一次幫襯，簡單講，價錢唔平，但買到香港難得有的服務態度，感覺似真材實料的湯底（至少沒有海底撈的假味），係值得幫襯同翻兜👍🏻先講湯底，試左4款 - 麻辣（中）、膠原蛋白、椰青水、醉雞。麻辣夠香夠辣不算油膩，膠原蛋白湯堅有起膠質感，當湯飲係無口渴感，淥菜淥牛都入味，好難得！椰青水好清甜，同牛好夾，但食得多有種偏甜帶膩的感覺。醉雞湯個人覺得比較啱配海鮮（可惜我沒有點海鮮），係4款湯底之中醉雞湯係有點普通，沒有驚喜。食材方面，2個人食沒有點太多，食材中規中矩，最難忘係准山吸收晒骨膠原湯的味道，好味又自我感覺好養生。至於人氣食品 咸蛋魚皮，咁邪惡的東西，好難唔好食，只怪咸蛋汁太過流質，如果魚皮上有點咸蛋蓉的話，越邪惡越滋味。因為可以點半份的關係，感覺蔬菜比其他火鍋地方優惠，1份菜不用$30。至少海鮮及肉類，2人吃會感覺有點貴，4格鍋都要$200，係貴，但勝在食材算新鮮，服務態度一流。讚一讚服務，待應好有禮貌解釋落單方法，會幫你分魚滑、剝蝦（見隔離枱）、不停添飲等等。至於環境，只可以講IG相係靚過實境，D枱頂腳唔好坐。題外話，等位時看到香港食客不禮貌地對待招待員，沒有訂位卻要向招待員投訴自己已等了45分鐘，話趕時間，又話依家訂位係咪即刻有位坐。小姐，你唔一早訂位，仲要比臉色人，又話趕時間唔食啦，但又坐係度唔走，難得個招待員仲可以好聲好氣同你講唔好意思。唉...…查看更多

第二次光顧，主要因為地方企理，食材新鮮，四川麻辣湯底夠辣。上次一班朋友吃，今次二人吃，用openrice訂座7折，都要每位$500，少人share，就會覺得貴。要留意的是醬料只得一碟，另加收費，本身茶芥費已不少，這有點兒覺得店主吝嗇。點了2人海鮮盤，鮑魚、貝類、帶子都很新鮮，值得一讚。醉蝦不入味，一般。每次海鮮配搭不同，介意的要落單前問清楚。牛肉OK, 忘記哪一款了，但當晚只售剩一款（9pm)。喜歡餐肉的人必會大愛可即食的炸厚切餐肉。有一個小問題，可能每桌沒有抽氣系統，2次去，火鍋的煙都像無定向風吹向人面，吃得有點不自在。待應態度很OK👍🏻…查看更多

看到網上推介這間手造雪糕+咖啡店，所以特地一試。今次先試Sage & Honey (蜂蜜鼠尾草）雪糕，味道難以形容，感覺天然而不似坊間一些香精味重的雪糕。總體感覺這個配搭很清新，不會有吃膩的感覺，只是覺得鼠尾草的味道有點蓋過了蜂蜜味，個人很喜歡但相信這不是人人能接受的味道。店主說雪糕口味會定期更新，值得再來一試其他口味。至於環境，想不到店舖位置在一條飲食街的窄巷裡，店內環境尚算乾淨，亦有提供少量座位 。可惜附近環境不佳，不能讓客人寫意的享受店主用心之作。…查看更多

湯底 - 胡椒味濃，少辣適中，有種暖胃的感覺。飲完又不覺口渴，抵讚👍🏻不過湯底有少少膻味，未知是否來自肥牛還是湯料本身。麵底 - 選了幼麵，粗幼度似米線，口感有點似拉麵，口感不錯，很容易有飽肚感。份量 - 幼麵多到似有2碗份量，多到食唔晒，建議胃口小的朋友選擇少麵避免浪費。肥牛、豆腐、金菇都落足料，唔會有麵多餸少的感覺。配料 - 肥牛不過不失，建議點蜂巢豆腐吸收湯的味道👍🏻服務/環境 - 鋪頭細，不要奢求坐得舒適，不過每枱提供盒裝紙，食辣食到流汗都唔怕，抵讚👍🏻 …查看更多